ਪੰਜਾਬ ਡੈਸਕ (ਦੈਨਿਕ ਸਵੇਰਾ): ਜਲੰਧਰ ਦੀ ਐਂਟੀ ਨਾਰਕੋਟਿਕਸ ਟਾਸਕ ਫੋਰਸ ਨੇ ਅਮ੍ਰਿਤਸਰ ਦੇ ਜੰਡਿਆਲਾ ਗੁਰੂ ਇਲਾਕੇ ਵਿੱਚ ਇੱਕ ਹੇਰੋਇਨ ਤਸਕਰ ਨੂੰ ਗ੍ਰਿਫ਼ਤਾਰ ਕੀਤਾ। ਪੁਲਿਸ ਨੇ ਉਸਦੇ ਕਬਜ਼ੇ ਤੋਂ 1 ਕਿਲੋ 264 ਗ੍ਰਾਮ ਹੇਰੋਇਨ ਬਰਾਮਦ ਕੀਤੀ। ਗ੍ਰਿਫ਼ਤਾਰ ਵਿਅਕਤੀ ਕਰਨਦੀਪ ਸਿੰਘ ਉਰਫ਼ ਕਰਨ, ਗੁਰੂ ਤੇਗ ਬਹਾਦੁਰ ਨਗਰ, ਮੇਹਤਾ ਰੋਡ ਅਮ੍ਰਿਤਸਰ ਦਾ ਰਹਿਣ ਵਾਲਾ ਹੈ। ਉਹ ਸਿਰਫ਼ 5ਵੀਂ ਪਾਸ ਹੈ ਅਤੇ ਪਹਿਲਾਂ ਕਾਰਪੈਂਟਰ ਦਾ ਕੰਮ ਕਰਦਾ ਸੀ। ਬੁਰੀ ਸੰਗਤ ਕਾਰਨ ਨਸ਼ੇ ਦਾ ਆਦੀ ਹੋਇਆ ਅਤੇ ਫਿਰ ਤਸਕਰੀ ਵਿੱਚ ਸ਼ਾਮਲ ਹੋ ਗਿਆ।
‘ਚੰਗਾ ਹੋਇਆ ਬੱਚੀ ਮਰ ਗਈ’: ਦੋਸ਼ੀ ਦੀ ਪਤਨੀ ਦੇ ਕਥਿਤ ਬਿਆਨ ਨਾਲ ਮਾਹੌਲ ਗਰਮ
ਇਹ ਕਾਰਵਾਈ ADGP ਨੀਲਾਭ ਕਿਸ਼ੋਰ ਦੇ ਹੁਕਮਾਂ ਅਤੇ AIG ਜਗਜੀਤ ਸਿੰਘ ਸਰੋਆ ਤੇ DSP ਬਿਕਰਮਜੀਤ ਸਿੰਘ ਦੀ ਦੇਖਰੇਖ ਹੇਠ ਕੀਤੀ ਗਈ। ਗੁਪਤ ਸੂਚਨਾ ਮਿਲਣ ‘ਤੇ ASI ਕੁਲਦੀਪ ਸਿੰਘ ਦੀ ਟੀਮ ਨੇ ਜੰਡਿਆਲਾ ਗੁਰੂ ਦੀ ਗ੍ਰੀਨ ਐਵੇਨਿਊ ਕਾਲੋਨੀ ਵਿੱਚ ਘੇਰਾਬੰਦੀ ਕਰਕੇ ਉਸਨੂੰ ਕਾਬੂ ਕੀਤਾ। ਉਸਦੇ ਖ਼ਿਲਾਫ਼ ANTF ਮੋਹਾਲੀ ਥਾਣੇ ਵਿੱਚ NDPS ਐਕਟ ਤਹਿਤ ਕੇਸ ਦਰਜ ਕੀਤਾ ਗਿਆ ਹੈ।
ਕੀ ‘ਹੇਰਾ ਫੇਰੀ 3’ ਬਣੇਗੀ ਵੀ? ਕਾਨੂੰਨੀ ਲੜਾਈ ਨੇ ਰੋਕਿਆ ਰਸਤਾ ਜਾਂ ਨਹੀਂ ਪੜੋਂ ਪੂਰੀ ਖ਼ਬਰ
ਪੁੱਛਗਿੱਛ ਦੌਰਾਨ ਕਰਨਦੀਪ ਨੇ ਦੱਸਿਆ ਕਿ ਉਹ ਨਸ਼ੇ ਦੀ ਲਤ ਅਤੇ ਜਲਦੀ ਪੈਸਾ ਕਮਾਉਣ ਦੀ ਲਾਲਚ ਕਾਰਨ ਤਸਕਰੀ ਕਰਨ ਲੱਗ ਪਿਆ। ਪੁਲਿਸ ਜਾਂਚ ਵਿੱਚ ਇਹ ਵੀ ਸਾਹਮਣੇ ਆਇਆ ਕਿ ਉਸਦੇ ਖ਼ਿਲਾਫ਼ ਪਹਿਲਾਂ ਵੀ ਨਸ਼ਾ ਵੇਚਣ, ਗੈਰ-ਕਾਨੂੰਨੀ ਹਥਿਆਰ ਰੱਖਣ ਅਤੇ ਲੜਾਈ-ਝਗੜੇ ਦੇ ਮਾਮਲੇ ਦਰਜ ਹਨ। ਹੁਣ ਪੁਲਿਸ ਇਹ ਪਤਾ ਲਗਾ ਰਹੀ ਹੈ ਕਿ ਉਹ ਸਿਰਫ਼ ਸਥਾਨਕ ਗਿਰੋਹ ਨਾਲ ਜੁੜਿਆ ਸੀ ਜਾਂ ਕਿਸੇ ਵੱਡੇ ਅੰਤਰਰਾਜੀ ਜਾਂ ਅੰਤਰਰਾਸ਼ਟਰੀ ਨਸ਼ਾ ਤਸਕਰ ਗਿਰੋਹ ਨਾਲ ਵੀ ਸੰਪਰਕ ਵਿੱਚ ਸੀ।
major-action-jandiala-guru-smuggler