ਖਸਰੇ ਦੀ ਮਹਾਂਮਾਰੀ ‘ਚ ਫਸਿਆ ਇੰਡੋਨੇਸ਼ੀਆ, ਟੀਕਾ ਬਣਿਆ ਵਿਵਾਦ

12 months ਪਹਿਲਾ

ਜਕਾਰਤਾ : ਦੁਨੀਆ ਦੇ ਸਭ ਤੋਂ ਵੱਡੇ ਮੁਸਲਿਮ ਦੇਸ਼ ਇੰਡੋਨੇਸ਼ੀਆ ‘ਚ ਖਸਰੇ ਦੀ ਮਹਾਂਮਾਰੀ ਨੇ ਚਿੰਤਾ ਵਧਾ ਦਿੱਤੀ ਹੈ। ਮਦੁਰਾ ਟਾਪੂ ਦੇ ਸੁਮੇਨੇਪ ਸ਼ਹਿਰ ‘ਚ ਪਿਛਲੇ ਨੌਂ ਮਹੀਨਿਆਂ ਦੌਰਾਨ 2,600 ਤੋਂ ਵੱਧ ਬੱਚੇ ਖਸਰੇ ਨਾਲ ਸੰਕਰਮਿਤ ਹੋਏ ਹਨ, ਜਦਕਿ 20 ਦੀ ਮੌਤ ਹੋ ਚੁੱਕੀ ਹੈ।

2018 ਵਿੱਚ ਇੰਡੋਨੇਸ਼ੀਆਈ ਉਲੇਮਾ ਕੌਂਸਲ ਨੇ ਇਹ ਮੰਨਿਆ ਸੀ ਕਿ ਜੈਲੇਟਿਨ ਵਾਲੇ ਟੀਕੇ ਹਰਾਮ ਹਨ, ਪਰ ਜੇਕਰ ਕੋਈ ਵਿਕਲਪ ਉਪਲਬਧ ਨਾ ਹੋਵੇ ਤਾਂ ਉਨ੍ਹਾਂ ਦੀ ਵਰਤੋਂ ਜਾਇਜ਼ ਹੈ।

ਸਰਕਾਰ ਹੁਣ ਧਾਰਮਿਕ ਆਗੂਆਂ ਨਾਲ ਸੰਪਰਕ ਕਰਕੇ ਲੋਕਾਂ ਨੂੰ ਟੀਕਾਕਰਨ ਲਈ ਪ੍ਰੇਰਿਤ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ, ਤਾਂ ਜੋ ਮਹਾਂਮਾਰੀ ‘ਤੇ ਕਾਬੂ ਪਾਇਆ ਜਾ ਸਕੇ।