ਸ਼ਿਮਲਾ ਨਿਊਜ਼ : ਹਿਮਾਚਲ ਪ੍ਰਦੇਸ਼ ਜਾਣ ਵਾਲੇ ਯਾਤਰੀਆਂ ਲਈ ਖੁਸ਼ਖਬਰੀ ਹੈ। ਯੂਨੈਸਕੋ ਹੈਰੀਟੇਜ ਦਾ ਦਰਜਾ ਪ੍ਰਾਪਤ ਕਾਲਕਾ-ਸ਼ਿਮਲਾ Toy ਟ੍ਰੇਨ ਮੁੜ ਨਿਯਮਿਤ ਤੌਰ ’ਤੇ ਚੱਲਣ ਲੱਗ ਪਈ ਹੈ। ਗਰਮੀਆਂ ਦੌਰਾਨ ਅਸਥਾਈ ਰੋਕ ਤੋਂ ਬਾਅਦ ਇਸ ਸੇਵਾ ਦੇ ਮੁੜ ਸ਼ੁਰੂ ਹੋਣ ਨਾਲ ਯਾਤਰੀਆਂ, ਖਾਸ ਕਰਕੇ ਸੈਲਾਨੀਆਂ ਅਤੇ ਰੋਜ਼ਾਨਾ ਆਉਣ-ਜਾਣ ਵਾਲਿਆਂ ਨੂੰ ਵੱਡੀ ਰਾਹਤ ਮਿਲੀ ਹੈ।
ਕਾਲਕਾ ਤੋਂ ਸ਼ਿਮਲਾ ਤੱਕ ਲਗਭਗ 96 ਕਿਲੋਮੀਟਰ ਦਾ ਇਹ ਇਤਿਹਾਸਕ ਰੇਲ ਮਾਰਗ ਆਪਣੀ ਕੁਦਰਤੀ ਸੁੰਦਰਤਾ ਲਈ ਦੁਨੀਆ ਭਰ ਵਿੱਚ ਮਸ਼ਹੂਰ ਹੈ। ਇਸ ਟ੍ਰੇਨ ਦਾ ਪੂਰਾ ਸਫ਼ਰ ਸਿਰਫ਼ 50 ਰੁਪਏ ਵਿੱਚ ਕੀਤਾ ਜਾ ਸਕਦਾ ਹੈ। ਰਸਤੇ ਵਿੱਚ ਆਉਂਦੇ ਪਹਾੜੀ ਦ੍ਰਿਸ਼, ਸੁਰੰਗਾਂ ਅਤੇ ਘੁੰਮਾਵਦਾਰ ਪਟੜੀਆਂ ਯਾਤਰੀਆਂ ਨੂੰ ਖਾਸ ਅਨੁਭਵ ਦਿੰਦੀਆਂ ਹਨ।
NEET ਨਤੀਜਾ: 720 ਵਿੱਚੋਂ 710 ਅੰਕ ਲੈ ਕੇ ਸ਼ਰਾਵਣੀ ਕੁਡਾਲੇ ਬਣੀ ਮਹਿਲਾ ਟਾਪਰ, ਦੱਸੀ ਸਫਲਤਾ ਦੀ ਕਹਾਣੀ
ਜਾਣਕਾਰੀ ਮੁਤਾਬਕ ਟੌਏ ਟ੍ਰੇਨ ਸਵੇਰੇ 8 ਵਜੇ ਕਾਲਕਾ ਤੋਂ ਰਵਾਨਾ ਹੁੰਦੀ ਹੈ ਅਤੇ ਦੁਪਹਿਰ 1:55 ਵਜੇ ਸ਼ਿਮਲਾ ਪਹੁੰਚਦੀ ਹੈ। ਵਾਪਸੀ ਲਈ ਇਹ ਸ਼ਿਮਲਾ ਤੋਂ ਸ਼ਾਮ 5 ਵਜੇ ਚੱਲਦੀ ਹੈ ਅਤੇ ਰਾਤ 10:22 ਵਜੇ ਕਾਲਕਾ ਪਹੁੰਚਦੀ ਹੈ। ਇਹ ਟ੍ਰੇਨ ਰੂਟ ਦੇ ਸਾਰੇ ਮੁੱਖ ਸਟੇਸ਼ਨਾਂ ’ਤੇ ਰੁਕਦੀ ਹੈ, ਜਿਸ ਨਾਲ ਸਥਾਨਕ ਯਾਤਰੀਆਂ ਨੂੰ ਵੀ ਸਹੂਲਤ ਮਿਲਦੀ ਹੈ।
ਰੇਲ ਸੇਵਾ ਦੇ ਮੁੜ ਸ਼ੁਰੂ ਹੋਣ ਨਾਲ ਹਿਮਾਚਲ ਦੇ ਸੈਰ-ਸਪਾਟੇ ਨੂੰ ਵੀ ਹੁਲਾਰਾ ਮਿਲਣ ਦੀ ਉਮੀਦ ਹੈ। ਘੱਟ ਕਿਰਾਏ ਅਤੇ ਸੁੰਦਰ ਯਾਤਰਾ ਕਾਰਨ ਕਾਲਕਾ-ਸ਼ਿਮਲਾ ਟੌਏ ਟ੍ਰੇਨ ਯਾਤਰੀਆਂ ਲਈ ਇੱਕ ਖਾਸ ਆਕਰਸ਼ਣ ਬਣੀ ਹੋਈ ਹੈ।
“PM, CM ਤੇ ਮੰਤਰੀਆਂ ਨੂੰ ਹਟਾਉਣ ਵਾਲਾ ਬਿੱਲ ਅਟਕਿਆ, ਸੰਸਦੀ ਕਮੇਟੀ ਨੇ ਨਹੀਂ ਦਿੱਤੀ ਮਨਜ਼ੂਰੀ”