RRB ਗਰੁੱਪ D ਕੱਟ-ਆਫ 2026 ਜਾਰੀ: ਜ਼ੋਨ ਅਤੇ ਸ਼੍ਰੇਣੀ ਅਨੁਸਾਰ ਅੰਕਾਂ ਦੀ ਕਰੋ ਜਾਂਚ

3 months ਪਹਿਲਾ

ਰੇਲਵੇ ਵਿੱਚ ਨੌਕਰੀ ਦੀ ਉਡੀਕ ਕਰ ਰਹੇ ਉਮੀਦਵਾਰਾਂ ਲਈ ਵੱਡੀ ਖੁਸ਼ਖਬਰੀ ਹੈ। Railway Recruitment Board (RRB) ਨੇ ਗਰੁੱਪ D (CEN 08/2024) ਭਰਤੀ ਪ੍ਰੀਖਿਆ 2026 ਦੇ ਨਤੀਜੇ ਅਤੇ ਜ਼ੋਨ-ਵਾਰ ਕੱਟ-ਆਫ ਅੰਕ ਜਾਰੀ ਕਰ ਦਿੱਤੇ ਹਨ। ਉਮੀਦਵਾਰ ਹੁਣ ਆਪਣੇ ਖੇਤਰੀ RRB ਦੀ ਅਧਿਕਾਰਤ ਵੈੱਬਸਾਈਟ ‘ਤੇ ਜਾ ਕੇ ਨਤੀਜੇ ਅਤੇ ਕੱਟ-ਆਫ PDF ਡਾਊਨਲੋਡ ਕਰ ਸਕਦੇ ਹਨ।

32,438 ਅਸਾਮੀਆਂ ਲਈ ਹੋਈ ਸੀ ਭਰਤੀ

ਇਹ ਭਰਤੀ ਪ੍ਰਕਿਰਿਆ ਕੁੱਲ 32,438 ਗਰੁੱਪ D ਲੈਵਲ-1 ਅਸਾਮੀਆਂ ਨੂੰ ਭਰਨ ਲਈ ਕਰਵਾਈ ਗਈ ਸੀ। ਕੰਪਿਊਟਰ ਅਧਾਰਿਤ ਪ੍ਰੀਖਿਆ (CBT) 17 ਨਵੰਬਰ 2025 ਤੋਂ 10 ਫਰਵਰੀ 2026 ਤੱਕ ਆਯੋਜਿਤ ਕੀਤੀ ਗਈ ਸੀ। ਲੰਬੇ ਇੰਤਜ਼ਾਰ ਤੋਂ ਬਾਅਦ ਹੁਣ ਨਤੀਜਿਆਂ ਦੇ ਨਾਲ ਕੱਟ-ਆਫ ਵੀ ਜਾਰੀ ਕਰ ਦਿੱਤੀ ਗਈ ਹੈ।

ਓਂਕਾਰੇਸ਼ਵਰ ਮੰਦਰ ਦੀ ਨਵੀਂ ਪਹਿਲ: ਖੂਨਦਾਨ ਕਰੋ, VIP ਦਰਸ਼ਨ ਪਾਸ ਪਾਓ,ਖੂਨਦਾਨ ਨਾਲ ਮਿਲੇਗਾ VIP ਦਰਸ਼ਨ ਦਾ ਮੌਕਾ

ਜ਼ੋਨ-ਵਾਰ ਕੱਟ-ਆਫ ਅੰਕ

ਜਾਰੀ ਕੀਤੇ ਗਏ ਅੰਕਾਂ ਅਨੁਸਾਰ ਪ੍ਰਯਾਗਰਾਜ (UR – 78.12), ਚੇਨਈ (UR – 78.00) ਅਤੇ ਭੋਪਾਲ (UR – 77.73) ਜ਼ੋਨਾਂ ਦੀ ਕੱਟ-ਆਫ ਸਭ ਤੋਂ ਉੱਚੀ ਰਹੀ। ਅਹਿਮਦਾਬਾਦ, ਭੁਵਨੇਸ਼ਵਰ ਅਤੇ ਰਾਂਚੀ ਸਮੇਤ ਹੋਰ ਜ਼ੋਨਾਂ ਦੀ ਸ਼੍ਰੇਣੀ-ਵਾਰ ਕੱਟ-ਆਫ ਵੀ RRB ਵੱਲੋਂ ਜਾਰੀ ਕੀਤੀ ਗਈ ਹੈ।

ਕੱਟ-ਆਫ ਦੇ ਬਰਾਬਰ ਜਾਂ ਇਸ ਤੋਂ ਵੱਧ ਅੰਕ ਪ੍ਰਾਪਤ ਕਰਨ ਵਾਲੇ ਉਮੀਦਵਾਰਾਂ ਨੂੰ ਹੁਣ ਸਰੀਰਕ ਕੁਸ਼ਲਤਾ ਪ੍ਰੀਖਿਆ (PET) ਲਈ ਸ਼ਾਰਟਲਿਸਟ ਕੀਤਾ ਗਿਆ ਹੈ। PET ਦੀਆਂ ਤਰੀਕਾਂ ਅਤੇ ਅਗਲੀ ਪ੍ਰਕਿਰਿਆ ਬਾਰੇ ਜਾਣਕਾਰੀ ਜਲਦੀ ਹੀ RRB ਵੱਲੋਂ ਜਾਰੀ ਕੀਤੀ ਜਾਵੇਗੀ। ਉਮੀਦਵਾਰਾਂ ਨੂੰ ਸਲਾਹ ਦਿੱਤੀ ਜਾਂਦੀ ਹੈ ਕਿ ਉਹ ਅਧਿਕਾਰਤ ਵੈੱਬਸਾਈਟ ‘ਤੇ ਨਿਯਮਿਤ ਨਜ਼ਰ ਰੱਖਣ ਅਤੇ ਸਰੀਰਕ ਪ੍ਰੀਖਿਆ ਦੀ ਤਿਆਰੀ ਜਾਰੀ ਰੱਖਣ।

ਯੂਰਪ ਤੋਂ ਬਾਅਦ ਉੱਤਰੀ ਅਮਰੀਕਾ ਵਿੱਚ ਗਰਮੀ ਦਾ ਕਹਿਰ, ਕਰੋੜਾਂ ਲੋਕਾਂ ਲਈ ਹੀਟ ਅਲਰਟ ਜਾਰੀ