ਚਾਈਲਡ ਸੇਫਟੀ ‘ਤੇ ਦਿੱਲੀ ਪੁਲਿਸ ਦਾ ਫੋਕਸ, TIP ਲਾਈਨ ਨਾਲ ਵਧੇਗੀ ਤੁਰੰਤ ਕਾਰਵਾਈ

20 July 2026 ਅੱਪਡੇਟ ਕੀਤਾ ਗਿਆ

ਨਵੀਂ ਦਿੱਲੀ ਨਿਊਜ਼ : ਇੰਟਰਨੈੱਟ ਅਤੇ ਸੋਸ਼ਲ ਮੀਡੀਆ ਦੇ ਵਧਦੇ ਇਸਤੇਮਾਲ ਵਿਚਕਾਰ ਬੱਚਿਆਂ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਲਈ ਦਿੱਲੀ ਪੁਲਿਸ ਨੇ ਇੱਕ ਵਿਸ਼ੇਸ਼ TIP ਲਾਈਨ ਮੁਹਿੰਮ ਸ਼ੁਰੂ ਕੀਤੀ ਹੈ। ਇਸ ਪਹਿਲ ਦਾ ਮਕਸਦ ਬੱਚਿਆਂ ਨਾਲ ਜੁੜੇ ਜਿਨਸੀ ਸ਼ੋਸ਼ਣ, ਗੈਰਕਾਨੂੰਨੀ ਸਮੱਗਰੀ ਅਤੇ ਆਨਲਾਈਨ ਅਪਰਾਧਾਂ ’ਤੇ ਸਖ਼ਤ ਨਿਗਰਾਨੀ ਰੱਖਣਾ ਹੈ।

ਦਿੱਲੀ ਪੁਲਿਸ ਨੇ ਸਪੱਸ਼ਟ ਕੀਤਾ ਹੈ ਕਿ ਬੱਚਿਆਂ ਦੀ ਸੁਰੱਖਿਆ ਨਾਲ ਖਿਲਵਾੜ ਕਰਨ ਵਾਲਿਆਂ ਖ਼ਿਲਾਫ਼ ਸਖ਼ਤ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ। ਸ਼ਿਕਾਇਤ ਮਿਲਣ ’ਤੇ ਸਾਈਬਰ ਸੈੱਲ ਤੁਰੰਤ ਜਾਂਚ ਸ਼ੁਰੂ ਕਰੇਗਾ ਅਤੇ ਦੋਸ਼ੀਆਂ ਖ਼ਿਲਾਫ਼ ਐਫਆਈਆਰ ਦਰਜ ਕੀਤੀ ਜਾ ਸਕਦੀ ਹੈ।

ਇਸ ਮੁਹਿੰਮ ਤਹਿਤ ਬੱਚਿਆਂ ਨਾਲ ਸਬੰਧਤ ਅਸ਼ਲੀਲ ਸਮੱਗਰੀ ਬਣਾਉਣ, ਸਾਂਝੀ ਕਰਨ ਜਾਂ ਸੰਭਾਲ ਕੇ ਰੱਖਣ ਵਰਗੀਆਂ ਗਤੀਵਿਧੀਆਂ ’ਤੇ ਕਾਰਵਾਈ ਕੀਤੀ ਜਾਵੇਗੀ। ਪੁਲਿਸ ਤਕਨੀਕੀ ਕੰਪਨੀਆਂ ਅਤੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਨਾਲ ਮਿਲ ਕੇ ਸ਼ੱਕੀ ਗਤੀਵਿਧੀਆਂ ਦੀ ਪਛਾਣ ਕਰੇਗੀ।

GTB ਹਸਪਤਾਲ ‘ਚ ਦਰਦਨਾਕ ਹਾਦਸਾ! ਮਰੀਜ਼ ‘ਤੇ ਡਿੱਗਿਆ ਛੱਤ ਦਾ ਪੱਖਾ, ਮੌਤ ਮਗਰੋਂ ਸੁਰੱਖਿਆ ਪ੍ਰਬੰਧਾਂ ‘ਤੇ ਉੱਠੇ ਸਵਾਲ

ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਜੇਕਰ ਉਨ੍ਹਾਂ ਨੂੰ ਇੰਟਰਨੈੱਟ ’ਤੇ ਬੱਚਿਆਂ ਨਾਲ ਸਬੰਧਤ ਕੋਈ ਗੈਰਕਾਨੂੰਨੀ ਜਾਂ ਇਤਰਾਜ਼ਯੋਗ ਸਮੱਗਰੀ ਮਿਲਦੀ ਹੈ ਤਾਂ ਉਸਨੂੰ ਅੱਗੇ ਨਾ ਭੇਜਣ, ਸਗੋਂ ਤੁਰੰਤ ਰਿਪੋਰਟ ਕਰਨ। ਇੱਕ ਜਾਗਰੂਕ ਨਾਗਰਿਕ ਦੀ ਸਾਵਧਾਨੀ ਕਿਸੇ ਮਾਸੂਮ ਦੀ ਜ਼ਿੰਦਗੀ ਬਚਾ ਸਕਦੀ ਹੈ।

ਰਾਜਭੋਗ ਆਈਸ ਕਰੀਮ ਰੈਸਪੀ: ਸਿਰਫ਼ ਦੁੱਧ ਅਤੇ 4 ਸਮੱਗਰੀਆਂ ਨਾਲ ਬਣਾਓ ਸ਼ਾਹੀ ਸੁਆਦ ਵਾਲੀ ਘਰੇਲੂ ਆਈਸ ਕਰੀਮ