ਕਸ਼ਮੀਰ ਘਾਟੀ ਵਿੱਚ 24 ਘੰਟਿਆਂ ਵਿੱਚ ਫੌਜ ਦੇ ਰਿਹਾਇਸ਼ੀ ਕਵਾਰਟਰ ਅੱਗ ਦੀ ਲਪੇਟ ਵਿੱਚ

10 months ਪਹਿਲਾ

ਨਵੀਂ ਦਿਲੀ: ਕਸ਼ਮੀਰ ਘਾਟੀ ਦੇ ਵੱਖ ਵੱਖ ਇਲਾਕਿਆਂ ਵਿੱਚ ਪਿਛਲੇ 24 ਘੰਟਿਆਂ ਦੌਰਾਨ ਅੱਗ ਲੱਗਣ ਦੀਆਂ ਸੱਤ ਘਟਨਾਵਾਂ ਸਾਹਮਣੇ ਆਈਆਂ ਹਨ। ਕਪਵਾਰਾ ਜ਼ਿਲ੍ਹੇ ਵਿੱਚ ਫੌਜ ਦੇ ਦੋ ਰਿਹਾਇਸ਼ੀ ਕਵਾਰਟਰ ਵੀ ਅੱਗ ਦੀ ਲਪੇਟ ਵਿੱਚ ਆ ਗਏ। ਹਾਲਾਂਕਿ ਅੱਗ ਬੁਝਾਉਣ ਵਾਲੇ ਵਿਭਾਗ ਦੀ ਤੁਰੰਤ ਕਾਰਵਾਈ ਨਾਲ ਕਿਸੇ ਵੀ ਤਰ੍ਹਾਂ ਦੀ ਜਾਨੀ ਨੁਕਸਾਨ ਨਹੀਂ ਹੋਇਆ।

ਪਹਿਲੀ ਘਟਨਾ ਸ੍ਰੀਨਗਰ ਦੇ ਛਾਨਪੋਰਾ ਇਲਾਕੇ ਵਿੱਚ ਵਾਪਰੀ ਜਿੱਥੇ ਕੂੜੇ ਦੇ ਢੇਰ ਵਿੱਚ ਅੱਗ ਲੱਗ ਗਈ। ਫਾਇਰ ਬ੍ਰਿਗੇਡ ਦੀਆਂ ਟੀਮਾਂ ਨੇ ਸਮੇਂ ’ਤੇ ਪਹੁੰਚ ਕੇ ਅੱਗ ਨੂੰ ਨੇੜਲੇ ਮਕਾਨਾਂ ਵਿੱਚ ਫੈਲਣ ਤੋਂ ਪਹਿਲਾਂ ਹੀ ਕਾਬੂ ਕਰ ਲਿਆ। ਸ੍ਰੀਨਗਰ ਦੇ ਫਤੇਹਕਦਲ ਇਲਾਕੇ ਵਿੱਚ ਵੀ ਅੱਗ ਲੱਗਣ ਨਾਲ ਇੱਕ ਘਰ ਦੇ ਅਟਾਰੀ ਹਿੱਸੇ ਨੂੰ ਨੁਕਸਾਨ ਹੋਇਆ ਪਰ ਸਮੇਂ ਸਿਰ ਕਾਰਵਾਈ ਨਾਲ ਵੱਡਾ ਹਾਦਸਾ ਟਲ ਗਿਆ।

ਉੱਤਰ ਪ੍ਰਦੇਸ਼ ਵਿੱਚ 48 ਜ਼ਿਲ੍ਹੇ ਕੋਹਰੇ ਅਤੇ ਠੰਢ ਦੀ ਲਪੇਟ: ਸਕੂਲ ਬੰਦ, ਹਵਾਈ ਤੇ ਰੇਲ ਸੇਵਾਵਾਂ ਵੀ ਠੱਪ!

ਬਾਂਦੀਪੋਰਾ ਦੇ ਨੂਰ ਕਾਲੋਨੀ ਇਲਾਕੇ ਵਿੱਚ ਇੱਕ ਘਰ ਅੱਗ ਦੀ ਚਪੇਟ ਵਿੱਚ ਆਇਆ ਜਦਕਿ ਕਪਵਾਰਾ ਦੇ 168 ਐਮਐਚ ਆਰਮੀ ਕੈਂਪ ਵਿੱਚ ਅੱਗ ਲੱਗਣ ਨਾਲ ਦੋ ਰਿਹਾਇਸ਼ੀ ਕਵਾਰਟਰ ਪ੍ਰਭਾਵਿਤ ਹੋਏ। ਦੋਵੇਂ ਥਾਵਾਂ ’ਤੇ ਅੱਗ ਬੁਝਾਉਣ ਵਾਲੇ ਕਰਮਚਾਰੀਆਂ ਨੇ ਜਲਦੀ ਹੀ ਕਾਬੂ ਪਾ ਲਿਆ।

ਕੁਲਗਾਮ ਜ਼ਿਲ੍ਹੇ ਦੇ ਡੂਰੂ ਖੇਤਰ ਦੇ ਨਾਦਿਮਰਗ ਇਲਾਕੇ ਵਿੱਚ ਵੀ ਇੱਕ ਘਰ ਵਿੱਚ ਅੱਗ ਲੱਗੀ ਜਿੱਥੇ ਤੁਰੰਤ ਕਾਰਵਾਈ ਨਾਲ ਵੱਡਾ ਨੁਕਸਾਨ ਹੋਣ ਤੋਂ ਬਚਾ ਲਿਆ ਗਿਆ। ਗਾਂਦਰਬਲ ਦੇ ਡਿਕਬਾਗ ਨੂਨਰ ਇਲਾਕੇ ਵਿੱਚ ਇੱਕ ਚਿਨਾਰ ਦੇ ਦਰੱਖਤ ਵਿੱਚ ਅੱਗ ਲੱਗਣ ਦੀ ਘਟਨਾ ਸਾਹਮਣੇ ਆਈ ਜਿਸਨੂੰ ਫਾਇਰ ਬ੍ਰਿਗੇਡ ਨੇ ਬੁਝਾ ਦਿੱਤਾ।

WATCH VIDEO: ਹਿਮਾਚਲ, ਸ਼ੀਤਲਹਿਰ ਤੇਜ਼, ਪਹਾੜਾਂ ’ਚ ਮਾਇਨਸ ਤਾਪਮਾਨ

ਇਸ ਤੋਂ ਇਲਾਵਾ ਕਪਵਾਰਾ ਦੇ ਚੌਕੀਬਲ ਦੇ ਮਨਚੱਟੀਰ ਇਲਾਕੇ ਵਿੱਚ ਅੱਗ ਲੱਗਣ ਨਾਲ ਦੋ ਘਰਾਂ ਨੂੰ ਨੁਕਸਾਨ ਪਹੁੰਚਿਆ। ਅਧਿਕਾਰੀਆਂ ਦੇ ਮੁਤਾਬਕ ਵੱਖ ਵੱਖ ਟੀਮਾਂ ਦੇ ਸਾਂਝੇ ਯਤਨਾਂ ਨਾਲ ਅੱਗ ਨੂੰ ਹੋਰ ਫੈਲਣ ਤੋਂ ਰੋਕਿਆ ਗਿਆ।

ਅੱਗ ਬੁਝਾਉਣ ਅਤੇ ਐਮਰਜੈਂਸੀ ਸੇਵਾ ਵਿਭਾਗ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਖ਼ਾਸ ਕਰਕੇ ਸਰਦੀਆਂ ਦੇ ਮੌਸਮ ਵਿੱਚ ਅੱਗ ਤੋਂ ਬਚਾਅ ਲਈ ਸੁਰੱਖਿਆ ਨਿਯਮਾਂ ਦੀ ਪਾਲਣਾ ਕਰਨ ਅਤੇ ਕਿਸੇ ਵੀ ਅੱਗਜਨੀ ਦੀ ਘਟਨਾ ਦੀ ਜਾਣਕਾਰੀ ਤੁਰੰਤ ਨੇੜਲੇ ਫਾਇਰ ਸਟੇਸ਼ਨ ਜਾਂ ਕੰਟਰੋਲ ਰੂਮ ਨੂੰ ਦੇਣ।

ਸਰਦੀਆਂ ਦੇ ਮੌਸਮ ਵਿੱਚ ਅੱਗ ਦੇ ਹਾਦਸੇ ਵੱਧ ਰਹੇ ਹਨ ਅਤੇ ਲੋਕਾਂ ਨੂੰ ਹੋਰ ਸਾਵਧਾਨ ਰਹਿਣ ਦੀ ਲੋੜ ਹੈ।