Bangladesh : ਬੰਗਲਾਦੇਸ਼ ‘ਚ ਚੋਣਾਂ ਤੋਂ ਪਹਿਲਾਂ ਇੱਕ ਹੋਰ ਹਿੰਦੂ ਦਾ ਕਤਲ, ਚੌਲ ਵਪਾਰੀ ਸੀ 62 ਸਾਲਾ ਸੁਸ਼ੇਨ ਚੰਦਰ

10 February 2026 ਅੱਪਡੇਟ ਕੀਤਾ ਗਿਆ

Hindu Businessman Killed in Bangladesh : ਬੰਗਲਾਦੇਸ਼ ਚੋਣਾਂ ਤੋਂ ਪਹਿਲਾਂ ਇੱਕ ਹੋਰ ਹਿੰਦੂ ਦੀ ਬੇਰਹਿਮੀ ਨਾਲ ਹੱਤਿਆ ਕਰ ਦਿੱਤੀ ਗਈ ਹੈ। ਸੋਮਵਾਰ 9 ਫਰਵਰੀ ਦੀ ਰਾਤ ਨੂੰ ਬੰਗਲਾਦੇਸ਼ ਦੇ ਮੈਮਨਸਿੰਘ ਜ਼ਿਲ੍ਹੇ ਦੇ ਤ੍ਰਿਸ਼ਾਲ ਵਿੱਚ ਬਦਮਾਸ਼ਾਂ ਨੇ ਸੁਸ਼ੇਨ ਚੰਦਰ ਸਰਕਾਰ ਨਾਮਕ 62 ਸਾਲਾ ਚੌਲ ਵਪਾਰੀ ਦੀ ਬੇਰਹਿਮੀ ਨਾਲ ਹੱਤਿਆ ਕਰ ਦਿੱਤੀ। ਹਮਲੇ ਉਪਰੰਤ ਮੁਲਜ਼ਮਾਂ ਨੇ ਉਸ ਕੋਲੋਂ ਲੱਖਾਂ ਰੁਪਏ ਦੀ ਨਕਦੀ ਵੀ ਲੁੱਟ ਲਈ। ਮ੍ਰਿਤਕ ਵਪਾਰ ਉਪ-ਜ਼ਿਲ੍ਹੇ ਦੇ ਸਾਊਥਕੰਡਾ ਪਿੰਡ ਦਾ ਨਿਵਾਸੀ ਸੀ।

ਜਾਣਕਾਰੀ ਅਨੁਸਾਰ, ਕਾਤਲਾਂ ਨੇ ਚੌਲਾਂ ਦੇ ਵਪਾਰੀ ਨੂੰ ਦੁਕਾਨ ਦੇ ਅੰਦਰ ਮ੍ਰਿਤਕ ਹਾਲਤ ਵਿੱਚ ਛੱਡ ਦਿੱਤਾ ਅਤੇ ਭੱਜਣ ਤੋਂ ਪਹਿਲਾਂ ਸ਼ਟਰ ਬੰਦ ਕਰ ਦਿੱਤਾ। ਤ੍ਰਿਸ਼ਾਲ ਪੁਲਿਸ ਸਟੇਸ਼ਨ ਦੇ ਮੁਖੀ ਮੁਹੰਮਦ ਫਿਰੋਜ਼ ਹੁਸੈਨ ਨੇ ਕਿਹਾ ਕਿ ਕਤਲ ਸੋਮਵਾਰ ਰਾਤ 11 ਵਜੇ ਦੇ ਕਰੀਬ ਉਪ-ਜ਼ਿਲ੍ਹੇ ਦੇ ਬੋਗਰ ਬਾਜ਼ਾਰ ਚੌਰਾਹੇ ‘ਤੇ ਹੋਇਆ। ਮ੍ਰਿਤਕ ਚੌਰਾਹੇ ‘ਤੇ ਸਥਿਤ “ਭਾਈ ਭਾਈ ਐਂਟਰਪ੍ਰਾਈਜ਼” ਦਾ ਮਾਲਕ ਸੀ।

Big Breaking : ਰਾਜਪਾਲ Gulab Chand Kataria ਨੇ ਫਿਰੋਜ਼ਪੁਰ ‘ਚ ਕੀਤਾ ਪੈਦਲ ਮਾਰਚ, ਨਸ਼ਿਆਂ ਵਿਰੁੱਧ ਕੀਤਾ ਜਾਗਰੂਕ

ਤੇਜ਼ਧਾਰ ਹਥਿਆਰਾਂ ਨਾਲ ਕੀਤਾ ਹਮਲਾ, ਦੁਕਾਨ ‘ਚ ਕੀਤਾ ਬੰਦ

ਪੁਲਿਸ ਸਟੇਸ਼ਨ ਦੇ ਮੁਖੀ ਨੇ ਕਿਹਾ ਕਿ ਅਣਪਛਾਤੇ ਹਮਲਾਵਰਾਂ ਨੇ ਉਸ ‘ਤੇ ਤੇਜ਼ਧਾਰ ਹਥਿਆਰ ਨਾਲ ਵਾਰ ਕੀਤਾ। ਫਿਰ ਸੁਸ਼ੇਨ ਨੂੰ ਦੁਕਾਨ ਦੇ ਅੰਦਰ ਛੱਡ ਦਿੱਤਾ ਅਤੇ ਸ਼ਟਰ ਬੰਦ ਕਰ ਦਿੱਤਾ। ਸੁਸ਼ੇਨ ਚੰਦਰ ਸਰਕਾਰ ਦਾ ਪਰਿਵਾਰ ਉਸਦੀ ਭਾਲ ਕਰ ਰਿਹਾ ਸੀ। ਜਦੋਂ ਉਨ੍ਹਾਂ ਨੇ ਦੁਕਾਨ ਦਾ ਸ਼ਟਰ ਖੋਲ੍ਹਿਆ ਤਾਂ ਉਨ੍ਹਾਂ ਨੂੰ ਉਹ ਖੂਨ ਨਾਲ ਲੱਥਪੱਥ ਪਿਆ ਮਿਲਿਆ। ਪਰਿਵਾਰ ਨੇ ਤੁਰੰਤ ਮੈਮਨਸਿੰਘ ਮੈਡੀਕਲ ਕਾਲਜ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਸਨੂੰ ਮ੍ਰਿਤਕ ਐਲਾਨ ਦਿੱਤਾ। ਮ੍ਰਿਤਕ ਦੇ ਪੁੱਤਰ ਸੁਜਾਨ ਸਰਕਾਰ ਨੇ ਕਿਹਾ, “ਅਸੀਂ ਲੰਬੇ ਸਮੇਂ ਤੋਂ ਚੌਲਾਂ ਦੇ ਕਾਰੋਬਾਰ ਵਿੱਚ ਹਾਂ। ਸਾਡੀ ਕਿਸੇ ਨਾਲ ਕੋਈ ਦੁਸ਼ਮਣੀ ਨਹੀਂ ਸੀ। ਅਪਰਾਧੀਆਂ ਨੇ ਮੇਰੇ ਪਿਤਾ ਦਾ ਬੇਰਹਿਮੀ ਨਾਲ ਕਤਲ ਕਰ ਦਿੱਤਾ ਅਤੇ ਦੁਕਾਨ ਤੋਂ ਕਈ ਲੱਖ ਟਕਾ (ਬੰਗਲਾਦੇਸ਼ੀ ਕਰੰਸੀ) ਚੋਰੀ ਕਰ ਲਿਆ।”

World Cup Record : Arshdeep Singh ਦੇ ਨਿਸ਼ਾਨੇ ‘ਤੇ ਆਰ ਅਸ਼ਵਿਨ ਦਾ ਵਿਸ਼ਵ ਕੱਪ ਰਿਕਾਰਡ, ਸਿਰਫ਼ ਇੰਨੀਆਂ ਵਿਕਟਾਂ ਦੀ ਲੋੜ

ਬੰਗਲਾਦੇਸ਼ ‘ਚ ਹਿੰਦੂਆਂ ‘ਤੇ ਲਗਾਤਾਰ ਵੱਧ ਰਹੀ ਹਿੰਸਾ

ਬੰਗਲਾਦੇਸ਼ ਵਿੱਚ ਘੱਟ ਗਿਣਤੀ ਹਿੰਦੂਆਂ ਵਿਰੁੱਧ ਹਿੰਸਾ ਵਧ ਰਹੀ ਹੈ। ਚੋਣਾਂ ਦੀ ਤਰੀਕ ਦੇ ਐਲਾਨ ਤੋਂ ਬਾਅਦ, ਹਰ ਰੋਜ਼ ਇੱਕ ਹਿੰਦੂ ਨੂੰ ਨਿਸ਼ਾਨਾ ਬਣਾਇਆ ਜਾ ਰਿਹਾ ਹੈ। ਘੱਟ ਗਿਣਤੀਆਂ ਵਿਰੁੱਧ ਵੱਧ ਰਹੀ ਹਿੰਸਾ ਬਾਰੇ ਅੰਤਰਰਾਸ਼ਟਰੀ ਚਿੰਤਾ ਪ੍ਰਗਟ ਕੀਤੀ ਜਾ ਰਹੀ ਹੈ। ਹਿੰਦੂ ਅਤੇ ਬਹੁ-ਧਾਰਮਿਕ ਸਮੂਹਾਂ ਦੇ ਇੱਕ ਵਿਸ਼ਵਵਿਆਪੀ ਗੱਠਜੋੜ ਨੇ ਬੰਗਲਾਦੇਸ਼ ਵਿੱਚ ਹਿੰਦੂਆਂ ਦੀ ਸੁਰੱਖਿਆ ਲਈ ਤੁਰੰਤ ਅੰਤਰਰਾਸ਼ਟਰੀ ਕਾਰਵਾਈ ਦੀ ਮੰਗ ਕੀਤੀ ਹੈ। ਸਮੂਹਾਂ ਨੇ ਕਿਹਾ ਕਿ ਹਿੰਸਾ, ਡਰਾਉਣ-ਧਮਕਾਉਣ ਅਤੇ ਜ਼ਬਰਦਸਤੀ ਕੱਢਣ ਦਾ ਇੱਕ ਨਿਰੰਤਰ ਪੈਟਰਨ ਹੈ।

Tarn Taran: Elderly woman on her way to visit Gurdwara murdered, gold earrings looted