ਇੰਦੌਰ ਵਿੱਚ ਗੰਦੇ ਪਾਣੀ ਨਾਲ 9 ਦੀ ਮੌਤ 2400 ਤੋਂ ਵੱਧ ਲੋਕਾਂ ਵਿੱਚ ਉਲਟੀ ਤੇ ਡਾਇਰੀਆ ਦੇ ਲੱਛਣ

9 months ਪਹਿਲਾ

ਨਵੀਂ ਦਿਲੀ: ਮੱਧ ਪ੍ਰਦੇਸ਼ ਦੇ ਇੰਦੌਰ ਵਿੱਚ ਪਾਣੀ ਪ੍ਰਦੂਸ਼ਣ ਕਾਰਨ ਵਾਪਰੀ ਘਟਨਾ ਨੇ ਸ਼ਹਿਰ ਵਿੱਚ ਹੜਕੰਪ ਮਚਾ ਦਿੱਤਾ ਹੈ। ਭਗੀਰਥਪੁਰਾ ਇਲਾਕੇ ਵਿੱਚ ਪੀਣ ਵਾਲੇ ਪਾਣੀ ਦੇ ਨਮੂਨਿਆਂ ਵਿੱਚ ਉਹ ਬੈਕਟੀਰੀਆ ਮਿਲੇ ਹਨ ਜੋ ਆਮ ਤੌਰ ‘ਤੇ ਗਟਰਨ ਦੇ ਪਾਣੀ ਵਿੱਚ ਪਾਏ ਜਾਂਦੇ ਹਨ। ਲੈਬ ਟੈਸਟਾਂ ਵਿੱਚ ਵਾਇਬ੍ਰਿਓ ਕਾਲਰੇ ਸ਼ਿਗੈਲਾ ਅਤੇ ਈ ਕੋਲੀ ਦੀ ਪੁਸ਼ਟੀ ਹੋਈ ਹੈ। ਇਹ ਬੈਕਟੀਰੀਆ ਗੰਭੀਰ ਪੇਟ ਦੀਆਂ ਬਿਮਾਰੀਆਂ ਜਿਵੇਂ ਕਿ ਤੇਜ਼ ਡਾਇਰੀਆ ਅਤੇ ਉਲਟੀ ਦਾ ਕਾਰਨ ਬਣਦੇ ਹਨ।

ਭਾਰਤ ਦਾ ਸਭ ਤੋਂ ਸਾਫ਼ ਸ਼ਹਿਰ ਦੁਸ਼ਿਤ ਕਹਿਰ ਦੀ ਲਪੇਟ ‘ਚ

ਇਸ ਘਟਨਾ ਨਾਲ ਇੰਦੌਰ ਦੀ ਪਾਣੀ ਸੁਰੱਖਿਆ ‘ਤੇ ਗੰਭੀਰ ਸਵਾਲ ਖੜੇ ਹੋਏ ਹਨ ਕਿਉਂਕਿ ਇਹ ਸ਼ਹਿਰ ਪਿਛਲੇ ਅੱਠ ਸਾਲਾਂ ਤੋਂ ਭਾਰਤ ਦਾ ਸਭ ਤੋਂ ਸਾਫ਼ ਸ਼ਹਿਰ ਮੰਨਿਆ ਜਾਂਦਾ ਰਿਹਾ ਹੈ। ਇੰਦੌਰ ਦੇ ਮੁੱਖ ਚਿਕਿਤਸਾ ਅਤੇ ਸਿਹਤ ਅਧਿਕਾਰੀ ਡਾ ਮਾਧਵ ਪ੍ਰਸਾਦ ਹਸਾਨੀ ਨੇ ਦੱਸਿਆ ਕਿ ਸ਼ਹਿਰ ਦੇ ਮੈਡੀਕਲ ਕਾਲਜ ਵੱਲੋਂ ਕੀਤੇ ਟੈਸਟਾਂ ਵਿੱਚ ਬਿਮਾਰੀ ਦਾ ਕਾਰਨ ਪ੍ਰਦੂਸ਼ਿਤ ਪਾਣੀ ਹੀ ਨਿਕਲਿਆ। ਅਧਿਕਾਰੀਆਂ ਦੇ ਅਨੁਸਾਰ ਪਾਣੀ ਦੀ ਪਾਈਪਲਾਈਨ ਵਿੱਚ ਲੀਕੇਜ ਕਾਰਨ ਗਟਰਨ ਦਾ ਪਾਣੀ ਸਪਲਾਈ ਵਿੱਚ ਮਿਲ ਗਿਆ।

ਗੈਰਕਾਨੂੰਨੀ ਖਦਾਨੀ ਦੇ ਧਮਾਕਿਆਂ ਨਾਲ ਮਾਦਾ ਤਿੰਦੂਏ ਸਮੇਤ ਤਿੰਨ ਅਜੰਮੇ ਸ਼ਾਵਕਾਂ ਦੀ ਮੌਤ

ਪਾਣੀ ਸਪਲਾਈ ਪਾਈਪਲਾਈਨ ਵਿੱਚ ਵੱਡੀ ਲੀਕੇਜ ਦਾ ਕਾਰਨ:

ਜਾਂਚ ਦੌਰਾਨ ਮੁੱਖ ਪਾਣੀ ਸਪਲਾਈ ਪਾਈਪਲਾਈਨ ਵਿੱਚ ਵੱਡੀ ਲੀਕੇਜ ਮਿਲੀ ਜੋ ਇੱਕ ਪੁਲਿਸ ਚੌਕੀ ਦੇ ਨੇੜੇ ਸੀ ਅਤੇ ਉਸਦੇ ਉੱਪਰ ਟਾਇਲਟ ਬਣਿਆ ਹੋਇਆ ਸੀ। ਇਸ ਕਾਰਨ ਪੂਰੇ ਇਲਾਕੇ ਵਿੱਚ ਪਾਣੀ ਪ੍ਰਦੂਸ਼ਿਤ ਹੋ ਗਿਆ। ਵਾਧੂ ਮੁੱਖ ਸਕੱਤਰ ਸੰਜੇ ਦੁਬੇ ਨੇ ਕਿਹਾ ਕਿ ਭਗੀਰਥਪੁਰਾ ਦੀ ਪੂਰੀ ਪਾਈਪਲਾਈਨ ਨੈੱਟਵਰਕ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਘਰਾਂ ਵਿੱਚ ਸਾਫ਼ ਪਾਣੀ ਮੁੜ ਸਪਲਾਈ ਕੀਤਾ ਗਿਆ ਹੈ ਪਰ ਲੋਕਾਂ ਨੂੰ ਸਾਵਧਾਨੀ ਵਜੋਂ ਪਾਣੀ ਉਬਾਲ ਕੇ ਪੀਣ ਦੀ ਸਲਾਹ ਦਿੱਤੀ ਗਈ ਹੈ।

ਸਮੱਸਿਆ ਕਈ ਹਫ਼ਤਿਆਂ ਤੋਂ ਚੱਲ ਰਹੀ:

ਪ੍ਰਸ਼ਾਸਨ ਦੇ ਅਨੁਸਾਰ ਲੋਕਾਂ ਨੇ ਪਹਿਲੀ ਵਾਰ 25 ਦਸੰਬਰ ਨੂੰ ਪਾਣੀ ਦੀ ਬਦਬੂ ਬਾਰੇ ਸ਼ਿਕਾਇਤ ਕੀਤੀ ਸੀ ਹਾਲਾਂਕਿ ਕੁਝ ਲੋਕਾਂ ਨੇ ਕਿਹਾ ਕਿ ਸਮੱਸਿਆ ਕਈ ਹਫ਼ਤਿਆਂ ਤੋਂ ਚੱਲ ਰਹੀ ਸੀ। ਸ਼ੁਰੂਆਤੀ ਰਿਪੋਰਟਾਂ ਵਿੱਚ 14 ਮੌਤਾਂ ਦੀ ਗਿਣਤੀ ਆਈ ਸੀ ਪਰ ਅਧਿਕਾਰੀਆਂ ਨੇ ਸਪਸ਼ਟ ਕੀਤਾ ਕਿ 9 ਮੌਤਾਂ ਸਿੱਧੇ ਤੌਰ ‘ਤੇ ਪ੍ਰਦੂਸ਼ਿਤ ਪਾਣੀ ਕਾਰਨ ਹੋਈਆਂ ਜਦਕਿ ਬਾਕੀਆਂ ਦੀਆਂ ਮੌਤਾਂ ਹੋਰ ਬਿਮਾਰੀਆਂ ਜਾਂ ਕਾਰਨਾਂ ਨਾਲ ਹੋਈਆਂ।

ਵਿਵਾਦਾਂ ਤੋਂ ਬਾਅਦ ਏਪੀ ਢਿੱਲੋਂ ਨੇ ਦੇਸ਼ਭਕਤੀ ਨਾਲ ਕੀਤਾ ਨਵੇਂ ਸਾਲ ਦਾ ਆਗਾਜ਼

ਬਿਮਾਰੀ ਨੇ ਆਪਣਾ ਕਹਿਰ ਬਣਾ ਬੈਠਾ:

ਇਸ ਬਿਮਾਰੀ ਦਾ ਪੈਮਾਨਾ ਵੱਡਾ ਹੈ। ਹੁਣ ਤੱਕ 2400 ਤੋਂ ਵੱਧ ਲੋਕਾਂ ਵਿੱਚ ਉਲਟੀ ਅਤੇ ਡਾਇਰੀਆ ਦੇ ਲੱਛਣ ਮਿਲੇ ਹਨ। ਸਿਹਤ ਵਿਭਾਗ ਦੇ ਸਰਵੇ ਵਿੱਚ 1714 ਘਰਾਂ ਦੇ 8571 ਲੋਕਾਂ ਦੀ ਜਾਂਚ ਕੀਤੀ ਗਈ ਜਿਸ ਵਿੱਚੋਂ 338 ਲੋਕਾਂ ਨੂੰ ਘਰ ‘ਤੇ ਹੀ ਇਲਾਜ ਦਿੱਤਾ ਗਿਆ। 8 ਦਿਨਾਂ ਵਿੱਚ 272 ਮਰੀਜ਼ ਹਸਪਤਾਲਾਂ ਵਿੱਚ ਦਾਖ਼ਲ ਕੀਤੇ ਗਏ ਜਿਨ੍ਹਾਂ ਵਿੱਚੋਂ 71 ਨੂੰ ਛੁੱਟੀ ਮਿਲੀ ਹੈ ਜਦਕਿ 201 ਮਰੀਜ਼ ਅਜੇ ਵੀ ਦਾਖ਼ਲ ਹਨ ਅਤੇ 32 ਆਈਸੀਯੂ ਵਿੱਚ ਹਨ।

ਹਾਂ, ਲਗਭਗ 200 ਲੋਕ ਵੱਖ ਵੱਖ ਹਸਪਤਾਲਾਂ ਵਿੱਚ ਦਾਖ਼ਲ ਹਨ। ਕਈ ਨੇ ਤਾਂ ਆਪਣੇ ਪਰਿਵਾਰਾਂ ਦਾ ਸਾਥ ਖੋ ਲਿਆ ਹੈ। ਘਰ ਦਿਆਂ ਦੇ ਮੈਂਬਰਾ ਦਾ ਰੋ ਰੋ ਬੁਰਾ ਹਾਲ ਹੋਗਿਆ ਹੈ।

ਮੁੱਖ ਮੰਤਰੀ ਨੇ ਇਸਨੂੰ ਐਮਰਜੈਂਸੀ ਵਜੋਂ ਲਿਆ:

ਰਾਸ਼ਟਰੀ ਮਨੁੱਖੀ ਅਧਿਕਾਰ ਆਯੋਗ ਨੇ ਇਸ ਮਾਮਲੇ ‘ਤੇ ਸੁ ਮੋਟੋ ਕਾਰਵਾਈ ਕਰਦੇ ਹੋਏ ਮੱਧ ਪ੍ਰਦੇਸ਼ ਸਰਕਾਰ ਨੂੰ ਨੋਟਿਸ ਭੇਜਿਆ ਹੈ। ਮੁੱਖ ਮੰਤਰੀ ਮੋਹਨ ਯਾਦਵ ਨੇ ਇਸਨੂੰ ਐਮਰਜੈਂਸੀ ਵਰਗੀ ਸਥਿਤੀ ਕਰਾਰ ਦਿੱਤਾ ਹੈ ਅਤੇ ਜਿੰਮੇਵਾਰਾਂ ‘ਤੇ ਸਖ਼ਤ ਕਾਰਵਾਈ ਦਾ ਭਰੋਸਾ ਦਿੱਤਾ ਹੈ। ਉਹ ਹਸਪਤਾਲਾਂ ਵਿੱਚ ਮਰੀਜ਼ਾਂ ਨੂੰ ਮਿਲੇ ਅਤੇ ਉੱਚ ਪੱਧਰੀ ਮੀਟਿੰਗ ਕਰਕੇ ਹਾਲਾਤ ਦੀ ਸਮੀਖਿਆ ਕੀਤੀ।

2 ਲੱਖ ਦੇ ਚੈਕ ਵੰਡੇ……!

ਇਸੇ ਦੌਰਾਨ ਸ਼ਹਿਰੀ ਵਿਕਾਸ ਮੰਤਰੀ ਕੈਲਾਸ਼ ਵਿਜੈਵਰਗੀਆ ਨੇ ਮੀਡੀਆ ਨਾਲ ਗੱਲਬਾਤ ਦੌਰਾਨ ਇੱਕ ਅਣਉਚਿਤ ਸ਼ਬਦ ਵਰਤਿਆ ਜਿਸ ਕਾਰਨ ਵਿਵਾਦ ਖੜ੍ਹਾ ਹੋਇਆ। ਬਾਅਦ ਵਿੱਚ ਉਨ੍ਹਾਂ ਨੇ ਮਾਫ਼ੀ ਮੰਗੀ ਅਤੇ ਕਿਹਾ ਕਿ ਦੁੱਖ ਅਤੇ ਥਕਾਵਟ ਕਾਰਨ ਉਹਨਾਂ ਦੇ ਸ਼ਬਦ ਗਲਤ ਨਿਕਲੇ। ਵਿਜੈਵਰਗੀਆ ਨੇ ਪੀੜਤ ਪਰਿਵਾਰਾਂ ਨੂੰ 2 ਲੱਖ ਰੁਪਏ ਦੇ ਮੁਆਵਜ਼ੇ ਦੇ ਚੈਕ ਵੰਡੇ ਅਤੇ ਕਿਹਾ ਕਿ ਸਿਹਤ ਵਿਭਾਗ ਦੀ ਪੁਸ਼ਟੀ ਤੋਂ ਬਾਅਦ ਹੋਰ ਪਰਿਵਾਰਾਂ ਨੂੰ ਵੀ ਮੁਆਵਜ਼ਾ ਦਿੱਤਾ ਜਾਵੇਗਾ।

ਚੈਕ ਵੰਡਣ ਨਾਲੋ ਜੇ ਲੋਕਾਂ ਦੀ ਕੁਹਾਰ ਸੁਣ ਲਈ ਹੁੰਦੀ ਤਾ ਇਹ ਬਿਮਾਰੀ ਦਾ ਇੱਡਾ ਵੱਡਾ ਕਹਿਰ ਸ਼ਾਇਦ ਨਾ ਦੇਖਣ ਨੂੰ ਨਾ ਮਿਲਦਾ…

ਇਹ ਘਟਨਾ ਨਾ ਸਿਰਫ਼ ਇੰਦੌਰ ਦੀ ਸਫਾਈ ਪ੍ਰਣਾਲੀ ‘ਤੇ ਸਵਾਲ ਖੜੇ ਕਰਦੀ ਹੈ ਬਲਕਿ ਪਾਣੀ ਸੁਰੱਖਿਆ ਅਤੇ ਪ੍ਰਸ਼ਾਸਨਿਕ ਲਾਪਰਵਾਹੀ ‘ਤੇ ਵੀ ਗੰਭੀਰ ਚਿੰਤਾ ਜਤਾਉਂਦੀ ਹੈ।

ਗੈਰਕਾਨੂੰਨੀ ਖਦਾਨੀ ਦੇ ਧਮਾਕਿਆਂ ਨਾਲ ਮਾਦਾ ਤਿੰਦੂਏ ਸਮੇਤ ਤਿੰਨ ਅਜੰਮੇ ਸ਼ਾਵਕਾਂ ਦੀ ਮੌਤ

ਭਗੀਰਥਪੁਰਾ ਵਿੱਚ ਪਾਣੀ ਪ੍ਰਦੂਸ਼ਣ ਕਾਰਨ ਬਿਮਾਰੀ ਦੇ ਮਾਮਲੇ ਲਗਾਤਾਰ ਸਾਹਮਣੇ ਆ ਰਹੇ ਹਨ। ਸਿਹਤ ਵਿਭਾਗ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਇਲਾਕੇ ਵਿੱਚ 1714 ਘਰਾਂ ਦੀ ਜਾਂਚ ਕੀਤੀ ਗਈ ਜਿਸ ਦੌਰਾਨ 8571 ਲੋਕਾਂ ਦਾ ਟੈਸਟ ਕੀਤਾ ਗਿਆ। ਇਨ੍ਹਾਂ ਵਿੱਚੋਂ 338 ਲੋਕਾਂ ਵਿੱਚ ਉਲਟੀ ਅਤੇ ਦਸਤ ਦੇ ਹਲਕੇ ਲੱਛਣ ਮਿਲੇ ਜਿਨ੍ਹਾਂ ਦਾ ਇਲਾਜ ਘਰ ‘ਤੇ ਹੀ ਕੀਤਾ ਜਾ ਰਿਹਾ ਹੈ।

ਪਿਛਲੇ 8 ਦਿਨਾਂ ਵਿੱਚ 272 ਮਰੀਜ਼ਾਂ ਨੂੰ ਹਸਪਤਾਲਾਂ ਵਿੱਚ ਦਾਖ਼ਲ ਕੀਤਾ ਗਿਆ ਹੈ ਜਿਨ੍ਹਾਂ ਵਿੱਚੋਂ 71 ਮਰੀਜ਼ਾਂ ਨੂੰ ਛੁੱਟੀ ਮਿਲ ਚੁੱਕੀ ਹੈ। ਇਸ ਵੇਲੇ 201 ਮਰੀਜ਼ ਹਸਪਤਾਲਾਂ ਵਿੱਚ ਇਲਾਜ ਹੇਠ ਹਨ ਜਿਨ੍ਹਾਂ ਵਿੱਚੋਂ 32 ਦੀ ਹਾਲਤ ਗੰਭੀਰ ਹੈ ਅਤੇ ਉਹ ਆਈਸੀਯੂ ਵਿੱਚ ਦਾਖ਼ਲ ਹਨ।

ਵਾਧੂ ਮੁੱਖ ਸਕੱਤਰ ਸੰਜੇ ਦੁਬੇ ਨੇ ਮੁੱਖ ਮੰਤਰੀ ਮੋਹਨ ਯਾਦਵ ਦੇ ਨਿਰਦੇਸ਼ ‘ਤੇ ਭਗੀਰਥਪੁਰਾ ਦੀ ਸਥਿਤੀ ਦਾ ਜਾਇਜ਼ਾ ਲਿਆ। ਉਨ੍ਹਾਂ ਨੇ ਕਿਹਾ ਕਿ ਇਸ ਘਟਨਾ ਤੋਂ ਸਬਕ ਲੈਂਦੇ ਹੋਏ ਪੂਰੇ ਰਾਜ ਲਈ ਇੱਕ ਮਿਆਰੀ ਕਾਰਜ ਪ੍ਰਣਾਲੀ (SOP) ਤਿਆਰ ਕੀਤੀ ਜਾਵੇਗੀ ਤਾਂ ਜੋ ਭਵਿੱਖ ਵਿੱਚ ਇਸ ਤਰ੍ਹਾਂ ਦੀਆਂ ਘਟਨਾਵਾਂ ਨੂੰ ਰੋਕਿਆ ਜਾ ਸਕੇ।

ਇਹ ਘਟਨਾ ਸਿਹਤ ਪ੍ਰਣਾਲੀ ਅਤੇ ਪਾਣੀ ਸੁਰੱਖਿਆ ‘ਤੇ ਗੰਭੀਰ ਚਿੰਤਾ ਜਤਾਉਂਦੀ ਹੈ ਅਤੇ ਪ੍ਰਸ਼ਾਸਨ ਨੂੰ ਹੋਰ ਸਖ਼ਤ ਨਿਗਰਾਨੀ ਕਰਨ ਦੀ ਲੋੜ ਦਰਸਾਉਂਦੀ ਹੈ।