America Flight Resume : USA ‘ਚ ਸਾਰੀਆਂ ਉਡਾਣਾਂ ਮੁੜ ਚਾਲੂ ; ATC ਕੇਂਦਰਾਂ ‘ਚ ਤਕਨੀਕੀ ਖ਼ਰਾਬੀ ਕਾਰਨ ਮਚਿਆ ਸੀ ਹੜਕੰਪ

14 November 2026 ਅੱਪਡੇਟ ਕੀਤਾ ਗਿਆ

America Flight Updates : ਸ਼ੁੱਕਰਵਾਰ ਦੁਪਹਿਰ ਨੂੰ ਪੂਰੇ ਅਮਰੀਕਾ ਵਿੱਚ ਹਵਾਈ ਆਵਾਜਾਈ ਅਚਾਨਕ ਠੱਪ ਹੋ ਗਈ, ਜਿਸ ਕਾਰਨ ਦੇਸ਼ ਭਰ ਦੇ ਹਵਾਈ ਅੱਡਿਆਂ ਤੋਂ ਉਡਾਣ ਭਰਨ ਵਾਲੇ ਸਾਰੇ ਜਹਾਜ਼ਾਂ ਨੂੰ ਤੁਰੰਤ ਪ੍ਰਭਾਵ ਨਾਲ ਰੋਕ ਦਿੱਤਾ ਗਿਆ। ਕੁਝ ਘੰਟਿਆਂ ਬਾਅਦ ਇਹ ਪਾਬੰਦੀ ਹਟਾ ਦਿੱਤੀ ਗਈ ਅਤੇ ਹਵਾਈ ਸੇਵਾਵਾਂ ਮੁੜ ਆਮ ਵਾਂਗ ਬਹਾਲ ਹੋ ਗਈਆਂ ਹਨ। ਫੈਡਰਲ ਏਵੀਏਸ਼ਨ ਐਡਮਿਨਿਸਟ੍ਰੇਸ਼ਨ (FAA) ਨੇ ਇਹ ਫੈਸਲਾ ‘ਏਅਰ ਟ੍ਰੈਫਿਕ ਕੰਟਰੋਲ’ (ATC) ਕੇਂਦਰਾਂ ਵਿੱਚ ਆਈ ਇੱਕ ਗੰਭੀਰ ਤਕਨੀਕੀ ਖਰਾਬੀ ਤੋਂ ਬਾਅਦ ਲਿਆ ਸੀ। ਰਿਪੋਰਟਾਂ ਅਨੁਸਾਰ, ਦੇਸ਼ ਭਰ ਦੇ 22 ਏ.ਟੀ.ਸੀ. ਕੇਂਦਰਾਂ ਵਿੱਚ ਸੰਚਾਰ ਪ੍ਰਣਾਲੀ (communication system) ਫੇਲ੍ਹ ਹੋ ਗਈ ਸੀ, ਜਿਸ ਕਾਰਨ ਜਹਾਜ਼ਾਂ ਦੀ ਆਵਾਜਾਈ ਨੂੰ ਰੋਕਣਾ ਪਿਆ। ਇਸ ਅਚਾਨਕ ਲਏ ਗਏ ਫੈਸਲੇ ਕਾਰਨ ਹਜ਼ਾਰਾਂ ਯਾਤਰੀ ਅਮਰੀਕਾ ਦੇ ਵੱਖ-ਵੱਖ ਹਵਾਈ ਅੱਡਿਆਂ ‘ਤੇ ਫਸ ਗਏ।

The FAA has officially lifted the nationwide ground stop, allowing flights across the US to resume.

Travelers can expect airlines to work through the delays as airport operations get back on track.

[via/ GettyImages] https://t.co/7BtF9IQa9b— Complex (@Complex) November 14, 2026

22 ਏ.ਟੀ.ਸੀ. (ATC) ਕੇਂਦਰਾਂ ਵਿੱਚ ਸੰਚਾਰ ਸਬੰਧੀ ਖਰਾਬੀ
ਅਮਰੀਕਾ ਦੇ ਟਰਾਂਸਪੋਰਟ ਸਕੱਤਰ ਸੀਨ ਡਫੀ ਨੇ ਦੱਸਿਆ ਕਿ ਸੰਚਾਰ ਪ੍ਰਣਾਲੀਆਂ ਨਾਲ ਜੁੜੀ ਇਸ ਤਕਨੀਕੀ ਸਮੱਸਿਆ ਨੇ ਦੇਸ਼ ਭਰ ਦੇ 22 ‘ਏਅਰ ਟ੍ਰੈਫਿਕ ਕੰਟਰੋਲ’ ਕੇਂਦਰਾਂ ਨੂੰ ਪ੍ਰਭਾਵਿਤ ਕੀਤਾ। ਇਹ ਕੇਂਦਰ ਜਹਾਜ਼ਾਂ ਨੂੰ ਦਿਸ਼ਾ-ਨਿਰਦੇਸ਼ ਦੇਣ ਅਤੇ ਵੱਖ-ਵੱਖ ਹਵਾਈ ਅੱਡਿਆਂ ਵਿਚਕਾਰ ਹਵਾਈ ਆਵਾਜਾਈ ਦਾ ਪ੍ਰਬੰਧਨ ਕਰਨ ਲਈ ਜ਼ਿੰਮੇਵਾਰ ਹੁੰਦੇ ਹਨ। ਡਫੀ ਦੇ ਅਨੁਸਾਰ, ਇਨ੍ਹਾਂ ਕੇਂਦਰਾਂ ਵਿੱਚ ਆਈ ਖਰਾਬੀ ਕਾਰਨ ਹਵਾਈ ਆਵਾਜਾਈ ਵਿੱਚ ਵਿਘਨ ਪਿਆ। FAA ਦੀਆਂ ਟੀਮਾਂ ਨੇ ਇਸ ਤਕਨੀਕੀ ਸਮੱਸਿਆ ਦੇ ਅਸਲ ਕਾਰਨ ਦਾ ਪਤਾ ਲਗਾਉਣ ਲਈ ਕੰਮ ਕੀਤਾ ਅਤੇ ਜਿਵੇਂ ਹੀ ਇਸਨੂੰ ਹੱਲ ਕੀਤਾ ਗਿਆ, ਸੇਵਾਵਾਂ ਮੁੜ ਆਮ ਵਾਂਗ ਹੋ ਗਈਆਂ।

ਅਮਰੀਕੀ ਹੋਮਲੈਂਡ ਸਕਿਓਰਿਟੀ ਸਕੱਤਰ ਦਾ ਬਿਆਨ
ਅਮਰੀਕਾ ਦੇ ਹੋਮਲੈਂਡ ਸਕਿਓਰਿਟੀ ਸਕੱਤਰ ਨੇ ਵੀ ਇਸ ਮਾਮਲੇ ‘ਤੇ ਇੱਕ ਬਿਆਨ ਜਾਰੀ ਕੀਤਾ। ਉਨ੍ਹਾਂ ਦੱਸਿਆ ਕਿ ਦੇਸ਼ ਭਰ ਦੇ ‘ਏਅਰ ਟ੍ਰੈਫਿਕ ਕੰਟਰੋਲ’ ਕੇਂਦਰਾਂ ਵਿੱਚ ਸੰਚਾਰ ਪ੍ਰਣਾਲੀਆਂ (communication systems) ਵਿੱਚ ਖਰਾਬੀ ਆਉਣ ਕਾਰਨ FAA ਨੇ ਸਾਰੀਆਂ ਉਡਾਣਾਂ ਨੂੰ ਰੋਕਣ ਦਾ ਫੈਸਲਾ ਕੀਤਾ। ਉਨ੍ਹਾਂ ਨੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਇਸ ਸਥਿਤੀ ਨੂੰ ਲੈ ਕੇ ਘਬਰਾਉਣ ਨਾ।