ਦਿੱਲੀ ਵਿਧਾਨ ਸਭਾ ਵਿੱਚ ਬੰਦਰਾਂ ਦੇ ਕਹਿਰ ਨੂੰ ਰੋਕਣ ਲਈ ਭਰਤੀ…

9 months ਪਹਿਲਾ

ਨਵੀਂ ਦਿਲੀ: ਦਿੱਲੀ ਵਿਧਾਨ ਸਭਾ ਪਰਿਸਰ ਵਿੱਚ ਬੰਦਰਾਂ ਦੇ ਵਧ ਰਹੇ ਉਤਪਾਤ ਨੂੰ ਰੋਕਣ ਲਈ ਨਵੀਂ ਯੋਜਨਾ ਬਣਾਈ ਗਈ ਹੈ। ਲੋਕ ਨਿਰਮਾਣ ਵਿਭਾਗ ਵੱਲੋਂ ਇਹ ਫੈਸਲਾ ਕੀਤਾ ਗਿਆ ਹੈ ਕਿ ਅਜਿਹੇ ਲੋਕਾਂ ਦੀ ਭਰਤੀ ਕੀਤੀ ਜਾਵੇ ਜੋ ਲੰਗੂਰ ਦੀ ਆਵਾਜ਼ ਦੀ ਨਕਲ ਕਰ ਸਕਣ ਅਤੇ ਇਸ ਤਰੀਕੇ ਨਾਲ ਬੰਦਰਾਂ ਨੂੰ ਡਰਾਕੇ ਦੂਰ ਰੱਖ ਸਕਣ।

ਦਹਿਸ਼ਤ ਦਾ ਮਾਹੌਲ ਮੈਕਸਿਕੋ ਵਿੱਚ ਭਾਰੀ ਭੁਚਾਲ ਇਮਾਰਤਾਂ ਕੰਬੀਆਂ ਲੋਕ ਸੜਕਾਂ ‘ਤੇ ਆਏ

ਵਿਧਾਨ ਸਭਾ ਇਮਾਰਤ ਵਿੱਚ ਬੰਦਰਾਂ ਦੇ ਦਾਖਲ ਹੋਣ ਕਾਰਨ ਕਈ ਵਾਰ ਤਾਰਾਂ ਨੂੰ ਨੁਕਸਾਨ ਪਹੁੰਚਦਾ ਹੈ ਅਤੇ ਕਰਮਚਾਰੀਆਂ ਨਾਲ-ਨਾਲ ਆਉਣ ਵਾਲੇ ਮਹਿਮਾਨਾਂ ਲਈ ਵੀ ਖਤਰਾ ਬਣਦਾ ਹੈ। ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਇਹ ਤਰੀਕਾ ਪਹਿਲਾਂ ਵੀ ਵਰਤਿਆ ਗਿਆ ਸੀ ਅਤੇ ਹੁਣ ਇਸਨੂੰ ਮੁੜ ਲਾਗੂ ਕਰਨ ਦੀ ਤਿਆਰੀ ਕੀਤੀ ਜਾ ਰਹੀ ਹੈ।

ਭਰਤੀ ਪ੍ਰਕਿਰਿਆ ਵਿੱਚ ਉਹਨਾਂ ਲੋਕਾਂ ਨੂੰ ਤਰਜੀਹ ਦਿੱਤੀ ਜਾਵੇਗੀ ਜਿਨ੍ਹਾਂ ਨੂੰ ਬੰਦਰਾਂ ਨੂੰ ਕਾਬੂ ਕਰਨ ਦਾ ਤਜਰਬਾ ਹੈ ਅਤੇ ਜੋ ਲੰਗੂਰ ਦੀ ਆਵਾਜ਼ ਦੀ ਨਕਲ ਕਰਨ ਵਿੱਚ ਸਮਰੱਥ ਹਨ। ਬੰਦਰਾਂ ਦੀ ਵਧਦੀ ਗਿਣਤੀ ਕਾਰਨ ਵਿਧਾਨ ਸਭਾ ਵਿੱਚ ਸੁਰੱਖਿਆ ਅਤੇ ਕੰਮਕਾਜ ਪ੍ਰਭਾਵਿਤ ਹੋ ਰਿਹਾ ਹੈ ਜਿਸਨੂੰ ਧਿਆਨ ਵਿੱਚ ਰੱਖਦੇ ਹੋਏ ਇਹ ਕਦਮ ਚੁੱਕਿਆ ਗਿਆ ਹੈ।

ਹਰਭਜਨ ਮਾਨ ਨੇ ਨਵੇਂ ਸਾਲ ਦੀ ਸ਼ੁਰੂਆਤ ਸ੍ਰੀ ਹਰਿਮੰਦਰ ਸਾਹਿਬ ਵਿਖੇ ਮੱਥਾ ਟੇਕ ਕੇ ਕੀਤੀ

ਪਿਛਲੇ ਸਮੇਂ 2017 ਵਿੱਚ ਇੱਕ ਬੰਦਰ ਵਿਧਾਨ ਸਭਾ ਭਵਨ ਵਿੱਚ ਦਾਖਲ ਹੋ ਗਿਆ ਸੀ ਜਿਸ ਨਾਲ ਵਿਧਾਇਕਾਂ ਦੀ ਸੁਰੱਖਿਆ ਨੂੰ ਲੈ ਕੇ ਚਿੰਤਾ ਵਧ ਗਈ ਸੀ। ਇਸ ਤੋਂ ਬਾਅਦ ਕਈ ਉਪਾਅ ਕੀਤੇ ਗਏ ਪਰ ਸਮੱਸਿਆ ਜਾਰੀ ਰਹੀ। ਹੁਣ ਮੁੜ ਮਨੁੱਖੀ “ਲੰਗੂਰ ਮਿਮਿਕਰ” ਨਿਯੁਕਤ ਕਰਨ ਦੀ ਯੋਜਨਾ ਬਣਾਈ ਗਈ ਹੈ ਤਾਂ ਜੋ ਬੰਦਰਾਂ ਨੂੰ ਦੂਰ ਰੱਖਿਆ ਜਾ ਸਕੇ ਅਤੇ ਪਰਿਸਰ ਵਿੱਚ ਸੁਚਾਰੂ ਕੰਮਕਾਜ ਹੋ ਸਕੇ।