ਹਰ ਔਰਤ ਚਾਹੁੰਦੀ ਹੈ ਕਿ ਉਸਦੀ ਚਮੜੀ ਲੰਬੇ ਸਮੇਂ ਤੱਕ ਜਵਾਨ, ਨਰਮ ਅਤੇ ਸਿਹਤਮੰਦ ਰਹੇ। ਪਰ ਰੁਝੇਵਿਆਂ ਭਰੇ ਜੀਵਨ, ਵਧਦੀਆਂ ਜ਼ਿੰਮੇਵਾਰੀਆਂ ਅਤੇ ਸਵੈ-ਦੇਖਭਾਲ ਦੀ ਘਾਟ ਕਾਰਨ, ਔਰਤਾਂ ਅਕਸਰ ਅਣਜਾਣੇ ਵਿੱਚ ਕੁਝ ਸਕਿਨਕੇਅਰ ਗਲਤੀਆਂ ਕਰ ਬੈਠਦੀਆਂ ਹਨ। ਇਹ ਗਲਤੀਆਂ ਝੁਰੜੀਆਂ, ਬਰੀਕ ਲਾਈਨਾਂ ਅਤੇ ਚਮੜੀ ਦੇ ਢਿੱਲੇ ਹੋਣ ਦਾ ਕਾਰਨ ਬਣਦੀਆਂ ਹਨ। ਆਓ ਜਾਣਦੇ ਹਾਂ ਕੁਝ ਆਮ ਗਲਤੀਆਂ ਅਤੇ ਉਨ੍ਹਾਂ ਤੋਂ ਬਚਾਅ ਦੇ ਤਰੀਕੇ:
ਸਨਸਕ੍ਰੀਨ ਨੂੰ ਨਜ਼ਰਅੰਦਾਜ਼ ਕਰਨਾ
ਜ਼ਿਆਦਾਤਰ ਔਰਤਾਂ ਸੋਚਦੀਆਂ ਹਨ ਕਿ ਸਨਸਕ੍ਰੀਨ ਸਿਰਫ਼ ਧੁੱਪ ਵਿੱਚ ਹੀ ਲਗਾਉਣਾ ਚਾਹੀਦਾ ਹੈ। ਪਰ ਘਰ ਦੇ ਅੰਦਰ ਵੀ UV ਕਿਰਨਾਂ ਸਕਿਨ ਨੂੰ ਨੁਕਸਾਨ ਪਹੁੰਚਾ ਸਕਦੀਆਂ ਹਨ। ਇਸ ਲਈ ਹਮੇਸ਼ਾ ਮੌਸਮ ਦੇ ਹਿਸਾਬ ਨਾਲ ਸਨਸਕ੍ਰੀਨ ਲਗਾਉਣਾ ਜਰੂਰੀ ਹੈ।
ਗਲਤ ਪ੍ਰੋਡਕਟ ਦੀ ਚੋਣ
ਚਮੜੀ ਦੀ ਕਿਸਮ ਨੂੰ ਸਮਝੇ ਬਿਨਾਂ ਕਿਸੇ ਕ੍ਰੀਮ ਜਾਂ ਸੀਰਮ ਦੀ ਵਰਤੋਂ ਕਰਨਾ ਨੁਕਸਾਨਦਾਇਕ ਹੈ। ਇਹ ਚਮੜੀ ਦੇ ਕੁਦਰਤੀ ਬੈਰੀਅਰ ਨੂੰ ਕਮਜ਼ੋਰ ਕਰ ਦਿੰਦਾ ਹੈ।
READ ALSO : ਮਿਸਟਰ ਪੀ.ਕੇ ਸਿੰਘ ਦਾ ਗੀਤ “Patkarari” ਬਣਿਆ ਪੱਤਰਕਾਰਾਂ ਦੀ ਪਹਿਲੀ ਪਸੰਦ
ਚਿਹਰੇ ਨੂੰ ਜ਼ਿਆਦਾ ਰਗੜਨਾ ਜਾਂ ਹਾਰਸ਼ ਕਲੀਂਜ਼ਰ ਦੀ ਵਰਤੋਂ
ਚਿਹਰੇ ਨੂੰ ਜ਼ੋਰ ਨਾਲ ਰਗੜ ਕੇ ਸਾਫ਼ ਕਰਨ ਨਾਲ ਨਮੀ ਖਤਮ ਹੋ ਜਾਂਦੀ ਹੈ, ਚਮੜੀ ਖੁਸ਼ਕ ਹੁੰਦੀ ਹੈ ਅਤੇ ਫਾਈਨ ਲਾਈਨਾਂ ਜਲਦੀ ਦਿਖਣ ਲੱਗਦੀਆਂ ਹਨ।
ਹਾਈਡ੍ਰੇਸ਼ਨ ਦੀ ਕਮੀ
ਸਿਰਫ਼ ਬਾਹਰੀ ਮਾਇਸਚਰਾਈਜ਼ਰ ਲਗਾਉਣਾ ਕਾਫ਼ੀ ਨਹੀਂ। ਦਿਨ ਵਿੱਚ ਲੋੜੀਂਦਾ ਪਾਣੀ ਨਾ ਪੀਣ ਨਾਲ ਸਕਿਨ ਬੇਜਾਨ ਅਤੇ ਡਲ (dull) ਦਿਖਾਈ ਦੇਵੇਗੀ।
ਨੀਂਦ ਦੀ ਘਾਟ
ਚਮੜੀ ਰਾਤ ਨੂੰ ਸੌਣ ਵੇਲੇ ਆਪਣੇ ਆਪ ਨੂੰ ਰਿਪੇਅਰ ਕਰਦੀ ਹੈ। ਪੂਰੀ ਨੀਂਦ ਨਾ ਹੋਣ ਕਾਰਨ ਅੱਖਾਂ ਹੇਠਾਂ ਕਾਲੇ ਘੇਰੇ ਅਤੇ ਸੋਜ ਹੋ ਜਾਂਦੀ ਹੈ।
ਤਣਾਅ ਅਤੇ ਗਲਤ ਖੁਰਾਕ
ਬਹੁਤ ਜ਼ਿਆਦਾ ਸਟ੍ਰੈੱਸ, ਜੰਕ ਫੂਡ ਅਤੇ ਚੀਨੀ ਚਮੜੀ ਦੇ ਕੋਲੇਜਨ ਨੂੰ ਘਟਾ ਦਿੰਦੇ ਹਨ। ਇਸ ਨਾਲ ਚਮੜੀ ਆਪਣੀ ਲਚਕ ਖੋ ਬੈਠਦੀ ਹੈ ਅਤੇ ਉਮਰ ਤੋਂ ਪਹਿਲਾਂ ਬੁੱਢੇ ਦਿਖਾਈ ਦੇਣ ਲੱਗਦੇ ਹਨ।
ਰਾਤ ਦੀ ਸਕਿਨਕੇਅਰ ਰੁਟੀਨ ਨੂੰ ਸਕਿਪ ਕਰਨਾ
ਦਿਨ ਭਰ ਦੀ ਧੂੜ-ਮਿੱਟੀ ਅਤੇ ਮੇਕਅੱਪ ਨੂੰ ਹਟਾਏ ਬਿਨਾਂ ਸੌਣਾ ਚਮੜੀ ਲਈ ਖਤਰਨਾਕ ਹੈ। ਰਾਤ ਨੂੰ ਚਿਹਰੇ ਨੂੰ ਸਾਫ਼ ਕਰਕੇ ਨਾਈਟ ਸੀਰਮ ਜਾਂ ਮਾਇਸਚਰਾਈਜ਼ਰ ਲਗਾਉਣਾ ਜਰੂਰੀ ਹੈ।
ਸਿਹਤਮੰਦ ਅਤੇ ਜਵਾਨ ਚਮੜੀ ਲਈ ਸਨਸਕ੍ਰੀਨ, ਸਹੀ ਪ੍ਰੋਡਕਟ, ਹਾਈਡ੍ਰੇਸ਼ਨ, ਨੀਂਦ ਅਤੇ ਰਾਤ ਦੀ ਰੁਟੀਨ ਜ਼ਰੂਰੀ ਹਨ। ਇਹਨਾਂ ਆਮ ਗਲਤੀਆਂ ਤੋਂ ਬਚ ਕੇ ਔਰਤਾਂ ਆਪਣੀ ਚਮੜੀ ਦੀ ਖ਼ੂਬਸੂਰਤੀ ਲੰਬੇ ਸਮੇਂ ਤੱਕ ਬਣਾਈ ਰੱਖ ਸਕਦੀਆਂ ਹਨ।
ਭਗਵੰਤ ਮਾਨ ਅਕਾਲ ਤਖ਼ਤ ਸਾਹਿਬ ਅੱਗੇ ਪੇਸ਼ ਹੋਣ ਵਾਲੇ ਤੀਜੇ ਮੁੱਖ ਮੰਤਰੀ,ਜਾਣੋ ਅਕਾਲ ਤਖ਼ਤ ਦੀ ਸਰਵਉੱਚਤਾ
