Punjab News : ਸਿਆਸੀ ਪਾਰਟੀਆਂ ਦੇ ਪ੍ਰਭਾਵ ਤੋਂ ਮੁਕਤ ਹੋ ਕੇ ਕੰਮ ਕਰਨ ਧਾਰਮਿਕ ਸੰਸਥਾਵਾਂ : ਬਲਤੇਜ ਪੰਨੂ

9 months ਪਹਿਲਾ

ਚੰਡੀਗੜ੍ਹ : ਆਮ ਆਦਮੀ ਪਾਰਟੀ ਦੇ ਆਗੂ ਬਲਤੇਜ ਪੰਨੂ ਨੇ ਐਸਜੀਪੀਸੀ ਪ੍ਰਧਾਨ ਨੂੰ ਘੇਰਦਿਆਂ ਕਿਹਾ ਕਿ ਜਿਸ ਪ੍ਰੈਸ ਕਾਨਫਰੰਸ ਰਾਹੀਂ ਉਹ ਸਰਕਾਰ ‘ਤੇ ਸਵਾਲ ਚੁੱਕ ਰਹੇ ਹਨ, ਉਸ ਦਾ ਸੱਦਾ ਅਕਾਲੀ ਦਲ ਵੱਲੋਂ ਭੇਜਿਆ ਗਿਆ ਸੀ। ਉਨ੍ਹਾਂ ਪੁੱਛਿਆ ਕਿ ਜੇਕਰ ਐਸਜੀਪੀਸੀ ਇੱਕ ਸੁਤੰਤਰ ਧਾਰਮਿਕ ਸੰਸਥਾ ਹੈ, ਤਾਂ ਇੱਕ ਸਿਆਸੀ ਪਾਰਟੀ ਉਸ ਦੀ ਪ੍ਰੈਸ ਵਾਰਤਾ ਦਾ ਪ੍ਰਬੰਧ ਕਿਉਂ ਕਰ ਰਹੀ ਹੈ ?

ਇਨ੍ਹਾਂ ਮੁੱਦਿਆਂ ਤੇ ਕੀਤੀ ਚਰਚਾ

ਪੁਲਿਸ ਕਾਰਵਾਈ ‘ਤੇ ਦੋਹਰਾ ਮਾਪਦੰਡ : ਬਲਤੇਜ ਪੰਨੂ ਨੇ ਕਿਹਾ ਕਿ ਧਾਮੀ ਸਾਹਿਬ ਕਹਿੰਦੇ ਹਨ ਕਿ ਉਨ੍ਹਾਂ ਨੂੰ ਪੁਲਿਸ ਦੀ ਲੋੜ ਨਹੀਂ, ਜਦੋਂ ਕਿ ਐਸਜੀਪੀਸੀ ਨੇ ਖੁਦ ਵੱਡੀ ਗਿਣਤੀ ਵਿੱਚ FIR ਦਰਜ ਕਰਵਾਈਆਂ ਹਨ। ਉਨ੍ਹਾਂ ਯਾਦ ਕਰਵਾਇਆ ਕਿ ਬੁਰਜ ਜਵਾਹਰ ਸਿੰਘ ਵਾਲਾ ਤੋਂ ਪਵਿੱਤਰ ਸਰੂਪ ਚੋਰੀ ਹੋਣ ਵੇਲੇ ਕਾਰਵਾਈ ਲਈ ਪੁਲਿਸ ਦੀ ਮਦਦ ਕਿਉਂ ਲਈ ਗਈ ਸੀ ?

ਬੇਅਦਬੀ ਵਿਰੁੱਧ ਸਖ਼ਤ ਕਾਨੂੰਨ : ਪੰਨੂ ਨੇ ਸਪੱਸ਼ਟ ਕੀਤਾ ਕਿ ਜਥੇਦਾਰ ਗੜਗੱਜ ਵੱਲੋਂ ਬੇਅਦਬੀ ਵਿਰੁੱਧ ਸਖ਼ਤ ਕਾਨੂੰਨ ਬਣਾਉਣ ਦੀ ਜੋ ਮੰਗ ਕੀਤੀ ਗਈ ਹੈ, ਸਰਕਾਰ ਉਸ ਦਾ ਸਮਰਥਨ ਕਰਦੀ ਹੈ। ਪੰਜਾਬ ਸਰਕਾਰ ਪਹਿਲਾਂ ਹੀ ਆਪਣੀ ਕਮੇਟੀ ਰਾਹੀਂ ਇਸ ‘ਤੇ ਕੰਮ ਕਰ ਰਹੀ ਹੈ ਤਾਂ ਜੋ ਸਖ਼ਤ ਸਜ਼ਾ ਵਾਲਾ ਸੂਬੇ ਦਾ ਆਪਣਾ ਕਾਨੂੰਨ ਬਣਾਇਆ ਜਾ ਸਕੇ।

ਮਾਹੀ ਵਿਜ ਤੇ ਜੈ ਭਾਨੁਸ਼ਾਲੀ ਨੇ ਕੰਫਰਮ ਕੀਤਾ ਤਲਾਕ, ਟੁੱਟਿਆ 14 ਸਾਲਾਂ ਦਾ ਰਿਸ਼ਤਾ, ਕਿਸ ਨਾਲ ਰਹੇਗੀ ਧੀ ਤਾਰਾ ?

328 ਪਵਿੱਤਰ ਸਰੂਪਾਂ ਦਾ ਮਾਮਲਾ : ਪੰਨੂ ਨੇ ਧਾਮੀ ਨੂੰ ਸਵਾਲ ਕੀਤਾ ਕਿ 328 ਲਾਪਤਾ ਸਰੂਪਾਂ ਦਾ ਹਿਸਾਬ ਕਿੱਥੇ ਹੈ? ਉਨ੍ਹਾਂ ਈਸ਼ਰ ਸਿੰਘ ਦੀ ਰਿਪੋਰਟ ਦਾ ਹਵਾਲਾ ਦਿੰਦਿਆਂ ਕਿਹਾ ਕਿ ਦੋਸ਼ੀਆਂ ਨੂੰ ਬਚਾਉਣ ਲਈ ਉਨ੍ਹਾਂ ਦੇ ਅਸਤੀਫ਼ੇ ਲਏ ਗਏ ਤਾਂ ਜੋ ਕਾਰਵਾਈ ਤੋਂ ਬਚਿਆ ਜਾ ਸਕੇ।

7.50 ਕਰੋੜ ਦੀ ਵਸੂਲੀ ਦਾ ਮੁੱਦਾ : ਉਨ੍ਹਾਂ ਦੋਸ਼ ਲਾਇਆ ਕਿ ਰਿਪੋਰਟ ਵਿੱਚ ਕੋਹਲੀ ਦਾ ਨਾਮ ਆਉਣ ਦੇ ਬਾਵਜੂਦ 75% ਪੇਮੈਂਟ ਵਾਪਸ ਲੈਣ ‘ਤੇ ਜ਼ੋਰ ਨਹੀਂ ਦਿੱਤਾ ਗਿਆ, ਤਾਂ ਜੋ ਉਨ੍ਹਾਂ ਨੂੰ ਨੁਕਸਾਨ ਨਾ ਹੋਵੇ।

International : ਕੌਣ ਹੈ ਵੈਨੇਜ਼ੁਏਲਾ ਦੀ ਨਵੀਂ ਰਾਸ਼ਟਰਪਤੀ ਡੈਲਸੀ ਰੋਡਰਿਗਜ਼ ? ਜਿਸ ਨੂੰ ਨਿਕੋਲਸ ਮਾਦੁਰੋ ਨੇ ਕਿਹਾ ਸੀ ‘ਸ਼ੇਰਨੀ’

ਇਤਿਹਾਸ ਅਤੇ ਸਿਆਸਤ
ਬਲਤੇਜ ਪੰਨੂ ਨੇ 1991 ਦੀ ਪ੍ਰੈਸ ਕਾਨਫਰੰਸ ਦਾ ਜ਼ਿਕਰ ਕਰਦਿਆਂ ਕਿਹਾ ਕਿ ਪ੍ਰਕਾਸ਼ ਸਿੰਘ ਬਾਦਲ ਨੇ ‘ਟਰੂਥ ਕਮਿਸ਼ਨ’ ਬਣਾਉਣ ਦੀ ਗੱਲ ਕੀਤੀ ਸੀ, ਜਿਸ ਨੂੰ ਧਾਮੀ ਸ਼ਾਇਦ ਭੁੱਲ ਗਏ ਹਨ। ਉਨ੍ਹਾਂ ਸਵਾਲ ਕੀਤਾ ਕਿ ਇਜ਼ਹਾਰ ਆਲਮ ਵਰਗੇ ਅਧਿਕਾਰੀਆਂ ਨੂੰ ਰਾਜਨੀਤੀ ਵਿੱਚ ਕੌਣ ਲੈ ਕੇ ਆਇਆ ਅਤੇ ਤਰੱਕੀਆਂ ਦਿੱਤੀਆਂ?

ਬਲਤੇਜ ਪੰਨੂ ਨੇ ਕਿਹਾ ਕਿ ਜੇਕਰ ਐਸਜੀਪੀਸੀ ਪ੍ਰਧਾਨ ਸਰਕਾਰ ‘ਤੇ ਉਂਗਲ ਚੁੱਕਣਗੇ, ਤਾਂ ਉਨ੍ਹਾਂ ਨੂੰ ਤੱਥਾਂ ਦੇ ਆਧਾਰ ‘ਤੇ ਜਵਾਬ ਮਿਲਦਾ ਰਹੇਗਾ। ਉਨ੍ਹਾਂ ਕਿਹਾ ਕਿ ਧਾਰਮਿਕ ਸੰਸਥਾਵਾਂ ਨੂੰ ਸਿਆਸੀ ਪਾਰਟੀਆਂ (ਅਕਾਲੀ ਦਲ) ਦੇ ਪ੍ਰਭਾਵ ਤੋਂ ਮੁਕਤ ਹੋ ਕੇ ਕੰਮ ਕਰਨਾ ਚਾਹੀਦਾ ਹੈ।