ਮੱਧ ਪੂਰਬ ਤੋਂ ਇੱਕ ਵੱਡੀ ਅਤੇ ਚਿੰਤਾਜਨਕ ਖ਼ਬਰ ਸਾਹਮਣੇ ਆਈ ਹੈ। ਸੰਯੁਕਤ ਅਰਬ ਅਮੀਰਾਤ ਦੀ ਰਾਜਧਾਨੀ Abu Dhabi ਵਿੱਚ ਸਥਿਤ ਮਸ਼ਹੂਰ Barakah Nuclear Power Plant ਦੇ ਨੇੜੇ ਇੱਕ ਡਰੋਨ ਹਮਲੇ ਤੋਂ ਬਾਅਦ ਅੱਗ ਲੱਗਣ ਦੀ ਘਟਨਾ ਨੇ ਸੁਰੱਖਿਆ ਏਜੰਸੀਆਂ ਨੂੰ ਹਾਈ ਅਲਰਟ ‘ਤੇ ਕਰ ਦਿੱਤਾ ਹੈ। ਇਹ ਘਟਨਾ ਅਲ-ਧਫਰਾ ਖੇਤਰ ਵਿੱਚ ਵਾਪਰੀ, ਜਿੱਥੇ ਇੱਕ ਬਾਹਰੀ ਇਲੈਕਟ੍ਰਿਕਲ ਜਨਰੇਟਰ ਨੂੰ ਨਿਸ਼ਾਨਾ ਬਣਾਇਆ ਗਿਆ।
ਅਧਿਕਾਰੀਆਂ ਦੇ ਅਨੁਸਾਰ, ਹਮਲੇ ਤੋਂ ਬਾਅਦ ਜਨਰੇਟਰ ਵਿੱਚ ਭਿਆਨਕ ਅੱਗ ਲੱਗ ਗਈ, ਜਿਸਨੂੰ ਕਾਬੂ ਕਰਨ ਲਈ ਐਮਰਜੈਂਸੀ ਟੀਮਾਂ ਨੂੰ ਤੁਰੰਤ ਮੌਕੇ ‘ਤੇ ਭੇਜਿਆ ਗਿਆ। ਖੁਸ਼ਕਿਸਮਤੀ ਨਾਲ, ਇਸ ਘਟਨਾ ਵਿੱਚ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ ਅਤੇ ਨਾ ਹੀ ਕਿਸੇ ਕਿਸਮ ਦੀ ਨਿਊਕਲੀਅਰ ਰੇਡੀਏਸ਼ਨ ਲੀਕ ਦੀ ਪੁਸ਼ਟੀ ਹੋਈ ਹੈ। ਪ੍ਰਸ਼ਾਸਨ ਨੇ ਕਿਹਾ ਕਿ ਪਲਾਂਟ ਦੇ ਅੰਦਰ ਸਾਰੇ ਸੁਰੱਖਿਆ ਮਾਪਦੰਡ ਆਮ ਰਹੇ ਅਤੇ ਰੇਡੀਏਸ਼ਨ ਪੱਧਰ ਸੁਰੱਖਿਅਤ ਸੀਮਾਵਾਂ ਵਿੱਚ ਰਹੇ।
ਕਿਉਂ ਬਣੀ ਇਹ ਘਟਨਾ ਗਲੋਬਲ ਚਿੰਤਾ ਦਾ ਕਾਰਨ?
ਦੁਨੀਆ ਭਰ ਵਿੱਚ ਪ੍ਰਮਾਣੂ ਊਰਜਾ ਪਲਾਂਟਾਂ ਦੀ ਸੁਰੱਖਿਆ ਸਭ ਤੋਂ ਸੰਵੇਦਨਸ਼ੀਲ ਮਸਲਿਆਂ ਵਿੱਚੋਂ ਇੱਕ ਮੰਨੀ ਜਾਂਦੀ ਹੈ। ਅਜਿਹੇ ਵਿੱਚ ਕਿਸੇ ਡਰੋਨ ਦਾ ਨਿਊਕਲੀਅਰ ਸਹੂਲਤ ਦੇ ਨੇੜੇ ਪਹੁੰਚ ਜਾਣਾ ਕਈ ਵੱਡੇ ਸਵਾਲ ਖੜੇ ਕਰਦਾ ਹੈ। ਜੇਕਰ ਡਰੋਨ ਸਿੱਧਾ ਰਿਐਕਟਰ ਜਾਂ ਮੁੱਖ ਸੁਰੱਖਿਆ ਪ੍ਰਣਾਲੀ ਨੂੰ ਨਿਸ਼ਾਨਾ ਬਣਾਉਂਦਾ, ਤਾਂ ਇਹ ਇੱਕ ਭਿਆਨਕ ਤਬਾਹੀ ਵਿੱਚ ਬਦਲ ਸਕਦਾ ਸੀ।
ਮਾਹਿਰਾਂ ਦਾ ਕਹਿਣਾ ਹੈ ਕਿ ਅੱਜਕੱਲ੍ਹ ਡਰੋਨ ਟੈਕਨੋਲੋਜੀ ਦਾ ਇਸਤੇਮਾਲ ਸਿਰਫ਼ ਨਿਗਰਾਨੀ ਲਈ ਹੀ ਨਹੀਂ, ਸਗੋਂ ਹਮਲਿਆਂ ਲਈ ਵੀ ਕੀਤਾ ਜਾ ਰਿਹਾ ਹੈ, ਜਿਸ ਕਾਰਨ ਤੇਲ ਸੰਪੰਨ ਅਤੇ ਰਣਨੀਤਿਕ ਤੌਰ ‘ਤੇ ਮਹੱਤਵਪੂਰਨ ਖੇਤਰਾਂ ਦੀ ਸੁਰੱਖਿਆ ਹੋਰ ਵੱਡੀ ਚੁਣੌਤੀ ਬਣ ਗਈ ਹੈ।
ਜਾਂਚ ਏਜੰਸੀਆਂ ਸਰਗਰਮ
ਯੂਏਈ ਪ੍ਰਸ਼ਾਸਨ ਨੇ ਘਟਨਾ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਸੁਰੱਖਿਆ ਏਜੰਸੀਆਂ ਇਹ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੀਆਂ ਹਨ ਕਿ:
ਡਰੋਨ ਕਿੱਥੋਂ ਉਡਾਇਆ ਗਿਆ?
ਕੀ ਇਹ ਯੋਜਨਾਬੱਧ ਹਮਲਾ ਸੀ?
ਕੀ ਕਿਸੇ ਅੱਤਵਾਦੀ ਜਾਂ ਵਿਦੇਸ਼ੀ ਗਰੁੱਪ ਦਾ ਹੱਥ ਹੈ?
ਫਿਲਹਾਲ ਕਿਸੇ ਸੰਗਠਨ ਨੇ ਇਸ ਹਮਲੇ ਦੀ ਜ਼ਿੰਮੇਵਾਰੀ ਨਹੀਂ ਲਈ।
ਮੱਧ ਪੂਰਬ ਵਿੱਚ ਵਧ ਰਹੀ ਤਣਾਅ ਭਰੀ ਸਥਿਤੀ
ਇਹ ਘਟਨਾ ਉਸ ਸਮੇਂ ਸਾਹਮਣੇ ਆਈ ਹੈ ਜਦੋਂ ਮੱਧ ਪੂਰਬ ਵਿੱਚ ਪਹਿਲਾਂ ਹੀ ਜਿਓਪਾਲਿਟਿਕਲ ਤਣਾਅ ਵਧਿਆ ਹੋਇਆ ਹੈ। ਖੇਤਰ ਵਿੱਚ ਡਰੋਨ ਹਮਲਿਆਂ ਅਤੇ ਸਾਈਬਰ ਖਤਰਿਆਂ ਦੇ ਮਾਮਲੇ ਲਗਾਤਾਰ ਵੱਧ ਰਹੇ ਹਨ, ਜਿਸ ਕਾਰਨ ਕਈ ਦੇਸ਼ ਆਪਣੀਆਂ ਊਰਜਾ ਸਹੂਲਤਾਂ ਦੀ ਸੁਰੱਖਿਆ ਹੋਰ ਮਜ਼ਬੂਤ ਕਰ ਰਹੇ ਹਨ।
ਕੀ ਕਿਹਾ ਅਬੂ ਧਾਬੀ ਮੀਡੀਆ ਦਫ਼ਤਰ ਨੇ?
ਅਧਿਕਾਰਤ ਬਿਆਨ ਵਿੱਚ ਕਿਹਾ ਗਿਆ ਕਿ ਅੱਗ ਇੱਕ ਬਾਹਰੀ ਜਨਰੇਟਰ ਵਿੱਚ ਲੱਗੀ ਸੀ ਸਥਿਤੀ ਪੂਰੀ ਤਰ੍ਹਾਂ ਕਾਬੂ ਵਿੱਚ ਹੈ
ਕੋਈ ਰੇਡੀਏਸ਼ਨ ਖ਼ਤਰਾ ਨਹੀਂ,ਸਾਰੇ ਕਰਮਚਾਰੀ ਅਤੇ ਨਾਗਰਿਕ ਸੁਰੱਖਿਅਤ ਹਨ ,ਇਸ ਘਟਨਾ ਤੋਂ ਬਾਅਦ ਵਧ ਸਕਦੀ ਹੈ ਸੁਰੱਖਿਆ
ਮਾਹਿਰਾਂ ਦਾ ਮੰਨਣਾ ਹੈ ਕਿ ਹੁਣ ਯੂਏਈ ਵਿੱਚ ਨਿਊਕਲੀਅਰ ਅਤੇ ਊਰਜਾ ਸਥਾਨਾਂ ਦੀ ਸੁਰੱਖਿਆ ਹੋਰ ਸਖ਼ਤ ਕੀਤੀ ਜਾਵੇਗੀ। ਡਰੋਨ ਡਿਟੈਕਸ਼ਨ ਸਿਸਟਮ ਅਪਗ੍ਰੇਡ ਹੋ ਸਕਦੇ ਹਨ। ਹਵਾਈ ਨਿਗਰਾਨੀ ਵਿੱਚ ਵਾਧਾ ਕੀਤਾ ਜਾ ਸਕਦਾ ਹੈ।