ਖੂਨ ਦੇ ਬੈਗਾਂ ‘ਚ ਭੇਡਾਂ ਦਾ ਖੂਨ ਹੈਦਰਾਬਾਦ ‘ਚ ਫਰਮ ‘ਤੇ ਛਾਪੇ ‘ਚ ਵੱਡਾ ਖੁਲਾਸਾ

8 months ਪਹਿਲਾ

ਨੈਸ਼ਨਲ ਡੈਸਕ: ਹੈਦਰਾਬਾਦ ਦੇ ਕਚਿਗੁੜਾ ਇਲਾਕੇ ਵਿੱਚ ਇੱਕ ਨਿੱਜੀ ਫਰਮ ‘ਤੇ ਹੋਈ ਛਾਪੇਮਾਰੀ ਦੌਰਾਨ ਇੱਕ ਹੈਰਾਨੀਜਨਕ ਅਤੇ ਚਿੰਤਾਜਨਕ ਮਾਮਲਾ ਸਾਹਮਣੇ ਆਇਆ ਹੈ। ਪੁਲਿਸ ਜਾਂਚ ਵਿੱਚ ਪਤਾ ਲੱਗਿਆ ਕਿ ਇਥੇ ਇਨਸਾਨੀ ਖੂਨ ਵਾਲੇ ਬੈਗਾਂ ਵਾਂਗ ਪੈਕ ਕੀਤੇ ਹੋਏ ਪੈਕਟਾਂ ਵਿੱਚ ਭੇਡਾਂ ਅਤੇ ਬਕਰੀਆਂ ਦਾ ਖੂਨ ਰੱਖਿਆ ਗਿਆ ਸੀ। ਇਹ ਖੂਨ ਫ੍ਰਿਜਾਂ ਵਿੱਚ ਅਤੇ ਲੈਬ ਵਰਗੇ ਸੈਟਅਪ ਵਿੱਚ ਸੰਭਾਲਿਆ ਗਿਆ ਸੀ ਜਿਸਦਾ ਉਦੇਸ਼ ਇਸਦਾ ਗੈਰਕਾਨੂੰਨੀ ਉਪਯੋਗ ਕਰਨਾ ਦੱਸਿਆ ਜਾ ਰਿਹਾ ਹੈ।

ਪਿਆਰ ਦੀ ਆੜ ‘ਚ ਕਤਲ ਦੀ ਸਾਜ਼ਿਸ਼ ਪਤਨੀ ਨੇ ਪ੍ਰੇਮੀ ਨਾਲ ਮਿਲ ਕੇ ਪਤੀ ਦਾ ਸਿਰ ਕੱਟਿਆ

ਜਾਂਚ ਦੌਰਾਨ ਪੁਲਿਸ ਨੇ ਲਗਭਗ 1000 ਲੀਟਰ ਤੋਂ ਵੱਧ ਪਸ਼ੂ ਖੂਨ ਬਰਾਮਦ ਕੀਤਾ ਹੈ ਜੋ ਕਿ ਪੂਰੇ ਦੇਸ਼ ਵਿੱਚ ਚਰਚਾ ਦਾ ਕੇਂਦਰ ਬਣ ਗਿਆ ਹੈ। ਰਿਪੋਰਟਾਂ ਅਨੁਸਾਰ ਇਹ ਖੂਨ ਜਿੰਦਾ ਭੇਡਾਂ ਅਤੇ ਬਕਰੀਆਂ ਤੋਂ ਬਹੁਤ ਹੀ ਨਿਰਦਈ ਤਰੀਕੇ ਨਾਲ ਕੱਢਿਆ ਗਿਆ ਸੀ ਜੋ ਕਿ ਪਸ਼ੂ ਕੁਰੂਰਤਾ ਕਾਨੂੰਨ ਅਤੇ ਮੈਡੀਕਲ ਨਿਯਮਾਂ ਦੀ ਸਿੱਧੀ ਉਲੰਘਣਾ ਹੈ।

ਪੁਲਿਸ ਨੂੰ ਸ਼ੱਕ ਹੈ ਕਿ ਇਹ ਖੂਨ ਲੈਬ ਟੈਸਟਾਂ ਕਲਚਰ ਮੀਡੀਆ ਜਾਂ ਹੋਰ ਗੈਰਕਾਨੂੰਨੀ ਵਿਗਿਆਨਕ ਪ੍ਰਯੋਗਾਂ ਲਈ ਹੋਰ ਰਾਜਾਂ ਦੀਆਂ ਨਿੱਜੀ ਕੰਪਨੀਆਂ ਨੂੰ ਸਪਲਾਈ ਕੀਤਾ ਜਾ ਰਿਹਾ ਸੀ। ਇਸਦੇ ਆਧਾਰ ‘ਤੇ ਪੁਲਿਸ ਨੇ ਫਰਮ ਨੂੰ ਤੁਰੰਤ ਸੀਲ ਕਰ ਦਿੱਤਾ ਹੈ ਅਤੇ ਖੂਨ ਦੇ ਨਮੂਨੇ ਜਾਂਚ ਲਈ ਭੇਜੇ ਗਏ ਹਨ।

ਬੇਇੱਜਤੀ ਨੇ ਲੈ ਲਈ ਜਾਨ: ਬੈਂਗਲੁਰੂ ਡੈਂਟਲ ਵਿਦਿਆਰਥਣ ਦੀ ਆਤਮਹੱਤਿਆ ਨੇ ਖੋਲ੍ਹੇ ਸਵਾਲ

ਇਸ ਮਾਮਲੇ ਵਿੱਚ ਇੱਕ ਮੁੱਖ ਦੋਸ਼ੀ ਹਾਲੇ ਵੀ ਫਰਾਰ ਹੈ ਜਦਕਿ ਪੁਲਿਸ ਪੂਰੇ ਨੈੱਟਵਰਕ ਦੀ ਗੰਭੀਰ ਜਾਂਚ ਕਰ ਰਹੀ ਹੈ। ਇਹ ਮਾਮਲਾ ਸਿਰਫ਼ ਕਾਨੂੰਨੀ ਉਲੰਘਣਾ ਨਹੀਂ ਸਗੋਂ ਨੈਤਿਕਤਾ ਅਤੇ ਜਾਨਵਰਾਂ ਦੇ ਹੱਕਾਂ ਦੀ ਭਾਰੀ ਅਣਦੇਖੀ ਨੂੰ ਵੀ ਦਰਸਾਉਂਦਾ ਹੈ।