Animal Smuggling : Amritsar ‘ਚ ਜੰਗਲੀ ਜੀਵ ਤਸਕਰੀ ਦਾ ਪਰਦਾਫਾਸ਼, ਮੋਰ ਦੀ ਖੱਲ ਵਾਲੀ ਟਰਾਫ਼ੀ ਨਾਲ ਤਸਕਰ ਕਾਬੂ

23 January 2026 ਅੱਪਡੇਟ ਕੀਤਾ ਗਿਆ

Animal Smuggling : ਅੰਮ੍ਰਿਤਸਰ ਦੇ ਅੰਤਰਰਾਸ਼ਟਰੀ ਸ੍ਰੀ ਗੁਰੂ ਰਾਮਦਾਸ ਹਵਾਈ ਅੱਡੇ (Sri Guru Ramdas International Airport) ‘ਤੇ ਕਸਟਮ ਅਧਿਕਾਰੀਆਂ ਨੇ ਜੰਗਲੀ ਜੀਵ ਤਸਕਰੀ ਦਾ ਪਰਦਾਫਾਸ਼ ਕੀਤਾ ਹੈ। ਅਧਿਕਾਰੀਆਂ ਨੇ ਮੋਰ ਦੀ ਖੱਲ ਵਾਲੀ ਟਰਾਫ਼ੀ ਨਾਲ ਇੱਕ ਯੂਪੀ ਵਾਸੀ ਤਸਕਰ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਆਰੋਪੀ ਮੁਹੰਮਦ ਅਬਾਰ ਅਹਿਮਦ ਨਿਵਾਸੀ ਮੇਰਠ (ਉਤਰ ਪ੍ਰਦੇਸ਼) ਬੈਂਕਾਕ ਤੋਂ ਮ੍ਰਿਤਕ ਮੋਰ ਦੀ ਖੱਲ ਦੇ ਨਾਲ ਬਣਾਈ ਗਈ ਇੱਕ ਟਰਾਫੀ ਲੈ ਕੇ ਭਾਰਤ ਪਹੁੰਚਿਆ ਸੀ।

ਜਾਣਕਾਰੀ ਅਨੁਸਾਰ, ਇਹ ਪੰਜਾਬ ਵਿੱਚ ਪਹਿਲੀ ਵਾਰ ਦੱਸਿਆ ਜਾ ਰਿਹਾ ਹੈ ਕਿ ਮੋਰ ਟੈਕਸੀਡਰਮੀ ਦੀ ਤਸਕਰੀ ਦਾ ਪਤਾ ਲੱਗਿਆ ਹੈ। ਮੁਲਜ਼ਮ 19 ਜਨਵਰੀ ਨੂੰ ਥਾਈ ਲਾਇਨ ਏਅਰ ਦੀ ਉਡਾਣ SL-214 ਰਾਹੀਂ ਬੈਂਕਾਕ ਤੋਂ ਅੰਮ੍ਰਿਤਸਰ ਪਹੁੰਚਿਆ ਸੀ, ਜਿਥੇ ਕਸਟਮ ਅਧਿਕਾਰੀਆਂ ਨੇ ਦੁਪਹਿਰ 2:45 ਵਜੇ ਦੇ ਕਰੀਬ ਉਡਾਣ ਉਤਰਦੇ ਹੀ ਉਸਨੂੰ ਨਿਗਰਾਨੀ ਹੇਠ ਲੈ ਲਿਆ।

Jammu Kashmir : ਡੋਡਾ ‘ਚ ਵਾਪਰਿਆ ਵੱਡਾ ਹਾਦਸਾ ; 200 ਫੁੱਟ ਡੂੰਘੀ ਖੱਡ ‘ਚ ਡਿੱਗੀ ਫ਼ੌਜ ਦੀ ਗੱਡੀ, 10 ਜਵਾਨਾਂ ਦੀ ਮੌਤ

ਅਧਿਕਾਰੀਆਂ ਅਨੁਸਾਰ, ਕਸਟਮ ਕਲੀਅਰੈਂਸ ਤੋਂ ਬਾਅਦ ਜਦੋਂ ਮੁਲਜ਼ਮ ਗ੍ਰੀਨ ਚੈਨਲ ਤੋਂ ਬਾਹਰ ਨਿਕਲ ਰਿਹਾ ਸੀ, ਤਾਂ ਉਸਦੇ ਸਾਮਾਨ ‘ਤੇ ਸ਼ੱਕ ਹੋਇਆ। ਐਕਸ-ਰੇ ਤੋਂ ਬੈਗ ਦੇ ਅੰਦਰ ਸ਼ੱਕੀ ਵਸਤੂਆਂ ਦਾ ਪਤਾ ਲੱਗਿਆ। ਬਾਅਦ ਵਿੱਚ ਪੂਰੀ ਤਲਾਸ਼ੀ ਲੈਣ ‘ਤੇ ਇੱਕ ਮੋਰ ਟੈਕਸੀਡਰਮੀ ਟਰਾਫੀ, ਲੱਕੜ ਅਤੇ ਹੋਰ ਸਬੰਧਤ ਸਮੱਗਰੀ ਬਰਾਮਦ ਹੋਈ। ਵਿਭਾਗ ਨੇ ਮੁਲਜ਼ਮ ਦਾ ਮੋਬਾਈਲ ਫੋਨ ਵੀ ਜ਼ਬਤ ਕੀਤਾ ਹੈ।

ਪੁੱਛਗਿੱਛ ਦੌਰਾਨ ਮੁਲਜ਼ਮ ਨੇ ਦਾਅਵਾ ਕੀਤਾ ਕਿ ਬਰਾਮਦ ਕੀਤੀ ਗਈ ਟਰਾਫੀ ਨਕਲੀ ਸੀ, ਪਰ ਅਧਿਕਾਰੀਆਂ ਨੇ ਉਸਦੇ ਦਾਅਵਿਆਂ ਨੂੰ ਰੱਦ ਕਰ ਦਿੱਤਾ। ਜੰਗਲੀ ਜੀਵ ਅਪਰਾਧ ਕੰਟਰੋਲ ਬਿਊਰੋ ਦੀ ਇੱਕ ਟੀਮ, ਜਿਸਨੂੰ ਮੌਕੇ ‘ਤੇ ਬੁਲਾਇਆ ਗਿਆ ਸੀ, ਨੇ ਮੁੱਢਲੀ ਜਾਂਚ ਵਿੱਚ ਪੁਸ਼ਟੀ ਕੀਤੀ ਕਿ ਬਰਾਮਦ ਕੀਤੀ ਗਈ ਮੋਰ ਟਰਾਫੀ ਅਸਲੀ ਸੀ। ਮੁਲਜ਼ਮ ਖ਼ਿਲਾਫ਼ ਕਸਟਮ ਐਕਟ ਦੀ ਧਾਰਾ 135 ਅਤੇ ਜੰਗਲੀ ਜੀਵ ਸੁਰੱਖਿਆ ਐਕਟ ਦੀ ਧਾਰਾ 51 ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ।

Basant Panchami 2026 : ਗਿਆਨ ਤੇ ਕਲਾ ਦੀ ਦੇਵੀ ਨੂੰ ਸਮਰਪਿਤ ਬਸੰਤ ਪੰਚਮੀ ਦੀ ਤਰੀਕ ? ਬਣ ਰਿਹੈ ਸ਼ੁਭ ਸੰਯੋਗ