ਨਸ਼ਾ ਵਿਰੋਧੀ ਮੁਹਿੰਮ ਦੌਰਾਨ ਵੱਡਾ ਖੁਲਾਸਾ, security agency ਦੇ ਅਧਿਕਾਰੀ ਨੂੰ ਪੁਲਿਸ ਵੱਲੋਂ ਕੀਤਾ ਗਿਆ ਡੀਟੇਨ

16 February 2026 ਅੱਪਡੇਟ ਕੀਤਾ ਗਿਆ

Amritsar News: ਪੰਜਾਬ ਵਿੱਚ ਚੱਲ ਰਹੀ ਨਸ਼ਾ ਵਿਰੋਧੀ ਮੁਹਿੰਮ ਦੌਰਾਨ ਚੌਕਾਉਣ ਵਾਲੇ ਖੁਲਾਸੇ ਸਾਹਮਣੇ ਆ ਰਹੇ ਹਨ। ਤਾਜ਼ਾ ਮਾਮਲੇ ਵਿੱਚ ਇਲਜ਼ਾਮ ਲੱਗੇ ਹਨ ਕਿ ਕੁਝ ਸਰਕਾਰੀ ਸੁਰੱਖਿਆ ਫੋਰਸਾਂ ਨਾਲ ਜੁੜੇ ਅਧਿਕਾਰੀ ਹੀ ਨਸ਼ਾ ਤਸਕਰਾਂ ਨੂੰ ਸ਼ੈਲਟਰ ਦੇ ਰਹੇ ਸਨ। ਦੋ ਹਫ਼ਤੇ ਪਹਿਲਾਂ Anti Narcotics Task Force (ਏ.ਐੱਨ.ਟੀ.ਐੱਫ.) ਦੀ ਟੀਮ ਨੇ ਲਾਹੌਰੀ ਗੇਟ, ਇਸਲਾਮਾਬਾਦ ਰੋਡ ਤੋਂ 2 ਕਿਲੋ ਤੋਂ ਵੱਧ ਹੈਰੋਇਨ ਸਮੇਤ ਚਾਰ ਤਸਕਰਾਂ ਨੂੰ ਕਾਬੂ ਕੀਤਾ ਸੀ। ਜਾਂਚ ਦੌਰਾਨ ਕੈਨੇਡਾ ਵਿੱਚ ਬੈਠੇ ਗੁਰਵਿੰਦਰ ਸਿੰਘ ਉਰਫ਼ ਬਾਬਾ ਦਾ ਨਾਮ ਸਾਹਮਣੇ ਆਇਆ।

ਇੰਟੈਲੀਜੈਂਸ ਵਿੰਗ ਅਧਿਕਾਰੀ ‘ਤੇ ਰਿਸ਼ਵਤ ਦੇ ਦੋਸ਼:

ਜਦੋਂ ਏ.ਐੱਨ.ਟੀ.ਐੱਫ. ਨੇ ਗੁਰਵਿੰਦਰ ਦੇ ਪਿਤਾ ਨੂੰ ਜਾਂਚ ਲਈ ਬੁਲਾਇਆ, ਤਦ ਪੰਜਾਬ ਪੁਲਿਸ ਦੇ Punjab Police Intelligence Wing ਨਾਲ ਸੰਬੰਧਤ ਅਧਿਕਾਰੀ ਰਿਪਨ ਕੁਮਾਰ ਦਾ ਨਾਮ ਸਾਹਮਣੇ ਆਇਆ। ਇਲਜ਼ਾਮ ਹੈ ਕਿ ਕੱਪੜਾ ਵਪਾਰੀ ਗੌਰਵ ਅਰੋੜਾ ਰਾਹੀਂ 10 ਲੱਖ ਰੁਪਏ ਦੀ ਮੰਗ ਕੀਤੀ ਗਈ ਅਤੇ 5 ਲੱਖ ਰੁਪਏ ਵਸੂਲੇ ਗਏ।ਮਾਮਲੇ ਦੀ ਜਾਣਕਾਰੀ ਮਿਲਣ ‘ਤੇ ਏ.ਐੱਨ.ਟੀ.ਐੱਫ. ਨੇ ਗੌਰਵ ਅਰੋੜਾ ਨੂੰ ਗ੍ਰਿਫ਼ਤਾਰ ਕਰ ਲਿਆ, ਜਦਕਿ ਰਿਪਨ ਕੁਮਾਰ ਅਜੇ ਫ਼ਰਾਰ ਹੈ। ਉਸ ਦੀ ਗ੍ਰਿਫ਼ਤਾਰੀ ਲਈ ਛਾਪੇਮਾਰੀ ਜਾਰੀ ਹੈ।

READ ALSO : IND vs PAK: ਭਾਰਤ ਦੀ ਪਾਕਿਸਤਾਨ ‘ਤੇ 61 ਦੌੜਾਂ ਨਾਲ ਧਮਾਕੇਦਾਰ ਜਿੱਤ, ਸੁਪਰ-8 ਵੱਲ ਮਜ਼ਬੂਤ ਕਦਮ

ਕੀ ਸੀ ਪੂਰਾ ਕੇਸ?

2 ਫਰਵਰੀ 2026 ਨੂੰ ਏ.ਐੱਨ.ਟੀ.ਐੱਫ. ਨੇ ਸਕੂਟੀ ਅਤੇ ਕਾਰ ਸਵਾਰ ਚਾਰ ਨੌਜਵਾਨਾਂ ਨੂੰ ਕਾਬੂ ਕਰਕੇ 2 ਕਿਲੋ 80 ਗ੍ਰਾਮ ਹੈਰੋਇਨ ਬਰਾਮਦ ਕੀਤੀ। ਪੁੱਛਗਿੱਛ ਦੌਰਾਨ ਜੇਲ੍ਹ ‘ਚ ਬੰਦ ਸਚਿਨ ਦਾ ਨਾਮ ਸਾਹਮਣੇ ਆਇਆ। ਅਗਲੀ ਕਾਰਵਾਈ ਵਿੱਚ 9 ਲੱਖ ਰੁਪਏ ਦੀ ਡਰੱਗ ਮਨੀ ਅਤੇ 3 ਪਿਸਤੌਲ ਵੀ ਬਰਾਮਦ ਕੀਤੇ ਗਏ।

ਸਾਬਕਾ ਐੱਸ.ਐੱਚ.ਓ. ਮਾਮਲਾ

ਇਸ ਤੋਂ ਇਲਾਵਾ, 31 ਅਕਤੂਬਰ 2025 ਨੂੰ Punjab Vigilance Bureau ਨੇ ਲਲਿਤ ਅਰੋੜਾ ਨੂੰ 5 ਲੱਖ ਰੁਪਏ ਦੀ ਰਿਸ਼ਵਤ ਲੈਂਦੇ ਰੰਗੇ ਹੱਥੀਂ ਗ੍ਰਿਫ਼ਤਾਰ ਕੀਤਾ ਸੀ। ਇਹ ਰਕਮ ਥਾਣਾ ਛੇਹਰਟਾ ਦੇ ਸਾਬਕਾ ਐੱਸ.ਐੱਚ.ਓ. ਵਿਨੋਦ ਕੁਮਾਰ ਲਈ ਦੱਸੀ ਗਈ ਸੀ। ਵਿਨੋਦ ਕੁਮਾਰ ਅਜੇ ਵੀ ਫ਼ਰਾਰ ਹੈ ਅਤੇ ਉਸ ਦੀ ਜ਼ਮਾਨਤ ਅਰਜ਼ੀ ਵੀ ਖ਼ਾਰਜ ਹੋ ਚੁੱਕੀ ਹੈ।

ਡੀ.ਆਰ.ਆਈ. ਇੰਸਪੈਕਟਰ ਵੀ ਗ੍ਰਿਫ਼ਤਾਰ

ਹੈਰਾਨੀ ਦੀ ਗੱਲ ਇਹ ਹੈ ਕਿ ਨਸ਼ਾ ਤਸਕਰੀ ਖ਼ਿਲਾਫ਼ ਕਾਰਵਾਈ ਲਈ ਮਸ਼ਹੂਰ ਕੇਂਦਰੀ ਏਜੰਸੀ Directorate of Revenue Intelligence (ਡੀ.ਆਰ.ਆਈ.) ਦਾ ਇੱਕ ਨਵਨਿਯੁਕਤ ਇੰਸਪੈਕਟਰ ਵੀ 4.4 ਕਿਲੋ ਹੈਰੋਇਨ ਸਮੇਤ ਗ੍ਰਿਫ਼ਤਾਰ ਕੀਤਾ ਗਿਆ। ਇਸ ਕੇਸ ਵਿੱਚ ਕਈ ਹੋਰ ਮੁਲਜ਼ਮਾਂ ਨੂੰ ਵੀ ਕਾਬੂ ਕੀਤਾ ਗਿਆ ਹੈ।ਪੁਲਿਸ ਅਤੇ ਸੰਬੰਧਿਤ ਏਜੰਸੀਆਂ ਵੱਲੋਂ ਮਾਮਲਿਆਂ ਦੀ ਗਹਿਰਾਈ ਨਾਲ ਜਾਂਚ ਕੀਤੀ ਜਾ ਰਹੀ ਹੈ। ਨਸ਼ਾ ਵਿਰੋਧੀ ਮੁਹਿੰਮ ਦੌਰਾਨ ਸਾਹਮਣੇ ਆ ਰਹੇ ਇਹ ਖੁਲਾਸੇ ਕਾਨੂੰਨ ਲਾਗੂ ਕਰਨ ਵਾਲੀਆਂ ਏਜੰਸੀਆਂ ਲਈ ਵੀ ਚੁਣੌਤੀ ਬਣੇ ਹੋਏ ਹਨ।

ਯੁੱਧ ਨਸ਼ਿਆਂ ਵਿਰੁੱਧ ਰੈਲੀ 2.0 ‘ਚ ਮੰਤਰੀ Laljit Bhullar ਦਾ ਵੱਡਾ ਬਿਆਨ,ਕਿਹਾ ਅੱਜ ਲਿਖਿਆ ਜਾਵੇਗਾ ਇਤਿਹਾਸ