ਪੰਜਾਬ ਦੀ ਪਹਿਲੀ ਪਾਵਰ ਥੱਪੜ ਫਾਈਟਰ ਦਾ ਅਬੂ ਧਾਬੀ ਵਿੱਚ ਜ਼ਬਰਦਸਤ ਮੁਕਾਬਲਾ, ਥੱਪੜ ਦੀ ਚੋਟ ਨਾਲ ਲੱਗੇ 9 ਟਾਂਕੇ

7 July 2026 ਅੱਪਡੇਟ ਕੀਤਾ ਗਿਆ

ਪੰਜਾਬ ਡੈਸਕ: ਪੰਜਾਬ ਦੇ ਨਵਾਂਸ਼ਹਿਰ ਦੀ ਰਹਿਣ ਵਾਲੀ ਮਨਜੋਤ ਕੌਰ ਰੱਤੂ ਨੇ ਖੇਡ ਜਗਤ ਵਿੱਚ ਨਵਾਂ ਇਤਿਹਾਸ ਰਚ ਦਿੱਤਾ ਹੈ। ਉਹ ਪਾਵਰ ਸਲੈਪ ਵਰਗੀ ਅਨੋਖੀ ਫਾਈਟਿੰਗ ਗੇਮ ਵਿੱਚ ਅੰਤਰਰਾਸ਼ਟਰੀ ਪੱਧਰ ‘ਤੇ ਮੁਕਾਬਲਾ ਕਰਨ ਵਾਲੀ ਪਹਿਲੀ ਭਾਰਤੀ ਮਹਿਲਾ ਫਾਈਟਰ ਬਣ ਗਈ ਹੈ। ਹਾਲਾਂਕਿ ਅਬੂ ਧਾਬੀ ਵਿੱਚ ਹੋਏ ਆਪਣੇ ਪਹਿਲੇ ਮੁਕਾਬਲੇ ਵਿੱਚ ਉਸਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ, ਪਰ ਉਸਦੀ ਹਿੰਮਤ ਅਤੇ ਜਜ਼ਬੇ ਨੇ ਸਭ ਦਾ ਧਿਆਨ ਖਿੱਚਿਆ।

ਮੁਕਾਬਲੇ ਦੌਰਾਨ ਇੱਕ ਜ਼ਬਰਦਸਤ ਥੱਪੜ ਲੱਗਣ ਕਾਰਨ ਮਨਜੋਤ ਦੇ ਚਿਹਰੇ ‘ਤੇ ਗੰਭੀਰ ਸੱਟ ਲੱਗ ਗਈ ਅਤੇ ਉਸਨੂੰ 9 ਟਾਂਕੇ ਲਗਵਾਉਣੇ ਪਏ। ਇਸ ਦੇ ਬਾਵਜੂਦ ਉਸਨੇ ਹਾਰ ਨਹੀਂ ਮੰਨੀ। ਕੋਚ ਵੱਲੋਂ ਮੈਚ ਛੱਡਣ ਦੀ ਸਲਾਹ ਦੇਣ ਦੇ ਬਾਵਜੂਦ ਮਨਜੋਤ ਨੇ ਤਿੰਨੋਂ ਰਾਊਂਡ ਪੂਰੇ ਕੀਤੇ। ਉਹ ਕਰੀਬੀ ਮੁਕਾਬਲੇ ਵਿੱਚ ਹਾਰੀ, ਜਿੱਥੇ ਉਸਨੇ 23 ਅੰਕ ਹਾਸਲ ਕੀਤੇ, ਜਦਕਿ ਉਸਦੀ ਵਿਰੋਧੀ ਨੇ 30 ਅੰਕ ਬਣਾਏ। ਹੁਣ ਮਨਜੋਤ 18 ਜੁਲਾਈ ਨੂੰ ਸਿਡਨੀ ਵਿੱਚ ਆਪਣੇ ਅਗਲੇ ਮੁਕਾਬਲੇ ਲਈ ਤਿਆਰ ਹੈ।

ਇਹ ਵੀ ਪੜੋਂ: 

SIR ਡਿਊਟੀ ਦੇ ਦਬਾਅ ਹੇਠ ਸਰਕਾਰੀ ਅਧਿਆਪਕ ਨੇ ਨਹਿਰ ਵਿੱਚ ਮਾਰੀ ਛਾਲ, ਗੁਰਦਾਸਪੁਰ ‘ਚ ਭਾਲ ਜਾਰੀ

ਪੜ੍ਹਾਈ ਨਾਲੋਂ ਖੇਡਾਂ ਵਿੱਚ ਬਣਾਈ ਆਪਣੀ ਪਛਾਣ

28 ਸਾਲਾ ਮਨਜੋਤ ਕੌਰ ਰੱਤੂ ਨੇ ਦੱਸਿਆ ਕਿ ਸਕੂਲ ਦੇ ਦਿਨਾਂ ਵਿੱਚ ਉਸਦੀ ਪੜ੍ਹਾਈ ਵਿੱਚ ਖਾਸ ਦਿਲਚਸਪੀ ਨਹੀਂ ਸੀ ਅਤੇ ਗਣਿਤ ਵਿਸ਼ੇ ਤੋਂ ਉਹ ਡਰਦੀ ਸੀ। ਇਸ ਕਾਰਨ ਉਸਨੇ ਖੇਡਾਂ ਵੱਲ ਆਪਣਾ ਰੁਝਾਨ ਵਧਾਇਆ। ਸਾਲ 2015 ਵਿੱਚ ਉਸਨੇ ਆਪਣਾ ਖੇਡ ਸਫ਼ਰ ਸ਼ੁਰੂ ਕੀਤਾ ਅਤੇ ਪਹਿਲਾਂ ਕਿੱਕਬਾਕਸਿੰਗ ਤੇ ਕਬੱਡੀ ਵਿੱਚ ਹਿੱਸਾ ਲਿਆ।

ਕਈ ਖੇਡਾਂ ਵਿੱਚ ਤਜਰਬਾ ਹਾਸਲ ਕਰਨ ਤੋਂ ਬਾਅਦ ਮਨਜੋਤ ਨੇ ਸਾਲ 2021 ਵਿੱਚ ਪੇਸ਼ੇਵਰ ਮੁੱਕੇਬਾਜ਼ੀ ਨੂੰ ਆਪਣਾ ਕਰੀਅਰ ਬਣਾਇਆ। ਸਾਲ 2022 ਵਿੱਚ ਉਸਨੇ ਥਾਈਲੈਂਡ ਵਿੱਚ ਆਪਣਾ ਪਹਿਲਾ ਅੰਤਰਰਾਸ਼ਟਰੀ ਮੁੱਕੇਬਾਜ਼ੀ ਮੁਕਾਬਲਾ ਜਿੱਤਿਆ। ਇਸ ਤੋਂ ਬਾਅਦ ਉਸਨੇ 2024 ਵਿੱਚ ਆਸਟ੍ਰੇਲੀਆ ਦੇ ਬ੍ਰਿਸਬੇਨ ਅਤੇ 2025 ਵਿੱਚ ਨਿਊਜ਼ੀਲੈਂਡ ਵਿੱਚ ਮੁਕਾਬਲੇ ਖੇਡੇ। ਨਿਊਜ਼ੀਲੈਂਡ ਵਿੱਚ ਦੁਨੀਆ ਦੀ ਨੰਬਰ ਦੋ ਖਿਡਾਰਨ ਮੀਆ ਮੋਟੂ ਖ਼ਿਲਾਫ਼ ਮੁਕਾਬਲੇ ਨੇ ਉਸਨੂੰ ਅੰਤਰਰਾਸ਼ਟਰੀ ਪਛਾਣ ਦਿਵਾਈ।

ਇਹ ਵੀ ਪੜੋਂ:

ਹਰਿਮੰਦਰ ਸਾਹਿਬ ਪਹੁੰਚੇ ਵਿਦੇਸ਼ੀ ਸੈਲਾਨੀ, ਪਹਿਰਾਵੇ ਦੀ ਮਰਿਆਦਾ ਸਮਝਾਉਂਦੇ ਸਿੱਖ ਸੇਵਾਦਾਰ

ਕੋਚ ਨੇ ਦਿਖਾਇਆ ਪਾਵਰ ਸਲੈਪ ਦਾ ਰਾਹ

ਮਨਜੋਤ ਦੇ ਕੋਚ ਜਸਕਰਨ ਸਿੰਘ ਨੇ ਉਸਨੂੰ ਪਾਵਰ ਸਲੈਪ ਖੇਡ ਬਾਰੇ ਜਾਣੂ ਕਰਵਾਇਆ। ਕੋਚ ਪਹਿਲਾਂ ਦੁਬਈ ਵਿੱਚ ਇਸ ਖੇਡ ਨਾਲ ਜੁੜੇ ਹੋਏ ਸਨ। ਜਦੋਂ ਮਨਜੋਤ ਨੂੰ ਪਤਾ ਲੱਗਾ ਕਿ ਇਸ ਖੇਤਰ ਵਿੱਚ ਅਜੇ ਤੱਕ ਕੋਈ ਭਾਰਤੀ ਮਹਿਲਾ ਖਿਡਾਰੀ ਨਹੀਂ ਸੀ, ਤਾਂ ਉਸਨੇ ਦੇਸ਼ ਦੀ ਪਹਿਲੀ ਮਹਿਲਾ ਪਾਵਰ ਸਲੈਪ ਫਾਈਟਰ ਬਣਨ ਦਾ ਟੀਚਾ ਤੈਅ ਕੀਤਾ।

ਮਨਜੋਤ ਨੇ ਦੱਸਿਆ ਕਿ ਇਸ ਖੇਡ ਵਿੱਚ ਸੱਟ ਲੱਗਣ ਦਾ ਖ਼ਤਰਾ ਕਾਫ਼ੀ ਜ਼ਿਆਦਾ ਹੁੰਦਾ ਹੈ ਅਤੇ ਸ਼ੁਰੂ ਵਿੱਚ ਉਸਨੂੰ ਇਸਦੇ ਨਿਯਮਾਂ ਬਾਰੇ ਵੀ ਪੂਰੀ ਜਾਣਕਾਰੀ ਨਹੀਂ ਸੀ। ਪਰ ਨਵੀਂ ਚੁਣੌਤੀ ਨੂੰ ਸਵੀਕਾਰ ਕਰਦਿਆਂ ਉਸਨੇ ਅਬੂ ਧਾਬੀ ਦੇ ਅੰਤਰਰਾਸ਼ਟਰੀ ਮੁਕਾਬਲੇ ਵਿੱਚ ਹਿੱਸਾ ਲਿਆ।

ਸੱਟ ਦੇ ਬਾਵਜੂਦ ਨਹੀਂ ਛੱਡਿਆ ਮੈਚ8i

ਅਬੂ ਧਾਬੀ ਵਿੱਚ ਹੋਏ ਮੁਕਾਬਲੇ ਦੇ ਤੀਜੇ ਰਾਊਂਡ ਦੌਰਾਨ ਵਿਰੋਧੀ ਨਿੱਕੀ ਸ਼ੈਫਰ ਦੇ ਇੱਕ ਤਗੜੇ ਥੱਪੜ ਨਾਲ ਮਨਜੋਤ ਦਾ ਮਾਊਥਗਾਰਡ ਬਾਹਰ ਨਿਕਲ ਗਿਆ। ਇਸ ਕਾਰਨ ਉਸਦੇ ਗੱਲ੍ਹ ਅਤੇ ਬੁੱਲ੍ਹਾਂ ਦੇ ਅੰਦਰ ਗੰਭੀਰ ਸੱਟ ਲੱਗੀ ਅਤੇ ਖੂਨ ਵਹਿਣ ਲੱਗਾ। ਬਾਅਦ ਵਿੱਚ ਉਸਦੇ ਚਿਹਰੇ ‘ਤੇ 9 ਟਾਂਕੇ ਲਗਾਏ ਗਏ।

ਪਰਿਵਾਰ ਇਸ ਘਟਨਾ ਤੋਂ ਬਾਅਦ ਕਾਫ਼ੀ ਚਿੰਤਤ ਹੋ ਗਿਆ ਅਤੇ ਉਸਨੂੰ ਖੇਡ ਛੱਡਣ ਦੀ ਸਲਾਹ ਦਿੱਤੀ। ਹਾਲਾਂਕਿ ਮਨਜੋਤ ਨੇ ਆਪਣਾ ਫੈਸਲਾ ਨਹੀਂ ਬਦਲਿਆ। ਉਸਦਾ ਕਹਿਣਾ ਹੈ ਕਿ ਹਰ ਵੱਡੀ ਉਪਲਬਧੀ ਲਈ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।

ਲੁਧਿਆਣਾ ‘ਚ ਤਾਂਤਰਿਕ ਦੱਸਣ ਵਾਲੇ ਵਿਅਕਤੀ ਖ਼ਿਲਾਫ਼ ਜਬਰ-ਜ਼ਿਨਾਹ ਦਾ ਮਾਮਲਾ ਦਰਜ, ਜਾਂਚ ਸ਼ੁਰੂ

ਰੋਜ਼ਾਨਾ ਕਰਦੀ ਹੈ ਸਖ਼ਤ ਤਿਆਰੀ

ਮਨਜੋਤ ਅਜੇ ਵੀ ਨਿਯਮਤ ਪੇਸ਼ੇਵਰ ਮੁੱਕੇਬਾਜ਼ੀ ਦੀ ਸਿਖਲਾਈ ਲੈਂਦੀ ਹੈ। ਇਸ ਦੇ ਨਾਲ ਉਹ ਹਰ ਰੋਜ਼ ਪਾਵਰ ਸਲੈਪ ਲਈ ਵੱਖਰਾ ਅਭਿਆਸ ਵੀ ਕਰਦੀ ਹੈ, ਜਿਸ ਵਿੱਚ ਥੱਪੜ ਮਾਰਨ ਦੀ ਤਕਨੀਕ, ਸਟੈਂਸ ਅਤੇ ਸੰਤੁਲਨ ਬਣਾਈ ਰੱਖਣ ਦੀ ਪ੍ਰੈਕਟਿਸ ਸ਼ਾਮਲ ਹੈ।

ਉਹ ਦੱਸਦੀ ਹੈ ਕਿ ਉਸਦਾ ਟੀਚਾ ਦੁਨੀਆ ਦੇ ਸਭ ਤੋਂ ਵੱਡੇ ਫਾਈਟਿੰਗ ਮੰਚ ‘ਤੇ ਦੇਸ਼ ਦੀ ਨੁਮਾਇੰਦਗੀ ਕਰਨਾ ਹੈ।

ਪੰਜਾਬ ਦੀਆਂ ਕੁੜੀਆਂ ਲਈ ਬਣਨਾ ਚਾਹੁੰਦੀ ਹੈ ਪ੍ਰੇਰਣਾ

ਮਨਜੋਤ ਦਾ ਦਾਅਵਾ ਹੈ ਕਿ ਉਹ ਸ਼ਹੀਦ ਭਗਤ ਸਿੰਘ ਨਗਰ (ਨਵਾਂਸ਼ਹਿਰ) ਜ਼ਿਲ੍ਹੇ ਦੀ ਇਕੱਲੀ ਮਹਿਲਾ ਪੇਸ਼ੇਵਰ ਮੁੱਕੇਬਾਜ਼ ਹੈ। ਉਹ ਚਾਹੁੰਦੀ ਹੈ ਕਿ ਪੰਜਾਬ ਅਤੇ ਦੇਸ਼ ਦੀਆਂ ਹੋਰ ਕੁੜੀਆਂ ਵੀ ਲੜਾਈ ਵਾਲੀਆਂ ਖੇਡਾਂ ਵਿੱਚ ਅੱਗੇ ਆਉਣ।

ਭਵਿੱਖ ਵਿੱਚ ਮਨਜੋਤ ਆਪਣੀ ਖੇਡ ਅਕੈਡਮੀ ਖੋਲ੍ਹਣਾ ਚਾਹੁੰਦੀ ਹੈ, ਜਿੱਥੇ ਉਹ ਕੁੜੀਆਂ ਨੂੰ ਮੁੱਕੇਬਾਜ਼ੀ ਅਤੇ ਹੋਰ ਲੜਾਈ ਵਾਲੀਆਂ ਖੇਡਾਂ ਦੀ ਸਿਖਲਾਈ ਦੇ ਸਕੇ।

ਮਨਜੋਤ ਦਾ ਮੰਨਣਾ ਹੈ ਕਿ ਸਭ ਤੋਂ ਮੁਸ਼ਕਲ ਕੰਮ ਪਹਿਲਾ ਕਦਮ ਚੁੱਕਣਾ ਹੁੰਦਾ ਹੈ। ਇੱਕ ਵਾਰ ਇਨਸਾਨ ਹਿੰਮਤ ਨਾਲ ਆਪਣਾ ਰਸਤਾ ਚੁਣ ਲਵੇ ਤਾਂ ਮੌਕੇ ਆਪਣੇ ਆਪ ਬਣਦੇ ਜਾਂਦੇ ਹਨ।

nawanshahr-manjot-kaur-rattu-first-indian-woman-international-power-slap