‘Sundays on cycle’ ਕੀ! ਫਿਟ ਇੰਡੀਆ ਮੁਹਿੰਮ ਨੇ ਬਦਲ ਦਿੱਤਾ ਦੇਸ਼ ਦਾ ਫਿਟਨੈੱਸ ਮਾਹੌਲ ਜਾ ਨਹੀਂ ਜਾਣਨ ਲਈ ਪੜੋਂ ਪੂਰੀਂ ਖ਼ਬਰ

19 April 2026 ਅੱਪਡੇਟ ਕੀਤਾ ਗਿਆ

ਨਵੀਂ ਦਿੱਲੀ (ਦੈਨਿਕ ਸਵੇਰਾ): ‘Sundays on Cycle’ ਫਿਟ ਇੰਡੀਆ ਮੁਹਿੰਮ ਦਾ ਇੱਕ ਵੱਡਾ ਰਾਸ਼ਟਰੀ ਪ੍ਰੋਗਰਾਮ ਹੈ, ਜਿਸ ਵਿੱਚ ਹਰ ਐਤਵਾਰ ਦੇਸ਼ ਭਰ ਦੇ ਲੋਕ ਸਾਈਕਲਿੰਗ ਅਤੇ ਹੋਰ ਫਿਟਨੈੱਸ ਗਤੀਵਿਧੀਆਂ ਵਿੱਚ ਇਕੱਠੇ ਹਿੱਸਾ ਲੈਂਦੇ ਹਨ। ਇਸ ਮੁਹਿੰਮ ਦੀ ਸ਼ੁਰੂਆਤ ਭਾਰਤ ਸਰਕਾਰ ਦੇ ਯੂਥ ਅਫੇਅਰਜ਼ ਅਤੇ ਖੇਡ ਮੰਤਰਾਲੇ (Ministry of Youth Affairs and Sports – MYAS) ਨੇ ਕੀਤੀ ਸੀ।

ਇਸਨੂੰ ਦਸੰਬਰ 2024 ਵਿੱਚ ਕੇਂਦਰੀ ਖੇਡ ਮੰਤਰੀ ਮਨਸੁਖ ਮਾਂਡਵੀਆ ਨੇ ਲਾਂਚ ਕੀਤਾ ਸੀ।

ਮਨਸੁਖ ਮਾਂਡਵੀਆ ਭਾਰਤ ਦੀ ਭਾਜਪਾ (BJP – Bharatiya Janata Party) ਨਾਲ ਜੁੜੇ ਹੋਏ ਹਨ।

ਫਿਟ ਇੰਡੀਆ ਐਂਬੈਸਡਰ ਅਤੇ ਅਦਾਕਾਰਾ ਰਾਗਿਨੀ ਦਿਵੇਦੀ ਅਤੇ ਅੰਤਰਰਾਸ਼ਟਰੀ ਜੂਡੋ ਖਿਡਾਰਨ ਪ੍ਰੀਆ ਸ਼ਰਮਾ ਨੇ ‘ਫਿਟ ਇੰਡੀਆ ਸੰਡੇਜ਼ ਆਨ ਸਾਈਕਲ’ ਮੁਹਿੰਮ ਦੀ ਖੂਬ ਪ੍ਰਸ਼ੰਸਾ ਕੀਤੀ। ਦੋਵਾਂ ਨੇ ਕਿਹਾ ਕਿ ਇਹ ਮੁਹਿੰਮ ਸਮਾਜਕ ਫਿਟਨੈੱਸ, ਮਾਨਸਿਕ ਤੰਦਰੁਸਤੀ ਅਤੇ ਮਹਿਲਾ ਸਸ਼ਕਤੀਕਰਨ ਨੂੰ ਮਜ਼ਬੂਤ ਕਰ ਰਹੀ ਹੈ।

ਰਾਗਿਨੀ ਦਿਵੇਦੀ ਦੱਖਣੀ ਭਾਰਤ ਦੀ ਇੱਕ ਪ੍ਰਸਿੱਧ ਅਦਾਕਾਰਾ ਹੈ, ਜੋ ਮੁੱਖ ਤੌਰ ‘ਤੇ ਕਨੜ ਫਿਲਮ ਇੰਡਸਟਰੀ ਵਿੱਚ ਕੰਮ ਕਰਦੀ ਹੈ। ਉਹ ਫਿਟਨੈੱਸ ਲਈ ਜਾਣੀ ਜਾਂਦੀ ਹੈ ਅਤੇ ਇਸੇ ਕਾਰਨ ਉਹਨੂੰ ਫਿਟ ਇੰਡੀਆ ਮੁਹਿੰਮ ਦਾ ਐਂਬੈਸਡਰ ਬਣਾਇਆ ਗਿਆ।

ਪ੍ਰੀਆ ਸ਼ਰਮਾ ਭਾਰਤ ਦੀ ਇੱਕ ਅੰਤਰਰਾਸ਼ਟਰੀ ਜੂਡੋ ਖਿਡਾਰਨ ਹੈ, ਜੋ ਆਪਣੇ ਖੇਡ ਪ੍ਰਦਰਸ਼ਨ ਅਤੇ ਮਜ਼ਬੂਤ ਸ਼ਖਸੀਅਤ ਲਈ ਜਾਣੀ ਜਾਂਦੀ ਹੈ। ਉਹ ਕਈ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਜੂਡੋ ਮੁਕਾਬਲਿਆਂ ਵਿੱਚ ਭਾਰਤ ਦੀ ਨੁਮਾਇੰਦਗੀ ਕਰ ਚੁੱਕੀ ਹੈ। ਪ੍ਰੀਆ ਦੀ ਖਾਸ ਗੱਲ ਇਹ ਹੈ ਕਿ ਉਹ ਖੇਡਾਂ ਦੇ ਨਾਲ‑ਨਾਲ ਮਹਿਲਾ ਸਸ਼ਕਤੀਕਰਨ ਦੀ ਵਕਾਲਤ ਵੀ ਕਰਦੀ ਹੈ।

ਪ੍ਰੀਆ ਸ਼ਰਮਾ ਨੂੰ ਵੱਡੀ ਪਛਾਣ ਰਿਆਲਟੀ ਸ਼ੋਅ ‘ਰੋਡੀਜ਼’ ਤੋਂ ਵੀ ਮਿਲੀ।

ਰਾਗਿਨੀ ਦਿਵੇਦੀ ਨੇ ਕਿਹਾ ਕਿ ਇਸ ਮੁਹਿੰਮ ਨਾਲ ਜੁੜਨ ਤੋਂ ਬਾਅਦ ਉਹਨਾਂ ਨੇ ਦੇਸ਼ ਭਰ ਵਿੱਚ ਇਸਦੀ ਵੱਡੀ ਵਾਧੂ ਪਹੁੰਚ ਦੇਖੀ ਹੈ। ਉਹਨਾਂ ਨੇ ਕਿਹਾ ਕਿ ਖੇਡਾਂ ਨਾਲ ਸਮਾਜ ਬਣਦਾ ਹੈ ਅਤੇ ਲੋਕਾਂ ਦਾ ਇਕੱਠੇ ਫਿਟਨੈੱਸ ਗਤੀਵਿਧੀਆਂ ਵਿੱਚ ਸ਼ਾਮਲ ਹੋਣਾ ਬਹੁਤ ਜ਼ਰੂਰੀ ਹੈ। ਉਹਨਾਂ ਦੇ ਮੁਤਾਬਕ, ‘ਸੰਡੇਜ਼ ਆਨ ਸਾਈਕਲ’ ਹੁਣ ਹਰ ਐਤਵਾਰ 120 ਤੋਂ ਵੱਧ ਸ਼ਹਿਰਾਂ ਵਿੱਚ ਇਕੱਠੇ ਮਨਾਇਆ ਜਾਂਦਾ ਹੈ। ਉਹਨਾਂ ਨੇ ਦੱਸਿਆ ਕਿ ਅਟਾਰੀ-ਵਾਘਾ ਬਾਰਡਰ ਤੋਂ ਸ਼ੁਰੂ ਹੋਈ ਉਹਨਾਂ ਦੀ ਇਹ ਯਾਤਰਾ ਅੱਜ ਦਿੱਲੀ ਵਿੱਚ ਨਾਰੀ ਸ਼ਕਤੀ ਦੀ ਨੁਮਾਇੰਦਗੀ ਤੱਕ ਦਸ ਗੁਣਾ ਵਧ ਚੁੱਕੀ ਹੈ।

ਰਾਗਿਨੀ ਨੇ ਕਿਹਾ ਕਿ ਇਹ ਮੁਹਿੰਮ ਸਿਰਫ਼ ਸਾਈਕਲਿੰਗ ਤੱਕ ਸੀਮਿਤ ਨਹੀਂ, ਸਗੋਂ ਫਿਟ ਇੰਡੀਆ ਦਾ ਮਤਲਬ ਹੈ ਸਰੀਰਕ ਤੰਦਰੁਸਤੀ, ਮਾਨਸਿਕ ਸਿਹਤ ਅਤੇ ਯੁਵਾ ਪੀੜ੍ਹੀ ਨੂੰ ਇਹ ਸਮਝਾਉਣਾ ਕਿ ਖੇਡਾਂ ਰਾਹੀਂ ਉਹ ਆਪਣੇ ਆਪ ਨੂੰ ਤੰਦਰੁਸਤ ਰੱਖ ਸਕਦੇ ਹਨ। ਉਹਨਾਂ ਨੇ ਕਿਹਾ ਕਿ ਜਦੋਂ ਇਸ ਤਰ੍ਹਾਂ ਦੀਆਂ ਮੁਹਿੰਮਾਂ ਵਧਦੀਆਂ ਹਨ, ਤਾਂ ਇਹ ਦੇਸ਼ ਵਿੱਚ ਫਿਟਨੈੱਸ ਅੰਦੋਲਨ ਦੀ ਸਹੀ ਦਿਸ਼ਾ ਵੱਲ ਤਰੱਕੀ ਦਿਖਾਉਂਦੀਆਂ ਹਨ।

IPL ਦੇ CSK ਟੌਪ ਸਕੋਰਰ ਕਲਾਸਨ ਦਾ SRH ਦੀ ਜਿੱਤ ਨੂੰ ਕਰਾਰਾ ਜਵਾਬ

ਦੂਜੇ ਪਾਸੇ, ਪ੍ਰੀਆ ਸ਼ਰਮਾ ਨੇ ਪਹਿਲੀ ਵਾਰ ਇਸ ਇਵੈਂਟ ਵਿੱਚ ਸ਼ਾਮਲ ਹੋਣ ਦਾ ਤਜਰਬਾ ਸਾਂਝਾ ਕੀਤਾ। ਉਹਨਾਂ ਨੇ ਕਿਹਾ ਕਿ ਉਹਨਾਂ ਨੂੰ ਬਹੁਤ ਖੁਸ਼ੀ ਹੋਈ ਕਿ ਘਰਾਂ ਵਿੱਚ ਰਹਿਣ ਵਾਲੀਆਂ ਕਈ ਮਹਿਲਾਵਾਂ, ਜਿਨ੍ਹਾਂ ਨੂੰ ਜਿਮ ਜਾਂ ਵਰਕਆਉਟ ਦਾ ਮੌਕਾ ਨਹੀਂ ਮਿਲਦਾ, ਉਹ ਵੀ ਇਸ ਮੁਹਿੰਮ ਦਾ ਹਿੱਸਾ ਬਣੀਆਂ। ਕਈ ਮਹਿਲਾਵਾਂ ਆਪਣੇ ਬੱਚਿਆਂ, ਮਾਪਿਆਂ ਅਤੇ ਪਤੀਆਂ ਨਾਲ ਮਿਲ ਕੇ ਸ਼ਾਮਲ ਹੋਈਆਂ।

ਪ੍ਰੀਆ ਨੇ ਆਪਣੇ ‘ਰੋਡੀਜ਼’ ਸ਼ੋਅ ਦੇ ਤਜਰਬੇ ਬਾਰੇ ਵੀ ਗੱਲ ਕੀਤੀ। ਉਹਨਾਂ ਨੇ ਕਿਹਾ ਕਿ ਲੋਕਾਂ ਨੂੰ ਲੱਗਦਾ ਹੈ ਕਿ ਰੋਡੀਜ਼ ਵਿੱਚ ਸ਼ੋਹਰਤ ਲਈ ਜਾਇਆ ਜਾਂਦਾ ਹੈ, ਪਰ ਉਹ ਪਹਿਲਾਂ ਹੀ ਸੋਸ਼ਲ ਮੀਡੀਆ ‘ਤੇ ਕਾਫ਼ੀ ਪ੍ਰਸਿੱਧ ਸਨ। ਉਹ ਸ਼ੋਅ ਵਿੱਚ ਇਸ ਲਈ ਗਈਆਂ ਤਾਂ ਜੋ ਆਪਣੇ ਆਪ ਨੂੰ ਚੈਲੈਂਜ ਕਰ ਸਕਣ ਅਤੇ ਹੋਰ ਮਹਿਲਾਵਾਂ ਨੂੰ ਪ੍ਰੇਰਿਤ ਕਰ ਸਕਣ। ਉਹਨਾਂ ਨੇ ਕਿਹਾ ਕਿ ਮਹਿਲਾਵਾਂ ਅਕਸਰ ਆਪਣੇ ਮਨ ਵਿੱਚ ਹੀ ਆਪਣੇ ਆਪ ਨੂੰ ਕਮਜ਼ੋਰ ਸਮਝ ਲੈਂਦੀਆਂ ਹਨ, ਜਦਕਿ ਉਹ ਹਰ ਚੀਜ਼ ਕਰਨ ਦੀ ਸਮਰੱਥਾ ਰੱਖਦੀਆਂ ਹਨ।

ਮਹਿਲਾ ਰਿਜ਼ਰਵੇਸ਼ਨ ਬਿੱਲ ‘ਤੇ ਸਿਆਸੀ ਟਕਰਾਅ ,ਬਿਹਾਰ ਦੇ ਮੁੱਖ ਮੰਤਰੀ ਨੇ ਵਿਰੋਧ ‘ਤੇ ਸਾਧੇ ਨਿਸ਼ਾਨੇ

ਇਸ ਇਵੈਂਟ ਵਿੱਚ ਅਦਾਕਾਰ ਅਤੇ ਫਿਟਨੈੱਸ ਆਇਕਨ ਮਿਲਿੰਦ ਸੋਮਨ ਨੇ ਵੀ ਹਿੱਸਾ ਲਿਆ। ਦਿੱਲੀ ਦੇ ਮੇਜਰ ਧਿਆਨ ਚੰਦ ਨੇਸ਼ਨਲ ਸਟੇਡੀਅਮ ਵਿੱਚ ਹੋਏ ਇਸ ਪ੍ਰੋਗਰਾਮ ਵਿੱਚ ਵੱਡੀ ਗਿਣਤੀ ਵਿੱਚ ਮਹਿਲਾਵਾਂ ਨੇ ਸਾਈਕਲਿੰਗ ਅਤੇ ਫਿਟਨੈੱਸ ਗਤੀਵਿਧੀਆਂ ਵਿੱਚ ਭਾਗ ਲਿਆ।

‘ਫਿਟ ਇੰਡੀਆ ਸੰਡੇਜ਼ ਆਨ ਸਾਈਕਲ’ ਮੁਹਿੰਮ ਯੂਥ ਅਫੇਅਰਜ਼ ਐਂਡ ਸਪੋਰਟਸ ਮੰਤਰਾਲੇ ਵੱਲੋਂ ਸਾਈਕਲਿੰਗ ਫੈਡਰੇਸ਼ਨ ਆਫ ਇੰਡੀਆ ਅਤੇ ਹੋਰ ਸੰਸਥਾਵਾਂ ਦੇ ਸਹਿਯੋਗ ਨਾਲ ਚਲਾਈ ਜਾਂਦੀ ਹੈ। ਇਹ ਮੁਹਿੰਮ ਦੇਸ਼ ਦੇ ਹਰ ਰਾਜ ਅਤੇ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਵਿੱਚ ਇੱਕੋ ਸਮੇਂ ਕੀਤੀ ਜਾਂਦੀ ਹੈ, ਜਿਸ ਵਿੱਚ SAI ਸੈਂਟਰ, ਨੈਸ਼ਨਲ ਸੈਂਟਰ ਆਫ ਐਕਸੀਲੈਂਸ ਅਤੇ ਖੇਲੋ ਇੰਡੀਆ ਸੈਂਟਰ ਵੀ ਸ਼ਾਮਲ ਹਨ।

ਦਸੰਬਰ 2024 ਵਿੱਚ ਕੇਂਦਰੀ ਖੇਡ ਮੰਤਰੀ ਮਨਸੁਖ ਮਾਂਡਵੀਆ ਵੱਲੋਂ ਸ਼ੁਰੂ ਕੀਤੀ ਗਈ ਇਹ ਮੁਹਿੰਮ ਹੁਣ ਇੱਕ ਵੱਡੇ ਜਨ ਅੰਦੋਲਨ ਦਾ ਰੂਪ ਧਾਰ ਚੁੱਕੀ ਹੈ। ਦਸੰਬਰ 2024 ਤੋਂ ਹੁਣ ਤੱਕ 2.63 ਲੱਖ ਤੋਂ ਵੱਧ ਸਥਾਨਾਂ ‘ਤੇ 28 ਲੱਖ ਤੋਂ ਵੱਧ ਲੋਕ ਇਸ ਵਿੱਚ ਭਾਗ ਲੈ ਚੁੱਕੇ ਹਨ।

ragini-dwivedi-priya-sharma-fit-india-sundays