ਭਾਰਤ ਕੋਲੰਬੋ ਰਵਾਨਾ ਪਾਕਿਸਤਾਨ ਨੇ ਟੀ20 ਮੁਕਾਬਲਾ ਖੇਡਣ ਤੋਂ ਕੀਤਾ ਇਨਕਾਰ

2 February 2026 ਅੱਪਡੇਟ ਕੀਤਾ ਗਿਆ

ਨੈਸ਼ਨਲ ਡੈਸਕ: ਟੀ20 ਵਿਸ਼ਵ ਕੱਪ 2026 ਦੇ ਗਰੁੱਪ ਏ ਮੁਕਾਬਲੇ ਵਿੱਚ ਭਾਰਤ ਨਾਲ ਖੇਡਣ ਤੋਂ ਪਾਕਿਸਤਾਨ ਨੇ ਇਨਕਾਰ ਕਰ ਦਿੱਤਾ ਹੈ ਪਰ ਭਾਰਤੀ ਟੀਮ ਨਿਯਮਾਂ ਅਨੁਸਾਰ 15 ਫਰਵਰੀ ਨੂੰ ਕੋਲੰਬੋ ਪਹੁੰਚੇਗੀ। ਭਾਰਤੀ ਕ੍ਰਿਕਟ ਬੋਰਡ ਦੇ ਸਰੋਤਾਂ ਮੁਤਾਬਕ ਸੂਰਿਆਕੁਮਾਰ ਯਾਦਵ ਦੀ ਅਗਵਾਈ ਹੇਠ ਭਾਰਤੀ ਟੀਮ ਆਈਸੀਸੀ ਦੇ ਸਾਰੇ ਨਿਰਦੇਸ਼ਾਂ ਦੀ ਪਾਲਣਾ ਕਰੇਗੀ।

ਜੈ ਰੰਧਾਵਾ ਨੇ ਹਾਦਸੇ ਤੋਂ ਬਾਅਦ ਦਿੱਤਾ ਹੌਸਲੇ ਭਰਿਆ ਬਿਆਨ ਜਾਣੋ ਕੀ ਕਿਹਾ..

ਭਾਰਤੀ ਟੀਮ ਨਿਰਧਾਰਤ ਸਮੇਂ ਅਨੁਸਾਰ ਅਭਿਆਸ ਕਰੇਗੀ ਮੀਡੀਆ ਕਾਨਫਰੰਸ ਵਿੱਚ ਹਿੱਸਾ ਲਵੇਗੀ ਅਤੇ ਆਰ ਪ੍ਰੇਮਦਾਸਾ ਸਟੇਡੀਅਮ ਵਿੱਚ ਸਮੇਂ ਸਿਰ ਪਹੁੰਚੇਗੀ। ਜੇਕਰ ਪਾਕਿਸਤਾਨ ਦੀ ਟੀਮ ਟਾਸ਼ ਲਈ ਮੈਦਾਨ ਵਿੱਚ ਨਹੀਂ ਆਉਂਦੀ ਤਾਂ ਆਈਸੀਸੀ ਦੇ ਨਿਯਮਾਂ ਅਨੁਸਾਰ ਭਾਰਤ ਨੂੰ ਵਾਕਓਵਰ ਮਿਲੇਗਾ ਅਤੇ ਦੋ ਅੰਕ ਦਿੱਤੇ ਜਾਣਗੇ।

ਇਹ ਫੈਸਲਾ ਉਸ ਪਿਛੋਕੜ ਵਿੱਚ ਆਇਆ ਹੈ ਜਿੱਥੇ ਬੰਗਲਾਦੇਸ਼ ਨੇ ਭਾਰਤ ਆਉਣ ਤੋਂ ਇਨਕਾਰ ਕਰ ਦਿੱਤਾ ਸੀ ਜਿਸ ਕਾਰਨ ਆਈਸੀਸੀ ਨੇ ਉਨ੍ਹਾਂ ਦੀ ਥਾਂ ਸਕਾਟਲੈਂਡ ਨੂੰ ਟੂਰਨਾਮੈਂਟ ਵਿੱਚ ਸ਼ਾਮਲ ਕੀਤਾ। ਪਾਕਿਸਤਾਨ ਵੱਲੋਂ ਇਹ ਕਦਮ ਬੰਗਲਾਦੇਸ਼ ਨਾਲ ਏਕਜੁਟਤਾ ਵਜੋਂ ਵੇਖਿਆ ਜਾ ਰਿਹਾ ਹੈ।

ਬਿਹਾਰ ‘ਚ ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਇਕੱਠੇ ਜ਼ਹਿਰ ਖਾ ਗਈਆਂ ਪੰਜ ਨਾਬਾਲਿਗ ਲੜਕੀਆਂ

ਆਈਸੀਸੀ ਨੇ ਪੀਸੀਬੀ ਦੇ ਫੈਸਲੇ ‘ਤੇ ਗੰਭੀਰ ਚਿੰਤਾ ਜਤਾਈ ਹੈ ਅਤੇ ਚੇਤਾਵਨੀ ਦਿੱਤੀ ਹੈ ਕਿ ਚੋਣਵਾਂ ਅਧਾਰ ‘ਤੇ ਟੂਰਨਾਮੈਂਟ ਵਿੱਚ ਹਿੱਸਾ ਨਾ ਲੈਣਾ ਭਵਿੱਖ ਵਿੱਚ ਕਾਰਵਾਈ ਦਾ ਕਾਰਨ ਬਣ ਸਕਦਾ ਹੈ। ਸੰਸਥਾ ਨੇ ਕਿਹਾ ਕਿ ਇਹ ਫੈਸਲਾ ਨਾ ਸਿਰਫ਼ ਖੇਡ ਦੇ ਹਿਤਾਂ ਵਿਰੁੱਧ ਹੈ ਸਗੋਂ ਦੁਨੀਆ ਭਰ ਦੇ ਦਰਸ਼ਕਾਂ ਲਈ ਵੀ ਨਿਰਾਸ਼ਾਜਨਕ ਹੈ।

ਭਾਰਤੀ ਟੀਮ ਵਿੱਚ ਸੂਰਿਆਕੁਮਾਰ ਯਾਦਵ ਕਪਤਾਨ ਹੋਣਗੇ ਜਦਕਿ ਅਕਸਰ ਪਟੇਲ ਉਪਕਪਤਾਨ ਹੋਣਗੇ। ਹੋਰ ਖਿਡਾਰੀ ਹਨ ਅਭਿਸ਼ੇਕ ਸ਼ਰਮਾ ਇਸ਼ਾਨ ਕਿਸ਼ਨ ਤਿਲਕ ਵਰਮਾ ਹਾਰਦਿਕ ਪੰਡਿਆ ਸ਼ਿਵਮ ਦੁਬੇ ਸੰਜੂ ਸੈਮਸਨ ਰਿੰਕੂ ਸਿੰਘ ਜਸਪ੍ਰੀਤ ਬੁਮਰਾਹ ਵਰੁਣ ਚਕਰਵਰਥੀ ਅਰਸ਼ਦੀਪ ਸਿੰਘ ਕੁਲਦੀਪ ਯਾਦਵ ਹਰਸ਼ਿਤ ਰਾਣਾ ਅਤੇ ਵਾਸ਼ਿੰਗਟਨ ਸੁੰਦਰ।