ਲਖਨਊ ਨਿਊਜ਼ : ਸਾਵਣ ਮਹੀਨੇ ਦੌਰਾਨ 30 ਜੁਲਾਈ ਤੋਂ ਸ਼ੁਰੂ ਹੋਣ ਵਾਲੀ ਕਾਂਵੜ ਯਾਤਰਾ ਨੂੰ ਲੈ ਕੇ ਉੱਤਰ ਪ੍ਰਦੇਸ਼ ਸਰਕਾਰ ਨੇ ਸੁਰੱਖਿਆ ਅਤੇ ਪ੍ਰਬੰਧਾਂ ਨੂੰ ਲੈ ਕੇ ਸਖ਼ਤ ਦਿਸ਼ਾ-ਨਿਰਦੇਸ਼ ਜਾਰੀ ਕੀਤੇ ਹਨ। ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ ਨੇ ਅਧਿਕਾਰੀਆਂ ਨਾਲ ਸਮੀਖਿਆ ਬੈਠਕ ਦੌਰਾਨ ਕਿਹਾ ਕਿ ਸ਼ਰਧਾਲੂਆਂ ਦੀ ਸੁਰੱਖਿਆ ਅਤੇ ਕਾਨੂੰਨ-ਵਿਵਸਥਾ ਨਾਲ ਕੋਈ ਸਮਝੌਤਾ ਨਹੀਂ ਕੀਤਾ ਜਾਵੇਗਾ।
ਸੀਐਮ ਯੋਗੀ ਨੇ ਹੁਕਮ ਦਿੱਤਾ ਕਿ ਕਾਂਵੜ ਯਾਤਰਾ ਦੇ ਰੂਟਾਂ ‘ਤੇ ਮੀਟ ਅਤੇ ਸ਼ਰਾਬ ਦੀਆਂ ਦੁਕਾਨਾਂ ਪੂਰੀ ਤਰ੍ਹਾਂ ਬੰਦ ਰਹਿਣ। ਇਸ ਤੋਂ ਇਲਾਵਾ ਕਾਂਵੜੀਆਂ ਵੱਲੋਂ ਵਰਤੇ ਜਾਣ ਵਾਲੇ ਮਿਊਜ਼ਿਕ ਸਿਸਟਮ ਦੀ ਆਵਾਜ਼ ਅਤੇ ਕਾਂਵੜ ਦੀ ਉਚਾਈ ਨਿਰਧਾਰਤ ਮਾਪਦੰਡਾਂ ਅਨੁਸਾਰ ਹੀ ਹੋਵੇ। ਉਨ੍ਹਾਂ ਨੇ ਮਿਊਜ਼ਿਕ ਸਿਸਟਮ ਸੰਚਾਲਕਾਂ ਅਤੇ ਕਾਂਵੜ ਸੰਘਾਂ ਨਾਲ ਤਾਲਮੇਲ ਬਣਾਉਣ ਦੇ ਵੀ ਨਿਰਦੇਸ਼ ਦਿੱਤੇ।
UNESCO ਹੈਰੀਟੇਜ ਕਾਲਕਾ-ਸ਼ਿਮਲਾ ਟੌਏ ਟ੍ਰੇਨ ਮੁੜ ਪਟੜੀ ’ਤੇ, ₹50 ਵਿੱਚ ਕਰੋ ਪਹਾੜਾਂ ਦੀ ਖੂਬਸੂਰਤ ਯਾਤਰਾ
ਯਾਤਰਾ ਦੌਰਾਨ ਸੁਰੱਖਿਆ ਨੂੰ ਹੋਰ ਮਜ਼ਬੂਤ ਬਣਾਉਣ ਲਈ ਰੂਟਾਂ ‘ਤੇ CCTV ਕੈਮਰੇ, ਡਰੋਨ ਨਿਗਰਾਨੀ ਅਤੇ ਵਾਧੂ ਪੁਲਿਸ ਬਲ ਤਾਇਨਾਤ ਕੀਤਾ ਜਾਵੇਗਾ। ਸੋਸ਼ਲ ਮੀਡੀਆ ‘ਤੇ ਅਫਵਾਹਾਂ ਫੈਲਾਉਣ ਵਾਲਿਆਂ ਵਿਰੁੱਧ ਸਖ਼ਤ ਕਾਰਵਾਈ ਕਰਨ ਦੇ ਹੁਕਮ ਵੀ ਜਾਰੀ ਕੀਤੇ ਗਏ ਹਨ।
ਇਸ ਤੋਂ ਇਲਾਵਾ ਯਾਤਰਾ ਰੂਟਾਂ ਨੂੰ ਟੋਏ-ਮੁਕਤ ਬਣਾਉਣ, ਝਾੜੀਆਂ ਦੀ ਸਫਾਈ, ਸਟਰੀਟ ਲਾਈਟਾਂ, ਪੀਣ ਵਾਲੇ ਪਾਣੀ, ਸਾਫ਼-ਸਫ਼ਾਈ ਅਤੇ ਤਾਜ਼ੇ ਤੇ ਪੌਸ਼ਟਿਕ ਭੋਜਨ ਦੀ ਵਿਵਸਥਾ ਯਕੀਨੀ ਬਣਾਉਣ ਲਈ ਕਿਹਾ ਗਿਆ ਹੈ। ਯਾਤਰਾ ਦੌਰਾਨ ਵਾਹਨ ਚਾਲਕਾਂ ਨੂੰ ਨਸ਼ੇ ਦੀ ਹਾਲਤ ਵਿੱਚ ਵਾਹਨ ਚਲਾਉਣ ਤੋਂ ਰੋਕਣ ਅਤੇ ਹੋਰ ਰਾਜਾਂ ਨਾਲ ਲਗਾਤਾਰ ਤਾਲਮੇਲ ਬਣਾਈ ਰੱਖਣ ਦੇ ਵੀ ਨਿਰਦੇਸ਼ ਦਿੱਤੇ ਗਏ ਹਨ।
NEET ਨਤੀਜਾ: 720 ਵਿੱਚੋਂ 710 ਅੰਕ ਲੈ ਕੇ ਸ਼ਰਾਵਣੀ ਕੁਡਾਲੇ ਬਣੀ ਮਹਿਲਾ ਟਾਪਰ, ਦੱਸੀ ਸਫਲਤਾ ਦੀ ਕਹਾਣੀ