ਦੇਸ਼ ਵਿੱਚ ਹਾਈ-ਸਪੀਡ ਰੇਲ ਨੈੱਟਵਰਕ ਨੂੰ ਮਜ਼ਬੂਤ ਕਰਨ ਦੀਆਂ ਤਿਆਰੀਆਂ ਤੇਜ਼ ਹੋ ਗਈਆਂ ਹਨ। ਕੇਂਦਰ ਸਰਕਾਰ ਨੇ ਕਈ ਮਹੱਤਵਪੂਰਨ ਬੁਲੇਟ ਟ੍ਰੇਨ ਕੋਰੀਡੋਰ ਦੀ ਯੋਜਨਾ ਤਿਆਰ ਕੀਤੀ ਹੈ, ਜਿਨ੍ਹਾਂ ਵਿੱਚ ਦਿੱਲੀ,ਅੰਮ੍ਰਿਤਸਰ,ਜੰਮੂ ਕੋਰੀਡੋਰ ਨੂੰ ਖਾਸ ਮਹੱਤਤਾ ਦਿੱਤੀ ਜਾ ਰਹੀ ਹੈ। ਇਹ ਪ੍ਰੋਜੈਕਟ ਪੰਜਾਬ, ਹਰਿਆਣਾ, ਚੰਡੀਗੜ੍ਹ ਅਤੇ ਜੰਮੂ-ਕਸ਼ਮੀਰ ਲਈ ਤੇਜ਼ ਅਤੇ ਆਧੁਨਿਕ ਯਾਤਰਾ ਦਾ ਨਵਾਂ ਰਸਤਾ ਖੋਲ੍ਹ ਸਕਦਾ ਹੈ।
ਦਿੱਲੀ–ਅੰਮ੍ਰਿਤਸਰ ਬੁਲੇਟ ਟ੍ਰੇਨ ਕੋਰੀਡੋਰ
ਪ੍ਰਸਤਾਵਿਤ ਦਿੱਲੀ,ਅੰਮ੍ਰਿਤਸਰ ਹਾਈ-ਸਪੀਡ ਰੇਲ ਕੋਰੀਡੋਰ ਲਗਭਗ 450 ਤੋਂ 500 ਕਿਲੋਮੀਟਰ ਲੰਬਾ ਹੋ ਸਕਦਾ ਹੈ। ਇਸ ਰੂਟ ‘ਤੇ ਕਰੀਬ 10 ਤੋਂ 12 ਸਟੇਸ਼ਨ ਬਣਾਉਣ ਦੀ ਯੋਜਨਾ ਹੈ। ਟ੍ਰੇਨ ਦਿੱਲੀ ਤੋਂ ਰਵਾਨਾ ਹੋ ਕੇ ਰੋਹਤਕ, ਜੀਂਦ, ਕੈਥਲ, ਚੰਡੀਗੜ੍ਹ, ਮੋਹਾਲੀ, ਲੁਧਿਆਣਾ ਅਤੇ ਜਲੰਧਰ ਰਾਹੀਂ ਅੰਮ੍ਰਿਤਸਰ ਪਹੁੰਚੇਗੀ।
ਭਵਿੱਖ ਵਿੱਚ ਇਸ ਰੂਟ ਨੂੰ ਜਲੰਧਰ ਤੋਂ ਪਠਾਨਕੋਟ, ਜੰਮੂ ਅਤੇ ਕਟੜਾ ਤੱਕ ਵਧਾਉਣ ਦੀ ਸੰਭਾਵਨਾ ਹੈ। ਇਸ ਨਾਲ ਵੈਸ਼ਨੋ ਦੇਵੀ ਜਾਣ ਵਾਲੇ ਯਾਤਰੀਆਂ ਨੂੰ ਵੀ ਵੱਡਾ ਲਾਭ ਮਿਲ ਸਕਦਾ ਹੈ।
ਦਿੱਲੀ ਨਾਲ ਜੁੜਨ ਵਾਲੇ ਚਾਰ ਵੱਡੇ ਕੋਰੀਡੋਰ
ਹਾਈ-ਸਪੀਡ ਰੇਲ ਯੋਜਨਾ ਤਹਿਤ ਦਿੱਲੀ ਨਾਲ ਜੁੜੇ ਚਾਰ ਮੁੱਖ ਕੋਰੀਡੋਰ ਪ੍ਰਸਤਾਵਿਤ ਹਨ। ਇਨ੍ਹਾਂ ਵਿੱਚ ਦਿੱਲੀ,ਅੰਮ੍ਰਿਤਸਰ,ਜੰਮੂ, ਦਿੱਲੀ,ਲਖਨਊ,ਵਾਰਾਣਸੀ, ਦਿੱਲੀ,ਵਾਰਾਣਸੀ,ਸਿਲੀਗੁੜੀ ਅਤੇ ਦਿੱਲੀ,ਜੈਪੁਰ,ਉਦੈਪੁਰ,ਅਹਿਮਦਾਬਾਦ ਰੂਟ ਸ਼ਾਮਲ ਹਨ।
ਇਨ੍ਹਾਂ ਕੋਰੀਡੋਰਾਂ ਦਾ ਉਦੇਸ਼ ਧਾਰਮਿਕ, ਵਪਾਰਕ ਅਤੇ ਉਦਯੋਗਿਕ ਸ਼ਹਿਰਾਂ ਨੂੰ ਤੇਜ਼ ਰੇਲ ਸੇਵਾ ਨਾਲ ਜੋੜਨਾ ਹੈ। ਇਸ ਨਾਲ ਯਾਤਰਾ ਦਾ ਸਮਾਂ ਘਟੇਗਾ ਅਤੇ ਆਰਥਿਕ ਗਤੀਵਿਧੀਆਂ ਨੂੰ ਵੀ ਉਤਸ਼ਾਹ ਮਿਲੇਗਾ।
ਯਾਤਰਾ ਸਮੇਂ ਵਿੱਚ ਵੱਡੀ ਕਮੀ
ਦਿੱਲੀ–ਵਾਰਾਣਸੀ ਅਤੇ ਦਿੱਲੀ–ਸਿਲੀਗੁੜੀ ਕੋਰੀਡੋਰ ਪੂਰੇ ਹੋਣ ਨਾਲ ਲੰਬੀਆਂ ਯਾਤਰਾਵਾਂ ਕਾਫ਼ੀ ਛੋਟੀਆਂ ਹੋ ਸਕਦੀਆਂ ਹਨ। ਦਿੱਲੀ ਤੋਂ ਪਟਨਾ ਦੀ ਯਾਤਰਾ, ਜੋ ਇਸ ਸਮੇਂ ਕਈ ਘੰਟੇ ਲੈਂਦੀ ਹੈ, ਬੁਲੇਟ ਟ੍ਰੇਨ ਨਾਲ ਕਾਫ਼ੀ ਘੱਟ ਸਮੇਂ ਵਿੱਚ ਪੂਰੀ ਹੋ ਸਕਦੀ ਹੈ।
ਇਸੇ ਤਰ੍ਹਾਂ ਦਿੱਲੀ,ਲਖਨਊ,ਵਾਰਾਣਸੀ ਰੂਟ ਰਾਹੀਂ ਕਈ ਮਹੱਤਵਪੂਰਨ ਸ਼ਹਿਰ ਜਿਵੇਂ ਨੋਇਡਾ, ਜੇਵਰ, ਆਗਰਾ, ਲਖਨਊ ਅਤੇ ਵਾਰਾਣਸੀ ਆਪਸ ਵਿੱਚ ਜੁੜ ਜਾਣਗੇ।
ਭਵਿੱਖ ਦੀ ਤੇਜ਼ ਰੇਲ ਯਾਤਰਾ
ਦਿੱਲੀ,ਜੈਪੁਰ,ਉਦੈਪੁਰ,ਅਹਿਮਦਾਬਾਦ ਕੋਰੀਡੋਰ ਨੂੰ ਵੀ ਮਹੱਤਵਪੂਰਨ ਮੰਨਿਆ ਜਾ ਰਿਹਾ ਹੈ। ਇਸ ਨੂੰ ਅੱਗੇ ਮੁੰਬਈ,ਅਹਿਮਦਾਬਾਦ ਬੁਲੇਟ ਟ੍ਰੇਨ ਪ੍ਰੋਜੈਕਟ ਨਾਲ ਜੋੜਨ ਦੀ ਯੋਜਨਾ ਹੈ। ਜੇ ਇਹ ਸਾਰੇ ਪ੍ਰੋਜੈਕਟ ਪੂਰੇ ਹੁੰਦੇ ਹਨ ਤਾਂ ਦੇਸ਼ ਦੇ ਕਈ ਸੂਬਿਆਂ ਵਿਚਕਾਰ ਯਾਤਰਾ ਤੇਜ਼, ਆਰਾਮਦਾਇਕ ਅਤੇ ਆਧੁਨਿਕ ਬਣ ਜਾਵੇਗੀ। ਇਸ ਨਾਲ ਸੈਰ-ਸਪਾਟੇ, ਵਪਾਰ ਅਤੇ ਉਦਯੋਗ ਨੂੰ ਵੀ ਵੱਡਾ ਫਾਇਦਾ ਮਿਲਣ ਦੀ ਉਮੀਦ ਹੈ।
ਮਾਨਸੂਨ ਨੇ ਦਿੱਤਾ ਵੱਡਾ ਤੋਹਫ਼ਾ: 40 ਸਾਲ ਪੁਰਾਣੇ ਚੰਦਨ ਦੇ ਰੁੱਖ ਨੇ ਬੰਗਲੁਰੂ ਦੇ ਬਜ਼ੁਰਗ ਨੂੰ ਦਿਵਾਏ 28 ਲੱਖ ਰੁਪਏ