ਲਾਡੋਵਾਲ ਟੋਲ ਪਲਾਜ਼ਾ ਵੱਲ ਜਾਣ ਵਾਲੇ ਦੇਣ ਧਿਆਨ ,ਨਹੀਂ ਤਾਂ…..

10 months ਪਹਿਲਾ

ਜਲੰਧਰ ਨਿਊਜ਼ : ਲਾਡੋਵਾਲ ਟੋਲ ਪਲਾਜ਼ਾ ਵੱਲੋਂ ਇੱਕ ਰੋਸ ਰੈਲੀ ਆਯੋਜਿਤ ਕੀਤੀ ਗਈ ਹੈ, ਜਿਸਦਾ ਮਕਸਦ ਕੇਂਦਰੀ ਟਰਾਂਸਪੋਰਟ ਮੰਤਰੀ ਨਿਤਿਨ ਗਡਕਰੀ ਦੇ ਐਲਾਨ ਦਾ ਵਿਰੋਧ ਕਰਨਾ ਹੈ। ਮੰਤਰੀ ਨੇ ਦਾਅਵਾ ਕੀਤਾ ਹੈ ਕਿ ਦੇਸ਼ ਦੇ ਸਾਰੇ ਟੋਲ ਪਲਾਜ਼ਿਆਂ ਨੂੰ ਨਕਦੀ ਰਹਿਤ (Cashless) ਕੀਤਾ ਜਾਵੇਗਾ ਅਤੇ ਸੈਟੇਲਾਈਟ ਡਿਜੀਟਲ ਸਿਸਟਮ ਨਾਲ ਜੋੜਿਆ ਜਾਵੇਗਾ।

ਰੈਲੀ ਸਵੇਰੇ ਲਗਭਗ 11:30 ਵਜੇ ਸ਼ੁਰੂ ਹੋਈ ਅਤੇ ਦੁਪਹਿਰ 2 ਵਜੇ ਤੱਕ ਜਾਰੀ ਰਹੀ। ਇਸ ਦੌਰਾਨ ਟੋਲ ਪਲਾਜ਼ਾ ਕਰਮਚਾਰੀਆਂ ਨੇ ਆਪਣੀਆਂ ਚਿੰਤਾਵਾਂ ਸਾਂਝੀਆਂ ਕੀਤੀਆਂ।

ਸੈਂਟਰ ਆਫ਼ ਇੰਡੀਅਨ ਟ੍ਰੇਡ ਯੂਨੀਅਨਜ਼ (ਸੀਟੂ) ਦੇ ਸੂਬਾ ਪ੍ਰਧਾਨ ਸਕੱਤਰ ਚੰਦਰਸ਼ੇਖਰ ਅਤੇ ਟੋਲ ਪਲਾਜ਼ਾ ਵਰਕਰਜ਼ ਯੂਨੀਅਨ ਦੇ ਸੂਬਾ ਪ੍ਰਧਾਨ ਦਰਸ਼ਨ ਸਿੰਘ ਲਾਡੀ ਅਤੇ ਸੂਬਾ ਜਨਰਲ ਸਕੱਤਰ ਸੁਖਜੀਤ ਸਿੰਘ ਸੰਧੂ ਨੇ ਦਾਅਵਾ ਕੀਤਾ ਕਿ ਨਕਦੀ ਰਹਿਤ ਪ੍ਰਣਾਲੀ ਨਾਲ ਦੇਸ਼ ਦੇ 10 ਲੱਖ ਹੁਨਰਮੰਦ ਕਰਮਚਾਰੀ ਬੇਰੁਜ਼ਗਾਰ ਹੋ ਸਕਦੇ ਹਨ। ਉਨ੍ਹਾਂ ਦੇ ਮਤਾਬਕ, ਇਸ ਨਾਲ ਸੜਕੀ ਆਵਾਜਾਈ ਦੇ ਕੰਟਰੋਲ ਅਰਬਾਂ ਰੁਪਏ ਵਾਲੇ ਚੋਣਵੇਂ ਕਾਰਪੋਰੇਟ ਘਰਾਣਿਆਂ ਦੇ ਹੱਥਾਂ ਵਿੱਚ ਚਲੀ ਜਾਵੇਗੀ, ਜਦੋਂ ਕਿ ਵਾਹਨ ਮਾਲਕਾਂ ਅਤੇ ਡਰਾਈਵਰਾਂ ਨੂੰ ਨਵਾਂ ਆਰਥਿਕ ਬੋਝ ਭੁਗਤਣਾ ਪਵੇਗਾ।

READ ALSO : ਅੰਮ੍ਰਿਤਸਰ ਵਾਸੀਆਂ ਲਈ ਖੁਸ਼ਖਬਰੀ, ਮੁਫ਼ਤ ਬੱਸ ਸੇਵਾ ਸ਼ੁਰੂ

ਉਨ੍ਹਾਂ ਨੇ ਦੱਸਿਆ ਕਿ ਹਾਲ ਹੀ ਵਿੱਚ ਹਰ ਟੋਲ ਪਲਾਜ਼ਾ ਦੇ ਨੇੜਲੇ ਪਿੰਡਾਂ ਅਤੇ ਕਸਬਿਆਂ ਦੇ ਲੋਕਾਂ ਨੂੰ ਮੁਫ਼ਤ ਪਹੁੰਚ ਮਿਲ ਰਹੀ ਹੈ ਅਤੇ ਚਾਰ ਦਰਜਨ ਤੋਂ ਵੱਧ ਵਾਹਨ ਸੇਵਾਵਾਂ ਲਈ ਟੋਲ ਮੁਕਤ ਸੇਵਾਵਾਂ ਦਿੱਤੀਆਂ ਜਾ ਰਹੀਆਂ ਹਨ। ਪਰ ਨਵੀਂ ਸੈਟੇਲਾਈਟ ਪ੍ਰਣਾਲੀ ਨਾਲ ਇਹ ਸਾਰੇ ਵਾਹਨ ਆਟੋਮੈਟਿਕ ਟੋਲ ਫੀਸ ਦੇ ਅਧੀਨ ਆਉਣਗੇ, ਜਿਸ ਵਿੱਚ ਵਾਹਨ ਮਾਲਕ ਦੇ ਬੈਂਕ ਖਾਤੇ ਤੋਂ ਟੋਲ ਫੀਸ ਕੱਟੀ ਜਾਵੇਗੀ।

ਸੀਟੂ ਅਤੇ ਟੋਲ ਪਲਾਜ਼ਾ ਯੂਨੀਅਨ ਆਗੂਆਂ ਨੇ ਹੋਰ ਟਰੇਡ ਯੂਨੀਅਨਾਂ ਅਤੇ ਕਿਸਾਨ ਸੰਗਠਨਾਂ ਦੇ ਆਗੂਆਂ ਨੂੰ ਇਸ ਰੈਲੀ ਵਿੱਚ ਸ਼ਾਮਲ ਹੋਣ ਦੀ ਅਪੀਲ ਕੀਤੀ ਹੈ, ਤਾਕਿ ਨਵੀਂ ਪ੍ਰਣਾਲੀ ਦੇ ਵਿਰੋਧ ਵਿੱਚ ਇਕ ਸਾਥ ਬਣਾਇਆ ਜਾ ਸਕੇ।

VD : ਪੰਜਾਬ ‘ਚ ਸੰਘਣੀ ਧੁੰਦ ਦਾ ਕਹਿਰ,ਆਵਾਜਾਈ ਹੋ ਰਹੀ ਪ੍ਰਭਾਵਿਤ,ਦੇਖੋ ਫਿਰੋਜ਼ਪੁਰ ਦੇ ਹਲਾਤ