Realme Narzo 90 Series 5G ਅੱਜ ਭਾਰਤ ’ਚ ਲਾਂਚ, 7,000mAh ਟਾਈਟਨ ਬੈਟਰੀ ਫਾਸਟ ਚਾਰਜਿੰਗ

16 December 2025 ਅੱਪਡੇਟ ਕੀਤਾ ਗਿਆ

ਗੈਜੇਟ ਡੈਸਕ : ਸਮਾਰਟਫੋਨ ਨਿਰਮਾਤਾ Realme ਅੱਜ ਭਾਰਤ ਵਿੱਚ ਆਪਣੀ ਨਵੀਂ Realme Narzo 90 Series 5G ਲਾਂਚ ਕਰਨ ਜਾ ਰਹੀ ਹੈ। ਇਸ ਸੀਰੀਜ਼ ਅਧੀਨ ਕੰਪਨੀ ਦੋ ਨਵੇਂ ਸਮਾਰਟਫੋਨ Realme Narzo 90 5G ਅਤੇ Realme Narzo 90x 5G ਪੇਸ਼ ਕਰੇਗੀ। ਦੋਵੇਂ ਡਿਵਾਈਸ ਵੱਖ-ਵੱਖ ਡਿਜ਼ਾਈਨ ਅਤੇ ਫੀਚਰਜ਼ ਦੇ ਨਾਲ ਮਾਰਕੀਟ ਵਿੱਚ ਐਂਟਰੀ ਲੈਣਗੇ।

ਕੰਪਨੀ ਲਾਂਚ ਤੋਂ ਪਹਿਲਾਂ ਹੀ ਦੋਵਾਂ ਫੋਨਾਂ ਨਾਲ ਜੁੜੀਆਂ ਕਈ ਅਹਿਮ ਜਾਣਕਾਰੀਆਂ ਸਾਂਝੀਆਂ ਕਰ ਚੁੱਕੀ ਹੈ, ਜਿਸ ਕਾਰਨ ਯੂਜ਼ਰਜ਼ ਵਿੱਚ ਕਾਫ਼ੀ ਉਤਸੁਕਤਾ ਵੇਖੀ ਜਾ ਰਹੀ ਹੈ।

ਲਾਂਚ ਡਿਟੇਲਜ਼

Realme Narzo 90 5G ਅਤੇ Narzo 90x 5G ਨੂੰ ਅੱਜ ਦੁਪਹਿਰ 12 ਵਜੇ ਭਾਰਤ ਵਿੱਚ ਲਾਂਚ ਕੀਤਾ ਜਾਵੇਗਾ। ਹਾਲਾਂਕਿ, ਇਹ ਅਜੇ ਸਪਸ਼ਟ ਨਹੀਂ ਕੀਤਾ ਗਿਆ ਕਿ ਲਾਂਚ ਕਿਸੇ ਖਾਸ ਇਵੈਂਟ ਰਾਹੀਂ ਹੋਵੇਗਾ ਜਾਂ ਸਾਫਟ ਲਾਂਚ ਦੇ ਤੌਰ ’ਤੇ।

ਲਾਂਚ ਤੋਂ ਬਾਅਦ ਦੋਵੇਂ ਸਮਾਰਟਫੋਨ Amazon ਅਤੇ Realme India ਦੀ ਅਧਿਕਾਰਿਕ ਵੈੱਬਸਾਈਟ ਤੋਂ ਖਰੀਦ ਲਈ ਉਪਲਬਧ ਹੋਣਗੇ। Amazon ਵੱਲੋਂ ਇਨ੍ਹਾਂ ਫੋਨਾਂ ਲਈ ਪਹਿਲਾਂ ਹੀ ਇੱਕ ਮਾਈਕ੍ਰੋਸਾਈਟ ਲਾਈਵ ਕੀਤੀ ਜਾ ਚੁੱਕੀ ਹੈ।

READ ALSO : ਅੱਜ ਰਹੇਗੀ 7 ਘੰਟੇ ਬਿਜਲੀ ਬੰਦ, ਜਾਣੋ ਕਿਹੜੇ ਇਲਾਕੇ ਹੋਣਗੇ ਪ੍ਰਭਾਵਿਤ

ਸੰਭਾਵਿਤ ਕੀਮਤ

ਰਿਪੋਰਟਾਂ ਮੁਤਾਬਕ: Realme Narzo 90 5G ਦੀ ਕੀਮਤ ਲਗਭਗ 18,000 ਰੁਪਏ ਤੱਕ ਹੋ ਸਕਦੀ ਹੈ ।Realme Narzo 90x 5G ਦੀ ਕੀਮਤ ਲਗਭਗ 15,000 ਰੁਪਏ ਦੇ ਆਸ-ਪਾਸ ਰਹਿਣ ਦੀ ਸੰਭਾਵਨਾ ਹੈ । ਇਹ ਕੀਮਤਾਂ ਸ਼ੁਰੂਆਤੀ ਆਫ਼ਰਾਂ ਅਤੇ ਬੈਂਕ ਡਿਸਕਾਊਂਟ ਤੋਂ ਬਾਅਦ ਦੀਆਂ ਦੱਸੀ ਜਾ ਰਹੀਆਂ ਹਨ। ਅਸਲ MRP ਇਸ ਤੋਂ ਕੁਝ ਵੱਧ ਹੋ ਸਕਦੀ ਹੈ।

ਫੀਚਰਜ਼ ਅਤੇ ਸਪੈਸੀਫਿਕੇਸ਼ਨਜ਼

Realme Narzo 90 Series 5G ਦੇ ਦੋਵੇਂ ਮਾਡਲਾਂ ਵਿੱਚ ਹੋਲ-ਪੰਚ ਡਿਸਪਲੇ ਦਿੱਤਾ ਜਾਵੇਗਾ। ਡਿਸਪਲੇ 4,000 ਨਿਟਸ ਤੱਕ ਦੀ ਪੀਕ ਬ੍ਰਾਈਟਨੈੱਸ ਅਤੇ 144Hz ਰਿਫ੍ਰੈਸ਼ ਰੇਟ ਨੂੰ ਸਪੋਰਟ ਕਰ ਸਕਦਾ ਹੈ।

ਕੈਮਰਾ ਸੈੱਟਅੱਪ ਦੀ ਗੱਲ ਕਰੀਏ ਤਾਂ ਦੋਵੇਂ ਹੈਂਡਸੈੱਟਾਂ ਵਿੱਚ 50 ਮੇਗਾਪਿਕਸਲ ਦਾ ਪ੍ਰਾਈਮਰੀ ਰੀਅਰ ਕੈਮਰਾ ਮਿਲੇਗਾ। ਨਾਲ ਹੀ, ਯੂਜ਼ਰਜ਼ ਨੂੰ AI Edit Genie, AI Editor, AI Eraser ਅਤੇ AI Ultra Clarity ਵਰਗੇ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਟੂਲਜ਼ ਦਾ ਸਹਾਰਾ ਵੀ ਮਿਲੇਗਾ।

7,000mAh ਦੀ ‘ਟਾਈਟਨ ਬੈਟਰੀ’

Realme ਨੇ ਪੁਸ਼ਟੀ ਕੀਤੀ ਹੈ ਕਿ ਦੋਵੇਂ ਸਮਾਰਟਫੋਨ 7,000mAh ਦੀ ਵੱਡੀ ‘ਟਾਈਟਨ ਬੈਟਰੀ’ ਨਾਲ ਲੈਸ ਹੋਣਗੇ। ਇਸ ਦੇ ਨਾਲ 60W ਵਾਇਰਡ ਫਾਸਟ ਚਾਰਜਿੰਗ ਦਾ ਸਪੋਰਟ ਵੀ ਦਿੱਤਾ ਜਾਵੇਗਾ, ਜੋ ਲੰਬੇ ਬੈਟਰੀ ਬੈਕਅੱਪ ਦੀ ਖੋਜ ਕਰ ਰਹੇ ਯੂਜ਼ਰਜ਼ ਲਈ ਵੱਡਾ ਪਲੱਸ ਪੌਇੰਟ ਹੈ।

ਡਿਜ਼ਾਈਨ ਦੀ ਗੱਲ ਕਰੀਏ ਤਾਂ Realme Narzo 90 5G ਦਾ ਲੁੱਕ ਇਸ ਸਾਲ ਲਾਂਚ ਹੋਏ Narzo 80 Pro 5G ਵਰਗਾ ਹੋ ਸਕਦਾ ਹੈ, ਜਦਕਿ Narzo 90x 5G ਦਾ ਡਿਜ਼ਾਈਨ Narzo 80x 5G ਨਾਲ ਮਿਲਦਾ-ਜੁਲਦਾ ਹੋਵੇਗਾ। ਦੱਸਿਆ ਜਾ ਰਿਹਾ ਹੈ ਕਿ Narzo 90 5G ਦੀ ਮੋਟਾਈ ਸਿਰਫ਼ 7.79mm ਹੋਵੇਗੀ।

ਕੁੱਲ ਮਿਲਾ ਕੇ, Realme Narzo 90 Series 5G ਵੱਡੀ ਬੈਟਰੀ, ਤੇਜ਼ ਚਾਰਜਿੰਗ, ਹਾਈ ਰਿਫ੍ਰੈਸ਼ ਰੇਟ ਡਿਸਪਲੇ ਅਤੇ AI ਫੀਚਰਜ਼ ਦੇ ਨਾਲ ਮਿਡ-ਰੇਂਜ ਸਮਾਰਟਫੋਨ ਸੈਗਮੈਂਟ ਵਿੱਚ ਕਾਫ਼ੀ ਮਜ਼ਬੂਤ ਦਾਅਵੇਦਾਰ ਸਾਬਤ ਹੋ ਸਕਦੀ ਹੈ।

Kurukshetra पुलिस ने एक लापता नाबालिग को किया परिजनों के हवाले