ਜੁਨੈਦ-ਸਾਈ ਦੀ ਲਵ ਸਟੋਰੀ ‘ਇੱਕ ਦਿਨ’ ‘ਤੇ ਆਮਿਰ ਖਾਨ ਦਾ ਖਾਸ ਖੁਲਾਸਾ

5 months ਪਹਿਲਾ

ਨਵੀਂ ਦਿੱਲੀ (ਦੈਨਿਕ ਸਵੇਰਾ): ਆਮਿਰ ਖਾਨ ਪ੍ਰੋਡਕਸ਼ਨਜ਼ ਦੀ ਆਉਣ ਵਾਲੀ ਫ਼ਿਲਮ ‘ਇੱਕ ਦਿਨ’ ਨੂੰ ਲੈ ਕੇ ਕਾਫ਼ੀ ਚਰਚਾ ਹੈ। ਇਹ ਇੱਕ ਪਿਆਰੀ ਅਤੇ ਦਿਲ ਨੂੰ ਛੂਹ ਜਾਣ ਵਾਲੀ ਲਵ ਸਟੋਰੀ ਹੈ, ਜਿਸਦਾ ਟ੍ਰੇਲਰ ਅਤੇ ਸੰਗੀਤ ਦਰਸ਼ਕਾਂ ਨੂੰ ਬਹੁਤ ਪਸੰਦ ਆ ਰਿਹਾ ਹੈ। ਫ਼ਿਲਮ ਵਿੱਚ ਜੁਨੈਦ ਖਾਨ ਇੱਕ ਸ਼ਰਮੀਲੇ ਲੜਕੇ ਦਾ ਕਿਰਦਾਰ ਨਿਭਾ ਰਹੇ ਹਨ, ਜਿਸਨੂੰ ਸਾਈ ਪੱਲਵੀ ਵਰਗੀ ਆਤਮਵਿਸ਼ਵਾਸੀ ਲੜਕੀ ਨਾਲ ਪਿਆਰ ਹੋ ਜਾਂਦਾ ਹੈ। ਪਰ ਆਮਿਰ ਖਾਨ ਦਾ ਮੰਨਣਾ ਹੈ ਕਿ ਇਹ ਫ਼ਿਲਮ ਉਨ੍ਹਾਂ ਦੇ ਆਪਣੇ ਵਿਅਕਤਿਤਵ ਦਾ ਇੱਕ ਹਿੱਸਾ ਵੀ ਦਰਸਾਉਂਦੀ ਹੈ।

ਜੁਨੈਦ ਦੇ ਕਿਰਦਾਰ ਨਾਲ ਆਪਣੀ ਮਿਲਤ ਨੂੰ ਜੋੜਦੇ ਹੋਏ ਆਮਿਰ ਖਾਨ ਨੇ ਕਿਹਾ, “ਇਹ ਕਹਾਣੀ ਇੱਕ ਐਸੇ ਲੜਕੇ ਦੀ ਹੈ ਜੋ ਬਹੁਤ ਸੰਕੋਚੀ ਹੈ, ਜਿਸਨੂੰ ਆਪਣੇ ਆਪ ‘ਤੇ ਭਰੋਸਾ ਨਹੀਂ। ਉਸਨੂੰ ਲੱਗਦਾ ਹੈ ਕਿ ਉਹ ਕਿਸੇ ਲੜਕੀ ਨਾਲ ਕਿਵੇਂ ਗੱਲ ਕਰੇ। ਜਦੋਂ ਮੈਂ 16, 17, 18 ਸਾਲ ਦਾ ਸੀ, ਮੈਂ ਵੀ ਬਿਲਕੁਲ ਐਸਾ ਹੀ ਸੀ। ਮੈਂ ਬਹੁਤ ਸ਼ਰਮੀਲਾ ਸੀ ਅਤੇ ਸੋਚਦਾ ਸੀ ਕਿ ਲੜਕੀਆਂ ਮੇਰੇ ਵੱਲ ਧਿਆਨ ਨਹੀਂ ਦਿੰਦੀਆਂ, ਇਸ ਲਈ ਮੈਨੂੰ ਲੱਗਦਾ ਸੀ ਕਿ ਮੈਨੂੰ ਜੀਵਨ ਵਿੱਚ ਕੋਈ ਨਹੀਂ ਮਿਲੇਗਾ। ਫ਼ਿਲਮ ਦਾ ਹੀਰੋ ਵੀ ਇਹੀ ਸੋਚਦਾ ਹੈ ਕਿ ਕੋਈ ਲੜਕੀ ਉਸਨੂੰ ਪਸੰਦ ਨਹੀਂ ਕਰੇਗੀ। ਇਸ ਲਈ ਜਦੋਂ ਮੈਂ ਇਹ ਕਹਾਣੀ ਸੁਣੀ, ਤਾਂ ਮੈਨੂੰ ਲੱਗਿਆ ਕਿ ਇਹ ਤਾਂ ਮੇਰੀ ਹੀ ਕਹਾਣੀ ਹੈ।”

ਇਹ ਵੀ ਪੜੋਂ:

ਅਪ੍ਰੈਲ ਵਿੱਚ UPI ਦਾ ਧਮਾਕਾ: 22 ਅਰਬ ਤੋਂ ਵੱਧ ਲੈਣ–ਦੇਣ

ਫ਼ਿਲਮ ‘ਇੱਕ ਦਿਨ’ ਦੇ ਨਾਲ ਆਮਿਰ ਖਾਨ ਅਤੇ ਫ਼ਿਲਮਮੇਕਰ ਮੰਸੂਰ ਖਾਨ ਦੀ ਮਸ਼ਹੂਰ ਜੋੜੀ ਇੱਕ ਵਾਰ ਫਿਰ ਇਕੱਠੇ ਆ ਰਹੀ ਹੈ। ਇਸ ਤੋਂ ਪਹਿਲਾਂ ਦੋਵੇਂ ‘ਕ਼ਿਆਮਤ ਸੇ ਕ਼ਿਆਮਤ ਤਕ’, ‘ਜੋ ਜੀਤਾ ਵਹੀ ਸਿਕੰਦਰ’, ‘ਅਕੇਲੇ ਹਮ ਅਕੇਲੇ ਤੁਮ’ ਅਤੇ ‘ਜਾਨੇ ਤੂ… ਯਾ ਜਾਨੇ ਨਾ’ ਵਰਗੀਆਂ ਯਾਦਗਾਰ ਫ਼ਿਲਮਾਂ ਦੇ ਚੁੱਕੇ ਹਨ। ਹੁਣ ਇਸ ਫ਼ਿਲਮ ਨਾਲ ਉਹ ਮੁੜ ਰੋਮਾਂਸ ਜ਼ਾਨਰ ਵਿੱਚ ਵਾਪਸੀ ਕਰ ਰਹੇ ਹਨ, ਜਿਸਨੂੰ ਲੈ ਕੇ ਫੈਨ ਕਾਫ਼ੀ ਉਤਸ਼ਾਹਿਤ ਹਨ।

ਇਹ ਵੀ ਦੇਖੋਂ:

ਸਵੇਰ ਚੜਦੇ ਹੀ ਮਸ਼ਹੂਰ ਢਾਬੇ ‘ਤੇ ਹੋਈ ਫਾਇਰਿੰਗ ਤੋਂ ਬਾਅਦ DSP Mohit Singla ਨੇ ਕੀਤਾ ਵੱਡਾ ਖੁਲਾਸਾ

ਆਮਿਰ ਖਾਨ ਪ੍ਰੋਡਕਸ਼ਨਜ਼ ਦੀ ਇਸ ਫ਼ਿਲਮ ਵਿੱਚ ਸਾਈ ਪੱਲਵੀ ਅਤੇ ਜੁਨੈਦ ਖਾਨ ਮੁੱਖ ਭੂਮਿਕਾਵਾਂ ਵਿੱਚ ਹਨ। ਫ਼ਿਲਮ ਦਾ ਨਿਰਦੇਸ਼ਨ ਸੁਨੀਲ ਪਾਂਡੇ ਨੇ ਕੀਤਾ ਹੈ ਅਤੇ ਇਸਨੂੰ ਆਮਿਰ ਖਾਨ, ਮੰਸੂਰ ਖਾਨ ਅਤੇ ਅਪਰਣਾ ਪੁਰੋਹਿਤ ਨੇ ਪ੍ਰੋਡਿਊਸ ਕੀਤਾ ਹੈ। ਇਹ ਫ਼ਿਲਮ ਅੱਜ 1 ਮਈ 2026 ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋ ਰਹੀ ਹੈ।

junaid-sai-love-story-ek-din-aamir-khan-revelation