1700 ਦੀ ਚੱਪਲ ਇਕ ਮਹੀਨੇ ’ਚ ਟੁੱਟੀ ਅਦਾਲਤ ਨੇ ਦਿੱਤਾ ਵੱਡਾ ਹੁਕਮ: ਧਾਰਾ 72 ਅਧੀਨ ਕਾਰਵਾਈ

10 months ਪਹਿਲਾ

ਸੀਤਾਪੁਰ: ਉੱਤਰ ਪ੍ਰਦੇਸ਼ ਦੇ ਸੀਤਾਪੁਰ ਜ਼ਿਲ੍ਹੇ ਵਿੱਚ ਉਪਭੋਗਤਾ ਅਧਿਕਾਰਾਂ ਨਾਲ ਜੁੜਿਆ ਇਕ ਗੰਭੀਰ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੇ ਸਿਰਫ਼ ਇੱਕ ਜੋੜੀ ਚੱਪਲ ਦੀ ਸ਼ਿਕਾਇਤ ਨੇ ਸ਼ੋਰੂਮ ਮੈਨੇਜਰ ਲਈ ਵੱਡੀ ਕਾਨੂੰਨੀ ਮੁਸੀਬਤ ਖੜ੍ਹੀ ਕਰ ਦਿੱਤੀ ਹੈ। ਜ਼ਿਲ੍ਹਾ ਉਪਭੋਗਤਾ ਵਿਵਾਦ ਨਿਵਾਰਣ ਕਮਿਸ਼ਨ ਨੇ ਸ਼ੋਰੂਮ ਮੈਨੇਜਰ ਮੁਹੰਮਦ ਉਸਮਾਨ ਵਿਰੁੱਧ ਗੈਰ ਜ਼ਮਾਨਤੀ ਵਾਰੰਟ ਜਾਰੀ ਕੀਤਾ ਹੈ। ਇਹ ਕਾਰਵਾਈ ਫੋਰਮ ਦੇ ਹੁਕਮਾਂ ਦੀ ਲਗਾਤਾਰ ਅਣਦੇਖੀ ਕਰਨ ਕਾਰਨ ਕੀਤੀ ਗਈ ਹੈ।

13 ਪੋਹ ਦਾ ਇਤਿਹਾਸ: ਸਾਕਾ ਸਰਹਿੰਦ ਦੀ ਦਰਦਨਾਕ ਘਟਨਾ

ਸੀਤਾਪੁਰ ਦੇ ਬਟਸਗੰਜ ਨਿਵਾਸੀ ਆਰਿਫ ਨੇ ਮਈ 2022 ਵਿੱਚ 1700 ਰੁਪਏ ਦੀ ਚੱਪਲ ਖਰੀਦੀ ਸੀ। ਖਰੀਦ ਵੇਲੇ ਸ਼ੋਰੂਮ ਮੈਨੇਜਰ ਨੇ ਛੇ ਮਹੀਨੇ ਦੀ ਵਾਰੰਟੀ ਦਾ ਭਰੋਸਾ ਦਿੱਤਾ ਸੀ ਪਰ ਸਿਰਫ਼ ਇੱਕ ਮਹੀਨੇ ਵਿੱਚ ਹੀ ਚੱਪਲ ਟੁੱਟ ਗਈ। ਸ਼ਿਕਾਇਤ ਕਰਨ ’ਤੇ ਪਹਿਲਾਂ ਆਰਿਫ ਨੂੰ ਟਾਲਮਟੋਲ ਦਾ ਸਾਹਮਣਾ ਕਰਨਾ ਪਿਆ ਅਤੇ ਬਾਅਦ ਵਿੱਚ ਮੈਨੇਜਰ ਨੇ ਚੱਪਲ ਆਪਣੇ ਕੋਲ ਰੱਖ ਲਈ ਪਰ ਨਾ ਨਵੀਂ ਚੱਪਲ ਦਿੱਤੀ ਅਤੇ ਨਾ ਹੀ ਪੈਸੇ ਵਾਪਸ ਕੀਤੇ। ਇਸ ਤੋਂ ਤੰਗ ਆ ਕੇ ਆਰਿਫ ਨੇ ਅਕਤੂਬਰ 2022 ਵਿੱਚ ਉਪਭੋਗਤਾ ਫੋਰਮ ਵਿੱਚ ਮਾਮਲਾ ਦਰਜ ਕਰਾਇਆ।

ਫੋਰਮ ਨੇ ਕਈ ਵਾਰ ਨੋਟਿਸ ਜਾਰੀ ਕੀਤੇ ਪਰ ਮੈਨੇਜਰ ਨਾ ਹਾਜ਼ਰ ਹੋਇਆ ਅਤੇ ਨਾ ਹੀ ਕੋਈ ਜਵਾਬ ਦਿੱਤਾ। ਜਨਵਰੀ 2024 ਵਿੱਚ ਫੋਰਮ ਨੇ ਹੁਕਮ ਦਿੱਤਾ ਕਿ ਚੱਪਲ ਦੀ ਕੀਮਤ ਵਾਪਸ ਕਰਨ ਦੇ ਨਾਲ 2500 ਰੁਪਏ ਮਾਨਸਿਕ ਪੀੜਾ ਲਈ ਅਤੇ 5000 ਰੁਪਏ ਵਾਦ ਖਰਚੇ ਲਈ ਅਦਾ ਕੀਤੇ ਜਾਣ, ਕੁੱਲ 9200 ਰੁਪਏ। ਪਰ ਇਸ ਹੁਕਮ ਦੀ ਪਾਲਣਾ ਨਾ ਹੋਣ ’ਤੇ ਫੋਰਮ ਨੇ ਉਪਭੋਗਤਾ ਸੰਰਖਣ ਕਾਨੂੰਨ 2019 ਦੀ ਧਾਰਾ 72 ਅਧੀਨ ਕਾਰਵਾਈ ਸ਼ੁਰੂ ਕੀਤੀ।

WATCH VIDEO: CM ਮਾਨ ਦਾ ਵੱਡਾ ਐਲਾਨ, ਨਵੇਂ ਸਾਲ ’ਤੇ ਪੰਜਾਬੀਆਂ ਲਈ ਤੋਹਫ਼ਾ

ਫੋਰਮ ਨੇ ਸੀਤਾਪੁਰ ਦੇ ਪੁਲਿਸ ਅਧਿਕਾਰੀ ਨੂੰ ਹੁਕਮ ਦਿੱਤਾ ਹੈ ਕਿ 2 ਜਨਵਰੀ 2026 ਤੱਕ ਗੈਰ ਜ਼ਮਾਨਤੀ ਵਾਰੰਟ ਦੀ ਤਾਮੀਲ ਕਰਦੇ ਹੋਏ ਸ਼ੋਰੂਮ ਮੈਨੇਜਰ ਨੂੰ ਗ੍ਰਿਫ਼ਤਾਰ ਕਰਕੇ ਫੋਰਮ ਦੇ ਸਾਹਮਣੇ ਪੇਸ਼ ਕੀਤਾ ਜਾਵੇ। ਇਹ ਮਾਮਲਾ ਦਰਸਾਉਂਦਾ ਹੈ ਕਿ ਉਪਭੋਗਤਾ ਅਧਿਕਾਰਾਂ ਦੀ ਅਣਦੇਖੀ ਕਰਨ ’ਤੇ ਕਾਨੂੰਨੀ ਕਾਰਵਾਈ ਤੋਂ ਬਚਣਾ ਸੰਭਵ ਨਹੀਂ।