ਅੱਧੀ ਰਾਤ ਦਾ ਖੌਫ਼ਨਾਕ ਮੰਜ਼ਰ : ਉਰਫ਼ੀ ਜਾਵੇਦ ਨੇ ਦੋ ਆਦਮੀਆਂ ਵਿਰੁੱਧ ਪੁਲਿਸ ਵਿੱਚ NC ਦਰਜ ਕਰਵਾਈ

23 December 2025 ਅੱਪਡੇਟ ਕੀਤਾ ਗਿਆ

ਮਨੋਰੰਜਨ ਡੈਸਕ : ਸੋਸ਼ਲ ਮੀਡੀਆ ਸਟਾਰ ਅਤੇ ਅਦਾਕਾਰਾ ਉਰਫ਼ੀ ਜਾਵੇਦ ਆਮ ਤੌਰ ’ਤੇ ਆਪਣੇ ਬੋਲਡ ਫੈਸ਼ਨ ਅਤੇ ਬਿਆਨਾਂ ਕਾਰਨ ਚਰਚਾ ਵਿੱਚ ਰਹਿੰਦੀ ਹੈ, ਪਰ ਇਸ ਵਾਰ ਉਹ ਇੱਕ ਡਰਾਉਣੀ ਘਟਨਾ ਕਾਰਨ ਸੁਰਖੀਆਂ ਵਿੱਚ ਹੈ। ਅੱਧੀ ਰਾਤ ਨੂੰ ਦੋ ਅਣਪਛਾਤੇ ਆਦਮੀਆਂ ਵੱਲੋਂ ਕੀਤੀ ਗਈ ਹਰਾਸਮੈਂਟ ਤੋਂ ਬਾਅਦ ਉਰਫ਼ੀ ਨੂੰ ਸਵੇਰੇ ਪੁਲਿਸ ਸਟੇਸ਼ਨ ਪਹੁੰਚ ਕੇ ਉਨ੍ਹਾਂ ਵਿਰੁੱਧ NC (ਨਾਨ-ਕੌਗਨੀਜ਼ੇਬਲ ਰਿਪੋਰਟ) ਦਰਜ ਕਰਵਾਉਣੀ ਪਈ।

ਸਵੇਰੇ 5 ਵਜੇ ਪੁਲਿਸ ਸਟੇਸ਼ਨ ਕਿਉਂ ਪਹੁੰਚੀ ਉਰਫ਼ੀ?
ਉਰਫ਼ੀ ਜਾਵੇਦ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਅਕਾਊਂਟ ’ਤੇ ਸਟੋਰੀ ਸਾਂਝੀ ਕਰਦਿਆਂ ਪੁਲਿਸ ਸਟੇਸ਼ਨ ਵਿੱਚ ਬੈਠੀ ਆਪਣੀ ਤਸਵੀਰ ਪੋਸਟ ਕੀਤੀ। ਉਸ ਨੇ ਲਿਖਿਆ, “ਸਵੇਰੇ ਪੰਜ ਵੱਜ ਰਹੇ ਹਨ ਅਤੇ ਮੈਂ ਪੁਲਿਸ ਸਟੇਸ਼ਨ ਵਿੱਚ ਬੈਠੀ ਹਾਂ। ਇਹ ਮੇਰੀ ਜ਼ਿੰਦਗੀ ਦਾ ਸਭ ਤੋਂ ਡਰਾਉਣਾ ਅਨੁਭਵ ਸੀ। ਮੈਂ ਅਤੇ ਮੇਰੀਆਂ ਭੈਣਾਂ ਇੱਕ ਮਿੰਟ ਲਈ ਵੀ ਸੌ ਨਹੀਂ ਸਕੀਆਂ।”

READ ALSO : ਮੋਗਾ ਵਿੱਚ ਸੀਨੀਅਰ ਕਾਂਗਰਸੀ ਆਗੂ ਨਰਿੰਦਰਪਾਲ ਸਿੰਘ ਸਿੱਧੂ ਤੇ ਫਾਇਰਿੰਗ ,ਗੰਭੀਰ ਜ਼ਖ਼ਮੀ

ਕੀ ਸੀ ਪੂਰਾ ਮਾਮਲਾ?
‘ਟਾਈਮਜ਼ ਆਫ਼ ਇੰਡੀਆ’ ਦੀ ਰਿਪੋਰਟ ਮੁਤਾਬਕ, ਇਹ ਘਟਨਾ 22 ਦਸੰਬਰ ਦੀ ਰਾਤ ਲਗਭਗ ਸਾਢੇ ਤਿੰਨ ਵਜੇ ਵਾਪਰੀ। ਉਰਫ਼ੀ ਨੇ ਦੱਸਿਆ ਕਿ ਕਰੀਬ 10 ਮਿੰਟ ਤੱਕ ਕੋਈ ਲਗਾਤਾਰ ਉਸ ਦੇ ਘਰ ਦਾ ਦਰਵਾਜ਼ਾ ਖੜਕਾਉਂਦਾ ਰਿਹਾ। ਜਦੋਂ ਉਸ ਨੇ ਬਾਹਰ ਝਾਕਿਆ ਤਾਂ ਇੱਕ ਆਦਮੀ ਦਰਵਾਜ਼ੇ ਅੱਗੇ ਖੜ੍ਹਾ ਸੀ ਜੋ ਜ਼ਬਰਦਸਤੀ ਅੰਦਰ ਆਉਣ ਦੀ ਕੋਸ਼ਿਸ਼ ਕਰ ਰਿਹਾ ਸੀ, ਜਦਕਿ ਦੂਜਾ ਕੋਨੇ ਵਿੱਚ ਖੜ੍ਹਾ ਸੀ। ਵਾਰ-ਵਾਰ ਕਹਿਣ ਦੇ ਬਾਵਜੂਦ ਵੀ ਉਹ ਉੱਥੋਂ ਨਹੀਂ ਹਟੇ। ਆਖਿਰ ਪੁਲਿਸ ਨੂੰ ਬੁਲਾਉਣ ਦੀ ਧਮਕੀ ਦੇਣ ’ਤੇ ਹੀ ਉਹ ਚਲੇ ਗਏ।

ਸਿਆਸੀ ਪਹੁੰਚ ਦੀ ਧਮਕੀ
ਉਰਫ਼ੀ ਅਨੁਸਾਰ, ਦੋਵੇਂ ਆਦਮੀ ਉਸੇ ਬਿਲਡਿੰਗ ਦੀ 13ਵੀਂ ਮੰਜ਼ਿਲ ’ਤੇ ਰਹਿੰਦੇ ਸਨ ਅਤੇ ਸਿਆਸੀ ਸਬੰਧਾਂ ਦੀ ਧਮਕੀ ਦੇ ਰਹੇ ਸਨ। ਉਹ ਦਾਅਵਾ ਕਰ ਰਹੇ ਸਨ ਕਿ ਉਹ ਜੋ ਮਰਜ਼ੀ ਕਰ ਸਕਦੇ ਹਨ। ਪੁਲਿਸ ਦੇ ਮੌਕੇ ’ਤੇ ਪਹੁੰਚਣ ’ਤੇ ਵੀ ਉਨ੍ਹਾਂ ਦਾ ਰਵੱਈਆ ਬਦਤਮੀਜ਼ੀ ਭਰਿਆ ਸੀ। ਉਰਫ਼ੀ ਨੇ ਇਹ ਵੀ ਦੱਸਿਆ ਕਿ ਉਨ੍ਹਾਂ ਨੇ ਸਕਿਓਰਿਟੀ ਗਾਰਡ ਨੂੰ CCTV ਫੁਟੇਜ ਮਿਟਾਉਣ ਲਈ ਕਿਹਾ, ਕਹਿੰਦੇ ਹੋਏ ਕਿ ਉਹ ਸਿਆਸਤਦਾਨਾਂ ਨਾਲ ਜੁੜੇ ਹਨ।

“ਇਹ ਬਹੁਤ ਹੀ ਭਿਆਨਕ ਅਨੁਭਵ ਸੀ”
ਉਰਫ਼ੀ ਨੇ ਕਿਹਾ ਕਿ ਰਾਤ ਦੇ 3 ਵਜੇ ਕਿਸੇ ਦਾ ਘਰ ਆ ਕੇ ਦਰਵਾਜ਼ਾ ਖੋਲ੍ਹਣ ਲਈ ਜ਼ੋਰ ਦੇਣਾ ਅਤੇ ਜਾਣ ਤੋਂ ਇਨਕਾਰ ਕਰਨਾ ਬੇਹੱਦ ਡਰਾਉਣਾ ਹੁੰਦਾ ਹੈ, ਖ਼ਾਸ ਕਰਕੇ ਜਦੋਂ ਕੋਈ ਕੁੜੀ ਇਕੱਲੀ ਰਹਿ ਰਹੀ ਹੋਵੇ। ਉਸ ਨੇ ਆਪਣੀ ਸੁਰੱਖਿਆ ਨੂੰ ਲੈ ਕੇ ਚਿੰਤਾ ਜਤਾਈ ਅਤੇ ਸ਼ਿਕਾਇਤ ਦਰਜ ਕਰਵਾ ਦਿੱਤੀ ਹੈ। ਹੁਣ ਇਹ ਦੇਖਣਾ ਬਾਕੀ ਹੈ ਕਿ ਪੁਲਿਸ ਇਸ ਮਾਮਲੇ ਵਿੱਚ ਕੀ ਕਾਰਵਾਈ ਕਰਦੀ ਹੈ।

VD : ਸ਼ਹੀਦੀ ਸਭਾ ਦੇ ਪ੍ਰਬੰਧਾਂ ਸਬੰਧੀ ਗੁਰਦੁਆਰਾ ਸ੍ਰੀ ਫਤਿਹਗੜ੍ਹ ਸਾਹਿਬ ਦੇ ਮੈਨੇਜਰ ਨੇ ਦਿੱਤੀ ਜਾਣਕਾਰੀ