ਬਰਸਾਤ ਦੇ ਮੌਸਮ ਵਿੱਚ ਬੁਖਾਰ ਤੋਂ ਰਹੋ ਸਾਵਧਾਨ! ਜਾਣੋ ਲੱਛਣ ਅਤੇ ਬਚਾਅ ਦੇ ਅਸਾਨ ਤਰੀਕੇ

22 June 2026 ਅੱਪਡੇਟ ਕੀਤਾ ਗਿਆ

ਲਾਈਫਸਟਾਈਲ ਡੈਸਕ : ਬਰਸਾਤ ਦਾ ਮੌਸਮ ਗਰਮੀ ਤੋਂ ਰਾਹਤ ਤਾਂ ਦਿੰਦਾ ਹੈ, ਪਰ ਨਾਲ ਹੀ ਕਈ ਬਿਮਾਰੀਆਂ ਦਾ ਖ਼ਤਰਾ ਵੀ ਵਧਾ ਦਿੰਦਾ ਹੈ। ਵਧਦੀ ਨਮੀ, ਗੰਦਾ ਪਾਣੀ ਅਤੇ ਮੱਛਰਾਂ ਦੀ ਵਧਦੀ ਗਿਣਤੀ ਕਾਰਨ ਵਾਇਰਲ ਬੁਖਾਰ, ਡੇਂਗੂ, ਮਲੇਰੀਆ ਅਤੇ ਟਾਈਫਾਈਡ ਵਰਗੀਆਂ ਬਿਮਾਰੀਆਂ ਤੇਜ਼ੀ ਨਾਲ ਫੈਲਦੀਆਂ ਹਨ। ਜੇਕਰ ਇਨ੍ਹਾਂ ਦੇ ਲੱਛਣਾਂ ਨੂੰ ਸਮੇਂ ਸਿਰ ਪਛਾਣਿਆ ਨਾ ਜਾਵੇ ਤਾਂ ਸਿਹਤ ਲਈ ਗੰਭੀਰ ਸਮੱਸਿਆਵਾਂ ਪੈਦਾ ਹੋ ਸਕਦੀਆਂ ਹਨ।

ਮੌਨਸੂਨ ਬੁਖਾਰ ਦਾ ਸਭ ਤੋਂ ਆਮ ਲੱਛਣ ਤੇਜ਼ ਬੁਖਾਰ ਹੈ, ਜਿਸ ਦੌਰਾਨ ਸਰੀਰ ਦਾ ਤਾਪਮਾਨ 100 ਤੋਂ 104 ਡਿਗਰੀ ਫਾਰਨਹੀਟ ਤੱਕ ਪਹੁੰਚ ਸਕਦਾ ਹੈ। ਇਸ ਦੇ ਨਾਲ ਸਿਰ ਦਰਦ, ਅੱਖਾਂ ਦੇ ਪਿੱਛੇ ਦਰਦ, ਗਲੇ ਵਿੱਚ ਖਰਾਸ਼, ਖੰਘ ਅਤੇ ਸਰੀਰ ਵਿੱਚ ਟੁੱਟ-ਫੁੱਟ ਮਹਿਸੂਸ ਹੋ ਸਕਦੀ ਹੈ। ਡੇਂਗੂ ਜਾਂ ਚਿਕਨਗੁਨੀਆ ਵਰਗੀਆਂ ਬਿਮਾਰੀਆਂ ਵਿੱਚ ਜੋੜਾਂ ਅਤੇ ਮਾਸਪੇਸ਼ੀਆਂ ਵਿੱਚ ਅਸਹਿਣਯੋਗ ਦਰਦ ਵੀ ਹੋ ਸਕਦਾ ਹੈ।

ਸਾਵਣ 2026: ਕਦੋਂ ਸ਼ੁਰੂ ਹੋਵੇਗਾ ਪਵਿੱਤਰ ਮਹੀਨਾ? ਜਾਣੋ ਪਹਿਲੇ ਸੋਮਵਾਰ ਦੀ ਤਾਰੀਖ ਅਤੇ ਮਹੱਤਵ

ਮਾਹਿਰਾਂ ਅਨੁਸਾਰ ਮੌਨਸੂਨ ਦੌਰਾਨ ਰੋਗ ਪ੍ਰਤੀਰੋਧਕ ਸਮਰੱਥਾ ਮਜ਼ਬੂਤ ਰੱਖਣਾ ਬਹੁਤ ਜ਼ਰੂਰੀ ਹੈ। ਖੁਰਾਕ ਵਿੱਚ ਵਿਟਾਮਿਨ-ਸੀ ਨਾਲ ਭਰਪੂਰ ਫਲ ਜਿਵੇਂ ਨਿੰਬੂ, ਸੰਤਰਾ ਅਤੇ ਆਂਵਲਾ ਸ਼ਾਮਲ ਕਰੋ। ਮੀਂਹ ਵਿੱਚ ਭਿੱਜਣ ਤੋਂ ਬਾਅਦ ਤੁਰੰਤ ਸੁੱਕੇ ਕੱਪੜੇ ਪਹਿਨੋ ਅਤੇ ਗੰਦੇ ਜਾਂ ਦੂਸ਼ਿਤ ਪਾਣੀ ਤੋਂ ਬਚੋ। ਹਮੇਸ਼ਾ ਉਬਲਿਆ ਜਾਂ ਫਿਲਟਰ ਕੀਤਾ ਪਾਣੀ ਹੀ ਪੀਓ।

ਮੱਛਰਾਂ ਤੋਂ ਬਚਾਅ ਲਈ ਘਰ ਦੇ ਆਲੇ-ਦੁਆਲੇ ਪਾਣੀ ਇਕੱਠਾ ਨਾ ਹੋਣ ਦਿਓ, ਮੱਛਰਦਾਨੀ ਦੀ ਵਰਤੋਂ ਕਰੋ ਅਤੇ ਪੂਰੀਆਂ ਬਾਹਾਂ ਵਾਲੇ ਕੱਪੜੇ ਪਹਿਨੋ। ਇਸ ਦੇ ਨਾਲ 7 ਤੋਂ 8 ਘੰਟੇ ਦੀ ਪੂਰੀ ਨੀਂਦ ਵੀ ਸਰੀਰ ਨੂੰ ਬਿਮਾਰੀਆਂ ਨਾਲ ਲੜਨ ਦੀ ਤਾਕਤ ਦਿੰਦੀ ਹੈ।ਜੇਕਰ ਬੁਖਾਰ ਦੋ ਦਿਨਾਂ ਤੋਂ ਵੱਧ ਰਹੇ ਜਾਂ ਲੱਛਣ ਗੰਭੀਰ ਹੋਣ, ਤਾਂ ਖੁਦ ਦਵਾਈ ਲੈਣ ਦੀ ਬਜਾਏ ਤੁਰੰਤ ਡਾਕਟਰ ਦੀ ਸਲਾਹ ਲੈਣੀ ਚਾਹੀਦੀ ਹੈ।

TMC ਵਿੱਚ ਸਿਆਸੀ ਭੂਚਾਲ: ਚੰਦਰਿਮਾ ਭੱਟਾਚਾਰੀਆ ਦਾ ਅਸਤੀਫਾ, ਪਾਰਟੀ ਹੈੱਡਕੁਆਰਟਰ ‘ਤੇ ਬਾਗ਼ੀ ਧੜੇ ਦਾ ਕਬਜ਼ਾ