skip to content

Last Updated: November 16, 2026

Dainik Savera Times Logo

Adani Stocks: ਅਡਾਨੀ ਗਰੁੱਪ ਦੀਆਂ 6 ਕੰਪਨੀਆਂ ਨੂੰ ਲੈ ਕੇ ਜੈਫਰੀਜ਼ ਦਾ ਸਕਾਰਾਤਮਕ ਰੁਖ, ਨਿਵੇਸ਼ ਲਈ ਦੱਸਿਆ ਖ਼ਾਸ ਮੌਕਾ

16 November 2026 ਅੱਪਡੇਟ ਕੀਤਾ ਗਿਆ

Adani Stocks: ਅਡਾਨੀ ਗਰੁੱਪ ਦੀਆਂ 6 ਕੰਪਨੀਆਂ ਨੂੰ ਲੈ ਕੇ ਜੈਫਰੀਜ਼ ਦਾ ਸਕਾਰਾਤਮਕ ਰੁਖ, ਨਿਵੇਸ਼ ਲਈ ਦੱਸਿਆ ਖ਼ਾਸ ਮੌਕਾ

Adani Group: ਗਲੋਬਲ ਨਿਵੇਸ਼ ਬੈਂਕ ਜੇਫਰੀਜ਼ ਨੇ ਅਡਾਣੀ ਗਰੁੱਪ ਦੀਆਂ ਛੇ ਪ੍ਰਮੁੱਖ ਕੰਪਨੀਆਂ ‘ਤੇ ਆਪਣਾ ਭਰੋਸਾ ਕਾਇਮ ਰੱਖਦਿਆਂ ਉਨ੍ਹਾਂ ਲਈ ‘Buy’ ਰੇਟਿੰਗ ਦੁਹਰਾਈ ਹੈ। ਬੈਂਕ ਦਾ ਮੰਨਣਾ ਹੈ ਕਿ ਮਜ਼ਬੂਤ ਕਮਾਈ, ਵੱਡੇ ਪੱਧਰ ‘ਤੇ ਨਵੇਂ ਨਿਵੇਸ਼ ਦੀ ਯੋਜਨਾ ਅਤੇ ਬੁਨਿਆਦੀ ਢਾਂਚੇ ਨਾਲ ਜੁੜੇ ਕਾਰੋਬਾਰਾਂ ਤੋਂ ਹੋਣ ਵਾਲੀ ਅਨੁਮਾਨਿਤ ਆਮਦਨ ਗਰੁੱਪ ਦੇ ਵਿਕਾਸ ਨੂੰ ਅੱਗੇ ਵਧਾਏਗੀ। ਜੇਫਰੀਜ਼ ਦੀ ਰਿਪੋਰਟ ਮੁਤਾਬਕ, ਸਮਰੱਥਾ ਵਿੱਚ ਵਾਧਾ, ਬਾਜ਼ਾਰ ਵਿੱਚ ਹਿੱਸੇਦਾਰੀ ਮਜ਼ਬੂਤ ਹੋਣ ਅਤੇ ਨਵੇਂ ਪ੍ਰੋਜੈਕਟ ਸ਼ੁਰੂ ਹੋਣ ਨਾਲ ਵਿੱਤੀ ਸਾਲ 2026 ਤੋਂ 2029 ਦੌਰਾਨ ਗਰੁੱਪ ਦੀ ਕੁੱਲ EBITDA ਅਤੇ ਪ੍ਰਤੀ ਸ਼ੇਅਰ ਕਮਾਈ (EPS) ਵਿੱਚ 23 ਫੀਸਦੀ ਦੀ ਸਾਲਾਨਾ ਚੱਕਰਵਰਧੀ ਵਿਕਾਸ ਦਰ (CAGR) ਦਰਜ ਹੋਣ ਦੀ ਉਮੀਦ ਹੈ।

ਜੇਫਰੀਜ਼ ਨੇ ਅਡਾਣੀ ਐਂਟਰਪ੍ਰਾਈਜ਼ਿਜ਼, ਅਡਾਣੀ ਪੋਰਟਸ ਐਂਡ ਸਪੈਸ਼ਲ ਇਕਨਾਮਿਕ ਜ਼ੋਨ, ਅਡਾਣੀ ਪਾਵਰ, ਅਡਾਣੀ ਗ੍ਰੀਨ ਐਨਰਜੀ, ਅਡਾਣੀ ਐਨਰਜੀ ਸਲਿਊਸ਼ਨਜ਼ ਅਤੇ ਅੰਬੂਜਾ ਸੀਮੈਂਟਸ ਲਈ ‘Buy’ ਰੇਟਿੰਗ ਬਰਕਰਾਰ ਰੱਖੀ ਹੈ। ਇਨ੍ਹਾਂ ਕੰਪਨੀਆਂ ਲਈ ਕ੍ਰਮਵਾਰ 3,830 ਰੁਪਏ, 2,180 ਰੁਪਏ, 240 ਰੁਪਏ, 1,695 ਰੁਪਏ, 1,980 ਰੁਪਏ ਅਤੇ 475 ਰੁਪਏ ਦਾ ਟਾਰਗੇਟ ਪ੍ਰਾਈਸ ਤੈਅ ਕੀਤਾ ਗਿਆ ਹੈ। ਬ੍ਰੋਕਰੇਜ ਮੁਤਾਬਕ, ਗਰੁੱਪ ਵਿੱਤੀ ਸਾਲ 2027 ਤੋਂ 2029 ਦਰਮਿਆਨ ਲਗਭਗ 51 ਅਰਬ ਡਾਲਰ ਦਾ ਪੂੰਜੀ ਨਿਵੇਸ਼ ਕਰਨ ਦੀ ਯੋਜਨਾ ਬਣਾ ਰਿਹਾ ਹੈ। ਇਹ ਭਾਰਤ ਦੇ ਵੱਡੇ ਕਾਰੋਬਾਰੀ ਸਮੂਹਾਂ ਵੱਲੋਂ ਯੋਜਨਾਬੱਧ ਕੁੱਲ ਪੂੰਜੀ ਖਰਚ ਦਾ ਕਰੀਬ 28 ਫੀਸਦੀ ਬਣਦਾ ਹੈ।

ਰਿਪੋਰਟ ਵਿੱਚ ਦੱਸਿਆ ਗਿਆ ਹੈ ਕਿ ਪ੍ਰਸਤਾਵਿਤ ਨਿਵੇਸ਼ ਦਾ ਅੱਧੇ ਤੋਂ ਵੱਧ ਹਿੱਸਾ ਬਿਜਲੀ ਖੇਤਰ ਨਾਲ ਜੁੜੇ ਕਾਰੋਬਾਰਾਂ ਵਿੱਚ ਲਗਾਇਆ ਜਾ ਸਕਦਾ ਹੈ। ਇਸ ਨਾਲ ਅਡਾਣੀ ਗਰੁੱਪ ਦਾ ਨਿਯਮਿਤ ਅਤੇ ਪਹਿਲਾਂ ਤੋਂ ਤੈਅ ਸਮਝੌਤਿਆਂ ਅਧੀਨ ਚੱਲਣ ਵਾਲੇ ਬੁਨਿਆਦੀ ਢਾਂਚੇ ਦੇ ਪ੍ਰੋਜੈਕਟਾਂ ਵਿੱਚ ਨਿਵੇਸ਼ ਵਧੇਗਾ। ਅਜਿਹੇ ਕਾਰੋਬਾਰਾਂ ਤੋਂ ਆਮ ਤੌਰ ‘ਤੇ ਆਮਦਨ ਅਤੇ ਰਿਟਰਨ ਦਾ ਅਨੁਮਾਨ ਲਗਾਉਣਾ ਆਸਾਨ ਹੁੰਦਾ ਹੈ। ਜੇਫਰੀਜ਼ ਦਾ ਅੰਦਾਜ਼ਾ ਹੈ ਕਿ ਗਰੁੱਪ ਦੇ ਕਾਰੋਬਾਰੀ ਸੰਚਾਲਨ ਤੋਂ ਮਿਲਣ ਵਾਲੇ ਫੰਡਾਂ ਦਾ 65 ਫੀਸਦੀ ਤੋਂ ਵੱਧ ਹਿੱਸਾ ਅਜਿਹੇ ਖੇਤਰਾਂ ਤੋਂ ਆਵੇਗਾ, ਜਿੱਥੇ ਨਕਦੀ ਦਾ ਪ੍ਰਵਾਹ ਪਹਿਲਾਂ ਤੋਂ ਅਨੁਮਾਨਿਤ ਰਹਿੰਦਾ ਹੈ। ਇਸ ਨਾਲ ਕੰਪਨੀਆਂ ਦੀ ਕਮਾਈ ਵਿੱਚ ਸਥਿਰਤਾ ਆਉਣ ਦੀ ਸੰਭਾਵਨਾ ਹੈ।

ਭਾਰਤ ਵਿੱਚ ਬੁਨਿਆਦੀ ਢਾਂਚੇ ਦੇ ਵਿਕਾਸ ਲਈ ਨਿੱਜੀ ਖੇਤਰ ਵੱਲੋਂ ਕੀਤੇ ਜਾ ਰਹੇ ਨਿਵੇਸ਼ ਵਿੱਚ ਅਡਾਣੀ ਗਰੁੱਪ ਦੀ ਅਹਿਮ ਭੂਮਿਕਾ ਹੈ। ਦੇਸ਼ ਦੇ ਪ੍ਰਮੁੱਖ ਕਾਰੋਬਾਰੀ ਸਮੂਹਾਂ ਦੇ ਯੋਜਨਾਬੱਧ ਪੂੰਜੀ ਖਰਚ ਵਿੱਚ ਇਸ ਗਰੁੱਪ ਦੀ ਹਿੱਸੇਦਾਰੀ 20 ਫੀਸਦੀ ਤੋਂ ਵੱਧ ਦੱਸੀ ਗਈ ਹੈ। ਗਰੁੱਪ ਦੀ ਕੰਪਨੀ ਅਡਾਣੀ ਪੋਰਟਸ ਵੀ 27 ਫੀਸਦੀ ਬਾਜ਼ਾਰ ਹਿੱਸੇਦਾਰੀ ਨਾਲ ਭਾਰਤ ਦੇ ਸਭ ਤੋਂ ਵੱਡੇ ਨਿੱਜੀ ਬੰਦਰਗਾਹ ਸੰਚਾਲਕ ਵਜੋਂ ਆਪਣੀ ਸਥਿਤੀ ਮਜ਼ਬੂਤ ਕਰ ਰਹੀ ਹੈ। ਇਸ ਕਾਰੋਬਾਰ ਦੇ ਵਿਸਥਾਰ ਨਾਲ ਸਮੂਹ ਨੂੰ ਦੇਸ਼ ਵਿੱਚ ਵਧ ਰਹੇ ਵਪਾਰ ਅਤੇ ਮਾਲ ਦੀ ਢੋਆ-ਢੁਆਈ ਤੋਂ ਲਾਭ ਮਿਲਣ ਦੀ ਉਮੀਦ ਹੈ।

ਅਡਾਣੀ ਐਂਟਰਪ੍ਰਾਈਜ਼ਿਜ਼ ਨੂੰ ਵੀ ਜੇਫਰੀਜ਼ ਨੇ ਲੰਬੇ ਸਮੇਂ ਦੇ ਵਿਕਾਸ ਲਈ ਮਹੱਤਵਪੂਰਨ ਕੰਪਨੀ ਮੰਨਿਆ ਹੈ। ਇਹ ਗਰੁੱਪ ਦਾ ਅਜਿਹਾ ਪਲੇਟਫਾਰਮ ਹੈ, ਜਿਸ ਰਾਹੀਂ ਹਵਾਈ ਅੱਡਿਆਂ, ਡਾਟਾ ਸੈਂਟਰਾਂ, ਗ੍ਰੀਨ ਹਾਈਡ੍ਰੋਜਨ, ਸੋਲਰ ਉਤਪਾਦਨ, ਤਾਂਬੇ ਦੀ ਪ੍ਰੋਸੈਸਿੰਗ ਅਤੇ ਰੱਖਿਆ ਵਰਗੇ ਨਵੇਂ ਖੇਤਰਾਂ ਵਿੱਚ ਕਾਰੋਬਾਰ ਵਿਕਸਤ ਕੀਤੇ ਜਾ ਰਹੇ ਹਨ। ਇਸ ਤੋਂ ਇਲਾਵਾ, ਭਾਰਤ ਦੀ ਕੁੱਲ ਸਥਾਪਿਤ ਬਿਜਲੀ ਉਤਪਾਦਨ ਸਮਰੱਥਾ ਵਿੱਚ ਅਡਾਣੀ ਪਾਵਰ ਅਤੇ ਅਡਾਣੀ ਗ੍ਰੀਨ ਦੀ ਸਾਂਝੀ ਹਿੱਸੇਦਾਰੀ ਲਗਭਗ 7 ਫੀਸਦੀ ਹੈ। ਦੂਜੇ ਪਾਸੇ, ਅਡਾਣੀ ਏਅਰਪੋਰਟਸ ਦੇਸ਼ ਦੇ ਕੁੱਲ ਯਾਤਰੀ ਆਵਾਜਾਈ ਦਾ ਕਰੀਬ 23 ਫੀਸਦੀ ਸੰਭਾਲਦਾ ਹੈ। ਆਉਣ ਵਾਲੇ ਸਮੇਂ ਵਿੱਚ ਨਵੀਂ ਮੁੰਬਈ ਹਵਾਈ ਅੱਡਾ ਵੀ ਗਰੁੱਪ ਦੇ ਲੰਬੇ ਸਮੇਂ ਦੇ ਕਾਰੋਬਾਰੀ ਵਿਸਥਾਰ ਵਿੱਚ ਅਹਿਮ ਯੋਗਦਾਨ ਪਾ ਸਕਦਾ ਹੈ।

ਹਾਲਾਂਕਿ, ਜੇਫਰੀਜ਼ ਦੇ ਵਿਸ਼ਲੇਸ਼ਕਾਂ ਨੇ ਅਡਾਣੀ ਗਰੁੱਪ ਨਾਲ ਜੁੜੇ ਕੁਝ ਸੰਭਾਵਿਤ ਖ਼ਤਰਿਆਂ ਬਾਰੇ ਵੀ ਚੌਕਸ ਕੀਤਾ ਹੈ। ਇਨ੍ਹਾਂ ਵਿੱਚ ਕੁਝ ਕੰਪਨੀਆਂ ‘ਤੇ ਕਰਜ਼ੇ ਦਾ ਵਧੇਰੇ ਬੋਝ, ਵੱਡੀਆਂ ਨਿਵੇਸ਼ ਯੋਜਨਾਵਾਂ ਨੂੰ ਸਮੇਂ ਸਿਰ ਪੂਰਾ ਕਰਨ ਦੀਆਂ ਚੁਣੌਤੀਆਂ ਅਤੇ ਗਰੁੱਪ ਦੀਆਂ ਵੱਖ-ਵੱਖ ਕੰਪਨੀਆਂ ਵਿਚਕਾਰ ਆਪਸੀ ਵਿੱਤੀ ਨਿਰਭਰਤਾ ਸ਼ਾਮਲ ਹੈ। ਵਿਸ਼ਲੇਸ਼ਕਾਂ ਅਨੁਸਾਰ, ਜੇ ਬਾਜ਼ਾਰ ਵਿੱਚ ਹਾਲਾਤ ਅਨੁਕੂਲ ਨਾ ਰਹੇ ਤਾਂ ਇਹ ਜੋਖਮ ਕੰਪਨੀਆਂ ‘ਤੇ ਵਾਧੂ ਦਬਾਅ ਪਾ ਸਕਦੇ ਹਨ। ਇਸ ਲਈ ਸਕਾਰਾਤਮਕ ਵਿਕਾਸ ਸੰਭਾਵਨਾਵਾਂ ਦੇ ਨਾਲ ਇਨ੍ਹਾਂ ਵਿੱਤੀ ਚੁਣੌਤੀਆਂ ‘ਤੇ ਵੀ ਨਜ਼ਰ ਰੱਖਣੀ ਜ਼ਰੂਰੀ ਹੋਵੇਗੀ।

ਹੋਰ ਖ਼ਬਰਾਂ ਹਨ।...

Copyright © 2026 Dainik Savera Times. All rights reserved.