T20 World Cup 2026 : Schedule ਦਾ ਹੋਇਆ ਐਲਾਨ, ਭਾਰਤ-ਪਾਕਿ ਮੈਚ 15 ਫਰਵਰੀ ਨੂੰ ਕੋਲੰਬੋ ‘ਚ ਖੇਡਿਆ ਜਾਵੇਗਾ

30 January 2026 ਅੱਪਡੇਟ ਕੀਤਾ ਗਿਆ

ਨਵੀਂ ਦਿੱਲੀ/ਦੁਬਈ : ਕ੍ਰਿਕਟ ਪ੍ਰਸ਼ੰਸਕ ਜਿਸ ਘੜੀ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਸਨ, ਉਹ ਆ ਗਈ ਹੈ। ਆਈਸੀਸੀ ਨੇ T20 World Cup 2026 ਦਾ ਪੂਰਾ ਸ਼ਡਿਊਲ ਜਾਰੀ ਕਰ ਦਿੱਤਾ ਹੈ। ਭਾਰਤ ਅਤੇ ਸ਼੍ਰੀਲੰਕਾ ਦੀ ਸਾਂਝੀ ਮੇਜ਼ਬਾਨੀ ਵਿੱਚ ਹੋਣ ਵਾਲੇ ਇਸ ਟੂਰਨਾਮੈਂਟ ਦਾ ਆਗਾਜ਼ ਅਗਲੇ ਸਾਲ 7 ਫਰਵਰੀ ਤੋਂ ਹੋਵੇਗਾ। ਭਾਰਤ ਡਿਫੈਂਡਿੰਗ ਚੈਂਪੀਅਨ ਵਜੋਂ ਮੈਦਾਨ ਵਿੱਚ ਉਤਰੇਗਾ। ਸਭ ਤੋਂ ਖਾਸ ਗੱਲ ਇਹ ਹੈ ਕਿ ਕ੍ਰਿਕਟ ਦੀ ਦੁਨੀਆ ਦਾ ਸਭ ਤੋਂ ਵੱਡਾ ਮੁਕਾਬਲਾ ਯਾਨੀ ਭਾਰਤ ਅਤੇ ਪਾਕਿਸਤਾਨ ਦਾ ਮੈਚ 15 ਫਰਵਰੀ ਨੂੰ ਕੋਲੰਬੋ ਵਿੱਚ ਖੇਡਿਆ ਜਾਵੇਗਾ।

8 ਮਾਰਚ ਨੂੰ ਹੋਵੇਗਾ ਫਾਈਨਲ

ਟੂਰਨਾਮੈਂਟ ਦਾ ਗਰੁੱਪ ਸਟੇਜ 7 ਫਰਵਰੀ ਤੋਂ 20 ਫਰਵਰੀ ਤਕ ਚੱਲੇਗਾ। 21 ਫਰਵਰੀ ਤੋਂ 1 ਮਾਰਚ ਤਕ ‘ਸੁਪਰ 8’ ਮੁਕਾਬਲੇ ਹੋਣਗੇ। ਇਸ ਤੋਂ ਬਾਅਦ 4 ਅਤੇ 5 ਮਾਰਚ ਨੂੰ ਦੋ ਸੈਮੀਫਾਈਨਲ ਖੇਡੇ ਜਾਣਗੇ, ਜਦਕਿ ਖਿਤਾਬੀ ਮੁਕਾਬਲਾ ਯਾਨੀ ਫਾਈਨਲ (Final) 8 ਮਾਰਚ ਨੂੰ ਅਹਿਮਦਾਬਾਦ ਜਾਂ ਕੋਲੰਬੋ ਦੇ ਆਰ ਪ੍ਰੇਮਦਾਸਾ ਸਟੇਡੀਅਮ ਵਿੱਚ ਹੋਵੇਗਾ।

Big News : ਚੰਡੀਗੜ੍ਹ ‘ਚ ਅੱਜ ਪਹੁੰਚਣਗੇ 10 ਹਜ਼ਾਰ ਕਿਸਾਨ, 3,000 ਜਵਾਨ ਤਾਇਨਾਤ, ਟ੍ਰੈਫਿਕ ਐਡਵਾਈਜ਼ਰੀ ਜਾਰੀ

ਭਾਰਤ ਦਾ ਪੂਰਾ ਸ਼ਡਿਊਲ (Team India Schedule)
ਭਾਰਤੀ ਟੀਮ ਆਪਣੀ ਮੁਹਿੰਮ ਦੀ ਸ਼ੁਰੂਆਤ 7 ਫਰਵਰੀ ਨੂੰ ਮੁੰਬਈ ਵਿੱਚ ਅਮਰੀਕਾ ਖਿਲਾਫ਼ ਕਰੇਗੀ।

1. 7 ਫਰਵਰੀ: ਭਾਰਤ ਬਨਾਮ ਅਮਰੀਕਾ (ਮੁੰਬਈ)
2. 12 ਫਰਵਰੀ: ਭਾਰਤ ਬਨਾਮ ਨਾਮੀਬੀਆ (ਦਿੱਲੀ)
3. 15 ਫਰਵਰੀ: ਭਾਰਤ ਬਨਾਮ ਪਾਕਿਸਤਾਨ (ਕੋਲੰਬੋ)
4. 18 ਫਰਵਰੀ: ਭਾਰਤ ਬਨਾਮ ਨੀਦਰਲੈਂਡ (ਅਹਿਮਦਾਬਾਦ)

ਭਾਰਤ-ਪਾਕਿ ਇੱਕੋ ਗਰੁੱਪ ‘ਚ

ਇਸ ਵਾਰ 20 ਟੀਮਾਂ ਨੂੰ ਚਾਰ ਗਰੁੱਪਾਂ ਵਿੱਚ ਵੰਡਿਆ ਗਿਆ ਹੈ। ਭਾਰਤ ਅਤੇ ਪਾਕਿਸਤਾਨ ਨੂੰ ਗਰੁੱਪ ਏ (Group A) ਵਿੱਚ ਰੱਖਿਆ ਗਿਆ ਹੈ, ਜਿਸ ਵਿੱਚ ਉਨ੍ਹਾਂ ਨਾਲ ਯੂਐਸਏ, ਨਾਮੀਬੀਆ ਅਤੇ ਨੀਦਰਲੈਂਡ ਵੀ ਹਨ।

Punjab Weather : 4 ਡਿਗਰੀ ਤਕ ਡਿੱਗਿਆ ਪਾਰਾ ! ਜਾਣੋ ਕਿਹੜਾ ਜ਼ਿਲ੍ਹਾ ਹੈ ਸਭ ਤੋਂ ਠੰਡਾ? ਪੜ੍ਹੋ ਰਿਪੋਰਟ

1. ਗਰੁੱਪ ਬੀ: ਆਸਟ੍ਰੇਲੀਆ, ਸ਼੍ਰੀਲੰਕਾ, ਜ਼ਿੰਬਾਬਵੇ, ਆਇਰਲੈਂਡ, ਓਮਾਨ।
2. ਗਰੁੱਪ ਸੀ: ਇੰਗਲੈਂਡ, ਵੈਸਟਇੰਡੀਜ਼, ਇਟਲੀ, ਬੰਗਲਾਦੇਸ਼, ਨੇਪਾਲ।
3. ਗਰੁੱਪ ਡੀ: ਦੱਖਣੀ ਅਫ਼ਰੀਕਾ, ਨਿਊਜ਼ੀਲੈਂਡ, ਅਫਗਾਨਿਸਤਾਨ, ਯੂਏਈ, ਕੈਨੇਡਾ।

8 ਵੈਨਿਊ ‘ਤੇ ਹੋਣਗੇ ਮੈਚ

ਟੂਰਨਾਮੈਂਟ ਦੇ ਮੈਚ ਕੁੱਲ 8 ਵੈਨਿਊ ‘ਤੇ ਖੇਡੇ ਜਾਣਗੇ। ਭਾਰਤ ਦੇ 5 ਸ਼ਹਿਰ—ਮੁੰਬਈ, ਦਿੱਲੀ, ਚੇਨਈ, ਅਹਿਮਦਾਬਾਦ ਅਤੇ ਕੋਲਕਾਤਾ—ਅਤੇ ਸ਼੍ਰੀਲੰਕਾ ਦੇ 3 ਸ਼ਹਿਰ—ਕੋਲੰਬੋ (ਦੋ ਸਟੇਡੀਅਮ) ਅਤੇ ਕੈਂਡੀ—ਮੇਜ਼ਬਾਨੀ ਕਰਨਗੇ। BCCI ਅਤੇ PCB ਵਿਚਾਲੇ ਹੋਏ ਸਮਝੌਤੇ ਮੁਤਾਬਕ, ਪਾਕਿਸਤਾਨ ਆਪਣੇ ਸਾਰੇ ਮੈਚ ਸ਼੍ਰੀਲੰਕਾ ਵਿੱਚ ਹੀ ਖੇਡੇਗਾ।