ਤਮਿਲਨਾਡੂ ਦੇ ਤੇਰੀ ਜੰਗਲ ਵਿੱਚ 25 ਸਾਲ ਬਾਅਦ ਵਿਰਲ ਵੈਕਸਨ ਟਾਈਗਰ ਬੀਟਲ ਦੀ ਮੁੜ ਖੋਜ

23 December 2025 ਅੱਪਡੇਟ ਕੀਤਾ ਗਿਆ

ਨਵੀਂ ਦਿਲੀ: ਤਮਿਲਨਾਡੂ ਦੇ ਤੂਤਿਕੁਡੀ ਜ਼ਿਲ੍ਹੇ ਦੇ ਲਾਲ ਰੇਤ ਵਾਲੇ ਤੇਰੀ ਜੰਗਲ ਵਿੱਚ ਪੱਚੀ ਸਾਲਾਂ ਬਾਅਦ ਇਕ ਵਿਰਲ ਅਤੇ ਅਤਿ ਸੰਕਟਗ੍ਰਸਤ ਕੀਟ ਪ੍ਰਜਾਤੀ ਵੈਕਸਨ ਟਾਈਗਰ ਬੀਟਲ ਜਿਸਦਾ ਵਿਗਿਆਨਕ ਨਾਮ ਲਾਫਾਇਰਾ ਸੇਰੀਨਾ ਹੈ ਮੁੜ ਵੇਖਿਆ ਗਿਆ ਹੈ। ਇਸ ਤੋਂ ਪਹਿਲਾਂ ਇਹ ਕੀਟ ਸਾਲ 2000 ਵਿੱਚ ਆਖਰੀ ਵਾਰ ਦਰਜ ਕੀਤਾ ਗਿਆ ਸੀ। ਇਸ ਵਾਰ ਕੁਦਿਰੈਮੋਝੀ ਤੇਰੀ ਜੰਗਲ ਦੇ ਕਈ ਸਥਾਨਾਂ ‘ਤੇ ਖੋਜਕਰਤਾ ਕੇ ਪੀ ਅਰਵਿੰਦਨ ਅਤੇ ਜੇ ਸੈਮਸਨ ਕਿਰੁਬਾਕਰਨ ਨੇ ਇਸਨੂੰ ਵੇਖਿਆ ਅਤੇ ਇਸ ਦੀਆਂ ਤਸਵੀਰਾਂ ਵੀ ਖਿੱਚੀਆਂ।

ਲਾਫਾਇਰਾ ਸੇਰੀਨਾ ਇਕ ਛੋਟੀ ਜਿਹੀ ਟਾਈਗਰ ਬੀਟਲ ਪ੍ਰਜਾਤੀ ਹੈ ਜੋ ਲਾਫਾਇਰਾ ਵੰਸ਼ ਨਾਲ ਸੰਬੰਧਿਤ ਹੈ। ਇਸਦੀ ਖੋਜ ਪਹਿਲੀ ਵਾਰ 1986 ਵਿੱਚ ਹੋਈ ਸੀ ਅਤੇ 1987 ਵਿੱਚ ਵਿਗਿਆਨੀਆਂ ਨਵਿਓਕਸ ਅਤੇ ਅੱਕਿਆਵੱਤੀ ਨੇ ਇਸਦਾ ਵਿਸਥਾਰ ਨਾਲ ਵਰਣਨ ਕੀਤਾ। ਇਸਦਾ ਆਕਾਰ ਲਗਭਗ ਨੌ ਤੋਂ ਦਸ ਦਸ਼ਮਲਵ ਪੰਜ ਮਿਲੀਮੀਟਰ ਦੇ ਵਿਚਕਾਰ ਹੁੰਦਾ ਹੈ।

WATCH VIDEO: ਸ਼ਹੀਦੀ ਦਿਹਾੜੇ ‘ਤੇ Samrala ਤੋਂ ਮਾਛੀਵਾੜਾ ਯਾਤਰਾ, ਵੱਡੀ ਸੰਗਤ ਪਹੁੰਚੀ

1986 ਤੋਂ 2000 ਦੇ ਦਰਮਿਆਨ ਇਕੱਠੇ ਕੀਤੇ ਗਏ ਇਤਿਹਾਸਕ ਨਮੂਨੇ ਜਰਮਨੀ ਦੇ ਮਿਊਨਿਖ ਸ਼ਹਿਰ ਵਿੱਚ ਬਵੇਰੀਅਨ ਸਟੇਟ ਕਲੇਕਸ਼ਨ ਆਫ ਜੂਲੌਜੀ ਵਿੱਚ ਸੰਭਾਲੇ ਹੋਏ ਹਨ। ਅਕਤੂਬਰ 2000 ਤੋਂ ਬਾਅਦ ਇਸ ਪ੍ਰਜਾਤੀ ਦਾ ਕੋਈ ਪੁਸ਼ਟ ਦਰਸ਼ਨ ਜਾਂ ਸੰਗ੍ਰਹਿ ਨਹੀਂ ਹੋਇਆ ਸੀ। ਇਹ ਬੀਟਲ ਬਹੁਤ ਤੇਜ਼ੀ ਨਾਲ ਹਿਲਣ ਵਾਲਾ ਅਤੇ ਸ਼ਿਕਾਰੀ ਸੁਭਾਵ ਦਾ ਹੈ ਜੋ ਹੋਰ ਬੀਟਲਾਂ ਅਤੇ ਕੀਟਾਂ ਨੂੰ ਖਾਂਦਾ ਹੈ। ਇਸਦਾ ਰੰਗ ਲਾਲ ਰੇਤ ਨਾਲ ਮਿਲਦਾ ਹੈ ਜਿਸ ਕਾਰਨ ਇਹ ਆਸਾਨੀ ਨਾਲ ਲੁਕ ਜਾਂਦਾ ਹੈ। ਇਸਦਾ ਸਰੀਰ ਤਾਮਬੇ ਵਰਗਾ ਲਾਲ ਹੁੰਦਾ ਹੈ ਜਿਸ ‘ਤੇ ਪੀਲੇ ਸੰਤਰੀ ਰੰਗ ਦੀ ਚਮਕਦਾਰ ਪਰਤ ਹੁੰਦੀ ਹੈ ਅਤੇ ਇਸਦੇ ਉੱਪਰ ਪੰਜ ਖਾਸ ਕੋਬਾਲਟ ਨੀਲੇ ਧੱਬੇ ਹੁੰਦੇ ਹਨ।

ਟਾਈਗਰ ਬੀਟਲ ਵਾਚ ਦੇ ਸੰਸਥਾਪਕ ਵੀ ਸ਼ਰਨ ਨੇ ਇਸ ਮੁੜ ਖੋਜ ਨੂੰ ਮਹੱਤਵਪੂਰਨ ਵਿਗਿਆਨਕ ਉਪਲਬਧੀ ਕਰਾਰ ਦਿੱਤਾ ਹੈ। ਇਹ ਖੋਜ ਨਾ ਸਿਰਫ਼ ਜੈਵਿਕ ਵਿਭਿੰਨਤਾ ਲਈ ਮਹੱਤਵਪੂਰਨ ਹੈ ਸਗੋਂ ਸੰਕਟਗ੍ਰਸਤ ਪ੍ਰਜਾਤੀਆਂ ਦੀ ਸੰਭਾਲ ਲਈ ਵੀ ਇਕ ਵੱਡਾ ਕਦਮ ਮੰਨਿਆ ਜਾ ਰਿਹਾ ਹੈ।