ਭਾਰਤੀ ਰੇਲਵੇ ਦਾ ਵੱਡਾ ਬਦਲਾਅ: ਅਗਸਤ ਤੋਂ ਨਵੀਂ ਹਾਈ-ਟੈਕ ਰਿਜ਼ਰਵੇਸ਼ਨ ਪ੍ਰਣਾਲੀ ਸ਼ੁਰੂ

8 June 2026 ਅੱਪਡੇਟ ਕੀਤਾ ਗਿਆ

ਭਾਰਤੀ ਰੇਲਵੇ ਆਪਣੀ ਲਗਭਗ 40 ਸਾਲ ਪੁਰਾਣੀ ਯਾਤਰੀ ਰਿਜ਼ਰਵੇਸ਼ਨ ਪ੍ਰਣਾਲੀ (PRS) ਨੂੰ ਬਦਲਣ ਦੀ ਤਿਆਰੀ ਕਰ ਰਿਹਾ ਹੈ। ਅਗਸਤ ਤੋਂ ਸ਼ੁਰੂ ਹੋਣ ਵਾਲਾ ਇਹ ਨਵਾਂ ਡਿਜੀਟਲ ਸਿਸਟਮ ਪੂਰੀ ਤਰ੍ਹਾਂ ਆਧੁਨਿਕ, ਤੇਜ਼ ਅਤੇ ਕਲਾਉਡ-ਅਧਾਰਤ ਤਕਨਾਲੋਜੀ ‘ਤੇ ਆਧਾਰਿਤ ਹੋਵੇਗਾ, ਜਿਸ ਨਾਲ ਟਿਕਟ ਬੁਕਿੰਗ ਦਾ ਤਜਰਬਾ ਬਹੁਤ ਸੁਚਾਰੂ ਹੋਣ ਦੀ ਉਮੀਦ ਹੈ।

ਰੇਲ ਮੰਤਰੀ ਅਸ਼ਵਨੀ ਵੈਸ਼ਨਵ (Ashwini Vaishnaw) ਨੇ ਇਸ ਮੈਗਾ ਪ੍ਰੋਜੈਕਟ ਦੀ ਸਮੀਖਿਆ ਕਰਦਿਆਂ ਅਧਿਕਾਰੀਆਂ ਨੂੰ ਹਦਾਇਤ ਦਿੱਤੀ ਹੈ ਕਿ ਤਬਦੀਲੀ ਦੌਰਾਨ ਯਾਤਰੀਆਂ ਨੂੰ ਕਿਸੇ ਵੀ ਤਕਨੀਕੀ ਸਮੱਸਿਆ ਦਾ ਸਾਹਮਣਾ ਨਾ ਕਰਨਾ ਪਵੇ।

ਹਿਮਾਚਲ ਸਿਆਸਤ ਵਿੱਚ ਤੂਫ਼ਾਨ: ਸੁੱਖੂ-ਨੀਰਜ ਭਾਰਤੀ ਵਿਵਾਦ ਨੇ ਵਧਾਈ ਕਾਂਗਰਸ ਦੀ ਮੁਸ਼ਕਲ

ਨਵੇਂ ਸਿਸਟਮ ਦੀ ਸਭ ਤੋਂ ਵੱਡੀ ਖ਼ਾਸੀਅਤ ਇਹ ਹੈ ਕਿ ਇਹ ਤਤਕਾਲ (Tatkal) ਬੁਕਿੰਗ ਦੌਰਾਨ ਸਰਵਰ ਲੋਡ ਨੂੰ ਸੰਭਾਲਣ ਦੇ ਯੋਗ ਹੋਵੇਗਾ, ਜਿਸ ਨਾਲ ਵੈੱਬਸਾਈਟ ਜਾਂ ਐਪ ਦੇ ਕਰੈਸ਼ ਹੋਣ ਦੀ ਸਮੱਸਿਆ ਘਟੇਗੀ। ਅੱਜਕੱਲ੍ਹ ਵੱਡੀ ਮੰਗ ਕਾਰਨ ਸਿਸਟਮ ਹੌਲਾ ਹੋ ਜਾਂਦਾ ਸੀ, ਪਰ ਨਵਾਂ ਢਾਂਚਾ ਇਸ ਨੂੰ ਕਾਫੀ ਹੱਦ ਤੱਕ ਖਤਮ ਕਰਨ ਦੀ ਕੋਸ਼ਿਸ਼ ਕਰੇਗਾ।

ਇਸ ਅਪਗ੍ਰੇਡ ਵਿੱਚ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (AI) ਦੀ ਵੀ ਮਹੱਤਵਪੂਰਨ ਭੂਮਿਕਾ ਹੋਵੇਗੀ। ਨਵਾਂ ਸਿਸਟਮ ਵੈਟਿੰਗ ਟਿਕਟ ਦੀ ਪੁਸ਼ਟੀ ਹੋਣ ਦੀ ਸੰਭਾਵਨਾ ਲਗਭਗ 94% ਸ਼ੁੱਧਤਾ ਨਾਲ ਦੱਸੇਗਾ, ਜਿਸ ਨਾਲ ਯਾਤਰੀ ਆਪਣੀ ਯਾਤਰਾ ਬਿਹਤਰ ਤਰੀਕੇ ਨਾਲ ਯੋਜਨਾ ਕਰ ਸਕਣਗੇ।

ਰੇਲਵੇ ਦਾ ਨਵਾਂ ਡਿਜੀਟਲ ਪਲੇਟਫਾਰਮ ‘RailOne’ ਐਪ ਵੀ ਇਸ ਸਿਸਟਮ ਨਾਲ ਜੁੜਿਆ ਹੋਵੇਗਾ। ਇਸ ਐਪ ਰਾਹੀਂ ਟਿਕਟ ਬੁਕਿੰਗ ਦੇ ਨਾਲ-ਨਾਲ ਲਾਈਵ ਟ੍ਰੇਨ ਸਟੇਟਸ, ਕੋਚ ਪੋਜ਼ੀਸ਼ਨ ਅਤੇ ਸ਼ਿਕਾਇਤਾਂ ਵਰਗੀਆਂ ਸੇਵਾਵਾਂ ਇੱਕ ਹੀ ਥਾਂ ‘ਤੇ ਮਿਲਣਗੀਆਂ।

ਮਾਹਿਰਾਂ ਦਾ ਮੰਨਣਾ ਹੈ ਕਿ ਇਹ ਬਦਲਾਅ ਭਾਰਤੀ ਰੇਲਵੇ ਦੇ ਇਤਿਹਾਸ ਵਿੱਚ ਸਭ ਤੋਂ ਵੱਡੇ ਡਿਜੀਟਲ ਅਪਗ੍ਰੇਡਾਂ ਵਿੱਚੋਂ ਇੱਕ ਹੋ ਸਕਦਾ ਹੈ, ਜਿਸ ਨਾਲ ਨਾ ਸਿਰਫ਼ ਯਾਤਰੀਆਂ ਦਾ ਤਜਰਬਾ ਸੁਧਰੇਗਾ, ਸਗੋਂ ਟਿਕਟ ਬੁਕਿੰਗ ਪ੍ਰਣਾਲੀ ਹੋਰ ਪਾਰਦਰਸ਼ੀ ਅਤੇ ਤੇਜ਼ ਵੀ ਬਣੇਗੀ।

ਬਿਹਾਰ ਵਿੱਚ ਭਿਆਨਕ ਸੜਕ ਹਾਦਸਾ: ਬੱਸ-ਟਰੱਕ ਟੱਕਰ ਵਿੱਚ 3 ਮੌਤਾਂ, 20 ਜ਼ਖਮੀ