PM ਮੋਦੀ ਅੱਜ ਪੁਣੇ ਮੈਟਰੋ ਦੇ ਨਵੇਂ ਕੋਰੀਡੋਰ ਦਾ ਕਰਨਗੇ ਉਦਘਾਟਨ ; 4 ਨਵੇਂ ਰੂਟਾਂ ਦਾ ਵੀ ਰੱਖਣਗੇ ਨੀਂਹ ਪੱਥਰ

3 November 2026 ਅੱਪਡੇਟ ਕੀਤਾ ਗਿਆ

PM Modi Pune Metro : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅੱਜ, 3 ਨਵੰਬਰ ਨੂੰ ਪੁਣੇ ਮੈਟਰੋ ਦੀ ਨਵੀਂ ‘ਪਿੰਕ ਲਾਈਨ’ (Pink Line) ਦਾ ਉਦਘਾਟਨ ਕਰਨਗੇ। ਇਸ ਦੇ ਸ਼ੁਰੂ ਹੋਣ ਨਾਲ ਸ਼ਹਿਰ ਦੇ ਪ੍ਰਮੁੱਖ ਆਈ.ਟੀ. (IT) ਹੱਬ, ਹਿੰਜੇਵਾੜੀ ਅਤੇ ਸ਼ਿਵਾਜੀਨਗਰ ਵਿਚਕਾਰ ਮੈਟਰੋ ਸੰਪਰਕ ਬਿਹਤਰ ਹੋਵੇਗਾ। ਖਾਸ ਗੱਲ ਇਹ ਹੈ ਕਿ ਇਸ ਪੂਰੇ ਕੋਰੀਡੋਰ ਦਾ ਸੰਚਾਲਨ ਔਰਤਾਂ ਦੁਆਰਾ ਕੀਤਾ ਜਾਵੇਗਾ। ਇਸ ਤੋਂ ਇਲਾਵਾ, ਪ੍ਰਧਾਨ ਮੰਤਰੀ ਪੁਣੇ ਮੈਟਰੋ ਦੇ ਦੂਜੇ ਪੜਾਅ ਤਹਿਤ ਚਾਰ ਨਵੇਂ ਕੋਰੀਡੋਰਾਂ ਦਾ ਨੀਂਹ ਪੱਥਰ ਵੀ ਰੱਖਣਗੇ। ਇਨ੍ਹਾਂ ਪ੍ਰੋਜੈਕਟਾਂ ‘ਤੇ ਲਗਭਗ 21,800 ਕਰੋੜ ਰੁਪਏ ਖਰਚ ਕੀਤੇ ਜਾਣਗੇ, ਜਿਸ ਨਾਲ ਪੁਣੇ ਦੇ ਕਈ ਅਹਿਮ ਇਲਾਕਿਆਂ ਦੇ ਵਸਨੀਕਾਂ ਨੂੰ ਟ੍ਰੈਫਿਕ ਜਾਮ ਤੋਂ ਰਾਹਤ ਮਿਲਣ ਦੀ ਉਮੀਦ ਹੈ।

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਮੰਗਲਵਾਰ ਨੂੰ ਦੁਪਹਿਰ 12:30 ਵਜੇ ਵੀਡੀਓ ਕਾਨਫਰੰਸਿੰਗ ਰਾਹੀਂ ਪੁਣੇ ਮੈਟਰੋ ਦੀ 23 ਕਿਲੋਮੀਟਰ ਲੰਬੀ ‘ਪਿੰਕ ਲਾਈਨ’ ਦਾ ਉਦਘਾਟਨ ਕਰਨਗੇ। ਇਸ ਪ੍ਰੋਜੈਕਟ ਵਿੱਚ 8,300 ਕਰੋੜ ਰੁਪਏ ਤੋਂ ਵੱਧ ਦਾ ਨਿਵੇਸ਼ ਕੀਤਾ ਗਿਆ ਹੈ। ਇਹ ਕੋਰੀਡੋਰ ‘ਮਾਨ’ (Maan) ਤੋਂ ਜ਼ਿਲ੍ਹਾ ਅਦਾਲਤ (District Court) ਮੈਟਰੋ ਸਟੇਸ਼ਨ ਤੱਕ ਚੱਲੇਗਾ, ਜੋ ਹਿੰਜੇਵਾੜੀ ਦੇ ਆਈ.ਟੀ. ਹੱਬ ਨੂੰ ਸ਼ਿਵਾਜੀਨਗਰ ਨਾਲ ਜੋੜੇਗਾ। ਇਸ ਰੂਟ ਦੇ ਸ਼ੁਰੂ ਹੋਣ ਨਾਲ ਹਜ਼ਾਰਾਂ ਆਈ.ਟੀ. ਪੇਸ਼ੇਵਰਾਂ ਦੀ ਰੋਜ਼ਾਨਾ ਆਵਾਜਾਈ ਆਸਾਨ ਹੋਵੇਗੀ, ਨਾਲ ਹੀ ਸੜਕਾਂ ‘ਤੇ ਨਿੱਜੀ ਵਾਹਨਾਂ ਦੀ ਗਿਣਤੀ ਘਟਾਉਣ ਅਤੇ ਟ੍ਰੈਫਿਕ ਜਾਮ ਨੂੰ ਘੱਟ ਕਰਨ ਵਿੱਚ ਮਦਦ ਮਿਲੇਗੀ।

ਇਸ ਮੈਟਰੋ ਲਾਈਨ ਦੀਆਂ ਵਿਸ਼ੇਸ਼ਤਾਵਾਂ
ਪੁਣੇ ਮੈਟਰੋ ਦੀ ਪਿੰਕ ਲਾਈਨ ਕਈ ਪੱਖਾਂ ਤੋਂ ਖਾਸ ਹੈ। ਇਸ ਪੂਰੇ ਕੋਰੀਡੋਰ ਦਾ ਸੰਚਾਲਨ ਔਰਤਾਂ ਦੁਆਰਾ ਕੀਤਾ ਜਾਵੇਗਾ। ਇਸ ਤੋਂ ਇਲਾਵਾ, ਮੈਟਰੋ ਦੀ ਲਗਭਗ 30 ਫੀਸਦੀ ਬਿਜਲੀ ਦੀ ਲੋੜ ਨੂੰ ਸੂਰਜੀ ਊਰਜਾ (solar energy) ਰਾਹੀਂ ਪੂਰਾ ਕਰਨ ਦੀ ਯੋਜਨਾ ਹੈ, ਜਿਸ ਨਾਲ ਵਾਤਾਵਰਣ ‘ਤੇ ਪੈਣ ਵਾਲੇ ਪ੍ਰਭਾਵ ਨੂੰ ਘੱਟ ਕਰਨ ਵਿੱਚ ਮਦਦ ਮਿਲੇਗੀ।

What makes Pune Metro’s new Pink Line so special?

23 km connecting Hinjewadi’s IT hub with Shivajinagar.

Operated by women.

Almost a third of the electricity needs planned from solar energy.

Tomorrow, this Rs. 8,300 crore infra enhancement will be inaugurated!

A significant boost to ‘Ease of Living’ for Pune!

https://t.co/sPMa94JF6k— Narendra Modi (@narendramodi) November 2, 2026

13,500 ਕਰੋੜ ਰੁਪਏ ਦੀ ਲਾਗਤ ਨਾਲ ਚਾਰ ਨਵੇਂ ਮੈਟਰੋ ਕੋਰੀਡੋਰ ਬਣਾਏ ਜਾਣਗੇ
ਪਿੰਕ ਲਾਈਨ ਦੇ ਉਦਘਾਟਨ ਦੇ ਨਾਲ-ਨਾਲ, ਪ੍ਰਧਾਨ ਮੰਤਰੀ ਮੋਦੀ ਪੁਣੇ ਮੈਟਰੋ ਦੇ ਦੂਜੇ ਪੜਾਅ (Phase-2) ਦਾ ਨੀਂਹ ਪੱਥਰ ਵੀ ਰੱਖਣਗੇ, ਜਿਸ ‘ਤੇ ਅੰਦਾਜ਼ਨ 13,500 ਕਰੋੜ ਰੁਪਏ ਖਰਚ ਹੋਣਗੇ। ਇਸ ਪੜਾਅ ਵਿੱਚ ਚਾਰ ਨਵੇਂ ਕੋਰੀਡੋਰਾਂ ਦਾ ਨਿਰਮਾਣ ਸ਼ਾਮਲ ਹੈ:

ਲਾਈਨ 2A: ਵਨਾਜ਼ (Vanaz) ਤੋਂ ਚਾਂਦਨੀ ਚੌਕ ਤੱਕ।
ਲਾਈਨ 2B: ਰਾਮਵਾੜੀ (Ramwadi) ਤੋਂ ਵਿੱਠਲਵਾੜੀ (Vitthalwadi) ਤੱਕ।
ਲਾਈਨ 4: ਖਰਾਦੀ ਤੋਂ ਖੜਕਵਾਸਲਾ ਤਕ
ਲਾਈਨ 4A: ਨਲ ਸਟਾਪ ਤੋਂ ਮਾਨਿਕ ਬਾਗ ਤੱਕ।

ਇਨ੍ਹਾਂ ਖੇਤਰਾਂ ਲਈ ਸਿੱਧੇ ਲਾਭ
ਨਵੇਂ ਮੈਟਰੋ ਰੂਟ ਦੀ ਸ਼ੁਰੂਆਤ ਨਾਲ ਖਰਾਦੀ, ਮਗਰਪੱਟਾ, ਹਡਪਸਰ, ਸਵਾਰਗੇਟ, ਪੁਣੇ ਕੈਂਟੋਨਮੈਂਟ, ਵਾਰਜੇ ਅਤੇ ਨਾਂਦੇੜ ਸਿਟੀ ਵਰਗੇ ਖੇਤਰਾਂ ਵਿੱਚ ਆਵਾਜਾਈ ਸੰਪਰਕ (connectivity) ਵਿੱਚ ਸੁਧਾਰ ਹੋਵੇਗਾ। ਸਵਾਰਗੇਟ, ਨਲ ਸਟਾਪ ਅਤੇ ਖਰਾਦੀ ਬਾਈਪਾਸ ਵਿਖੇ ‘ਇੰਟਰਚੇਂਜ’ (ਇੱਕ ਤੋਂ ਦੂਜੇ ਰੂਟ ‘ਤੇ ਬਦਲਣ) ਦੀਆਂ ਸਹੂਲਤਾਂ ਵੀ ਵਿਕਸਤ ਕੀਤੀਆਂ ਜਾਣਗੀਆਂ, ਜਿਸ ਨਾਲ ਯਾਤਰੀਆਂ ਲਈ ਮੌਜੂਦਾ ਮੈਟਰੋ ਨੈੱਟਵਰਕ ਅਤੇ ਬੱਸ ਸੇਵਾਵਾਂ ਨਾਲ ਜੁੜਨਾ ਆਸਾਨ ਹੋ ਜਾਵੇਗਾ। ਕੁੱਲ ਮਿਲਾ ਕੇ, ਇਨ੍ਹਾਂ ਪ੍ਰੋਜੈਕਟਾਂ ਨਾਲ ਪੁਣੇ ਵਿੱਚ ਜਨਤਕ ਆਵਾਜਾਈ ਪ੍ਰਣਾਲੀ ਦੇ ਮਜ਼ਬੂਤ ​​ਹੋਣ ਦੀ ਉਮੀਦ ਹੈ ਅਤੇ ਇਸ ਨਾਲ ਰੋਜ਼ਾਨਾ ਆਉਣ-ਜਾਣ ਵਾਲੇ ਲੋਕਾਂ ਨੂੰ ਟ੍ਰੈਫਿਕ ਦੀ ਭੀੜ-ਭੜੱਕੇ ਤੋਂ ਰਾਹਤ ਮਿਲੇਗੀ।