ਨਵੀਂ ਦਿਲੀ: ਭਾਰਤ ਸਰਕਾਰ ਨੇ ਆਮ ਲੋਕਾਂ ਲਈ ਕਾਨੂੰਨੀ ਸਹਾਇਤਾ ਨੂੰ ਹੋਰ ਆਸਾਨ ਅਤੇ ਪਹੁੰਚਯੋਗ ਬਣਾਉਣ ਵੱਲ ਇੱਕ ਮਹੱਤਵਪੂਰਨ ਡਿਜੀਟਲ ਕਦਮ ਚੁੱਕਿਆ ਹੈ। ਕਾਨੂੰਨ ਅਤੇ ਨਿਆਂ ਮੰਤਰਾਲੇ ਨੇ ਘੋਸ਼ਣਾ ਕੀਤੀ ਹੈ ਕਿ ਹੁਣ ‘ਨਿਆਂ ਸੇਤੂ’ ਵਟਸਐਪ ’ਤੇ ਵੀ ਉਪਲਬਧ ਹੈ। ਇਸ ਸਹੂਲਤ ਰਾਹੀਂ ਨਾਗਰਿਕ ਆਪਣੇ ਮੋਬਾਈਲ ਫ਼ੋਨ ਤੋਂ ਬਿਨਾਂ ਕਿਸੇ ਖ਼ਰਚੇ ਦੇ ਕਾਨੂੰਨੀ ਜਾਣਕਾਰੀ ਅਤੇ ਮੁੱਢਲੀ ਸਲਾਹ ਪ੍ਰਾਪਤ ਕਰ ਸਕਣਗੇ।
‘ਨਿਆਂ ਸੇਤੂ’ ਦੀ ਸ਼ੁਰੂਆਤ ਅਗਸਤ 2024 ਵਿੱਚ ਕੀਤੀ ਗਈ ਸੀ। ਇਸ ਦਾ ਮੁੱਖ ਉਦੇਸ਼ ਲੋਕਾਂ ਨੂੰ ਸਰਲ ਭਾਸ਼ਾ ਵਿੱਚ ਕਾਨੂੰਨੀ ਜਾਣਕਾਰੀ ਦੇਣਾ ਅਤੇ ਨਿਆਂ ਪ੍ਰਕਿਰਿਆ ਨੂੰ ਸਮਝਣ ਵਿੱਚ ਮਦਦ ਕਰਨਾ ਹੈ। ਇਹ ਖ਼ਾਸ ਤੌਰ ’ਤੇ ਉਹਨਾਂ ਲਈ ਲਾਭਕਾਰੀ ਹੈ ਜੋ ਆਪਣੇ ਅਧਿਕਾਰਾਂ ਤੋਂ ਅਣਜਾਣ ਹਨ ਜਾਂ ਜਿਨ੍ਹਾਂ ਦੀ ਪਹੁੰਚ ਵਕੀਲਾਂ ਤੱਕ ਨਹੀਂ ਹੈ ਅਤੇ ਛੋਟੇ ਕਾਨੂੰਨੀ ਮਾਮਲਿਆਂ ਵਿੱਚ ਸਹੀ ਦਿਸ਼ਾ ਚਾਹੁੰਦੇ ਹਨ।
ਇਹ ਵੀ ਪੜ੍ਹੋ: ਮੁਸਤਫਿਜੁਰ ਰਹਮਾਨ ਨੂੰ ਟੀਮ ਤੋਂ ਹਟਾਉਣ ਦੇ ਬਾਅਦ ਬੰਗਲਾਦੇਸ਼ ਸਰਕਾਰ ਨੇ IPL ਟੈਲੀਕਾਸਟ ਨੂੰ ਕੀਤਾ ਰੱਦ…..
ਵਟਸਐਪ ’ਤੇ ਇਸ ਸੇਵਾ ਨੂੰ ਲਿਆਉਣ ਦਾ ਫੈਸਲਾ ਇਸ ਲਈ ਮਹੱਤਵਪੂਰਨ ਹੈ ਕਿਉਂਕਿ ਭਾਰਤ ਵਿੱਚ ਪੰਜਾਹ ਕਰੋੜ ਤੋਂ ਵੱਧ ਯੂਜ਼ਰ ਹਨ। ਇਸ ਨਾਲ ਲੋਕਾਂ ਨੂੰ ਸਰਕਾਰੀ ਦਫ਼ਤਰਾਂ ਦੇ ਚੱਕਰ ਨਹੀਂ ਕੱਟਣੇ ਪੈਣਗੇ ਅਤੇ ਪੇਂਡੂ ਤੇ ਦੂਰਦਰਾਜ਼ ਇਲਾਕਿਆਂ ਤੱਕ ਵੀ ਕਾਨੂੰਨੀ ਮਦਦ ਪਹੁੰਚ ਸਕੇਗੀ।
ਇਹ ਵੀ ਪੜ੍ਹੋ: ਨਾਗਪੁਰ ਵਿੱਚ ਮਹਿਲਾ ਮਿੱਤਰ ਨੂੰ ਲੈ ਕੇ ਮਜ਼ਾਕ ਬਣਿਆ ਖੂਨੀ ਝਗੜਾ 22 ਸਾਲਾ ਨੌਜਵਾਨ ਦੀ ਹੱਤਿਆ 4 ਜ਼ਖ਼ਮੀ
ਇਸ ਸੇਵਾ ਦੀ ਵਰਤੋਂ ਕਰਨਾ ਬਹੁਤ ਆਸਾਨ ਹੈ। ਯੂਜ਼ਰ ਆਪਣੇ ਮੋਬਾਈਲ ਵਿੱਚ 7217711814 ਨੰਬਰ ਸੇਵ ਕਰਕੇ ਵਟਸਐਪ ’ਤੇ ਕੋਈ ਵੀ ਮੈਸੇਜ ਭੇਜ ਸਕਦੇ ਹਨ। ਇਹ ਅਕਾਊਂਟ ‘ਟੈਲੀ ਲਾਅ’ ਦੇ ਨਾਂ ਨਾਲ ਦਿਖਾਈ ਦੇਵੇਗਾ ਅਤੇ ਚੈਟਬੋਟ ਰਾਹੀਂ ਕਾਨੂੰਨੀ ਜਾਣਕਾਰੀ, ਸਲਾਹ ਅਤੇ ਸਰਕਾਰੀ ਯੋਜਨਾਵਾਂ ਨਾਲ ਜੁੜੀ ਮਦਦ ਪ੍ਰਾਪਤ ਕੀਤੀ ਜਾ ਸਕਦੀ ਹੈ। ਸ਼ੁਰੂਆਤ ਵਿੱਚ ਮੋਬਾਈਲ ਨੰਬਰ ਦੀ ਵੈਰੀਫਿਕੇਸ਼ਨ ਲਈ ਪੁੱਛਿਆ ਜਾ ਸਕਦਾ ਹੈ ਪਰ ਮੁੱਢਲੀ ਜਾਣਕਾਰੀ ਬਿਨਾਂ ਵੈਰੀਫਿਕੇਸ਼ਨ ਦੇ ਵੀ ਮਿਲ ਰਹੀ ਹੈ।
ਇਹ ਸੇਵਾ ਐਂਡਰਾਇਡ ਫੋਨ, ਆਈਫੋਨ ਅਤੇ ਵਟਸਐਪ ਵੈੱਬ ’ਤੇ ਉਪਲਬਧ ਹੈ।
‘ਨਿਆਂ ਸੇਤੂ’ ਨਾਲ ਲੋਕਾਂ ਨੂੰ ਛੋਟੇ ਵਿਵਾਦਾਂ ਵਿੱਚ ਸਹੀ ਦਿਸ਼ਾ ਮਿਲੇਗੀ, ਵਕੀਲਾਂ ਦੀ ਉੱਚੀ ਫ਼ੀਸ ਅਤੇ ਕਾਨੂੰਨੀ ਪ੍ਰਕਿਰਿਆ ਦਾ ਡਰ ਘਟੇਗਾ ਅਤੇ ਨਿਆਂ ਪ੍ਰਣਾਲੀ ਵਿੱਚ ਲੋਕਾਂ ਦਾ ਭਰੋਸਾ ਹੋਰ ਮਜ਼ਬੂਤ ਹੋਵੇਗਾ।
