ਕਰੰਚੀ ਪਾਲਕ ਪੱਤਾ ਚਾਟ:ਪਾਲਕ ਦੇ ਪੱਤਿਆਂ ਤੋਂ ਬਣੀ ਇਹ ਚਾਟ ਸ਼ਾਮ ਦੀ ਚਾਹ ਨੂੰ ਹੋਰ ਵੀ ਮਜ਼ੇਦਾਰ ਬਣਾ ਦੇਵੇਗੀ, ਰੈਸਿਪੀ ਕਰੋ ਨੋਟ

6 months ਪਹਿਲਾ

LIFE STYLE DESK : ਪਾਲਕ ਪੱਤਾ ਚਾਟ ਇੱਕ ਅਜਿਹੀ ਸੁਆਦਿਸ਼ਟ ਅਤੇ ਕਰੰਚੀ ਡਿਸ਼ ਹੈ ਜੋ ਘਰ ਵਿੱਚ ਆਸਾਨੀ ਨਾਲ ਬਣਾਈ ਜਾ ਸਕਦੀ ਹੈ। ਇਹ ਨਾ ਸਿਰਫ਼ ਟੇਸਟ ਵਿੱਚ ਵਧੀਆ ਹੈ, ਸਗੋਂ ਸ਼ਾਮ ਦੀ ਚਾਹ ਨਾਲ ਬਿਲਕੁਲ ਪੂਰੀ ਜੋੜੀ ਬਣਾਉਂਦੀ ਹੈ।

ਸਮੱਗਰੀ
7–8 ਪਾਲਕ ਦੇ ਪੱਤੇ
1 ਕੱਪ ਬੇਸਨ
2 ਕੱਪ ਪਾਣੀ
1 ਚਮਚ ਨਮਕ
1/2 ਚਮਚ ਅਜਵਾਇਨ
ਇੱਕ ਚੁਟਕੀ ਹਲਦੀ
ਪਿਆਜ਼, ਟਮਾਟਰ, ਹਰੀ ਮਿਰਚ (ਬਰੀਕ ਕਟੇ ਹੋਏ)
4 ਚਮਚ ਦਹੀਂ
2 ਚਮਚ ਇਮਲੀ ਚਟਨੀ
2 ਚਮਚ ਪੁਦੀਨਾ ਚਟਨੀ
1 ਚਮਚ ਬੂੰਦੀ
1 ਚਮਚ ਅਨਾਰ
1 ਚਮਚ ਸੇਵ
ਕਾਲਾ ਨਮਕ, ਜੀਰਾ ਪਾਊਡਰ, ਲਾਲ ਮਿਰਚ ਪਾਊਡਰ (ਸੁਆਦ ਅਨੁਸਾਰ)

ਬਣਾਉਣ ਦੀ ਵਿਧੀ

1. ਬੇਸਨ ਦਾ ਘੋਲ ਤਿਆਰ ਕਰੋ

ਇੱਕ ਕਟੋਰੀ ਵਿੱਚ ਬੇਸਨ ਲਓ। ਇਸ ਵਿੱਚ ਨਮਕ, ਅਜਵਾਇਨ, ਹਲਦੀ ਅਤੇ ਪਾਣੀ ਪਾ ਕੇ ਮਲਾਇਮ ਘੋਲ ਤਿਆਰ ਕਰੋ।

2. ਪਾਲਕ ਨੂੰ ਤਲੋ

ਪਾਲਕ ਦੇ ਪੱਤਿਆਂ ਨੂੰ ਬੇਸਨ ਦੇ ਘੋਲ ਵਿੱਚ ਡੁਬੋ ਕੇ ਚੰਗੀ ਤਰ੍ਹਾਂ ਕੋਟ ਕਰੋ। ਫਿਰ ਗਰਮ ਤੇਲ ਵਿੱਚ ਡੀਪ ਫ੍ਰਾਈ ਕਰਕੇ ਕਰੰਚੀ ਬਣਾਓ।

3. ਚਾਟ ਤਿਆਰ ਕਰੋ

ਤਲੇ ਹੋਏ ਪਾਲਕ ਪੱਤੇ ਪਲੇਟ ਵਿੱਚ ਰੱਖੋ। ਉੱਤੇ ਦਹੀਂ ਪਾਓ ਅਤੇ ਫਿਰ ਕਟੇ ਹੋਏ ਪਿਆਜ਼, ਟਮਾਟਰ ਅਤੇ ਹਰੀ ਮਿਰਚ ਛਿੜਕੋ।

4. ਸੁਆਦ ਭਰੋ

ਹੁਣ ਇਮਲੀ ਚਟਨੀ, ਪੁਦੀਨਾ ਚਟਨੀ, ਕਾਲਾ ਨਮਕ, ਜੀਰਾ ਪਾਊਡਰ ਅਤੇ ਲਾਲ ਮਿਰਚ ਪਾਊਡਰ ਪਾਓ।

5. ਫਾਈਨਲ ਟਚ

ਅਖੀਰ ਵਿੱਚ ਬੂੰਦੀ, ਅਨਾਰ ਅਤੇ ਸੇਵ ਨਾਲ ਸਜਾਓ। ਤੁਹਾਡੀ ਕਰੰਚੀ ਪਾਲਕ ਪੱਤਾ ਚਾਟ ਤਿਆਰ ਹੈ!

ਟਿਪਸ
ਜੇ ਤੁਸੀਂ ਹੋਰ ਕਰੰਚੀ ਚਾਹੁੰਦੇ ਹੋ ਤਾਂ ਪਾਲਕ ਨੂੰ ਪਤਲਾ ਕੋਟ ਕਰੋ । ਮਸਾਲੇ ਆਪਣੇ ਸੁਆਦ ਅਨੁਸਾਰ ਘਟਾ-ਵਧਾ ਸਕਦੇ ਹੋ।