ਦਿੱਲੀ-ਐਨਸੀਆਰ ਵਿੱਚ ਰੋਜ਼ਾਨਾ ਸਫ਼ਰ ਕਰਨ ਵਾਲੇ ਲੋਕਾਂ ਲਈ ਵੱਡੀ ਖੁਸ਼ਖਬਰੀ ਸਾਹਮਣੇ ਆਈ ਹੈ। ਕੇਂਦਰ ਸਰਕਾਰ ਨੇ ਲਗਭਗ ₹1.5 ਲੱਖ ਕਰੋੜ ਦੀ ਵੱਡੀ ਬੁਨਿਆਦੀ ਢਾਂਚਾ ਯੋਜਨਾ ਤਿਆਰ ਕੀਤੀ ਹੈ, ਜਿਸ ਦਾ ਮੁੱਖ ਉਦੇਸ਼ ਦਿੱਲੀ, ਗੁਰੂਗ੍ਰਾਮ, ਨੋਇਡਾ, ਫਰੀਦਾਬਾਦ ਅਤੇ ਆਲੇ-ਦੁਆਲੇ ਦੇ ਖੇਤਰਾਂ ਵਿੱਚ ਟ੍ਰੈਫਿਕ ਜਾਮ ਘਟਾਉਣਾ ਅਤੇ ਯਾਤਰਾ ਨੂੰ ਤੇਜ਼ ਤੇ ਆਸਾਨ ਬਣਾਉਣਾ ਹੈ।
ਯੋਜਨਾ ਵਿੱਚ ਕੀ-ਕੀ ਸ਼ਾਮਲ ਹੈ?
ਇਸ ਮੇਗਾ ਪ੍ਰੋਜੈਕਟ ਵਿੱਚ ਕਈ ਵੱਡੇ ਵਿਕਾਸ ਕਾਰਜ ਸ਼ਾਮਲ ਹਨ ,ਨਵੇਂ ਐਕਸਪ੍ਰੈਸਵੇਅ,ਫਲਾਈਓਵਰ ,ਸੁਰੰਗਾਂ ,ਰਿੰਗ ਰੋਡ ਹਵਾਈ ਅੱਡਿਆਂ ਲਈ ਬਿਹਤਰ ਕਨੈਕਟੀਵਿਟੀਇਹ ਪ੍ਰੋਜੈਕਟ ਨਾ ਸਿਰਫ਼ ਸੜਕਾਂ ਨੂੰ ਵਧੀਆ ਬਣਾਉਣਗੇ, ਸਗੋਂ ਪੂਰੇ NCR ਖੇਤਰ ਦੀ ਆਵਾਜਾਈ ਪ੍ਰਣਾਲੀ ਨੂੰ ਆਧੁਨਿਕ ਰੂਪ ਦੇਣਗੇ।
ਹੁਣ ਤੱਕ ਕਿੰਨਾ ਕੰਮ ਹੋ ਚੁੱਕਾ ਹੈ?
ਸਰਕਾਰੀ ਯੋਜਨਾ ਅਨੁਸਾਰ,₹87,000 ਕਰੋੜ ਦੀ ਲਾਗਤ ਨਾਲ 1,850 ਕਿਲੋਮੀਟਰ ਸੜਕ ਪ੍ਰੋਜੈਕਟ ਪੂਰੇ ਹੋ ਚੁੱਕੇ ਹਨ। ₹13,000 ਕਰੋੜ ਦੀ ਲਾਗਤ ਵਾਲੇ 225 ਕਿਲੋਮੀਟਰ ਪ੍ਰੋਜੈਕਟ ਨਿਰਮਾਣ ਅਧੀਨ ਹਨ। ₹34,500 ਕਰੋੜ ਤੋਂ ਵੱਧ ਦੀ ਲਾਗਤ ਵਾਲੇ 190 ਕਿਲੋਮੀਟਰ ਨਵੇਂ ਪ੍ਰੋਜੈਕਟ ਤਿਆਰ ਕੀਤੇ ਜਾ ਰਹੇ ਹਨ।
ਸਰਕਾਰ ਦੇ ਮੁੱਖ ਟੀਚੇ
ਇਸ ਯੋਜਨਾ ਦਾ ਟੀਚਾ ਸਿਰਫ਼ ਨਵੀਆਂ ਸੜਕਾਂ ਬਣਾਉਣਾ ਨਹੀਂ, ਬਲਕਿ ਟ੍ਰੈਫਿਕ ਜਾਮ ਘਟਾਉਣਾ ਪ੍ਰਦੂਸ਼ਣ ਅਤੇ ਬਾਲਣ ਦੀ ਖਪਤ ਘਟਾਉਣਾ ਲੌਜਿਸਟਿਕਸ ਅਤੇ ਕਾਰੋਬਾਰੀ ਆਵਾਜਾਈ ਸੁਧਾਰਨਾ ਸ਼ਹਿਰਾਂ ਵਿਚਕਾਰ ਕਨੈਕਟੀਵਿਟੀ ਵਧਾਉਣਾ ਰੋਜ਼ਾਨਾ ਯਾਤਰਾ ਦਾ ਸਮਾਂ ਘਟਾਉਣਾ ਸ਼ਿਵ ਮੂਰਤੀ ਤੋਂ ਨੈਲਸਨ ਮੰਡੇਲਾ ਮਾਰਗ ਤੱਕ ਸੁਰੰਗ ਬਣੇਗੀ ।
ਦਿੱਲੀ ਵਿੱਚ ਇੱਕ ਨਵੀਂ 8 ਕਿਲੋਮੀਟਰ ਲੰਬੀ ਸੁਰੰਗ ਬਣਾਉਣ ਦੀ ਯੋਜਨਾ ਹੈ, ਜਿਸ ਦੀ ਲਾਗਤ ਲਗਭਗ ₹7,000 ਕਰੋੜ ਹੋਵੇਗੀ।ਇਹ ਸੁਰੰਗ ਦਵਾਰਕਾ ਐਕਸਪ੍ਰੈਸਵੇਅ ਨੂੰ ਵਸੰਤ ਕੁੰਜ ਅਤੇ ਦੱਖਣੀ ਦਿੱਲੀ ਨਾਲ ਜੋੜੇਗੀ ਇਸ ਨਾਲ ਮਹੀਪਾਲਪੁਰ ,ਰੰਗਪੁਰੀ ,ਧੌਲਾ ਕੁਆਂ ਵਰਗੇ ਇਲਾਕਿਆਂ ਵਿੱਚ ਟ੍ਰੈਫਿਕ ਘੱਟ ਹੋਵੇਗਾ ਅਤੇ ਹਵਾਈ ਅੱਡੇ ਤੱਕ ਪਹੁੰਚਣਾ ਹੋਰ ਆਸਾਨ ਬਣੇਗਾ।
ਏਮਜ਼ ਤੋਂ ਗੁਰੂਗ੍ਰਾਮ ਤੱਕ ਐਲੀਵੇਟਿਡ ਕੋਰੀਡੋਰ
ਇੱਕ ਨਵਾਂ 20 ਕਿਲੋਮੀਟਰ ਲੰਬਾ ਐਲੀਵੇਟਿਡ ਕੋਰੀਡੋਰ ਵੀ ਬਣਾਇਆ ਜਾਵੇਗਾ, ਜੋ ਏਮਜ਼ ਆਈਐਨਏ ,ਹੌਜ਼ ਖਾਸ ,ਵਸੰਤ ਕੁੰਜ ,ਗੁਰੂਗ੍ਰਾਮ ਨੂੰ ਜੋੜੇਗਾ।
ਇਸ ਨਾਲ ਯਾਤਰਾ ਸਿਗਨਲ-ਮੁਕਤ ਹੋਵੇਗੀ ਅਤੇ ਦਿੱਲੀ-ਗੁਰੂਗ੍ਰਾਮ ਐਕਸਪ੍ਰੈਸਵੇਅ ‘ਤੇ ਦਬਾਅ ਘਟੇਗਾ।ਜੇਵਰ ਏਅਰਪੋਰਟ ਅਤੇ IGI ਏਅਰਪੋਰਟ ਵਿਚਕਾਰ ਨਵਾਂ ਕੋਰੀਡੋਰ ਨੋਇਡਾ ਇੰਟਰਨੈਸ਼ਨਲ ਏਅਰਪੋਰਟ (ਜੇਵਰ) ਅਤੇ ਦਿੱਲੀ ਦੇ IGI ਏਅਰਪੋਰਟ ਨੂੰ ਜੋੜਨ ਲਈ 32 ਕਿਲੋਮੀਟਰ ਲੰਬਾ ਨਵਾਂ ਕੋਰੀਡੋਰ ਬਣਾਇਆ ਜਾਵੇਗਾ। ਲਾਗਤ ਲਗਭਗ ₹3,700 ਕਰੋੜ ਹੋਵੇਗੀ। ਇਹ ਕੋਰੀਡੋਰ ਨੋਇਡਾ ,ਗ੍ਰੇਟਰ ਨੋਇਡਾ ,ਫਰੀਦਾਬਾਦ,ਦਵਾਰਕਾ ਐਕਸਪ੍ਰੈਸਵੇਅ ਵਿੱਚ ਕਨੈਕਟੀਵਿਟੀ ਨੂੰ ਬਿਹਤਰ ਬਣਾਏਗਾ।
NCR ਵਾਸੀਆਂ ਨੂੰ ਮਿਲੇਗਾ ਵੱਡਾ ਫਾਇਦਾ
ਇਨ੍ਹਾਂ ਸਾਰੇ ਪ੍ਰੋਜੈਕਟਾਂ ਦੇ ਪੂਰੇ ਹੋਣ ਨਾਲ ਦਫ਼ਤਰ ਜਾਣ ਵਾਲੇ ਲੋਕਾਂ ਦਾ ਸਮਾਂ ਬਚੇਗਾ ।ਟ੍ਰੈਫਿਕ ਜਾਮ ਘੱਟ ਹੋਣਗੇ। ਯਾਤਰਾ ਹੋਰ ਸੁਵਿਧਾਜਨਕ ਬਣੇਗੀ ਅਤੇ ਪੂਰੇ NCR ਖੇਤਰ ਵਿੱਚ ਵਿਕਾਸ ਦੀ ਗਤੀ ਤੇਜ਼ ਹੋਵੇਗੀ।