IPL ਜਿੱਤਣ ਤੋਂ ਬਾਅਦ ਵਿਰਾਟ ਕੋਹਲੀ ਨਾਲ ਵਾਪਰੀ ਅਣਹੋਣੀ! 13 ਜੂਨ ਤੋਂ ਸ਼ੁਰੂ ਹੋ ਰਹੀ ਵਨਡੇ ਸੀਰੀਜ਼ ‘ਚ ਨਹੀਂ ਆਉਣਗੇ ਨਜ਼ਰ

4 June 2026 ਅੱਪਡੇਟ ਕੀਤਾ ਗਿਆ

ਨਵੀਂ ਦਿੱਲੀ: ਭਾਰਤੀ ਬੱਲੇਬਾਜ਼ੀ ਦੇ ਸੁਪਰਸਟਾਰ ਵਿਰਾਟ ਕੋਹਲੀ ਹੈਮਸਟਰਿੰਗ ਵਿੱਚ ਖਿਚਾਅ ਕਾਰਨ ਸੋਮਵਾਰ ਨੂੰ ਅਫਗਾਨਿਸਤਾਨ ਵਿਰੁੱਧ ਹੋਣ ਵਾਲੀ ਵਨਡੇ ਸੀਰੀਜ਼ ਤੋਂ ਬਾਹਰ ਹੋ ਗਏ ਹਨ। ਤਿੰਨ ਮੈਚਾਂ ਦੀ ਇਹ ਸੀਰੀਜ਼ 13 ਜੂਨ ਨੂੰ ਧਰਮਸ਼ਾਲਾ ਵਿੱਚ ਸ਼ੁਰੂ ਹੋਵੇਗੀ। ਬੀ.ਸੀ.ਸੀ.ਆਈ. ਦੇ ਇੱਕ ਸਰੋਤ ਨੇ ਦੱਸਿਆ, “ਕੋਹਲੀ ਹੈਮਸਟਰਿੰਗ ਵਿੱਚ ਖਿਚਾਅ ਕਾਰਨ ਵਨਡੇ ਸੀਰੀਜ਼ ਤੋਂ ਬਾਹਰ ਹੋ ਗਏ ਹਨ।”

ਹੈਮਸਟਰਿੰਗ ਵਿੱਚ ਖਿਚਾਅ (Hamstring Strain) ਆਮ ਤੌਰ ‘ਤੇ ਉਸ ਵੇਲੇ ਹੁੰਦਾ ਹੈ ਜਦੋਂ ਜਾਂਘ ਦੇ ਪਿੱਛੇ ਵਾਲੀਆਂ ਮਾਸਪੇਸ਼ੀਆਂ (Hamstring Muscles) ਨੂੰ ਉਨ੍ਹਾਂ ਦੀ ਸਮਰੱਥਾ ਤੋਂ ਵੱਧ ਖਿੱਚਿਆ ਜਾਂਦਾ ਹੈ ਜਾਂ ਉਨ੍ਹਾਂ ‘ਤੇ ਅਚਾਨਕ ਬਹੁਤ ਜ਼ਿਆਦਾ ਦਬਾਅ ਪੈਂਦਾ ਹੈ। ਇਹ ਖਾਸ ਕਰਕੇ ਦੌੜਣ, ਛਾਲਾਂ ਮਾਰਣ, ਅਚਾਨਕ ਰੁਕਣ ਜਾਂ ਦਿਸ਼ਾ ਬਦਲਣ ਵਾਲੀਆਂ ਖੇਡਾਂ ਵਿੱਚ ਵੱਧ ਹੁੰਦਾ ਹੈ।

37 ਸਾਲਾ ਕੋਹਲੀ, ਜੋ ਆਪਣੀ ਸ਼ਾਨਦਾਰ ਫਿਟਨੈੱਸ ਲਈ ਮਸ਼ਹੂਰ ਹਨ, ਨੇ ਹਾਲ ਹੀ ਵਿੱਚ ਖਤਮ ਹੋਏ ਆਈਪੀਐਲ ਵਿੱਚ ਬੇਹਤਰੀਨ ਪ੍ਰਦਰਸ਼ਨ ਕੀਤਾ ਸੀ। ਉਨ੍ਹਾਂ ਦੀ ਟੀਮ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ (RCB) ਨੇ ਲਗਾਤਾਰ ਦੂਜੀ ਵਾਰ ਖਿਤਾਬ ਜਿੱਤਿਆ। ਕੋਹਲੀ ਨੇ ਫਾਈਨਲ ਵਿੱਚ ਗੁਜਰਾਤ ਟਾਈਟਨਜ਼ ਵਿਰੁੱਧ ਨਾਬਾਦ ਅੱਧਾ ਸੈਂਚਰੀ ਲਗਾ ਕੇ ਜਿੱਤ ਦਾ ਰਨ ਬਣਾਇਆ। ਉਨ੍ਹਾਂ ਨੇ ਇੱਕ ਸੈਂਚਰੀ ਅਤੇ ਪੰਜ ਅੱਧੀਆਂ ਸੈਂਚਰੀਆਂ ਸਮੇਤ ਕੁੱਲ 675 ਰਨ ਬਣਾਏ।

ਕੋਹਲੀ ਦੇ ਬਾਹਰ ਹੋਣ ਨਾਲ ਆਉਣ ਵਾਲੀ ਵਨਡੇ ਸੀਰੀਜ਼ ਦੀ ਰੌਣਕ ਕੁਝ ਘੱਟ ਹੋ ਗਈ ਹੈ। ਭਾਰਤ ਦਾ ਇਹ ਪੂਰਵ ਕਪਤਾਨ ਹੁਣ ਸਿਰਫ਼ ਵਨਡੇ ਫਾਰਮੈਟ ਵਿੱਚ ਹੀ ਖੇਡਦਾ ਹੈ, ਪਰ ਅਜੇ ਵੀ ਉਹ ਦੁਨੀਆ ਭਰ ਦੇ ਕ੍ਰਿਕਟ ਪ੍ਰੇਮੀਆਂ ਲਈ ਆਕਰਸ਼ਣ ਦਾ ਕੇਂਦਰ ਹੈ। ਕੋਹਲੀ ਦੀ ਫਿਟਨੈੱਸ ਨੂੰ ਦੇਖਦੇ ਹੋਏ, ਇਹ ਕਦੇ-ਕਦਾਚ ਹੀ ਹੋਇਆ ਹੈ ਕਿ ਉਹ ਚੋਟ ਕਾਰਨ ਕਿਸੇ ਮੈਚ ਜਾਂ ਸੀਰੀਜ਼ ਤੋਂ ਬਾਹਰ ਹੋਏ ਹੋਣ।

ਇਹ ਵੀ ਪੜੋਂ :

Netflix Movie Review: ਹਸਾਉਂਦੀ ਵੀ ਹੈ ਅਤੇ ਸਮਾਜ ਨੂੰ ਸ਼ੀਸ਼ਾ ਵੀ ਦਿਖਾਉਂਦੀ ਹੈ ‘ਮਾਂ ਬੇਹਨ’, ਹਰ ਔਰਤ ਲਈ ਦੇਖਣੀ ਕਿਉਂ ਹੈ ਲਾਜ਼ਮੀ? ਪੜੋਂ

Netflix Movie Review: ਹਸਾਉਂਦੀ ਵੀ ਹੈ ਅਤੇ ਸਮਾਜ ਨੂੰ ਸ਼ੀਸ਼ਾ ਵੀ ਦਿਖਾਉਂਦੀ ਹੈ ‘ਮਾਂ ਬੇਹਨ’, ਹਰ ਔਰਤ ਲਈ ਦੇਖਣੀ ਕਿਉਂ ਹੈ ਲਾਜ਼ਮੀ? ਪੜੋਂ

ਹੁਣ ਇਹ ਦੇਖਣਾ ਬਾਕੀ ਹੈ ਕਿ ਰੋਹਿਤ ਸ਼ਰਮਾ ਅਫਗਾਨਿਸਤਾਨ ਵਿਰੁੱਧ ਪੂਰੀ ਸੀਰੀਜ਼ ਲਈ ਉਪਲਬਧ ਰਹਿੰਦੇ ਹਨ ਜਾਂ ਨਹੀਂ। ਉਹ ਵੀ ਕੋਹਲੀ ਵਾਂਗ ਹੁਣ ਸਿਰਫ਼ ਵਨਡੇ ਫਾਰਮੈਟ ਵਿੱਚ ਹੀ ਖੇਡਦੇ ਹਨ। ਆਈਪੀਐਲ ਦੌਰਾਨ ਰੋਹਿਤ ਦੀ ਹੈਮਸਟਰਿੰਗ ਵਿੱਚ ਵੀ ਖਿਚਾਅ ਆ ਗਿਆ ਸੀ ਅਤੇ ਉਨ੍ਹਾਂ ਨੂੰ ਕੁਝ ਮੈਚਾਂ ਤੋਂ ਬਾਹਰ ਰਹਿਣਾ ਪਿਆ ਸੀ। ਉਨ੍ਹਾਂ ਨੂੰ ਫਿਟਨੈੱਸ ਦੇ ਆਧਾਰ ‘ਤੇ ਹੀ ਟੀਮ ਵਿੱਚ ਸ਼ਾਮਲ ਕੀਤਾ ਗਿਆ ਹੈ।

ਕੋਹਲੀ ਅਤੇ ਰੋਹਿਤ ਦੋਵੇਂ ਨੇ ਪਿਛਲੇ ਸਾਲ ਟੈਸਟ ਕ੍ਰਿਕਟ ਤੋਂ ਸੰਨਿਆਸ ਲੈ ਲਿਆ ਸੀ। ਇਸ ਤੋਂ ਬਾਅਦ ਹੀ ਉਨ੍ਹਾਂ ਦੇ ਵਨਡੇ ਕਰੀਅਰ ਨੂੰ ਲੈ ਕੇ ਕਾਫ਼ੀ ਅਟਕਲਾਂ ਲਗਾਈਆਂ ਜਾ ਰਹੀਆਂ ਹਨ। ਅਗਲਾ ਵਨਡੇ ਵਿਸ਼ਵ ਕੱਪ ਅਗਲੇ ਸਾਲ ਅਕਤੂਬਰ-ਨਵੰਬਰ ਵਿੱਚ ਦੱਖਣੀ ਅਫਰੀਕਾ ਵਿੱਚ ਹੋਵੇਗਾ। ਕੋਹਲੀ ਅਤੇ ਰੋਹਿਤ ਨੂੰ ਉਨ੍ਹਾਂ ਦੀ ਫਾਰਮ ਅਤੇ ਫਿਟਨੈੱਸ ਦੇ ਆਧਾਰ ‘ਤੇ ਹੀ ਵਿਸ਼ਵ ਕੱਪ ਦੀ ਟੀਮ ਵਿੱਚ ਜਗ੍ਹਾ ਮਿਲੇਗੀ।

ਅਫਗਾਨਿਸਤਾਨ ਵਿਰੁੱਧ ਦੂਜਾ ਵਨਡੇ 17 ਜੂਨ ਨੂੰ ਲਖਨਊ ਵਿੱਚ ਅਤੇ ਤੀਜਾ ਵਨਡੇ 20 ਜੂਨ ਨੂੰ ਚੇਨਈ ਵਿੱਚ ਖੇਡਿਆ ਜਾਵੇਗਾ। ਇਸ ਤੋਂ ਬਾਅਦ ਭਾਰਤ ਆਪਣਾ ਅਗਲਾ ਵਨਡੇ 14 ਜੁਲਾਈ ਨੂੰ ਇੰਗਲੈਂਡ ਵਿਰੁੱਧ ਖੇਡੇਗਾ। ਤਦ ਭਾਰਤੀ ਟੀਮ ਤਿੰਨ ਵਨਡੇ ਮੈਚਾਂ ਦੀ ਸੀਰੀਜ਼ ਲਈ ਇੰਗਲੈਂਡ ਦਾ ਦੌਰਾ ਕਰੇਗੀ।

virat-kohli-to-miss-odi-series