ਪੰਜਾਬ ਦੇ ਸਰਹੱਦੀ ਪਿੰਡਾਂ ‘ਤੇ ਹੜ੍ਹ ਦਾ ਖ਼ਤਰਾ: ਰਾਵੀ ਦਰਿਆ ਦੇ ਕੰਢੇ 40 ਪਿੰਡ ਖ਼ਤਰੇ ਦੀ ਲਪੇਟ ਵਿੱਚ

4 months ਪਹਿਲਾ

ਪੰਜਾਬ ਡੈਸਕ: ਭਾਰਤ-ਪਾਕਿਸਤਾਨ ਸਰਹੱਦ ਨੇੜੇ ਵਗਦਾ Ravi River ਇੱਕ ਵਾਰ ਫਿਰ ਚਿੰਤਾ ਦਾ ਕਾਰਨ ਬਣ ਗਿਆ ਹੈ। ਪਿਛਲੇ ਸਾਲ ਆਏ ਹੜ੍ਹਾਂ ਤੋਂ ਬਾਅਦ ਵੀ ਸਰਹੱਦੀ ਇਲਾਕਿਆਂ ਵਿੱਚ ਸੁਰੱਖਿਆ ਪ੍ਰਬੰਧ ਪੂਰੇ ਨਹੀਂ ਹੋ ਸਕੇ, ਜਿਸ ਕਾਰਨ ਲਗਭਗ 40 ਪਿੰਡ ਖ਼ਤਰੇ ਦੀ ਲਪੇਟ ਵਿੱਚ ਹਨ।

ਨਰੋਟ ਜੈਮਲ ਸਿੰਘ ਬਲਾਕ ਸਮੇਤ ਕਈ ਪਿੰਡ ਪਿਛਲੇ ਹੜ੍ਹ ਦੌਰਾਨ ਭਾਰੀ ਨੁਕਸਾਨ ਝੱਲ ਚੁੱਕੇ ਹਨ। ਫਸਲਾਂ, ਸੜਕਾਂ ਅਤੇ ਘਰਾਂ ਨੂੰ ਹੋਏ ਨੁਕਸਾਨ ਤੋਂ ਬਾਅਦ ਸਰਕਾਰ ਵੱਲੋਂ ਬੰਨ੍ਹਾਂ ਨੂੰ ਮਜ਼ਬੂਤ ਕਰਨ ਦੇ ਵਾਅਦੇ ਕੀਤੇ ਗਏ ਸਨ, ਪਰ ਕੰਮ ਅਜੇ ਵੀ ਅਧੂਰਾ ਹੈ।

ਅਧੂਰੇ ਸੁਰੱਖਿਆ ਕੰਮ ‘ਤੇ ਸਵਾਲ

ਸਥਾਨਕ ਲੋਕਾਂ ਦਾ ਕਹਿਣਾ ਹੈ ਕਿ ਕਈ ਥਾਵਾਂ ‘ਤੇ ਬੰਨ੍ਹਾਂ ਦੀ ਮੁਰੰਮਤ ਅਤੇ ਮਜ਼ਬੂਤੀ ਦਾ ਕੰਮ ਪੂਰਾ ਨਹੀਂ ਹੋਇਆ। ਕੱਚੇ ਬੰਨ੍ਹ ਬਣਾਉਣ ਤੋਂ ਬਾਅਦ ਵੀ ਸਥਾਈ ਧੁੱਸੀ ਬੰਨ੍ਹ ਦਾ ਕੰਮ ਅਜੇ ਤੱਕ ਲਟਕਿਆ ਹੋਇਆ ਹੈ।

ਮੌਨਸੂਨ ਨਾਲ ਵਧੀ ਚਿੰਤਾ

ਬਰਸਾਤੀ ਮੌਸਮ ਸ਼ੁਰੂ ਹੋਣ ਨਾਲ ਪਿੰਡ ਵਾਸੀਆਂ ਵਿੱਚ ਡਰ ਦਾ ਮਾਹੌਲ ਹੈ। ਲੋਕਾਂ ਨੂੰ ਚਿੰਤਾ ਹੈ ਕਿ ਜੇ ਪਾਣੀ ਦਾ ਪੱਧਰ ਵਧਿਆ ਤਾਂ ਪਿਛਲੇ ਸਾਲ ਵਰਗੀ ਤਬਾਹੀ ਫਿਰ ਹੋ ਸਕਦੀ ਹੈ।

ਲੋਕਾਂ ਦੀ ਮੰਗ

ਪਿੰਡ ਵਾਸੀਆਂ ਨੇ ਮੰਗ ਕੀਤੀ ਹੈ ਕਿ ਬੰਨ੍ਹਾਂ ਦਾ ਕੰਮ ਤੁਰੰਤ ਪੂਰਾ ਕੀਤਾ ਜਾਵੇ। ਪੱਕੇ ਸੁਰੱਖਿਆ ਪ੍ਰਬੰਧ ਬਣਾਏ ਜਾਣ। ਹੜ੍ਹ ਤੋਂ ਪਹਿਲਾਂ ਇਲਾਕੇ ਦੀ ਸਮੀਖਿਆ ਕੀਤੀ ਜਾਵੇ।