IFB ਨੌਕਾ ‘ਚੋਂ ਮਿਲੀ 2600 ਕਿਲੋ ਸੁਪਾਰੀ ਤਸਕਰੀ ਦੇ ਵੱਡੇ ਜਾਲ ਦੀ ਪੜਤਾਲ ਜਾਰੀ

24 January 2026 ਅੱਪਡੇਟ ਕੀਤਾ ਗਿਆ

ਨੈਸ਼ਨਲ ਡੈਸਕ: ਫ੍ਰੇਜ਼ਰਗੰਜ ਵਿੱਚ ਭਾਰਤੀ ਤਟਰੱਖਿਆ ਬਲ ਨੇ 22 ਜਨਵਰੀ 2026 ਨੂੰ ਇੱਕ ਵੱਡੀ ਤਸਕਰੀ ਰੋਕਣ ਦੀ ਕਾਰਵਾਈ ਕੀਤੀ ਹੈ ਜਿਸ ਵਿੱਚ ਬੰਗਲਾਦੇਸ਼ ਤੋਂ ਭਾਰਤ ਵਿੱਚ ਸੁਪਾਰੀ ਲਿਆਉਣ ਦੀ ਕੋਸ਼ਿਸ਼ ਕਰ ਰਹੀ ਇੱਕ ਭਾਰਤੀ ਮਛੀ ਫੜਨ ਵਾਲੀ ਨੌਕਾ ਨੂੰ ਕਬਜ਼ੇ ਵਿੱਚ ਲਿਆ ਗਿਆ। ਇਹ ਕਾਰਵਾਈ ਖੁਫੀਆ ਜਾਣਕਾਰੀ ਦੇ ਆਧਾਰ ‘ਤੇ ਕੀਤੀ ਗਈ ਜਿਸ ‘ਚ ਤੁਰੰਤ ਕਾਰਵਾਈ ਕਰਦਿਆਂ ਕੋਸਟ ਗਾਰਡ ਦੀ ਟੀਮ ਨੇ ਮੌਕੇ ‘ਤੇ ਪਹੁੰਚ ਕੇ ਨੌਕਾ ਬਰਾਮਦ ਕੀਤੀ।

ਪੰਜਾਬ ‘ਚ ISI ਦੀ ਚਾਲ ਨਾਕਾਮ 2.5 ਕਿਲੋ RDX ਅਤੇ ਗੈਰਕਾਨੂੰਨੀ ਹਥਿਆਰ ਬਰਾਮਦ..

ਜਦੋਂ ਨੌਕਾ ਦੀ ਜਾਂਚ ਕੀਤੀ ਗਈ ਤਾਂ ਉਸ ਵਿੱਚੋਂ 52 ਬੈਗ ਸੁਪਾਰੀ ਮਿਲੀ ਜੋ ਹਰ ਇੱਕ 50 ਕਿਲੋ ਭਾਰੀ ਸੀ। ਇਸ ਤਰ੍ਹਾਂ ਕੁੱਲ 2600 ਕਿਲੋ ਸੁਪਾਰੀ ਜਬਤ ਕੀਤੀ ਗਈ। ਨੌਕਾ ਨੂੰ ਫ੍ਰੇਜ਼ਰਗੰਜ ਲਿਆ ਕੇ ਬੇਨਫਿਸ਼ ਫਿਸ਼ਿੰਗ ਜੈੱਟੀ ‘ਤੇ ਖੜਾ ਕੀਤਾ ਗਿਆ ਹੈ।

ਇਹ ਨੌਕਾ IFB ਲਕਸ਼ਮੀਨਾਰਾਇਣ ਨਾਂਅ ਨਾਲ ਦਰਜ ਸੀ ਜਿਸ ਨੂੰ ਤਸਕਰ ਛੱਡ ਕੇ ਭੱਜ ਗਏ ਸਨ। ਇਹ ਮੰਨਿਆ ਜਾ ਰਿਹਾ ਹੈ ਕਿ ਇਹ ਤਸਕਰੀ ਰਾਸ਼ਟਰ ਪਾਰ ਬੰਗਲਾਦੇਸ਼ ਨਾਲ ਜੁੜੇ ਨੈੱਟਵਰਕ ਦਾ ਹਿੱਸਾ ਸੀ ਜੋ ਭਾਰਤ ਵਿੱਚ ਗੈਰਕਾਨੂੰਨੀ ਤੌਰ ‘ਤੇ ਵਪਾਰ ਕਰ ਰਹੇ ਸਨ।

ਗਣਤੰਤਰ ਦਿਵਸ ‘ਚ ਹੋਵੇਗੀ ‘ਬਾਜ਼ ਦੀ ਨਜ਼ਰ’: ਦਿੱਲੀ ਪੁਲਿਸ ਪਹਿਲੀ ਵਾਰ ਪਹਿਨੇਗੀ AI ਚਸ਼ਮੇ

ਪੁਲਿਸ ਅਤੇ ਤਟਰੱਖਿਆ ਬਲ ਵੱਲੋਂ ਮਾਮਲੇ ਦੀ ਗੰਭੀਰਤਾ ਨਾਲ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਤਸਕਰਾਂ ਦੀ ਪਛਾਣ ਕਰਕੇ ਉਨ੍ਹਾਂ ਦੀ ਗਿਰਫਤਾਰੀ ਲਈ ਕੋਸ਼ਿਸ਼ਾਂ ਜਾਰੀ ਹਨ। ਇਹ ਕਾਰਵਾਈ ਭਾਰਤ ਦੀ ਸਮੁੰਦਰੀ ਸਰਹੱਦਾਂ ਦੀ ਸੁਰੱਖਿਆ ਨੂੰ ਲੈ ਕੇ ਇੱਕ ਮਹੱਤਵਪੂਰਨ ਕਦਮ ਮੰਨੀ ਜਾ ਰਹੀ ਹੈ।