Rules Change from 1st December : ਸਾਵਧਾਨ ! Aadhar Card ਤੋਂ ਲੈ ਕੇ LPG…; ਬਦਲ ਜਾਣਗੇ ਇਹ ਨਿਯਮ !

10 months ਪਹਿਲਾ

ਨਵੀਂ ਦਿੱਲੀ : ਸਾਲ 2025 ਦਾ ਨਵੰਬਰ ਮਹੀਨਾ ਖ਼ਤਮ ਹੋਣ ਦੀ ਕੰਢੇ ‘ਤੇ ਹੈ ਅਤੇ ਦਸੰਬਰ ਦਸਤਕ ਦੇਣ ਵਾਲਾ ਹੈ। ਨਵੇਂ ਮਹੀਨੇ ਦੀ ਸ਼ੁਰੂਆਤ ਯਾਨੀ 1 ਦਸੰਬਰ ਤੋਂ ਦੇਸ਼ ਵਿੱਚ ਆਮ ਆਦਮੀ ਦੀ ਜੇਬ ਅਤੇ ਜ਼ਿੰਦਗੀ ਨਾਲ ਜੁੜੇ ਕਈ ਮਹੱਤਵਪੂਰਨ ਨਿਯਮਾਂ ਵਿੱਚ ਬਦਲਾਅ ਹੋਣ ਜਾ ਰਿਹਾ ਹੈ। ਦੱਸ ਦੇਈਏ ਕਿ ਸਰਕਾਰ ਅਤੇ ਪੈਟਰੋਲੀਅਮ ਕੰਪਨੀਆਂ ਹਰ ਮਹੀਨੇ ਦੀ ਪਹਿਲੀ ਤਾਰੀਖ ਨੂੰ ਰਸੋਈ ਗੈਸ ਤੋਂ ਲੈ ਕੇ ਹਵਾਈ ਈਂਧਨ ਤੱਕ ਦੀਆਂ ਕੀਮਤਾਂ ਦੀ ਸਮੀਖਿਆ ਕਰਦੀਆਂ ਹਨ, ਜਿਸਦਾ ਸਿੱਧਾ ਅਸਰ ਤੁਹਾਡੇ ਬਜਟ ‘ਤੇ ਪੈ ਸਕਦਾ ਹੈ।

Ajab Gajab : 5 ਸਾਲ ਦੀ ਬੱਚੀ ਬਣ ਗਈ ਸਭ ਤੋਂ ਘੱਟ ਉਮਰ ਦੀ ਮਾਂ ; ਜਾਣੋ ਕਿਵੇਂ ਹੋਇਆ ਇਹ ਸੰਭਵ

ਇਸ ਤੋਂ ਇਲਾਵਾ, 30 ਨਵੰਬਰ ਤੱਕ ਕੁਝ ਬੇਹੱਦ ਜ਼ਰੂਰੀ ਕੰਮ ਨਿਪਟਾਉਣ ਦੀ ਆਖਰੀ ਤਾਰੀਖ (Deadline) ਵੀ ਹੈ, ਜਿਸਨੂੰ ਖੁੰਝਣ ‘ਤੇ ਤੁਹਾਨੂੰ ਨੁਕਸਾਨ ਉਠਾਉਣਾ ਪੈ ਸਕਦਾ ਹੈ।

30 ਨਵੰਬਰ ਤਕ ਨਿਪਟਾ ਲਓ ਇਹ 3 ਕੰਮ

ਦਸੰਬਰ ਦਾ ਮਹੀਨਾ ਸ਼ੁਰੂ ਹੋਣ ਤੋਂ ਪਹਿਲਾਂ ਤੁਹਾਨੂੰ ਇਹ ਤਿੰਨ ਜ਼ਰੂਰੀ ਕੰਮ ਹਰ ਹਾਲ ਵਿੱਚ ਪੂਰੇ ਕਰ ਲੈਣੇ ਚਾਹੀਦੇ ਹਨ:

1. ਯੂਨੀਫਾਈਡ ਪੈਨਸ਼ਨ ਸਕੀਮ (UPS) : ਵਿੱਤ ਮੰਤਰਾਲੇ ਨੇ ਕੇਂਦਰੀ ਕਰਮਚਾਰੀਆਂ ਲਈ UPS ਚੁਣਨ ਦੀ ਆਖਰੀ ਤਾਰੀਖ 30 ਨਵੰਬਰ ਤੈਅ ਕੀਤੀ ਹੈ। ਪਹਿਲਾਂ ਇਹ ਤਾਰੀਖ 30 ਸਤੰਬਰ ਸੀ, ਜਿਸਨੂੰ ਵਧਾਇਆ ਗਿਆ ਸੀ। ਕਰਮਚਾਰੀਆਂ ਨੂੰ NPS ਅਤੇ UPS ਵਿੱਚੋਂ ਇੱਕ ਵਿਕਲਪ ਚੁਣਨਾ ਹੋਵੇਗਾ।
2. ਜੀਵਨ ਪ੍ਰਮਾਣ ਪੱਤਰ (Life Certificate): ਪੈਨਸ਼ਨਧਾਰਕਾਂ ਲਈ ਆਪਣਾ ਲਾਈਫ ਸਰਟੀਫਿਕੇਟ ਜਮ੍ਹਾਂ ਕਰਵਾਉਣਾ ਲਾਜ਼ਮੀ ਹੈ। ਜੇਕਰ ਤੁਹਾਡੇ ਘਰ ਵਿੱਚ ਕੋਈ ਬਜ਼ੁਰਗ ਪੈਨਸ਼ਨ ਲੈ ਰਿਹਾ ਹੈ, ਤਾਂ 30 ਨਵੰਬਰ ਤੱਕ ਇਹ ਕੰਮ ਜ਼ਰੂਰ ਕਰਵਾ ਲਓ, ਨਹੀਂ ਤਾਂ ਪੈਨਸ਼ਨ ਰੁਕ ਸਕਦੀ ਹੈ।
3. ਟੈਕਸ ਨਾਲ ਜੁੜੇ ਕੰਮ: ਅਕਤੂਬਰ 2025 ਵਿੱਚ ਕੱਟੇ TDS ਦੀ ਸਟੇਟਮੈਂਟ ਜਮ੍ਹਾਂ ਕਰਨ ਅਤੇ ਸੈਕਸ਼ਨ 92E ਤਹਿਤ ਰਿਪੋਰਟ ਦਾਖਲ ਕਰਨ ਦੀ ਡੈੱਡਲਾਈਨ ਵੀ 30 ਨਵੰਬਰ ਹੈ।

ਰਸੋਈ ਗੈਸ ਦੀਆਂ ਕੀਮਤਾਂ ‘ਚ ਹੋ ਸਕਦਾ ਹੈ ਬਦਲਾਅ

ਹਰ ਮਹੀਨੇ ਦੀ ਪਹਿਲੀ ਤਾਰੀਖ ਨੂੰ ਪੈਟਰੋਲੀਅਮ ਕੰਪਨੀਆਂ LPG ਸਿਲੰਡਰ (LPG Cylinder) ਦੀਆਂ ਕੀਮਤਾਂ ਨੂੰ ਰਿਵਾਈਜ਼ ਕਰਦੀਆਂ ਹਨ। ਉਮੀਦ ਕੀਤੀ ਜਾ ਰਹੀ ਹੈ ਕਿ 1 ਦਸੰਬਰ 2025 ਨੂੰ ਘਰੇਲੂ ਅਤੇ ਕਮਰਸ਼ੀਅਲ ਸਿਲੰਡਰ ਦੇ ਰੇਟਾਂ ਵਿੱਚ ਬਦਲਾਅ ਦੇਖਣ ਨੂੰ ਮਿਲ ਸਕਦਾ ਹੈ। ਜ਼ਿਕਰਯੋਗ ਹੈ ਕਿ 1 ਨਵੰਬਰ ਨੂੰ ਕਮਰਸ਼ੀਅਲ ਸਿਲੰਡਰ ਕਰੀਬ 6.50 ਰੁਪਏ ਸਸਤਾ ਹੋਇਆ ਸੀ।

ਹਵਾਈ ਸਫ਼ਰ ‘ਤੇ ਵੀ ਪੈ ਸਕਦਾ ਹੈ ਅਸਰ

LPG ਦੀ ਤਰ੍ਹਾਂ ਹੀ ਹਵਾਈ ਈਂਧਨ ਯਾਨੀ ATF (Aviation Turbine Fuel) ਦੀਆਂ ਕੀਮਤਾਂ ਦੀ ਵੀ 1 ਦਸੰਬਰ ਨੂੰ ਸਮੀਖਿਆ ਹੋਵੇਗੀ। ਜੇਕਰ ATF ਦੀਆਂ ਕੀਮਤਾਂ ਵਧਦੀਆਂ ਹਨ, ਤਾਂ ਇਸਦਾ ਸਿੱਧਾ ਅਸਰ ਹਵਾਈ ਕਿਰਾਏ ‘ਤੇ ਪੈ ਸਕਦਾ ਹੈ ਅਤੇ ਤਿਉਹਾਰਾਂ ਦੇ ਸੀਜ਼ਨ ਵਿੱਚ ਸਫ਼ਰ ਮਹਿੰਗਾ ਹੋ ਸਕਦਾ ਹੈ।