Flydubai ਦੇ ਕੈਪਟਨ ਸਮਿਤ ਮੱਛਾਰ ਨੂੰ ਪ੍ਰੈਜ਼ੀਡੈਂਸ਼ੀਅਲ ਐਵਾਰਡ ਨਾਲ ਸਨਮਾਨਿਤ ਕਰੇਗਾ ਇਜ਼ਰਾਈਲ ; ਰਾਸ਼ਟਰਪਤੀ ਨੇ ਕੀਤਾ ਐਲਾਨ

18 minutes ਪਹਿਲਾ

Israel President Award : ਓਮਾਨ ਦੇ ਸਹਿ-ਪਾਇਲਟ ਹਮਾਮ ਅਲ-ਹਮਾਮੀ ਨੇ ਫਲਾਈਦੁਬਈ ਦੇ ਜਹਾਜ਼ ਦੇ ਕਾਕਪਿਟ ਦੇ ਅੰਦਰ ਭਾਰਤੀ ਕੈਪਟਨ ਸਮਿਤ ਮਾਛਰ ‘ਤੇ ‘ਕ੍ਰੈਸ਼ ਐਕਸ’ (ਜਹਾਜ਼ ਵਿੱਚ ਐਮਰਜੈਂਸੀ ਲਈ ਰੱਖੀ ਕੁਹਾੜੀ) ਨਾਲ ਹਮਲਾ ਕੀਤਾ ਸੀ; ਮਾਛਰ ਨੇ ਡਟ ਕੇ ਮੁਕਾਬਲਾ ਕੀਤਾ ਅਤੇ 174 ਯਾਤਰੀਆਂ ਤੇ ਅਮਲੇ ਦੇ ਮੈਂਬਰਾਂ ਦੀ ਜਾਨ ਬਚਾਈ। ਉਨ੍ਹਾਂ ਨੂੰ ਇਜ਼ਰਾਈਲ ਦੇ ‘ਸਿਵਿਲੀਅਨ ਹੀਰੋਇਜ਼ਮ ਲਈ ਰਾਸ਼ਟਰਪਤੀ ਪੁਰਸਕਾਰ’ (ਨਾਗਰਿਕ ਬਹਾਦਰੀ ਲਈ ਰਾਸ਼ਟਰਪਤੀ ਪੁਰਸਕਾਰ) ਨਾਲ ਸਨਮਾਨਿਤ ਕੀਤਾ ਜਾਵੇਗਾ—ਜੋ ਕਿ ਨਾਗਰਿਕ ਬਹਾਦਰੀ ਲਈ ਦੇਸ਼ ਦਾ ਸਭ ਤੋਂ ਉੱਚਾ ਪੁਰਸਕਾਰ ਹੈ। ਗੰਭੀਰ ਸੱਟਾਂ ਲੱਗਣ ਅਤੇ ਬਹੁਤ ਜ਼ਿਆਦਾ ਖੂਨ ਵਹਿਣ ਦੇ ਬਾਵਜੂਦ, ਭਾਰਤੀ ਪਾਇਲਟ ਕਾਕਪਿਟ ਦਾ ਦਰਵਾਜ਼ਾ ਖੋਲ੍ਹਣ ਵਿੱਚ ਕਾਮਯਾਬ ਹੋ ਗਏ। ਉਨ੍ਹਾਂ ਦੀ ਹਿੰਮਤ ਸਦਕਾ, ਯਾਤਰੀ ਕਾਕਪਿਟ ਵਿੱਚ ਦਾਖਲ ਹੋਣ ਅਤੇ ਹਮਲਾਵਰ ਨੂੰ ਕਾਬੂ ਕਰਨ ਦੇ ਯੋਗ ਹੋ ਸਕੇ।

🇮🇱🇮🇳 Captain Smit Machchhar’s courage helped avert a catastrophe. President Isaac Herzog will award him Israel’s Presidential Award for Civilian Heroism once he recovers. We wish him a full and speedy recovery. Thank you, Captain. Israel honors your bravery. https://t.co/X70KKAGdzW

— Israel in India (@IsraelinIndia) October 9, 2026

ਇਜ਼ਰਾਈਲ ਦੇ ਰਾਸ਼ਟਰਪਤੀ ਨੇ ਕੀ ਕਿਹਾ
ਭਾਰਤੀ ਪਾਇਲਟ ਸਮਿਤ ਮਾਛਰ ਇਸ ਸਮੇਂ ਯੂਏਈ (UAE) ਦੇ ਇੱਕ ਹਸਪਤਾਲ ਵਿੱਚ ਇਲਾਜ ਅਧੀਨ ਹਨ। ਇਜ਼ਰਾਈਲ ਦੇ ਰਾਸ਼ਟਰਪਤੀ ਆਈਜ਼ਕ ਹਰਜ਼ੋਗ ਨੇ ਕਿਹਾ ਕਿ ਸਿਹਤਯਾਬ ਹੋਣ ‘ਤੇ ਭਾਰਤੀ ਪਾਇਲਟ ਨੂੰ ਇਜ਼ਰਾਈਲ ਦੇ ਸਭ ਤੋਂ ਉੱਚੇ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਜਾਵੇਗਾ। ਉਨ੍ਹਾਂ ਕਿਹਾ, “ਅੱਜ ਅਸੀਂ ਜਿਨ੍ਹਾਂ ਇਜ਼ਰਾਈਲੀ ਨਾਇਕਾਂ ਨੂੰ ਸਨਮਾਨਿਤ ਕਰ ਰਹੇ ਹਾਂ, ਉਨ੍ਹਾਂ ਦੇ ਨਾਲ-ਨਾਲ ਅਸੀਂ ਭਾਰਤ ਦੇ ਕੈਪਟਨ ਸਮਿਤ ਮਾਛਰ ਦੇ ਪੂਰੀ ਤਰ੍ਹਾਂ ਅਤੇ ਜਲਦੀ ਠੀਕ ਹੋਣ ਦੀ ਵੀ ਕਾਮਨਾ ਕਰਦੇ ਹਾਂ। ਕੈਪਟਨ ਮਾਛਰ ਦੀ ਅਥਾਹ ਬਹਾਦਰੀ ਅਤੇ ਮਿਸਾਲੀ ਪੇਸ਼ੇਵਰਾਨਾ ਰਵੱਈਏ ਨੇ ਇੱਕ ਵੱਡੀ ਤਬਾਹੀ ਨੂੰ ਟਾਲਣ ਵਿੱਚ ਮਦਦ ਕੀਤੀ। ਉਨ੍ਹਾਂ ਦੇ ਠੀਕ ਹੋਣ ‘ਤੇ, ਇਜ਼ਰਾਈਲ ਦੇ ਲੋਕਾਂ ਵੱਲੋਂ ਉਨ੍ਹਾਂ ਨੂੰ ‘ਸਿਵਿਲੀਅਨ ਹੀਰੋਇਜ਼ਮ ਲਈ ਰਾਸ਼ਟਰਪਤੀ ਪੁਰਸਕਾਰ’ ਭੇਂਟ ਕਰਨਾ ਮੇਰੇ ਲਈ ਮਾਣ ਵਾਲੀ ਗੱਲ ਹੋਵੇਗੀ।”