Bangladesh Violence : ਪੱਤਰਕਾਰਾਂ ਨੂੰ ਜਿਊਂਦਾ ਸਾੜਨ ਦੀ ਕੋਸ਼ਿਸ਼, ਵੇਖੋ ਰੌਂਗਟੇ ਖੜੇ ਕਰਨ ਵਾਲੇ ਮੰਜਰ

10 months ਪਹਿਲਾ

Bangladesh Violence News : ਬੰਗਲਾਦੇਸ਼ ਦੇ ਕਈ ਸ਼ਹਿਰਾਂ ਵਿੱਚ ਇੱਕ ਵਾਰ ਫਿਰ ਹਿੰਸਾ ਭੜਕ ਉੱਠੀ ਹੈ। ਰਾਜਧਾਨੀ ਢਾਕਾ ਵਿੱਚ ਵੱਡੇ ਪੱਧਰ ‘ਤੇ ਵਿਰੋਧ ਪ੍ਰਦਰਸ਼ਨ ਹੋ ਰਹੇ ਹਨ। ਕਈ ਥਾਵਾਂ ‘ਤੇ ਅੱਗਜ਼ਨੀ ਅਤੇ ਪੱਥਰਬਾਜ਼ੀ ਦੀਆਂ ਵੀ ਰਿਪੋਰਟਾਂ ਆਈਆਂ ਹਨ। ਸ਼ਰੀਫ ਉਸਮਾਨ ਹਾਦੀ ਦੀ ਮੌਤ ਤੋਂ ਬਾਅਦ ਬੰਗਲਾਦੇਸ਼ ਵਿੱਚ ਹਿੰਸਾ ਭੜਕ ਉੱਠੀ, ਜਿਸਦੀ ਸਿੰਗਾਪੁਰ ਦੇ ਇੱਕ ਹਸਪਤਾਲ ਵਿੱਚ ਇਲਾਜ ਦੌਰਾਨ ਮੌਤ ਹੋ ਗਈ।

ਕੱਟੜਪੰਥੀ ਸਮੂਹਾਂ ਨੇ ਢਾਕਾ, ਰਾਜਸ਼ਾਹੀ, ਸਿਲਹਟ, ਮੈਮਨ ਅਤੇ ਚਟਗਾਓਂ ਸਮੇਤ ਕਈ ਸ਼ਹਿਰਾਂ ਵਿੱਚ ਅੱਗਜ਼ਨੀ, ਭੰਨਤੋੜ ਅਤੇ ਹਮਲੇ ਕੀਤੇ। ਮੈਮਨ ਜ਼ਿਲ੍ਹੇ ਵਿੱਚ, ਇੱਕ ਹਿੰਦੂ ਨੌਜਵਾਨ ਨੂੰ ਕੁੱਟ-ਕੁੱਟ ਕੇ ਮਾਰ ਦਿੱਤਾ ਗਿਆ, ਉਸਦੀ ਲਾਸ਼ ਨੂੰ ਦਰੱਖਤ ਨਾਲ ਲਟਕਾਇਆ ਗਿਆ ਅਤੇ ਫਿਰ ਅੱਗ ਲਗਾ ਦਿੱਤੀ ਗਈ। ਢਾਕਾ ਵਿੱਚ, ਹਿੰਦੂਆਂ ਨੂੰ ਖੁੱਲ੍ਹੇਆਮ ਕਤਲ ਦੀ ਧਮਕੀ ਦਿੱਤੀ ਗਈ ਅਤੇ ਜਿਹਾਦੀ ਨਾਅਰੇ ਲਗਾਏ ਗਏ।

National : ਨਵਜੰਮੇ ਬੱਚੇ ਨੂੰ ਬੈਗ ‘ਚ ਪਾ ਕੇ ਛੱਤ ‘ਤੇ ਸੁੱਟਿਆ, ਸਹੀ ਸਮੇਂ ਕੀਤੀ ਸੰਭਾਲ ਨੇ ਬਚਾਈ ਜਾਨ

ਮੁਲਜ਼ਮਾਂ ਦੇ ਮਾਤਾ-ਪਿਤਾ ਤੇ ਪ੍ਰੇਮਿਕਾ ਗ੍ਰਿਫ਼ਤਾਰ

ਉਸਮਾਨ ਹਾਦੀ ਦੀ ਮੌਤ ਦੇ ਮਾਮਲੇ ਵਿੱਚ ਗ੍ਰਿਫ਼ਤਾਰ ਕੀਤੇ ਗਏ ਹੋਰਨਾਂ ਵਿੱਚ ਮੁਹੰਮਦ ਨੂਰੂਜ਼ਮਾਨ ਨੋਮਾਨੀ ਉਰਫ਼ ਉੱਜਵਲ, ਮੁਹੰਮਦ ਕਬੀਰ, ਅਬਦੁਲ ਹੰਨਾਨ, ਮੁਹੰਮਦ ਹੀਰੋਨ, ਮੁਹੰਮਦ ਰਜ਼ਾਕ, ਫੈਜ਼ਲ ਦੀ ਪ੍ਰੇਮਿਕਾ ਮਾਰੀਆ ਅਖਤਰ, ਸਿਮਰੋਨ ਦੇਵ ਅਤੇ ਸੰਜੇ ਚਿਸਿਮ ਸ਼ਾਮਲ ਹਨ, ਜਿਨ੍ਹਾਂ ਦੀ ਪਛਾਣ ਜਾਂਚਕਰਤਾਵਾਂ ਨੇ ਹਲਵਾਘਾਟ ਸਰਹੱਦੀ ਖੇਤਰ ਵਿੱਚ ਸਰਗਰਮ ਮਨੁੱਖੀ ਤਸਕਰਾਂ ਵਜੋਂ ਕੀਤੀ ਹੈ।

ਚੋਣਾਂ ਦੇ ਐਲਾਨ ਤੋਂ ਇੱਕ ਦਿਨ ਬਾਅਦ ਹਾਦੀ ਨੂੰ ਮਾਰੀ ਗਈ ਗੋਲੀ

ਉਸਮਾਨ ਹਾਦੀ ਇਸਲਾਮੀ ਸੰਗਠਨ ਇਨਕਲਾਬ ਮੰਚ ਦੇ ਬੁਲਾਰੇ ਸਨ। ਬੰਗਲਾਦੇਸ਼ ਵਿੱਚ 11 ਦਸੰਬਰ ਨੂੰ ਚੋਣਾਂ ਦੀਆਂ ਤਰੀਕਾਂ ਦਾ ਐਲਾਨ ਕੀਤਾ ਗਿਆ ਸੀ। ਇੱਕ ਦਿਨ ਬਾਅਦ ਹੀ ਹਾਦੀ ‘ਤੇ ਹਮਲਾ ਹੋਇਆ। ਉਸਦੇ ਸਿਰ ਵਿੱਚ ਗੋਲੀ ਮਾਰੀ ਗਈ ਸੀ। ਇਲਾਜ ਦੌਰਾਨ ਉਸਦੀ ਮੌਤ ਹੋ ਗਈ ਹੈ।

ਮੁਹੰਮਦ ਯੂਨਸ ਨੇ ਹਾਦੀ ਦੀ ਮੌਤ ਦੀ ਕੀਤੀ ਸੀ ਪੁਸ਼ਟੀ

ਨੋਬਲ ਪੁਰਸਕਾਰ ਜੇਤੂ ਮੁਹੰਮਦ ਯੂਨਸ ਨੇ 18 ਦਸੰਬਰ ਦੀ ਰਾਤ ਨੂੰ ਟੈਲੀਵਿਜ਼ਨ ‘ਤੇ ਰਾਸ਼ਟਰ ਨੂੰ ਸੰਬੋਧਨ ਕੀਤਾ। ਉਨ੍ਹਾਂ ਕਿਹਾ, “ਇਹ ਬਹੁਤ ਦੁਖਦਾਈ ਖ਼ਬਰ ਹੈ। ਜੁਲਾਈ ਦੇ ਵਿਦਰੋਹ ਦੇ ਇੱਕ ਬਹਾਦਰ ਫਰੰਟਲਾਈਨ ਲੜਾਕੂ ਸ਼ਰੀਫ ਉਸਮਾਨ ਹਾਦੀ ਹੁਣ ਸਾਡੇ ਵਿੱਚ ਨਹੀਂ ਰਹੇ।”

ਉਨ੍ਹਾਂ ਇਸਨੂੰ ਰਾਸ਼ਟਰ ਲਈ ਇੱਕ ਕਦੇ ਨਾ ਪੂਰਾ ਹੋਣ ਵਾਲਾ ਘਾਟਾ ਦੱਸਿਆ। ਉਨ੍ਹਾਂ ਨੇ ਕਾਤਲਾਂ ਨੂੰ ਜਲਦੀ ਫੜਨ ਦਾ ਵਾਅਦਾ ਕਰਦੇ ਹੋਏ ਕਿਹਾ, “ਕੋਈ ਰਹਿਮ ਨਹੀਂ ਕੀਤਾ ਜਾਵੇਗਾ।” ਉਨ੍ਹਾਂ ਅਪੀਲ ਕੀਤੀ, “ਧੀਰਜ ਰੱਖੋ, ਅਫਵਾਹਾਂ ਨੂੰ ਨਜ਼ਰਅੰਦਾਜ਼ ਕਰੋ, ਅਤੇ ਜਾਂਚ ਏਜੰਸੀਆਂ ਨੂੰ ਆਪਣਾ ਕੰਮ ਕਰਨ ਦਿਓ।” ਯੂਨਸ ਨੇ 20 ਦਸੰਬਰ ਨੂੰ ਰਾਜਕੀ ਸੋਗ ਦਾ ਦਿਨ ਐਲਾਨਿਆ। ਝੰਡੇ ਅੱਧੇ ਝੁਕੇ ਰਹਿਣਗੇ, ਅਤੇ ਸ਼ੁੱਕਰਵਾਰ ਦੀ ਨਮਾਜ਼ ਤੋਂ ਬਾਅਦ ਵਿਸ਼ੇਸ਼ ਪ੍ਰਾਰਥਨਾ ਕੀਤੀ ਜਾਵੇਗੀ। ਸਰਕਾਰ ਹਾਦੀ ਦੀ ਪਤਨੀ ਅਤੇ ਬੱਚੇ ਦੀ ਜ਼ਿੰਮੇਵਾਰੀ ਲਵੇਗੀ।

ਕੋਹਰੇ ਦਾ ਅਸਰ IGI ਹਵਾਈ ਅੱਡੇ ‘ਤੇ ਵੀ, ਵਿਜ਼ੀਵਿਲਟੀ ਘਟਣ ਕਾਰਨ 125 ਉਡਾਣਾਂ ‘ਚ ਦੇਰੀ, ਕਈ ਰੱਦ

ਹਸੀਨਾ ਦੀ ਸਰਕਾਰ ਨੂੰ ਡੇਗਣ ਵਿੱਚ ਸ਼ਾਮਲ ਸੀ ਹਾਦੀ

ਉਸਮਾਨ ਹਾਦੀ ਇਨਕਲਾਬ ਮੰਚ ਦੇ ਬੁਲਾਰੇ ਸਨ। 2024 ਦੇ ਵਿਰੋਧ ਪ੍ਰਦਰਸ਼ਨਾਂ ਦੌਰਾਨ ਇਸ ਸੰਗਠਨ ਦੀ ਵਿਆਪਕ ਚਰਚਾ ਹੋਈ ਸੀ। ਇਹ ਉਹ ਸੰਗਠਨ ਸੀ ਜਿਸਨੇ ਤਤਕਾਲੀ ਪ੍ਰਧਾਨ ਮੰਤਰੀ ਸ਼ੇਖ ਹਸੀਨਾ ਦੀ ਅਵਾਮੀ ਲੀਗ ਸਰਕਾਰ ਨੂੰ ਡੇਗਣ ਵਿੱਚ ਭੂਮਿਕਾ ਨਿਭਾਈ ਸੀ।

ਚੋਣ ਕਮਿਸ਼ਨ ਨੇ ਕੁਝ ਦਿਨ ਪਹਿਲਾਂ ਬੰਗਲਾਦੇਸ਼ ਵਿੱਚ ਆਮ ਚੋਣਾਂ ਦਾ ਐਲਾਨ ਕੀਤਾ ਸੀ। ਆਮ ਚੋਣਾਂ ਅਗਲੇ ਸਾਲ 12 ਫਰਵਰੀ ਨੂੰ ਹੋਣੀਆਂ ਸਨ। ਅਜਿਹੀਆਂ ਅਟਕਲਾਂ ਸਨ ਕਿ ਹਾਦੀ ਵੀ ਇਹ ਚੋਣਾਂ ਲੜੇਗਾ। ਹਾਲਾਂਕਿ, ਚੋਣਾਂ ਦੇ ਐਲਾਨ ਤੋਂ ਇੱਕ ਦਿਨ ਬਾਅਦ ਹੀ ਉਸ ‘ਤੇ ਹਮਲਾ ਹੋਇਆ ਸੀ ਅਤੇ ਇਲਾਜ ਦੌਰਾਨ ਉਸਦੀ ਮੌਤ ਹੋ ਗਈ ਸੀ।