Kylian Mbappe ਨੇ 74ਵੇਂ ਮਿੰਟ `ਚ ਟੀਮ ਵੱਲੋਂ ਤੀਜਾ ਗੋਲ ਕਰਕੇ ਮੈਸੀ ਦੀ ਬਰਾਬਰੀ ਕੀਤੀ 

2 July 2026 ਅੱਪਡੇਟ ਕੀਤਾ ਗਿਆ

ਅੰਤਰਰਾਸ਼ਟਰੀ ਡੈਕਸ: ਕਾਇਲਿਆਨ ਐਮਬਾਪੇ ਦੇ ਸ਼ਾਨਦਾਰ ਪ੍ਰਦਰਸ਼ਨ ਦੀ ਮਦਦ ਨਾਲ ਫਰਾਂਸ ਨੇ ਸਵੀਡਨ ਨੂੰ 3-0 ਨਾਲ ਹਰਾਇਆ ਅਤੇ ਵਿਸ਼ਵ ਕੱਪ ਦੇ ਆਖਰੀ-16 ਵਿੱਚ ਜਗ੍ਹਾ ਬਣਾਈ, ਜਿੱਥੇ ਉਸਦਾ ਮੁਕਾਬਲਾ ਪੈਰਾਗਵੇ ਨਾਲ ਹੋਵੇਗਾ।

ਮੈਚ ਵਿੱਚ ਐਮਬਾਪੇ ਨੇ 45ਵੇਂ ਮਿੰਟ ਵਿੱਚ ਇੱਕ ਸ਼ਾਨਦਾਰ ਗੋਲ ਕਰਕੇ ਫਰਾਂਸ ਨੂੰ ਬੜ੍ਹਤ ਦਿਵਾਈ। ਦੂਜੇ ਹਾਫ ਵਿੱਚ ਉਸ ਨੇ ਇੱਕ ਹੋਰ ਗੋਲ ਕੀਤਾ। ਇਸ ਤੋਂ ਇਲਾਵਾ ਫਰਾਂਸ ਵੱਲੋਂ ਬੈਡਲੀ ਬਾਰਕੋਲਾ ਨੇ 53ਵੇਂ ਮਿੰਟ ਵਿੱਚ ਇੱਕ ਗੋਲ ਕੀਤਾ। ਆਖਿਰ ਵਿੱਚ 74ਵੇਂ ਮਿੰਟ ਵਿੱਚ ਐਮਬਾਪੇ ਨੇ ਤੀਜਾ ਗੋਲ ਕਰਕੇ ਟੀਮ ਦੀ ਜਿੱਤ ਪੱਕੀ ਕਰ ਦਿੱਤੀ।

ਇਹ ਵੀ ਪੜ੍ਹੋ:

ਫੀਫਾ ਵਿਸ਼ਵ ਕੱਪ 2026: ਸੁਰੱਖਿਆ ਜਾਂਚ ਦੌਰਾਨ ਹੱਸੇ ਲਿਓਨਲ ਮੇਸੀ, ਵੀਡੀਓ ਵਾਇਰਲ

ਇਹ ਪਿਛਲੇ ਚਾਰ ਮੈਚਾਂ ਵਿੱਚ ਤੀਜੀ ਵਾਰ ਹੈ ਜਦੋਂ ਐਮਬਾਪੇ ਨੇ ਇੱਕ ਮੈਚ ਵਿੱਚ ਦੋ ਗੋਲ ਕੀਤੇ ਹਨ। ਇਸ ਟੂਰਨਾਮੈਂਟ ਵਿੱਚ ਉਸਦੇ ਹੁਣ 6 ਗੋਲ ਹੋ ਚੁੱਕੇ ਹਨ ਅਤੇ ਉਸ ਨੇ ਲਿਓਨਲ ਮੇਸੀ ਦੀ ਬਰਾਬਰੀ ਕਰ ਲਈ ਹੈ। ਵਿਸ਼ਵ ਕੱਪ ਕਰੀਅਰ ਵਿੱਚ ਉਸਦੇ ਕੁੱਲ ਗੋਲ 18 ਹੋ ਗਏ ਹਨ, ਜੋ ਮੇਸੀ ਦੇ ਰਿਕਾਰਡ ਤੋਂ ਸਿਰਫ ਇੱਕ ਘੱਟ ਹਨ।

ਐਮਬਾਪੇ ਨਾਕਆਊਟ ਮੈਚਾਂ ਵਿੱਚ ਵੀ ਬੇਹੱਦ ਸ਼ਾਨਦਾਰ ਰਿਹਾ ਹੈ ਅਤੇ ਹੁਣ ਤੱਕ ਇਨ੍ਹਾਂ ਰਾਊਂਡਾਂ ਵਿੱਚ 10 ਗੋਲ ਕਰ ਚੁੱਕਾ ਹੈ, ਜੋ ਪੁਰਾਣੇ ਰਿਕਾਰਡਾਂ ਤੋਂ ਵੱਧ ਹਨ।

ਫਰਾਂਸ ਦੀ ਟੀਮ ਇਸ ਟੂਰਨਾਮੈਂਟ ਵਿੱਚ ਮਜ਼ਬੂਤ ਫਾਰਮ ਵਿੱਚ ਹੈ। ਉਸ ਨੇ ਹੁਣ ਤੱਕ 13 ਗੋਲ ਕੀਤੇ ਹਨ ਅਤੇ ਸਿਰਫ 2 ਗੋਲ ਖਾਧੇ ਹਨ। ਸਟੇਡੀਅਮ ਵਿੱਚ 80,663 ਦਰਸ਼ਕ ਮੌਜੂਦ ਸਨ, ਜਿਨ੍ਹਾਂ ਵਿੱਚ ਵੱਡੀ ਗਿਣਤੀ ਫਰਾਂਸੀਸੀ ਪ੍ਰਸ਼ੰਸਕਾਂ ਦੀ ਸੀ।

Equals Lionel Messi’s Record