ਲਾਈਵ ਪਰਫਾਰਮੈਂਸ ਵਿੱਚ ਅਚਾਨਕ ਹਾਦਸਾ, ਸੁਨੰਦਾ ਦੀ ਚੀਖ ਨਾਲ ਮਾਹੌਲ ਤਣਾਓਪੂਰਨ, ਕੀ ਹੈਂ ਪੂਰਾ ਮਾਮਲਾ ਜਾਣੋਂ!

4 April 2026 ਅੱਪਡੇਟ ਕੀਤਾ ਗਿਆ

ਪੰਜਾਬ ਡੈਸਕ (ਦੈਨਿਕ ਸਵੇਰਾ): ਪੰਜਾਬੀ ਗਾਇਕਾ ਸੁਨੰਦਾ ਸ਼ਰਮਾ ਨੇ ਗਾਜ਼ਿਆਬਾਦ ਵਿੱਚ ਹੋ ਰਿਹਾ ਆਪਣਾ ਲਾਈਵ ਸ਼ੋਅ ਅਚਾਨਕ ਹੀ ਰੋਕ ਦਿੱਤਾ ਅਤੇ ਸਟੇਜ ਤੋਂ ਹਟ ਗਈ। 3 ਅਪ੍ਰੈਲ ਦੀ ਰਾਤ ਆਰਕੇਜੀਆਈਟੀ ਕਾਲਜ (RKGIT College) ਵਿੱਚ ਪ੍ਰੋਗਰਾਮ ਚੱਲ ਰਿਹਾ ਸੀ, ਜਦੋਂ ਇੱਕ ਨੌਜਵਾਨ ਅਚਾਨਕ ਸਟੇਜ ‘ਤੇ ਚੜ੍ਹ ਕੇ ਸੁਨੰਦਾ ਦੇ ਨੇੜੇ ਆ ਗਿਆ ਅਤੇ ਉਨ੍ਹਾਂ ਨੂੰ ਛੂਹਣ ਦੀ ਕੋਸ਼ਿਸ਼ ਕੀਤੀ। ਉਹ ਉਨ੍ਹਾਂ ਦੇ ਪੈਰਾਂ ‘ਚ ਵੀ ਡਿੱਗ ਪਿਆ।

ਇਸ ਘਟਨਾ ਨੇ ਸੁਨੰਦਾ ਨੂੰ ਬਹੁਤ ਘਬਰਾ ਦਿੱਤਾ। ਜਿਵੇਂ ਹੀ ਨੌਜਵਾਨ ਨੇ ਉਨ੍ਹਾਂ ਨੂੰ ਛੂਹਿਆ, ਉਹ ਡਰ ਦੇ ਕਾਰਨ ਉੱਚੀ ਆਵਾਜ਼ ਵਿੱਚ ਚੀਖ ਪਈ ਅਤੇ ਤੁਰੰਤ ਸਟੇਜ ਦੇ ਪਿੱਛੇ ਚਲੀ ਗਈ। ਮਾਈਕ ਚਾਲੂ ਹੋਣ ਕਰਕੇ ਉਨ੍ਹਾਂ ਦੀ ਚੀਖ ਪੂਰੇ ਹਾਲ ਵਿੱਚ ਸੁਣਾਈ ਦਿੱਤੀ ਅਤੇ ਮਾਹੌਲ ਇਕਦਮ ਤਣਾਓਪੂਰਨ ਬਣ ਗਿਆ। ਇਸ ਦੌਰਾਨ ਉਹ ਨੌਜਵਾਨ ਲਗਭਗ ਦੋ ਮਿੰਟ ਤੱਕ ਸਟੇਜ ‘ਤੇ ਹੀ ਖੜ੍ਹਾ ਰਿਹਾ ਅਤੇ ਸ਼ਾਹਰੁਖ ਖਾਨ ਦੇ ਅੰਦਾਜ਼ ਵਿੱਚ ਬਾਂਹਾਂ ਫੈਲਾ ਕੇ ਖੜ੍ਹਾ ਹੋਇਆ।

ਆਵਾਜ਼ ਸੁਣਦੇ ਹੀ ਪੁਲਿਸ ਅਤੇ ਬਾਊਂਸਰ ਸਟੇਜ ‘ਤੇ ਪਹੁੰਚੇ ਅਤੇ ਉਸ ਨੌਜਵਾਨ ਨੂੰ ਹਟਾਇਆ। ਬਾਅਦ ਵਿੱਚ ਉਸਨੂੰ ਪੁਲਿਸ ਦੇ ਹਵਾਲੇ ਕਰ ਦਿੱਤਾ ਗਿਆ। ਪਤਾ ਲੱਗਾ ਹੈ ਕਿ ਉਹ ਨੌਜਵਾਨ ਉਸੇ ਕਾਲਜ ਦਾ ਵਿਦਿਆਰਥੀ ਹੈ।

ਬਿਜਲੀ ਡਿੱਗਣ ਨਾਲ ਕ੍ਰਿਕਟ ਖੇਡ ਰਿਹਾ ਪੰਜਾਬ ਦਾ ਇਹ ਸਮੂਹ ਇਲਾਕਾ ਚਪੇਟ ਵਿੱਚ, ਇੱਕ ਦੀ ਮੌਤ, ਦੋ ਬੇਹੋਸ਼

ਇਸ ਘਟਨਾ ਤੋਂ ਬਾਅਦ ਸੁਨੰਦਾ ਇੰਨੀ ਡਰ ਗਈ ਕਿ ਉਹ ਮੁੜ ਸਟੇਜ ‘ਤੇ ਨਹੀਂ ਆਈ। ਹੇਠਾਂ ਖੜ੍ਹੇ ਵਿਦਿਆਰਥੀ ਉਨ੍ਹਾਂ ਨੂੰ ਵਾਪਸ ਬੁਲਾਉਂਦੇ ਰਹੇ, ਪਰ ਉਨ੍ਹਾਂ ਦੀ ਟੀਮ ਨੇ ਸੁਰੱਖਿਆ ਕਾਰਨਾਂ ਕਰਕੇ ਸ਼ੋਅ ਰੱਦ ਕਰਨ ਦਾ ਫੈਸਲਾ ਕਰ ਲਿਆ। ਸ਼ੋਅ ਰੱਦ ਹੋਣ ਤੋਂ ਬਾਅਦ ਵਿਦਿਆਰਥੀ ਨਿਰਾਸ਼ ਹੋ ਕੇ ਵਾਪਸ ਚਲੇ ਗਏ।

ਸਟੇਜ ‘ਤੇ ਕੀ ਵਾਪਰਿਆ:

ਜਦੋਂ ਸੁਨੰਦਾ ਨੇ 2–3 ਗੀਤ ਗਾ ਕੇ ਮਾਹੌਲ ਬਣਾਇਆ ਹੋਇਆ ਸੀ, ਤਦੋਂ ਹੇਠਾਂ ਖੜ੍ਹੇ ਕੁਝ ਲੜਕੇ ਵੀਡੀਓ ਬਣਾਉਣ ਅਤੇ ਸੈਲਫੀਆਂ ਲੈਣ ਲੱਗੇ। ਇਸ ਦੌਰਾਨ ਇੱਕ ਨੌਜਵਾਨ ਸੁਰੱਖਿਆ ਤੋਂ ਬਚਦਾ ਹੋਇਆ ਸਟੇਜ ‘ਤੇ ਚੜ੍ਹ ਗਿਆ।

ਸਟੇਜ ‘ਤੇ ਆਉਂਦੇ ਹੀ ਉਹ ਸੁਨੰਦਾ ਵੱਲ ਦੌੜਿਆ ਅਤੇ ਉਨ੍ਹਾਂ ਨੂੰ ਛੂਹਣ ਦੀ ਕੋਸ਼ਿਸ਼ ਕੀਤੀ। ਉਹ ਉਨ੍ਹਾਂ ਦੇ ਪੈਰਾਂ ਵੱਲ ਡਿੱਗ ਪਿਆ, ਜਿਸ ਨਾਲ ਸੁਨੰਦਾ ਡਰ ਗਈ ਅਤੇ ਚੀਖ ਪਈ। ਸੁਰੱਖਿਆ ਕਰਮਚਾਰੀ ਤੁਰੰਤ ਉਨ੍ਹਾਂ ਨੂੰ ਘੇਰ ਕੇ ਸਟੇਜ ਤੋਂ ਲੈ ਗਏ।

ਉਹ ਨੌਜਵਾਨ ਸਟੇਜ ਤੋਂ ਹਟਣ ਲਈ ਤਿਆਰ ਨਹੀਂ ਸੀ ਅਤੇ ਸ਼ਾਹਰੁਖ ਖਾਨ ਦੇ ਅੰਦਾਜ਼ ਵਿੱਚ ਬਾਂਹਾਂ ਫੈਲਾ ਕੇ ਖੜ੍ਹਾ ਰਿਹਾ। ਲਗਭਗ ਦੋ ਮਿੰਟ ਬਾਅਦ ਬਾਊਂਸਰ ਅਤੇ ਪੁਲਿਸ ਮੌਕੇ ‘ਤੇ ਪਹੁੰਚੇ ਅਤੇ ਉਸਨੂੰ ਸਟੇਜ ਤੋਂ ਹਟਾ ਦਿੱਤਾ।

ਸੁਰੱਖਿਆ ਕਰਮਚਾਰੀਆਂ ਨੇ ਉਸਨੂੰ ਧੱਕਾ ਦੇ ਕੇ ਸਟੇਜ ਤੋਂ ਹੇਠਾਂ ਉਤਾਰਿਆ ਅਤੇ ਫਿਰ ਪੁਲਿਸ ਦੇ ਹਵਾਲੇ ਕਰ ਦਿੱਤਾ। ਪੁਲਿਸ ਨੇ ਉਸਨੂੰ ਕਾਲਰ ਫੜ ਕੇ ਥਾਣੇ ਲਿਜਾਇਆ ਅਤੇ ਪੁੱਛਗਿੱਛ ਸ਼ੁਰੂ ਕੀਤੀ।

ਸ਼ੋਅ ਰੱਦ ਹੋਣ ਕਾਰਨ ਵਿਦਿਆਰਥੀ ਨਿਰਾਸ਼ ਰਹੇ। ਸੁਨੰਦਾ ਸਟੇਜ ਤੋਂ ਹਟਣ ਤੋਂ ਬਾਅਦ ਮੁੜ ਵਾਪਸ ਨਹੀਂ ਆਈ।

sunanda-sharma-fan-stage-incident-show-cancelled