ਲਾਈਫਸਟਾਈਲ ਡੈਸਕ: ਕਈ ਵਾਰ ਅਸੀਂ ਬਿਨਾਂ ਕਿਸੇ ਵੱਡੇ ਤਣਾਅ ਜਾਂ ਕੰਮ ਦੇ ਦਬਾਅ ਦੇ ਵੀ ਆਪਣੇ ਆਪ ਨੂੰ ਉਦਾਸ, ਥੱਕਿਆ ਜਾਂ ਚਿੜਚਿੜਾ ਮਹਿਸੂਸ ਕਰਦੇ ਹਾਂ। ਆਮ ਤੌਰ ‘ਤੇ ਇਸਦਾ ਕਾਰਨ ਖ਼ਰਾਬ ਰੁਟੀਨ ਜਾਂ ਥਕਾਵਟ ਨੂੰ ਮੰਨਿਆ ਜਾਂਦਾ ਹੈ, ਪਰ ਮਾਹਰਾਂ ਦੇ ਅਨੁਸਾਰ ਇਸਦੇ ਪਿੱਛੇ ਇੱਕ ਵੱਡਾ ਕਾਰਨ ਸਰੀਰ ਵਿੱਚ ਪੌਸ਼ਟਿਕ ਤੱਤਾਂ ਦੀ ਕਮੀ ਵੀ ਹੋ ਸਕਦੀ ਹੈ। ਸਾਡੀ ਰੋਜ਼ਾਨਾ ਦੀ ਡਾਇਟ ਸਿੱਧੇ ਤੌਰ ‘ਤੇ ਦਿਮਾਗ ਦੇ ਕੰਮ ਅਤੇ ਮੂਡ ‘ਤੇ ਅਸਰ ਪਾਂਦੀ ਹੈ।
ਡਾਕਟਰਾਂ ਦੀ ਰਾਇ ਕੀ ਕਹਿੰਦੀ ਹੈ?
ਮਾਹਿਰਾਂ ਦੇ ਮੁਤਾਬਕ, ਹਰ ਮਾਨਸਿਕ ਉਤਾਰ-ਚੜ੍ਹਾਅ ਨੂੰ ਸਿਰਫ਼ ਤਣਾਅ ਜਾਂ ਚਿੰਤਾ ਨਾਲ ਨਹੀਂ ਜੋੜਿਆ ਜਾ ਸਕਦਾ। ਸਾਡੇ ਦਿਮਾਗ ਵਿੱਚ ਬਣਨ ਵਾਲੇ ਕੁਝ ਮਹੱਤਵਪੂਰਨ ਨਿਊਰੋਟ੍ਰਾਂਸਮੀਟਰ ਜਿਵੇਂ Serotonin, Dopamine ਅਤੇ GABA ਮੂਡ ਨੂੰ ਨਿਯੰਤ੍ਰਿਤ ਕਰਦੇ ਹਨ। ਇਹਨਾਂ ਦੀ ਸਹੀ ਬਣਤਰ ਲਈ ਪੂਰਾ ਪੋਸ਼ਣ ਲਾਜ਼ਮੀ ਹੈ।
ਬਚੇ ਹੋਏ ਚੌਲ ਖਾਂਦੇ ਹੋ? ਪਹਿਲਾਂ ਜਾਣੋ ਇਹ ਮਹੱਤਵਪੂਰਨ ਗੱਲ, ਨਹੀਂ ਤਾਂ ਹੋ ਸਕਦਾ ਹੈ ਪਛਤਾਵਾ
ਵਿਟਾਮਿਨ ਡੀ ਦੀ ਕਮੀ ਅਤੇ ਡਿਪਰੈਸ਼ਨ
Vitamin D ਸਿਰਫ਼ ਹੱਡੀਆਂ ਲਈ ਹੀ ਨਹੀਂ, ਸਗੋਂ ਮਾਨਸਿਕ ਸਿਹਤ ਲਈ ਵੀ ਜ਼ਰੂਰੀ ਹੈ। ਜੇਕਰ ਤੁਸੀਂ ਧੁੱਪ ਵਿੱਚ ਘੱਟ ਸਮਾਂ ਬਿਤਾਉਂਦੇ ਹੋ। ਜ਼ਿਆਦਾ ਸਮਾਂ ਘਰ ਜਾਂ ਦਫ਼ਤਰ ਵਿੱਚ ਰਹਿੰਦੇ ਹੋ ਤਾਂ ਇਸ ਦੀ ਕਮੀ ਹੋ ਸਕਦੀ ਹੈ। ਇਸ ਨਾਲ ਥਕਾਵਟ, ਸੁਸਤੀ ਅਤੇ ਲੋ ਮੂਡ ਦੇ ਲੱਛਣ ਨਜ਼ਰ ਆ ਸਕਦੇ ਹਨ।
ਵਿਟਾਮਿਨ B12 ਦੀ ਕਮੀ ਦੇ ਲੱਛਣ
Vitamin B12 ਦੀ ਕਮੀ ਹੌਲੀ-ਹੌਲੀ ਪ੍ਰਭਾਵ ਦਿਖਾਉਂਦੀ ਹੈ
ਲਗਾਤਾਰ ਥਕਾਵਟ
ਧਿਆਨ ਵਿੱਚ ਕਮੀ
ਮਾਨਸਿਕ ਧੁੰਦ (brain fog)
ਇਹ ਸਮੱਸਿਆ ਖਾਸ ਕਰਕੇ ਸ਼ਾਕਾਹਾਰੀਆਂ ਅਤੇ ਬਜ਼ੁਰਗਾਂ ਵਿੱਚ ਜ਼ਿਆਦਾ ਪਾਈ ਜਾਂਦੀ ਹੈ।
ਵਿਟਾਮਿਨ B6, ਫੋਲੇਟ ਅਤੇ ਮੈਗਨੀਸ਼ੀਅਮ ਦੀ ਭੂਮਿਕਾ
Vitamin B6 ਅਤੇ Folate ਦਿਮਾਗ ਵਿੱਚ ਉਹ ਰਸਾਇਣ ਬਣਾਉਣ ਵਿੱਚ ਮਦਦ ਕਰਦੇ ਹਨ ਜੋ ਸਾਨੂੰ ਸ਼ਾਂਤ ਅਤੇ ਸੰਤੁਲਿਤ ਰੱਖਦੇ ਹਨ। ਉਨ੍ਹਾਂ ਦੀ ਕਮੀ ਨਾਲ ਚਿੜਚਿੜਾਪਨ ,ਬੇਚੈਨੀ ,ਭਾਵਨਾਤਮਕ ਅਸੰਤੁਲਨ ਪੈਦਾ ਹੋ ਸਕਦਾ ਹੈ। ਇਸਦੇ ਨਾਲ ਹੀ Magnesium ਨੂੰ ਸਰੀਰ ਦਾ “ਕੁਦਰਤੀ ਰਿਲੈਕਸਰ” ਮੰਨਿਆ ਜਾਂਦਾ ਹੈ। ਇਸ ਦੀ ਕਮੀ ਨਾਲ ਨੀਂਦ ਦੀ ਸਮੱਸਿਆ ਸਿਰ ਦਰਦ
ਚਿੰਤਾ ਵੱਧ ਸਕਦੀ ਹੈ।
ਆਇਰਨ ਦੀ ਕਮੀ ਵੀ ਹੋ ਸਕਦੀ ਹੈ ਕਾਰਨ
Iron ਦੀ ਕਮੀ ਨਾਲ ਸਰੀਰ ਵਿੱਚ ਆਕਸੀਜਨ ਦੀ ਸਪਲਾਈ ਘੱਟ ਹੋ ਜਾਂਦੀ ਹੈ, ਜਿਸ ਨਾਲ ਕਮਜ਼ੋਰੀ
ਲਗਾਤਾਰ ਥਕਾਵਟ ਮੂਡ ਸਵਿੰਗ ਜਿਹੀਆਂ ਸਮੱਸਿਆਵਾਂ ਪੈਦਾ ਹੋ ਸਕਦੀਆਂ ਹਨ। ਲੰਬੇ ਸਮੇਂ ਵਿੱਚ ਇਹ ਮਾਨਸਿਕ ਥਕਾਵਟ ਦਾ ਕਾਰਨ ਵੀ ਬਣ ਸਕਦੀ ਹੈ।
ਜੇਕਰ ਤੁਸੀਂ ਬਿਨਾਂ ਕਿਸੇ ਸਪੱਸ਼ਟ ਕਾਰਨ ਦੇ ਅਕਸਰ ਥੱਕੇ ਹੋਏ, ਉਦਾਸ ਜਾਂ ਚਿੜਚਿੜੇ ਮਹਿਸੂਸ ਕਰਦੇ ਹੋ, ਤਾਂ ਇਸਨੂੰ ਨਜ਼ਰਅੰਦਾਜ਼ ਨਾ ਕਰੋ। ਇਹ ਸਿਰਫ਼ ਮਾਨਸਿਕ ਨਹੀਂ, ਸਰੀਰਕ ਕਾਰਨ ਵੀ ਹੋ ਸਕਦਾ ਹੈ। ਸੰਤੁਲਿਤ ਆਹਾਰ, ਧੁੱਪ ਅਤੇ ਨਿਯਮਿਤ ਸਿਹਤ ਜਾਂਚ ਨਾਲ ਤੁਸੀਂ ਇਸ ਸਮੱਸਿਆ ਤੋਂ ਬਚ ਸਕਦੇ ਹੋ।
ਉੱਤਰਾਖੰਡ ਗੁਰਦੁਆਰਾ ਵਿਵਾਦ: ਨਿਹੰਗਾਂ ਦੀਆਂ ਮੰਗਾਂ ਕਾਰਨ ਬਣਿਆ ਤਣਾਅਪੂਰਨ ਮਾਹੌਲ