‘FA9LA’ ਦਾ ਜਾਦੂ ਕਾਇਮ: ‘ਧੁਰੰਧਰ’ ਦੇ ਹਿੱਟ ਗਾਣੇ ਨਾਲ ਫਲਿੱਪਰਾਚੀ ਨੇ ‘ਧੁਰੰਧਰ 2’ ਲਈ ਵਧਾਇਆ ਸਸਪੈਂਸ

9 months ਪਹਿਲਾ

ਮਨੋਰੰਜਨ ਨਿਊਜ਼ : ਬਾਲੀਵੁੱਡ ਫਿਲਮ ‘ਧੁਰੰਧਰ’ ਬਾਕਸ ਆਫਿਸ ’ਤੇ ਧਮਾਕੇਦਾਰ ਪ੍ਰਦਰਸ਼ਨ ਕਰ ਰਹੀ ਹੈ, ਅਤੇ ਇਸਦੇ ਗੀਤ ਵੀ ਦਰਸ਼ਕਾਂ ਦੀ ਜ਼ੁਬਾਨ ’ਤੇ ਹਨ। ਖ਼ਾਸ ਕਰਕੇ ਬਹਿਰੀਨ ਦੇ ਰੈਪਰ ਫਲਿੱਪਰਾਚੀ (ਅਸਲੀ ਨਾਮ ਹੁਸਾਮ ਅਸੀਮ) ਦਾ ਗਾਣਾ ‘FA9LA’ ਇੰਸਟਾਗ੍ਰਾਮ ਰੀਲਜ਼ ਤੋਂ ਲੈ ਕੇ ਸਿਨੇਮਾਘਰਾਂ ਤੱਕ ਧੂਮ ਮਚਾ ਰਿਹਾ ਹੈ।

ਕਿਵੇਂ ਮਿਲੀ ਗਾਣੇ ਨੂੰ ਇੰਨੀ ਪ੍ਰਸਿੱਧੀ

‘FA9LA’ ਗਾਣਾ ਉਸ ਸੀਨ ਵਿੱਚ ਵਰਤਿਆ ਗਿਆ ਹੈ ਜਦੋਂ ਅਕਸ਼ੈ ਖੰਨਾ ਦਾ ਕਿਰਦਾਰ ਹਥਿਆਰਾਂ ਦੀ ਡੀਲ ਲਈ ਬਲੂਚ ਜਾਂਦਾ ਹੈ। ਇਹ ਗਾਣਾ ਪਹਿਲਾਂ ਇੱਕ ਵੱਖਰੇ ਟਰੈਕ ਵਜੋਂ ਬਣਾਇਆ ਗਿਆ ਸੀ, ਪਰ ਫਿਲਮ ਵਿੱਚ ਸ਼ਾਮਿਲ ਹੋਣ ਦੇ ਬਾਅਦ ਇਸਦੀ ਪ੍ਰਸਿੱਧੀ ਅਸਮਾਨ ਨੂੰ ਛੂਹ ਰਹੀ ਹੈ। ਹਾਲਾਂਕਿ, ਸੋਸ਼ਲ ਮੀਡੀਆ ’ਤੇ ਇਸ ਗਾਣੇ ‘ਤੇ ਲੱਖਾਂ ਡਾਂਸ ਵੀਡੀਓ ਅਤੇ ਮੀਮਜ਼ ਬਣ ਰਹੇ ਹਨ।

READ ALSO : 28 ਸਾਲ ਬਾਅਦ ਵੱਡੇ ਪਰਦੇ ’ਤੇ ਵਾਪਸੀ: ‘ਬਾਰਡਰ 2’ ਨਾਲ ਦੇਸ਼ ਭਗਤੀ ਦਾ ਜੋਸ਼

‘ਧੁਰੰਧਰ 2’ ਵਿੱਚ ਹੋਵੇਗਾ ਗਾਣਾ?

ਫਲਿੱਪਰਾਚੀ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਰੋਜ਼ਾਨਾ ਹਜ਼ਾਰਾਂ ਪ੍ਰਸ਼ੰਸਕ ਮੈਸੇਜ ਕਰਕੇ ਪੁੱਛ ਰਹੇ ਹਨ ਕਿ ਕੀ 19 ਮਾਰਚ ਨੂੰ ਰਿਲੀਜ਼ ਹੋਣ ਵਾਲੇ ਸੀਕਵਲ ਵਿੱਚ ਇਹ ਗਾਣਾ ਹੋਵੇਗਾ। ਉਨ੍ਹਾਂ ‘ਇੰਡੀਆ ਟੂਡੇ’ ਨਾਲ ਗੱਲਬਾਤ ਦੌਰਾਨ ਕਿਹਾ,

“ਇਹ ਸਭ ਮੇਰੇ ਲਈ ਅਵਿਸ਼ਵਾਸਯੋਗ ਹੈ। ਮੇਰਾ ਇਨਬਾਕਸ ਮੈਸੇਜਾਂ ਨਾਲ ਭਰਿਆ ਹੋਇਆ ਹੈ। ਮੈਂ ਸਾਰਿਆਂ ਨੂੰ ਜਵਾਬ ਨਹੀਂ ਦੇ ਪਾ ਰਿਹਾ ਪਰ ਇਹ ਪਿਆਰ ਦੇਖ ਕੇ ਬਹੁਤ ਖੁਸ਼ ਹਾਂ।”

ਸੀਕਵਲ ਲਈ ਵੱਡਾ ਇਸ਼ਾਰਾ

ਜਦੋਂ ਫਲਿੱਪਰਾਚੀ ਤੋਂ ਪੁੱਛਿਆ ਗਿਆ ਕਿ ਕੀ ਉਹ ‘ਧੁਰੰਧਰ 2’ ਦਾ ਹਿੱਸਾ ਹਨ, ਉਨ੍ਹਾਂ ਮੁਸਕਰਾਉਂਦੇ ਹੋਏ ਕਿਹਾ,

“ਮੈਂ ਇਸ ਨੂੰ ਇੱਕ ਸਰਪ੍ਰਾਈਜ਼ ਰੱਖਣਾ ਚਾਹੁੰਦਾ ਸੀ ਪਰ ਲੱਗਦਾ ਹੈ ਕਿ ਕੁਝ ਤਾਂ ਜ਼ਰੂਰ ਹੈ। ਮੈਂ ਸਭ ਕੁਝ ਨਹੀਂ ਦੱਸਾਂਗਾ, ਪਰ ਹਾਂ, ਅੱਗੇ ਕੁਝ ਵੱਡਾ ਹੋ ਸਕਦਾ ਹੈ।”

ਇਸ ਜਵਾਬ ਤੋਂ ਪ੍ਰਸ਼ੰਸਕਾਂ ਨੂੰ ਅੰਦਾਜ਼ਾ ਲੱਗਾ ਰਹਾ ਹੈ ਕਿ ‘ਧੁਰੰਧਰ 2’ ਵਿੱਚ ਵੀ ‘FA9LA’ ਗਾਣਾ ਧਮਾਲ ਮਚਾਉਣ ਲਈ ਤਿਆਰ ਹੈ।

ਫਿਲਮ ਅਤੇ ਗੀਤ ਦੀ ਇਸ ਪ੍ਰਸਿੱਧੀ ਨੂੰ ਦੇਖਦੇ ਹੋਏ, ਦਰਸ਼ਕਾਂ ਵਿੱਚ ਸੀਕਵਲ ਲਈ ਉਤਸ਼ਾਹ ਹਦ ਤੋਂ ਜ਼ਿਆਦਾ ਹੈ।

Apple iPhone 18 ਅਤੇ ਭਵਿੱਖ ਵਿੱਚ 200MP ਕੈਮਰਾ: ਜਾਣੋ ਸਭ ਤਾਜ਼ਾ ਅਪਡੇਟ