Breaking: ਸਮ੍ਰਿਤੀ ਮੰਧਾਨਾ ਨੇ ਰੋਹਿਤ ਸ਼ਰਮਾ ਦਾ ਰਿਕਾਰਡ ਤੋੜਿਆ, ਟੀ-20 ਵਿੱਚ ਭਾਰਤ ਦੀ ਸਭ ਤੋਂ ਵੱਡੀ ਸਕੋਰਰ ਬਣੀ

18 April 2026 ਅੱਪਡੇਟ ਕੀਤਾ ਗਿਆ

ਨਵੀਂ ਦਿੱਲੀ (ਦੈਨਿਕ ਸਵੇਰਾ): ਭਾਰਤ ਦੀ ਮਹਿਲਾ ਟੀਮ ਦੀ ਉਪ-ਕਪਤਾਨ ਸਮ੍ਰਿਤੀ ਮੰਧਾਨਾ ਨੇ ਦੱਖਣੀ ਅਫਰੀਕਾ ਵਿਰੁੱਧ ਪਹਿਲੇ ਟੀ-20 ਮੈਚ ਵਿੱਚ ਇੱਕ ਵੱਡਾ ਰਿਕਾਰਡ ਬਣਾ ਦਿੱਤਾ। ਭਾਵੇਂ ਉਹ ਸਿਰਫ਼ 13 ਦੌੜਾਂ ਹੀ ਬਣਾ ਸਕੀ, ਪਰ ਉਸਨੇ ਟੀ-20 ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਰੋਹਿਤ ਸ਼ਰਮਾ ਤੋਂ ਵੱਧ ਦੌੜਾਂ ਬਣਾ ਕੇ ਇਤਿਹਾਸ ਰਚਿਆ।

ਰੋਹਿਤ ਸ਼ਰਮਾ ਨੇ ਟੀ-20 ਫਾਰਮੈਟ ਵਿੱਚ 4,231 ਦੌੜਾਂ ਬਣਾਈਆਂ ਸਨ। ਮੰਧਾਨਾ ਹੁਣ ਉਨ੍ਹਾਂ ਨੂੰ ਪਿੱਛੇ ਛੱਡ ਕੇ ਭਾਰਤ ਵੱਲੋਂ ਟੀ-20 ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੀ ਖਿਡਾਰਨ ਬਣ ਗਈ ਹੈ — ਪੁਰਸ਼ਾਂ ਅਤੇ ਮਹਿਲਾਵਾਂ ਦੋਵੇਂ ਵਿੱਚ।

ਇਸ ਵੱਡੇ ਬ੍ਰਾਂਡੇਡ ਘੜੀ ਨੇ ਪੰਜਾਬ ਦੇ ਤੇਜ਼ ਗੇਂਦਬਾਜ਼ ਕਿੰਗਜ਼ ਨੂੰ ਮੈਨ ਚਿਹਰੇ ਵਜੋ ਚੁਣਿਆ

ਮਹਿਲਾ ਟੀ-20ਆਈ ਵਿੱਚ ਮੰਧਾਨਾ ਹੁਣ ਦੂਜੇ ਸਥਾਨ ‘ਤੇ ਹੈ। ਉਸਦੇ ਅੰਕੜੇ ਇਹ ਹਨ:

• ਦੌੜਾਂ: 4244
• ਮੈਚ: 161
• ਔਸਤ: 30.31
• ਸਟ੍ਰਾਈਕ ਰੇਟ: 124.38

ਇਸ ਸੂਚੀ ਵਿੱਚ ਸਿਰਫ਼ ਨਿਊਜ਼ੀਲੈਂਡ ਦੀ ਸੂਜ਼ੀ ਬੇਟਸ ਉਸ ਤੋਂ ਅੱਗੇ ਹੈ, ਜਿਸਦੇ ਨਾਮ 4717 ਦੌੜਾਂ ਹਨ।

ਮੈਚ ਵਿੱਚ ਭਾਰਤ ਨੇ 157/7 ਬਣਾਇਆ, ਪਰ ਆਖ਼ਰੀ ਓਵਰਾਂ ਵਿੱਚ ਵਿਕਟਾਂ ਡਿੱਗਣ ਕਾਰਨ ਵੱਡਾ ਸਕੋਰ ਨਹੀਂ ਬਣ ਸਕਿਆ। ਦੱਖਣੀ ਅਫਰੀਕਾ ਨੇ 5 ਗੇਂਦਾਂ ਬਾਕੀ ਰਹਿੰਦਿਆਂ 6 ਵਿਕਟਾਂ ਨਾਲ ਮੈਚ ਜਿੱਤ ਲਿਆ।

ਮੈਚ ਤੋਂ ਬਾਅਦ ਮੰਧਾਨਾ ਨੇ ਕਿਹਾ ਕਿ ਉਹ ਨੈੱਟਸ ਵਿੱਚ ਚੰਗੀ ਬੱਲੇਬਾਜ਼ੀ ਕਰ ਰਹੀ ਹੈ ਅਤੇ ਅਗਲੀ ਪਾਰੀ ਵਿੱਚ ਵੱਡਾ ਸਕੋਰ ਬਣਾਉਣ ਦੀ ਕੋਸ਼ਿਸ਼ ਕਰੇਗੀ। ਉਸਨੇ ਕਿਹਾ ਕਿ ਘੱਟ ਸਕੋਰ ‘ਤੇ ਆਊਟ ਹੋਣਾ ਬੱਲੇਬਾਜ਼ ਨੂੰ ਹੋਰ ਮਿਹਨਤ ਕਰਨ ਲਈ ਪ੍ਰੇਰਿਤ ਕਰਦਾ ਹੈ।

ਭਾਰਤ ਅਤੇ ਦੱਖਣੀ ਅਫਰੀਕਾ ਵਿਚਾਲੇ ਦੂਜਾ ਟੀ-20 ਮੈਚ 19 ਅਪ੍ਰੈਲ ਨੂੰ ਡਰਬਨ ਵਿੱਚ ਖੇਡਿਆ ਜਾਵੇਗਾ। ਇਹ ਲੜੀ ਮਹਿਲਾ ਟੀ-20 ਵਿਸ਼ਵ ਕੱਪ 2026 ਦੀ ਤਿਆਰੀ ਲਈ ਮਹੱਤਵਪੂਰਨ ਹੈ।

smriti-mandhana-rohit-sharma-t20-record-clarification