ਹਰਿਆਣਾ ਟਿਕਟ ਨੇ ਬਦਲੀ ਕਿਸਮਤ, ਸਿਰਸਾ ਦੇ ਨਿਵਾਸੀ ਨੇ ਜਿੱਤੇ 10 ਕਰੋੜ

9 months ਪਹਿਲਾ

ਨੈਸ਼ਨਲ ਡੈਸਕ: ਮੰਡੀ ਕਿੱਲਿਆਂਵਾਲੀ ਜ਼ਿਲ੍ਹਾ ਸ੍ਰੀ ਮੁਕਤਸਰ ਸਾਹਿਬ ਤੋਂ 18 ਜਨਵਰੀ ਨੂੰ ਮਿਲੀ ਜਾਣਕਾਰੀ ਅਨੁਸਾਰ ਪੰਜਾਬ ਸਟੇਟ ਲਾਟਰੀ ਦੇ ਲੋਹੜੀ ਬੰਪਰ 2026 ਦੀ ਕਿਸਮਤ ਇਸ ਵਾਰ ਹਰਿਆਣਾ ਦੇ ਸਿਰਸਾ ਜ਼ਿਲ੍ਹੇ ਉੱਤੇ ਮਹਿਰਬਾਨ ਹੋਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਲਾਟਰੀ ਦਾ ਦਸ ਕਰੋੜ ਰੁਪਏ ਮੁੱਲ ਦਾ ਪਹਿਲਾ ਇਨਾਮ ਸਿਰਸਾ ਦੇ ਰਾਣੀਆਂ ਖੇਤਰ ਦੇ ਇੱਕ ਨਿਵਾਸੀ ਦੇ ਹਿੱਸੇ ਆਇਆ ਹੈ। ਇਹ ਇਨਾਮ ਟਿਕਟ ਨੰਬਰ ਏ 327706 ਉੱਤੇ ਨਿਕਲਿਆ ਜੋ ਕਿ ਲਗਭਗ ਦਸ ਦਿਨ ਪਹਿਲਾਂ ਪੰਜਾਬ ਅਤੇ ਹਰਿਆਣਾ ਦੀ ਸਰਹੱਦ ‘ਤੇ ਸਥਿਤ ਮੰਡੀ ਕਿੱਲਿਆਂਵਾਲੀ ਦੇ ਇੱਕ ਲਾਟਰੀ ਸੈਂਟਰ ਤੋਂ ਖਰੀਦਿਆ ਗਿਆ ਸੀ।

viral:’ਕਮੈਂਟ ਆਇਆ ਤਾਂ ਫਿਲਮ ਦੇਖਾਂਗਾ!’ – ਸੁਨੀਲ ਸ਼ੈੱਟੀ ਦੇ ਫੈਨ ਦੀ ਸ਼ਰਤ…

ਉਕਤ ਲਾਟਰੀ ਸੈਂਟਰ ਦੇ ਸੰਚਾਲਕ ਮਦਨ ਲਾਲ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਜੇਤੂ ਨੇ ਇਸ ਤੋਂ ਪਹਿਲਾਂ ਦੀਵਾਲੀ ਬੰਪਰ ਲਾਟਰੀ ਵਿੱਚ ਇੱਕ ਹਜ਼ਾਰ ਰੁਪਏ ਦਾ ਇਨਾਮ ਵੀ ਜਿੱਤਿਆ ਸੀ। ਉਸ ਸਮੇਂ ਉਸ ਨੇ ਨਕਦ ਰਕਮ ਲੈਣ ਦੀ ਥਾਂ ਲੋਹੜੀ ਬੰਪਰ ਦੀ ਦੋ ਟਿਕਟਾਂ ਖਰੀਦਣ ਦਾ ਫੈਸਲਾ ਕੀਤਾ ਸੀ। ਇਹੀ ਫੈਸਲਾ ਉਸ ਦੀ ਕਿਸਮਤ ਨੂੰ ਨਵੀਂ ਉਚਾਈਆਂ ‘ਤੇ ਲੈ ਗਿਆ ਅਤੇ ਉਹ ਲਾਟਰੀ ਦੇ ਪਹਿਲੇ ਇਨਾਮ ਦਾ ਹਕਦਾਰ ਬਣ ਗਿਆ।

ਇਸ ਦੇ ਨਾਲ ਹੀ ਲਾਟਰੀ ਸੈਂਟਰ ਵੱਲੋਂ ਇੱਕ ਹੋਰ ਟਿਕਟ ਸੀਰੀਜ਼ ਬੀ 327706 ਦੇ ਖਰੀਦਦਾਰ ਨੂੰ ਆਪਣੀ ਪੱਖੋਂ ਤੋਹਫੇ ਵਜੋਂ ਲਗਭਗ ਅੱਠ ਲੱਖ ਪੰਜ ਹਜ਼ਾਰ ਰੁਪਏ ਮੁੱਲ ਦਾ ਟਰੈਕਟਰ ਦੇਣ ਦੀ ਵੀ ਘੋਸ਼ਣਾ ਕੀਤੀ ਗਈ ਹੈ। ਇਹ ਟਿਕਟ ਵੀ ਸਿਰਸਾ ਜ਼ਿਲ੍ਹੇ ਦੇ ਹੀ ਕਿਸੇ ਹੋਰ ਵਿਅਕਤੀ ਵੱਲੋਂ ਖਰੀਦਿਆ ਗਿਆ ਦੱਸਿਆ ਜਾ ਰਿਹਾ ਹੈ।

ਬੈਟਰੀ ਵੀ ਤਗੜੀ, ਕੈਮਰਾ ਵੀ ਸ਼ਾਨਦਾਰ – Oppo A96 ਸਿਰਫ ₹12,990 ‘ਚ

ਜਦੋਂ ਇਹ ਖ਼ਬਰ ਮੰਡੀ ਕਿੱਲਿਆਂਵਾਲੀ ਲਾਟਰੀ ਸੈਂਟਰ ਤੱਕ ਪਹੁੰਚੀ ਤਾਂ ਉਥੇ ਖੁਸ਼ੀ ਦਾ ਮਾਹੌਲ ਬਣ ਗਿਆ। ਸੈਂਟਰ ‘ਤੇ ਲੋਕਾਂ ਨੇ ਢੋਲ ਦੀਆਂ ਥਾਪਾਂ ਉੱਤੇ ਭੰਗੜਾ ਪਾਇਆ ਅਤੇ ਲੱਡੂ ਵੰਡ ਕੇ ਜਸ਼ਨ ਮਨਾਇਆ। ਇਹ ਮੌਕਾ ਸਥਾਨਕ ਲੋਕਾਂ ਲਈ ਵੀ ਖੁਸ਼ੀ ਅਤੇ ਉਤਸ਼ਾਹ ਦਾ ਕਾਰਨ ਬਣਿਆ।