ਸਪ੍ਰਾਉਟ ਸਲਾਦ ਰੈਸਪੀ: ਹਾਈ-ਪ੍ਰੋਟੀਨ ਸਲਾਦ ਜੋ ਤੁਹਾਨੂੰ ਦਿਨ ਭਰ ਰੱਖੇਗਾ ਐਨਰਜੀ ਨਾਲ ਭਰਪੂਰਗਰਮੀਆਂ ਲਈ ਹੈਲਥੀ ਅਤੇ ਲਾਈਟ ਫੂਡ ਦਾ ਬਿਹਤਰੀਨ ਵਿਕਲਪ

4 months ਪਹਿਲਾ

ਗਰਮੀਆਂ ਵਿੱਚ ਹਰ ਕੋਈ ਹਲਕਾ, ਤਾਜ਼ਗੀ ਭਰਿਆ ਅਤੇ ਸਿਹਤਮੰਦ ਖਾਣਾ ਪਸੰਦ ਕਰਦਾ ਹੈ। ਅਜਿਹੇ ਵਿੱਚ ਸਪ੍ਰਾਉਟ ਸਲਾਦ ਇੱਕ ਬਿਹਤਰੀਨ ਚੋਣ ਹੈ। ਇਹ ਸਿਰਫ਼ ਟੇਸਟੀ ਹੀ ਨਹੀਂ, ਸਗੋਂ ਹਾਈ-ਪ੍ਰੋਟੀਨ ਅਤੇ ਪੋਸ਼ਕ ਤੱਤਾਂ ਨਾਲ ਭਰਪੂਰ ਵੀ ਹੁੰਦਾ ਹੈ।

ਇਸ ਵਿੱਚ ਪੁੰਗਰੇ ਹੋਏ ਮੂੰਗ, ਖੀਰਾ, ਟਮਾਟਰ, ਪਿਆਜ਼, ਧਨੀਆ ਅਤੇ ਨਿੰਬੂ ਵਰਗੀਆਂ ਤਾਜ਼ਾ ਸਮੱਗਰੀਆਂ ਵਰਤੀ ਜਾਂਦੀਆਂ ਹਨ, ਜੋ ਇਸਨੂੰ ਹੋਰ ਵੀ ਹੈਲਥੀ ਅਤੇ ਰਿਫ੍ਰੈਸ਼ਿੰਗ ਬਣਾਉਂਦੀਆਂ ਹਨ।

ਕਿਉਂ ਖਾਸ ਹੈ ਸਪ੍ਰਾਉਟ ਸਲਾਦ?

ਸਪ੍ਰਾਉਟਸ ਵਿੱਚ ਪ੍ਰੋਟੀਨ ,ਫਾਈਬਰ ,ਵਿਟਾਮਿਨ ,ਮਿਨਰਲਸ ਦੀ ਭਰਪੂਰ ਮਾਤਰਾ ਹੁੰਦੀ ਹੈ, ਜੋ ਸਰੀਰ ਨੂੰ ਦਿਨ ਭਰ ਐਨਰਜੀ ਨਾਲ ਭਰਪੂਰ ਰੱਖਣ ਵਿੱਚ ਮਦਦ ਕਰਦੀ ਹੈ।

ਇਹ ਸਲਾਦ ਵਜ਼ਨ ਘਟਾਉਣ ਵਿੱਚ ਮਦਦਗਾਰ ,ਪਚਣ ਲਈ ਫਾਇਦੇਮੰਦ ਗਰਮੀਆਂ ਵਿੱਚ ਹਲਕਾ ਭੋਜਨ ਸ਼ਾਮ ਦੇ ਸਨੈਕ ਲਈ ਬਿਹਤਰੀਨ ਵਿਕਲਪ ਮੰਨਿਆ ਜਾਂਦਾ ਹੈ।

ਸਪ੍ਰਾਉਟ ਸਲਾਦ ਬਣਾਉਣ ਲਈ ਲੋੜੀਂਦੀ ਸਮੱਗਰੀ
1 ਕੱਪ ਮੂੰਗ ਦੇ ਸਪ੍ਰਾਉਟ
1 ਛੋਟਾ ਬਾਰੀਕ ਕੱਟਿਆ ਪਿਆਜ਼
1 ਛੋਟਾ ਕੱਟਿਆ ਟਮਾਟਰ
1/2 ਖੀਰਾ ਕੱਟਿਆ ਹੋਇਆ
1 ਹਰੀ ਮਿਰਚ ਬਾਰੀਕ ਕੱਟੀ ਹੋਈ
2 ਚਮਚ ਹਰਾ ਧਨੀਆ
1 ਚਮਚ ਨਿੰਬੂ ਦਾ ਰਸ
1/2 ਚਮਚ ਭੁੰਨਿਆ ਜੀਰਾ ਪਾਊਡਰ
1/2 ਚਮਚ ਚਾਟ ਮਸਾਲਾ
ਨਮਕ ਸੁਆਦ ਅਨੁਸਾਰ
ਸਪ੍ਰਾਉਟ ਸਲਾਦ ਬਣਾਉਣ ਦੀ ਆਸਾਨ ਵਿਧੀ
ਪਹਿਲਾ ਕਦਮ

ਸਭ ਤੋਂ ਪਹਿਲਾਂ ਮੂੰਗ ਦੇ ਸਪ੍ਰਾਉਟ ਇੱਕ ਵੱਡੇ ਬੋਲ ਵਿੱਚ ਪਾਓ। ਜੇ ਤੁਸੀਂ ਚਾਹੋ ਤਾਂ ਇਨ੍ਹਾਂ ਨੂੰ ਹਲਕਾ ਭਾਫ਼ ਵੀ ਦੇ ਸਕਦੇ ਹੋ।

ਦੂਜਾ ਕਦਮ

ਹੁਣ ਇਸ ਵਿੱਚ ਪਿਆਜ਼,ਟਮਾਟਰ,ਖੀਰਾ,ਹਰੀ ਮਿਰਚ,ਹਰਾ ਧਨੀਆ ਪਾ ਕੇ ਚੰਗੀ ਤਰ੍ਹਾਂ ਮਿਲਾਓ।

ਤੀਜਾ ਕਦਮ

ਹੁਣ ਭੁੰਨਿਆ ਜੀਰਾ ਪਾਊਡਰ, ਚਾਟ ਮਸਾਲਾ ਅਤੇ ਨਮਕ ਪਾ ਕੇ ਸਾਰੀਆਂ ਚੀਜ਼ਾਂ ਨੂੰ ਚੰਗੀ ਤਰ੍ਹਾਂ ਮਿਕਸ ਕਰੋ।

ਚੌਥਾ ਕਦਮ

ਉੱਪਰੋਂ ਨਿੰਬੂ ਦਾ ਰਸ ਪਾਓ ਅਤੇ ਹੌਲੀ-ਹੌਲੀ ਸਲਾਦ ਨੂੰ ਮਿਲਾਓ ਤਾਂ ਜੋ ਸਾਰੇ ਮਸਾਲੇ ਵਧੀਆ ਤਰੀਕੇ ਨਾਲ ਮਿਲ ਜਾਣ।

ਠੰਡਾ ਕਰਕੇ ਖਾਓ, ਸੁਆਦ ਹੋਵੇਗਾ ਦੋਗੁਣਾ

ਤੁਹਾਡਾ ਮਸਾਲੇਦਾਰ ਸਪ੍ਰਾਉਟ ਸਲਾਦ ਤਿਆਰ ਹੈ। ਇਸਨੂੰ ਕੁਝ ਸਮੇਂ ਲਈ ਫ੍ਰਿਜ ਵਿੱਚ ਰੱਖ ਕੇ ਠੰਡਾ ਕਰਕੇ ਖਾਣ ਨਾਲ ਇਸਦਾ ਸੁਆਦ ਹੋਰ ਵੀ ਵਧ ਜਾਂਦਾ ਹੈ।

ਸਪ੍ਰਾਉਟ ਸਲਾਦ ਨੂੰ ਹੋਰ ਟੇਸਟੀ ਬਣਾਉਣ ਦੇ ਟਿਪਸ

ਮੂੰਗ ਦੀ ਥਾਂ ਮਿਕਸ ਸਪ੍ਰਾਉਟ ਵਰਤੋ
ਅਨਾਰ ਦੇ ਦਾਣੇ ਪਾ ਕੇ ਸੁਆਦ ਵਧਾਓ
ਕੱਦੂਕਸ ਕੀਤੀ ਗਾਜਰ ਨਾਲ ਕੁਰਕੁਰਾਪਨ ਲਿਆਓ
ਭੁੰਨੇ ਕੱਦੂ ਜਾਂ ਸੂਰਜਮੁਖੀ ਦੇ ਬੀਜ ਪਾਓ
ਪਰੋਸਣ ਤੋਂ ਪਹਿਲਾਂ ਪੁਦੀਨੇ ਦੇ ਪੱਤੇ ਸ਼ਾਮਲ ਕਰੋ

ਸਿਹਤ ਅਤੇ ਸੁਆਦ ਦਾ ਪਰਫੈਕਟ ਕੰਬੀਨੇਸ਼ਨ

ਜੇ ਤੁਸੀਂ ਹੈਲਥੀ ਡਾਇਟ ਫਾਲੋ ਕਰ ਰਹੇ ਹੋ ਜਾਂ ਗਰਮੀਆਂ ਵਿੱਚ ਕੁਝ ਲਾਈਟ ਅਤੇ ਪੋਸ਼ਟਿਕ ਖਾਣਾ ਚਾਹੁੰਦੇ ਹੋ, ਤਾਂ ਇਹ ਸਪ੍ਰਾਉਟ ਸਲਾਦ ਤੁਹਾਡੇ ਲਈ ਇੱਕ ਬਿਹਤਰੀਨ ਚੋਣ ਹੋ ਸਕਦੀ ਹੈ।