ਧੂਪ ਤੋਂ ਬਚਾਉਣ ਲਈ ਕਾਰ ਵਿੱਚ ਬਿਠਾਇਆ ਬੱਚਾ, ਅਚਾਨਕ ਅੱਗ ਦੀਆਂ ਲਪਟਾਂ ਨੇ ਮਾਸੂਮ ਨੂੰ ਨਿਗਲਿਆ

29 March 2026 ਅੱਪਡੇਟ ਕੀਤਾ ਗਿਆ

ਨਵੀਂ ਦਿੱਲੀ: ਮੱਧ ਪ੍ਰਦੇਸ਼ ਦੇ ਮਹੂ ਤਹਿਸੀਲ ਦੇ ਸਿਮਰੋਲ ਥਾਣਾ ਖੇਤਰ ਵਿੱਚ ਇੱਕ ਦਰਦਨਾਕ ਹਾਦਸਾ ਵਾਪਰਿਆ ਹੈ। ਇੱਥੇ ਖੜ੍ਹੀ ਕਾਰ ਵਿੱਚ ਅਚਾਨਕ ਅੱਗ ਲੱਗਣ ਨਾਲ ਸਾਢੇ ਤਿੰਨ ਸਾਲ ਦੇ ਮਾਸੂਮ ਚਿਰਾਗ ਦੀ ਜਲ ਕੇ ਮੌਤ ਹੋ ਗਈ। ਇਸ ਘਟਨਾ ਨੇ ਪੂਰੇ ਇਲਾਕੇ ਨੂੰ  ਹੈਰਾਨ ਕਰ ਦਿੱਤਾ ਹੈ। ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।

ਹਾਦਸਾ ਉਸ ਵੇਲੇ ਵਾਪਰਿਆ ਜਦੋਂ ਚਿਰਾਗ ਦੇ ਪਿਤਾ ਸੰਜੇ ਆਪਣੇ ਇੱਕ ਜਾਣਕਾਰ ਦੀ ਮਦਦ ਕਰਨ ਸਿਮਰੋਲ ਇਲਾਕੇ ਵਿੱਚ ਪਹੁੰਚੇ ਸਨ। ਉਨ੍ਹਾਂ ਦੇ ਦੋਸਤ ਦਾ ਡੀਜੇ ਵਾਹਨ ਖਰਾਬ ਹੋ ਗਿਆ ਸੀ, ਜਿਸਨੂੰ ਠੀਕ ਕਰਨ ਲਈ ਸੰਜੇ ਨੂੰ ਬੁਲਾਇਆ ਗਿਆ ਸੀ। ਸੰਜੇ ਆਪਣੇ ਛੋਟੇ ਪੁੱਤਰ ਚਿਰਾਗ ਨੂੰ ਵੀ ਨਾਲ ਲੈ ਗਏ। ਉਨ੍ਹਾਂ ਨੇ ਆਪਣੀ ਸਵਿਫਟ ਕਾਰ ਖਰਾਬ ਵਾਹਨ ਦੇ ਨੇੜੇ ਖੜ੍ਹੀ ਕੀਤੀ ਅਤੇ ਧੁੱਪ ਤੋਂ ਬਚਾਉਣ ਲਈ ਕਾਰ ਦੇ ਅੱਗੇ ਵਾਲੇ ਦੋਵੇਂ ਸ਼ੀਸ਼ੇ ਥੋੜ੍ਹੇ ਖੋਲ੍ਹ ਕੇ ਬੱਚੇ ਨੂੰ ਅੰਦਰ ਬਿਠਾ ਦਿੱਤਾ। ਇਸ ਤੋਂ ਬਾਅਦ ਉਹ ਲਗਭਗ 15 ਫੁੱਟ ਦੂਰ ਖੜ੍ਹੇ ਹੋ ਕੇ ਡੀਜੇ ਵਾਹਨ ਠੀਕ ਕਰਨ ਲੱਗ ਪਏ।

ਪੰਜਾਬ ਕੈਬਨਿਟ ਦੀ ਅਹਿਮ ਮੀਟਿੰਗ ਅੱਜ, ਵਿਸ਼ੇਸ਼ ਸੈਸ਼ਨ ’ਤੇ ਹੋ ਸਕਦਾ ਵੱਡਾ ਫੈਸਲਾ

ਲਗਭਗ 30 ਮਿੰਟ ਬਾਅਦ ਕਾਰ ਵਿੱਚੋਂ ਅਚਾਨਕ ਧੂੰਆ ਨਿਕਲਣਾ ਸ਼ੁਰੂ ਹੋ ਗਿਆ ਅਤੇ ਕੁਝ ਹੀ ਪਲਾਂ ਵਿੱਚ ਅੱਗ ਦੀਆਂ ਲਪਟਾਂ ਉੱਠਣ ਲੱਗੀਆਂ। ਰਾਹੋਂ ਲੰਘ ਰਹੇ ਲੋਕਾਂ ਨੇ ਇਹ ਦੇਖ ਕੇ ਸ਼ੋਰ ਮਚਾਇਆ। ਆਵਾਜ਼ ਸੁਣ ਕੇ ਸੰਜੇ ਅਤੇ ਉਨ੍ਹਾਂ ਦੇ ਨਾਲ ਮੌਜੂਦ ਮਨੀਸ਼ ਤੁਰੰਤ ਕਾਰ ਵੱਲ ਦੌੜੇ। ਉਨ੍ਹਾਂ ਨੇ ਕਾਰ ਦਾ ਦਰਵਾਜ਼ਾ ਖੋਲ੍ਹਣ ਦੀ ਕੋਸ਼ਿਸ਼ ਕੀਤੀ ਪਰ ਦਰਵਾਜ਼ਾ ਨਹੀਂ ਖੁੱਲਿਆ। ਫਿਰ ਉਨ੍ਹਾਂ ਨੇ ਕਾਰ ਦਾ ਕੱਚ ਤੋੜਿਆ, ਪਰ ਤਦ ਤੱਕ ਅੱਗ ਬਹੁਤ ਫੈਲ ਚੁੱਕੀ ਸੀ ਅਤੇ ਲਪਟਾਂ ਬਾਹਰ ਆ ਰਹੀਆਂ ਸਨ।

ਮੌਕੇ ’ਤੇ ਮੌਜੂਦ ਲੋਕਾਂ ਨੇ ਪਾਣੀ ਅਤੇ ਫਾਇਰ ਐਕਸਟਿੰਗਵਿਸ਼ਰ ਦੀ ਮਦਦ ਨਾਲ ਅੱਗ ਬੁਝਾਉਣ ਦੀ ਕੋਸ਼ਿਸ਼ ਕੀਤੀ। ਕਾਫ਼ੀ ਮਿਹਨਤ ਤੋਂ ਬਾਅਦ ਅੱਗ ’ਤੇ ਕਾਬੂ ਪਾ ਲਿਆ ਗਿਆ, ਪਰ ਤਦ ਤੱਕ ਮਾਸੂਮ ਚਿਰਾਗ ਪੂਰੀ ਤਰ੍ਹਾਂ ਝੁਲਸ ਚੁੱਕਾ ਸੀ। ਪੁਲਿਸ ਮੌਕੇ ’ਤੇ ਪਹੁੰਚ ਗਈ, ਪਰ ਬੱਚੇ ਨੂੰ ਬਚਾਇਆ ਨਹੀਂ ਜਾ ਸਕਿਆ। ਪਰਿਵਾਰ ਵਿੱਚ ਗਹਿਰਾ ਸੋਗ ਛਾ ਗਿਆ ਹੈ।

iPhone 15 ਅਤੇ 16 ਅਚਾਨਕ ਚੜ੍ਹ ਗਿਆ ਇਨ੍ਹੇਂ ਭਾਅ ਹੇਠ, Retail Incentive ਵੀ ਕਰ ਦਿੱਤੀ ਬੰਦ, ਜਾਣੋਂ ਇਸ ਪਿਛੇਂ ਦਾ ਕਾਰਨ।

ਪੁਲਿਸ ਦੇ ਮੁਤਾਬਕ ਅਜੇ ਤੱਕ ਇਹ ਸਪੱਸ਼ਟ ਨਹੀਂ ਹੋ ਸਕਿਆ ਕਿ ਕਾਰ ਵਿੱਚ ਅੱਗ ਕਿਵੇਂ ਲੱਗੀ। ਮਾਮਲੇ ਦੀ ਜਾਂਚ ਜਾਰੀ ਹੈ ਅਤੇ ਅੱਗ ਦੇ ਕਾਰਣਾਂ ਦੀ ਪੜਤਾਲ ਕੀਤੀ ਜਾ ਰਹੀ ਹੈ।

ਇਹ ਹਾਦਸਾ ਇਤਨਾ ਦਰਦਨਾਕ ਹੈ ਕਿ ਇਲਾਕੇ ਵਿੱਚ ਸ਼ੋਕ ਦਾ ਮਾਹੌਲ ਬਣ ਗਿਆ ਹੈ। ਲੋਕ ਪਰਿਵਾਰ ਨਾਲ ਦੁੱਖ ਸਾਂਝਾ ਕਰ ਰਹੇ ਹਨ ਅਤੇ ਇਸ ਘਟਨਾ ਨੇ ਸਭ ਨੂੰ ਗਹਿਰਾਈ ਨਾਲ ਝੰਝੋੜ ਦਿੱਤਾ ਹੈ।

child-engulfed-in-flames-car-accident-