ਕੌਣ ਬਣੇਗਾ ਕਰੋੜਪਤੀ’ ‘ਚ ਵੱਡਾ ਫੇਰਬਦਲ! ਬਿੱਗ ਬੀ ਬੋਲੇ- “ਹੁਣ ਮੁਕਾਬਲੇਬਾਜ਼ਾਂ ਨੂੰ ਹੋਰ…”

18 July 2026 ਅੱਪਡੇਟ ਕੀਤਾ ਗਿਆ

ਨਵੀਂ ਦਿੱਲੀ: ਸ਼ੋਅ ਦੇ ਨਵੇਂ ਪ੍ਰੋਮੋ ਵਿੱਚ ਅਮਿਤਾਭ ਬੱਚਨ ਨੇ ਕਿਹਾ ਕਿ ਅੱਜ ਦੇ ਸਮੇਂ ਵਿੱਚ ਜਾਣਕਾਰੀ ਅਤੇ ਜਵਾਬ ਆਸਾਨੀ ਨਾਲ ਮੋਬਾਈਲ ਫੋਨ ‘ਤੇ ਮਿਲ ਜਾਂਦੇ ਹਨ। ਇਸ ਲਈ ਇਸ ਵਾਰ ਕੇਬੀਸੀ ਵਿੱਚ ਕੁਝ ਬਦਲਾਅ ਕੀਤੇ ਗਏ ਹਨ। ਹੁਣ ਸਿਰਫ਼ ਜਵਾਬ ਯਾਦ ਹੋਣਾ ਕਾਫ਼ੀ ਨਹੀਂ ਹੋਵੇਗਾ, ਸਗੋਂ ਪ੍ਰਤੀਯੋਗੀਆਂ ਨੂੰ ਸਹੀ ਜਵਾਬ ਦੇਣ ਤੋਂ ਪਹਿਲਾਂ ਸੋਚਣਾ ਅਤੇ ਸਮਝ ਕੇ ਫੈਸਲਾ ਲੈਣਾ ਪਵੇਗਾ।

ਇੱਕ ਹੋਰ ਪ੍ਰੋਮੋ ਵਿੱਚ ਉਨ੍ਹਾਂ ਕਿਹਾ ਕਿ ਇਸ ਵਾਰ ਸਿਰਫ਼ ਭੂਗੋਲ, ਇਤਿਹਾਸ ਜਾਂ ਵਿਗਿਆਨ ਦਾ ਗਿਆਨ ਹੀ ਕਾਫ਼ੀ ਨਹੀਂ ਹੋਵੇਗਾ। ਖੇਡ ਦਾ ਤਰੀਕਾ ਬਦਲ ਗਿਆ ਹੈ ਅਤੇ ਹੁਣ ਤਰਕ ਨਾਲ ਸੋਚਣਾ ਵੀ ਜ਼ਰੂਰੀ ਹੋਵੇਗਾ।

ਫੀਫਾ ਵਿਸ਼ਵ ਕੱਪ 2026 ਫਾਈਨਲ ਮੈਚ ਅਧਿਕਾਰੀਆਂ ਦੀ ਪੁਸ਼ਟੀ ਤੈਅ, ਕਦੋਂ ਤੇ ਕਿਥੇਂ ਪੜੋਂ ਪੂਰਾ

ਤੀਜੇ ਪ੍ਰੋਮੋ ਵਿੱਚ ਅਮਿਤਾਭ ਬੱਚਨ ਨੇ ਕਿਹਾ ਕਿ ਏਆਈ (ਆਰਟੀਫ਼ਿਸ਼ਲ ਇੰਟੈਲੀਜੈਂਸ) ਨੇ ਦੁਨੀਆ ਨੂੰ ਤੇਜ਼ੀ ਨਾਲ ਬਦਲ ਦਿੱਤਾ ਹੈ। ਇਸ ਬਦਲਦੇ ਸਮੇਂ ਦੇ ਨਾਲ ਕਦਮ ਮਿਲਾਉਣ ਲਈ ਕੇਬੀਸੀ ਵਿੱਚ ਵੀ ਨਵਾਂ ਬਦਲਾਅ ਕੀਤਾ ਗਿਆ ਹੈ, ਤਾਂ ਜੋ ਪ੍ਰਤੀਯੋਗੀ ਸਿਰਫ਼ ਯਾਦਦਾਸ਼ਤ ਨਹੀਂ, ਸਗੋਂ ਆਪਣੀ ਸੋਚ ਅਤੇ ਸਮਝ ਦਾ ਵੀ ਇਸਤੇਮਾਲ ਕਰਨ।

ਸੋਨੀ ਪਿਕਚਰਜ਼ ਨੈੱਟਵਰਕਸ ਇੰਡੀਆ ਦੇ ਬੁਲਾਰੇ ਨੇ ਕਿਹਾ ਕਿ ਕੇਬੀਸੀ ਸਾਲਾਂ ਤੋਂ ਗਿਆਨ ਅਤੇ ਸਿੱਖਣ ਨੂੰ ਉਤਸ਼ਾਹਿਤ ਕਰਦਾ ਆ ਰਿਹਾ ਹੈ। ਇਸ ਵਾਰ ‘ਸੋਚਣਾ ਪਵੇਗਾ’ ਥੀਮ ਰਾਹੀਂ ਸ਼ੋਅ ਦਾ ਮਕਸਦ ਲੋਕਾਂ ਨੂੰ ਗਿਆਨ ਦੇ ਨਾਲ-ਨਾਲ ਸਹੀ ਸੋਚ ਅਤੇ ਫੈਸਲਾ ਲੈਣ ਦੀ ਮਹੱਤਤਾ ਵੀ ਸਮਝਾਉਣਾ ਹੈ।

‘ਕੌਨ ਬਨੇਗਾ ਕਰੋੜਪਤੀ’ ਦੀ ਸ਼ੁਰੂਆਤ ਸਾਲ 2000 ਵਿੱਚ ਹੋਈ ਸੀ ਅਤੇ ਇਸ ਦੇ ਜ਼ਿਆਦਾਤਰ ਸੀਜ਼ਨਾਂ ਦੀ ਮੇਜ਼ਬਾਨੀ ਅਮਿਤਾਭ ਬੱਚਨ ਨੇ ਕੀਤੀ ਹੈ। ਸਿਰਫ਼ 2007 ਵਿੱਚ ਆਏ ਤੀਜੇ ਸੀਜ਼ਨ ਨੂੰ ਸ਼ਾਹਰੁਖ ਖਾਨ ਨੇ ਹੋਸਟ ਕੀਤਾ ਸੀ।

kaun-banega-crorepati-major-change-big